1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
225/2024 EBAZPENA, irailaren 30ekoa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez zuzentzen baitira Irakasleak Hautatzeko eta Lanpostuak Betetzeko Zerbitzuko zuzendariaren martxoaren 1eko 70/2024 Ebazpenean eta maiatzaren 31ko 145/2024 Ebazpenean atzemandako akatsak.
Maisu-maistren kidegoko karrerako funtzionarioek espezialitate berriak eskuratzeko prozedura ezarri zen Giza Baliabideen Zerbitzuko zuzendariaren abenduaren 16ko 2551/2011 Ebazpenaren bidez, zeina aldatu baitzuten Giza Baliabideen Zerbitzuko zuzendariaren apirilaren 3ko 801/2012 Ebazpenak eta Irakasleak Hautatzeko eta Lanpostuak Betetzeko Zerbitzuko zuzendariaren urriaren 13ko 264/2021 Ebazpenak. Abenduaren 16ko 2551/2011 Ebazpenaren lehenengo oinarriari jarraikiz, espezialitate berriak eskuratzeko baldintza izanen da maisu-maistren kidegoko karrerako funtzionario izatea, Nafarroako Gobernuko Hezkuntza Departamentuaren mende, egitura organikoan eta eginkizunen ondorioetarako.
Irakasleak Hautatzeko eta Lanpostuak Betetzeko Zerbitzuko zuzendariaren martxoaren 1eko 70/2024 Ebazpenaren eta maiatzaren 31ko 145/2024 Ebazpenaren bidez onetsi zen espezialitate berria eskuratu duten maisu-maistren kidegoko karrerako funtzionarioen behin betiko zerrenda, bai eta eskuratu ez dutenena ere, 2023ko irailaren 1etik abenduaren 31ra bitarte eta 2024ko urtarrilaren 1etik apirilaren 30era bitarte aurkeztutako eskaerei dagokienez hurrenez hurren.
Ebazpen horietan aintzat hartzen dira maisu-maistren kidegoan ez dauden irakasle batzuk, funtzionario izaera lortu dutenak maiatzaren 4ko 11/2022 Foru Legearen bidez, zeinak neurriak ezartzen baititu Nafarroako Foru Komunitateko Administrazioko unibertsitateaz kanpoko irakasle funtzionarioen hautapenari eta lanpostuen betetzeari begira. Irakasle horiek ez dira sartu estatuko irakasleen kidegoan, hots, kasu honetan, maisu-maistren kidegoan. Hori dela eta, abenduaren 16ko 2551/2011 Ebazpenean araututako prozedurarekin bat, ezin izanen dituzte eskuratu kidego horretako espezialitateak.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluaren arabera, administrazio publikoek edozein unetan zuzendu ditzakete, ofizioz edo interesdunek eskaturik, beren egintzetako oker materialak, egitezkoak edo aritmetikoak.
Horiek horrela, Hezkuntza Departamentuko Langileriaren eta Azpiegituren zuzendari nagusiaren abuztuaren 31ko 1/2023 Ebazpenaren bidez eskuordetutako eskudantziak erabiliz,
EBAZTEN DUT:
1. Zuzentzea Irakasleak Hautatzeko eta Lanpostuak Betetzeko Zerbitzuko zuzendariaren martxoaren 1eko 70/2024 Ebazpenean eta maiatzaren 31ko 145/2024 Ebazpenean atzemandako akatsak, ondoren adierazitakoari jarraikiz:
A) Aldatzea Irakasleak Hautatzeko eta Lanpostuak Betetzeko Zerbitzuko zuzendariaren martxoaren 1eko 70/2024 Ebazpenaren eranskinak. Ebazpen horren bidez onetsi zen espezialitate berria eskuratu duten maisu-maistren kidegoko karrerako funtzionarioen behin betiko zerrenda, bai eta eskuratu ez dutenena ere, horren arrazoia adierazita. Hau da zuzenketa:
I. eranskinetik (Espezialitate berria eskuratu duten maisu-maistren kidegoko karrerako funtzionarioak) ezabatzea funtzionario izendatutako unibertsitateaz kanpoko irakasleak hauek, atzerriko hizkuntzako eskakizuna dutenak, ez baitituzte adierazitako espezialitateak eskuratuko:
1. DEITURA | 2. DEITURA | IZENA | ESKATUTAKO ESPEZIALITATEAK |
CONDON | IBAÑEZ | UXUE | ATZERRIKO HIZKUNTZA: INGELESA | HAUR HEZKUNTZA | |
FERNÁNDEZ | PRECIADO | MARIA PILAR | LEHEN HEZKUNTZA | | |
GONZÁLEZ DE LINARES | BALLEGGI | MARIA DEL MAR | LEHEN HEZKUNTZA | ATZERRIKO HIZKUNTZA: INGELESA | |
MARTÍNEZ | ALDAY | JESÚS | LEHEN HEZKUNTZA | | |
MATEOS | RUIZ | ALBERTO | LEHEN HEZKUNTZA | GORPUTZ HEZKUNTZA | ATZERRIKO HIZKUNTZA: INGELESA |
MONREAL | ARMENDARIZ | ANDREA | LEHEN HEZKUNTZA | | |
OROZ | MOLER | IVÁN | MUSIKA | | |
II. eranskinean (Espezialitaterik eskuratu ez duten irakasleak) sartzea irakasle hauek, honako arrazoi honengatik: ez dute maisu-maistren kidegoko funtzionario izatearen baldintza betetzen.
