1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
310/2024 EBAZPENA, irailaren 19koa, Nafarroako Osasun Publikoaren eta Lan Osasunaren Institutuko zuzendari kudeatzaileak emana, kargutik kentzen duena Jesús Gregorio Fernández Baraibar jauna, Nafarroako Osasun Publikoaren eta Lan Osasunaren Institutuko Irakaskuntzaren, Ikerketaren eta Berrikuntzaren Ataleko burua.
Azaroaren 15eko 248/2023 Foru Dekretuaren bidez, Nafarroako Osasun Publikoaren eta Lan Osasunaren Institutua erakunde autonomoaren estatutuak onetsi ziren. Foru dekretu horren bidez, Nafarroako Osasun Publikoaren eta Lan Osasunaren Institutuko Irakaskuntzaren, Ikerketaren eta Berrikuntzaren Atala sortzen da.
Foru dekretuaren 54. artikuluak ezartzen du zerbitzuetako, ataletako eta unitateetako buruak azaroaren 22ko 347/1993 Foru Dekretuan ezarritakoari jarraikiz izendatuko eta kargutik kenduko direla, horren bidez arautu baitzen Osasunbidea-Nafarroako Osasun Zerbitzuan sartu eta bertako lanpostuak betetzeko modua.
Nafarroako Osasun Publikoaren eta Lan Osasunaren Institutuaren estatutuak onesten dituen azaroaren 15eko 248/2023 Foru Dekretuaren 11. artikuluan langileen arloan ezarritako eskudantziak erabiliz,
EBAZTEN DUT:
1. Kargutik kentzea Jesús Gregorio Fernández Baraibar jauna, Nafarroako Osasun Publikoaren eta Lan Osasunaren Institutuko Irakaskuntzaren, Ikerketaren eta Berrikuntzaren Ataleko burua, 2024ko irailaren 22tik aurrerako ondorioekin.
2. Ebazpen hau jakinaraztea Jesús Gregorio Fernández Baraibar jaunari eta igortzea Osasun Departamentuko zuzendari nagusiari, Funtzio Publikoko zuzendari nagusiari, Nafarroako Osasun Publikoaren eta Lan Osasunaren Institutuko zuzendari kudeatzaileari, Laneko Osasunaren zuzendariordeari eta Profesionalen Ataleko buruari, behar diren ondorioak izan ditzan.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2024ko irailaren 19an.–Nafarroako Osasun Publikoaren eta Lan Osasunaren Institutuko zuzendari kudeatzailea, M.ª Ángeles Nuin Villanueva.
Iragarkiaren kodea: F2414157
