2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ORKOIEN
Deialdia, 2023ko kirol-jarduerak sustatzeko dirulaguntzena. Laburpena
Dirulaguntzen Datu Base Nazionala (identifikazioa): 789683.
Argitara ematen da deialdiaren laburpena, bat etorriz Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluekin; haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatorias/789683).
a) Onuradunak: herriko kirol-elkarteak, honako baldintzak hauek betetzen badituzte:
Legez eraturik egotea eskabidea aurkezten den egunean.
Egoitza soziala Orkoienen izatea.
Inskribaturik egotea Nafarroako Gobernuaren Elkarteen Erregistroan eta Entitateen Udal Erregistroan.
Irabazi-asmorik ez izatea.
Orkoienen egitea bai beren jarduera, bai dirulaguntzaren xedeko proiektuak.
Egunean izatea Gizarte Segurantzarekiko zerga-betebeharrak eta Udalarekiko tributu-betebeharrak.
b) Xedea: laguntzak emateko deialdi honen xedea da elkarteen parte hartzea sustatzea, Orkoiengo Udalak gizarte-interesekotzat jotzen dituen kirol-jarduera eta -programak bultza ditzaten.
c) Oinarri arautzaileak: Dirulaguntzen Datu Base Nazionalean eta Udalaren webgunean.
d) Eskabideak aurkezteko epea hogei egun naturalekoa izanen da, Udalaren ediktu-taulan argitaratzen denetik hasita.
Orkoienen, 2024ko urriaren 8an.–Alkatea, Alejandro López Orejuela.
Iragarkiaren kodea: L2414628