CONDON IBAÑEZ, UXUE
FERNANDEZ PRECIADO, MARIA
GONZALEZ DE LINARES BALLEGGI, MARIA DEL MAR
MARTINEZ ALDAY, JESUS
MATEOS RUIZ, ALBERTO
MONREAL ARMENDARIZ, ANDREA
OROZ MOLOR, IVAN
B) Aldatzea Irakasleak Hautatzeko eta Lanpostuak Betetzeko Zerbitzuko zuzendariaren maiatzaren 31ko 145/2024 Ebazpenaren eranskinak. Ebazpen horren bidez onetsi zen espezialitate berria eskuratu duten maisu-maistren kidegoko karrerako funtzionarioen behin betiko zerrenda, bai eta eskuratu ez dutenena ere, horren arrazoia adierazita. Hau da zuzenketa:
I. eranskinetik (Espezialitate berria eskuratu duten maisu-maistren kidegoko karrerako funtzionarioak) ezabatzea funtzionario izendatutako unibertsitateaz kanpoko irakasleak hauek, atzerriko hizkuntzako eskakizuna dutenak, ez baitituzte adierazitako espezialitateak eskuratuko:
1. DEITURA | 2. DEITURA | IZENA | ESKATUTAKO ESPEZIALITATEAK |
AYECHU | SOLA | IÑIGO | PEDAGOGIA TERAPEUTIKOA | |
MUÑOZ | GONZÁLEZ | ANA ISABEL | ATZERRIKO HIZKUNTZA: INGELESA | |
SANTOS | ROYO | MARTA | LEHEN HEZKUNTZA | ATZERRIKO HIZKUNTZA: INGELESA |
TURRILLAS | LACUEY | MARIA TERESA | LEHEN HEZKUNTZA | PEDAGOGIA TERAPEUTIKOA |
URIZ | ETXEBERRIA | AMAIA | LEHEN HEZKUNTZA | |
II. eranskinean (Espezialitaterik eskuratu ez duten irakasleak) sartzea irakasle hauek, honako arrazoi honengatik: ez dute maisu-maistren kidegoko funtzionario izatearen baldintza betetzen.
AYECHU SOLA, IÑIGO
MUÑOZ GONZALEZ, ANA ISABEL
SANTOS ROYO, MARTA
TURRILLAS LACUEY, MARIA TERESA
URIZ ETXEBERRIA, AMAIA
2. Ebazpen hau igortzea, behar diren ondorioak izan ditzan, Hezkuntza Departamentuko Idazkaritza Tekniko Nagusira, Irakasleak Hautatzeko eta Lanpostuak Betetzeko Zerbitzuko Lanpostuak Betetzeko Atalera eta Titulazioak Aztertzeko Batzordera.
3. Ebazpen hau Nafarroako Aldizkari Ofizialean eta Nafarroako Gobernuaren web-orrian argitaratzea, orok jakin dezan.
4. Ebazpen hau interesdunei jakinaraztea.
5. Ebazpen honen aurka gora jotzeko errekurtsoa aurkezten ahal da, Barneko, Funtzio Publikoko eta Justiziako Departamentuko kontseilariari zuzendua, hilabeteko epean, argitaratu eta biharamunetik hasita, honako hauekin bat: Nafarroako Foru Komunitateko Administrazioari eta Nafarroako foru-sektore publiko instituzionalari buruzko martxoaren 11ko 11/2019 Foru Legearen 126. artikulua eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluak.
Iruñean, 2024ko irailaren 30ean.–Irakasleak Hautatzeko eta Lanpostuak Betetzeko Zerbitzuko zuzendaria, Ricardo Iribas Latour.
Iragarkiaren kodea: F2414179