2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ITURMENDI
Bake epaile ordezkoaren kargua hutsik
Udalak deialdia iragarri du udalerri honetako bake epaile ordezkoaren kargua betetzeko, bat etorriz xedatuta dagoenarekin Botere Judizialari buruzko Lege Organikoko 160,7. artikuluan eta Bake Epaileei buruzko ekainaren 7ko 3/1995 Erregelamenduko 5., 6. eta 7. artikuluetan.
Horrenbestez, hamabost egun balioduneko epea ireki da, iragarki hau Nafarroako Aldizkari Ofizialean argitaratzen denetik hasita, interesdunek beren eskabideak aurkez ditzaten Udal Idazkaritzan. Eskabide horietan adierazi beharko dute betetzen dituztela gaitasun eta bateragarritasun baldintzak, delako 3/1995 Erregelamenduak eta aplikatzekoak diren gainerako arauek xedatu bezala.
Ezin izanen dira izendatu desgaitasunerako edo bateraezintasunerako aurreikusitako arrazoietan daudenak, jarraikiz Botere Judizialari buruzko Lege Organikoaren 389. artikuluari eta hurrengoei, salbuespena izanik jarduera profesionaletan aritzea, edo merkataritzakoetan edo irakaskuntzan.
Aditzera ematen da, denek jakin dezaten.
Iturmendin, 2024ko urriaren 16an.–Alkatea, Kai Galartza Cervera.
Iragarkiaren kodea: L2415151
