1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
213E/2024 FORU AGINDUA, urriaren 1ekoa, Etxebizitzako, Gazteriako eta Migrazio Politiketako kontseilariak emana, esku-hartze orokorreko proiektu bat onesten duena Tuterako "Lourdes auzoa 50" esparruko hogeita hamabi jabe-erkidegotarako (PIG 89).
Irailaren 18ko 61/2013 Foru Dekretuak, Nafarroan etxebizitzaren arloko jarduketa babesgarriak arautzen dituenak, VI. kapituluko 4. atalean, esku-hartze orokorreko proiektuak arautzen ditu, bizitegi multzoak berroneratzeko xedea dutenak.
Proiektu horien helburua da hiri finkatuko atari, etxe-sail edo eremu batzuk birgaitzea, modu koordinatuan eta aurretik programatuta, eta horrela atari bakar baten esparrua gainditzea. Horrekin bilatzen da eskalako ekonomiak lortzea, bai ikuspuntu ekonomikotik (lizitazio bateratuak egiteko aukera, kudeaketa gastu txikiagoak), bai administratibotik (espediente bateratuak aurkezteko aukera, tramitazio azkarragoa), eta, aldi berean, eraikuntzako eta arkitekturako konponbide homogeneoagoak eskaini ahal izatea (tratamenduari, kalitateari eta akaberei dagokienez) hiri-bilbean harreman estua duten etxe-sail edo eremuetan.
Aurrekoarekin bat etorriz, esku-hartze orokorreko proiektu bat onestea eskatu da, Tuterako atari hauek hartzen dituena:
–Moncayo kaleko 1, 3, 5, 7, 9, 11 eta 13 zenbakiak.
–Noria kaleko 1, 2, 3, 4, 5, 6, 7, 8, 9, 10, 11, 12, 13 eta 14 zenbakiak.
–Estanque kaleko 1, 2, 3, 4, 6, 8, 10, 12 eta 14 zenbakiak.
–Frontón kaleko 2 eta 4 zenbakiak.
Guztira 176 etxebizitza dira, 32 ataritan banatuta, Tuterako 3. poligonoko 346., 347., 348., 349., 350., 351., 352., 354., 355., 356., 357., 358., 359., 360., 366., 367., 368., 369., 370., 371., 372., 373., 374., 375., 376., 377., 378., 379., 426., 461., 462. eta 875. lurzatietan.
1959ko eraikinak dira, bizitegi-multzoak izateko eginak, tipologia eta eraikuntza aldetik ezaugarri berberak dituzte eta itxura homogeneoa kanpoaldetik. Etxebizitza kolektiboko blokeen tipologia dute eta beheko solairua eta beste solairu 1 edo 2 dituzte, soilik bizitegitarako erabiltzen direnak. Solairu bakoitzean bi bizitza daude, eta, Barrio etorbide aldera dauden etxe-sailen muturretan, bloke bakoitzaren bukaeran, saltokiak dituzten eraikin txiki batzuk, beheko solairukoak.
Hiru ataritan egina dago inguratzaile termikoaren hobekuntza. Atarietako bakar batek ere ez du igogailurik.
Jarduketa honen bidez, inguratzaile termikoa hobetuko da, eta eraikinak irisgarritasun unibertsalari buruzko berariazko araudira egokituko dira. Espedientean Etxebizitza Zerbitzuaren eta Tuterako Udalaren txostenak jaso dira, non adierazten baita espedientea aztertu dela eta zuzen dagoela: betetzat jotzen dira herritarren parte-hartzearen betebeharra eta Tuterako Udalaren parte-hartzearen betebeharra, eta proposatutako konponbide teknikoa birgaitzearen arloko jarduketa babesgarri gisa kalifika daiteke behin-behinean.
Aipatutako irailaren 18ko 61/2013 Foru Dekretuaren 83.3 artikuluak ezartzen du proiektuak etxebizitza arloan eskumena duen kontseilariak onetsi behar dituela foru agindu baten bidez.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluak ematen dizkidan ahalmenak erabiliz,
AGINTZEN DUT:
1. Esku-hartze orokorreko proiektu bat onestea Tuterako "Lourdes auzoa 50" esparruko kale hauetako jabe-erkidegoetarako:
–Moncayo kaleko 1, 3, 5, 7, 9, 11 eta 13 zenbakiak.
–Noria kaleko 1, 2, 3, 4, 5, 6, 7, 8, 9, 10, 11, 12, 13 eta 14 zenbakiak.
–Estanque kaleko 1, 2, 3, 4, 6, 8, 10, 12 eta 14 zenbakiak.
–Frontón kaleko 2 eta 4 zenbakiak.
Erkidego hauek ez zaizkio atxiki proiektuari:
–Moncayo kaleko 5 eta 7 zenbakiak.
–Noria kaleko 1, 3, 4, 9 eta 13 zenbakiak.
–Estanque kaleko 2, 3, 6, 8, 10 eta 12 zenbakiak.
–Frontón kaleko 2 eta 4 zenbakiak.
Dena dela, esku-hartze orokorreko proiektuaren indarraldian zehar, noiznahi jakinarazten ahalko diote etxebizitzaren arloan eskumena duen departamentuari proiektura batu nahi dutela, eta hori nahikoa izanen da proiektua erkidego horietan ere aplikatzeko.
Ondorioak erabatekoak izan daitezen, beharrezkoa izanen da behar diren proiektuak aurkeztea dagokion birgaitze bulegoan eta jabe-erkidegoek eskatzea (eta lortzea) proiektu horiek behin-behinean kalifika daitezela birgaitze jarduketa babestu gisa. Behin-behineko kalifikazioaren eskaera foru agindu honen datatik hasi eta lau urteko epean egin beharko da. Hasierako lau urteko epea beste lau urtez luzatzen ahal da, jabe-erkidego onuradunek hala eskatuta.
2. Foru agindu honek ez du administrazio bidea amaitzen. Interesdunek gora jotzeko errekurtsoa jartzen ahalko dute, Nafarroako Gobernuari zuzendua, hilabeteko epean, foru agindu hau jakinarazi eta biharamunetik hasita.
3. Foru agindu hau igortzea ukitutako jabe-erkidegoei, esku-hartze orokorreko proiektua idatzi duen arkitektura estudioari, Tuterako Udalari, Etxebizitza Zuzendaritza Nagusiari, Etxebizitza Zerbitzuari eta Etxebizitzako, Gazteriako eta Migrazio Politiketako Departamentuko Idazkaritza Tekniko Nagusiari, behar diren ondorioak izan ditzan.
4. Foru agindu hau Nafarroako Aldizkari Ofizialean argitaratzea, baita etxebizitzaren arloko argibideak ematen dituen webgunean ere (www.etxebizitza.nafarroa.eus), behar diren ondorioak izan ditzan.
Iruñean, 2024ko urriaren 1ean.–Etxebizitzako, Gazteriako eta Migrazio Politiketako kontseilaria, Begoña Alfaro García.
Iragarkiaren kodea: F2414361
