1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA: "Viana Baikal", "Viana Baikal II" eta "Viana Carlson" eguzki-instalazio fotovoltaikoak, Vianako udal-mugartean. Espedientearen kodeak: 5583-CE, 5616-CE eta 5584-CE.
Energia elektrikoa garraiatu, banatu, merkaturatu eta haren horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125. artikuluan xedatutakoa betez, jendaurrean jartzen dira honako espediente hauek:
–Instalazioen deskribapena: "Viana Baikal" (5583-CE) "Viana Baikal II" (5616-CE) eta "Viana Carlson" (5584-CE) eguzki-instalazio fotovoltaikoak, bakoitza 1 MW-ekoa, lurrean instalatuak, eta haien transformazio eta ebakuazio azpiegiturak, Vianako udal-mugartean.
–Xedea: proiektuak jendaurrean jartzea, aurretiazko administrazio baimenak eta eraikitzeko administrazio baimenak lortzeko.
–Sustatzailea: Baikal Solar SLU ("Viana Baikal" eta "Viana Baikal II" eguzki-instalazio fotovoltaikoak) eta Carlson Solar SLU ("Viana Carlson" eguzki-instalazio fotovoltaikoa).
–Organo eskuduna: Energia, Enpresa I+G+b eta Ekintzailetza Zuzendaritza Nagusia.
Sustatzaileak proiektuetarako ingurumen ukipenen ebaluazioa eskatu du, bat etorriz Ingurumenean Eragina duten Jarduerak arautzen dituen abenduaren 16ko 17/2020 Foru Legearen 34. artikuluarekin.
Dokumentazioa jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko. Dokumentazioa esteka hauetan ere aztertzen ahalko da:
"Viana Baikal" (5583-CE) eguzki-instalazio fotovoltaikoa:
https://gobiernoabierto.navarra.es/eu/gardentasuna/jendaurreko-informazioaren-tramitea/espediente-5583-ce
"Viana Baikal II" (5616-CE) eguzki-instalazio fotovoltaikoa:
https://gobiernoabierto.navarra.es/eu/gardentasuna/jendaurreko-informazioaren-tramitea/espediente-5616-ce
"Viana Carlson" (5584-CE) eguzki-instalazio fotovoltaikoa:
https://gobiernoabierto.navarra.es/eu/gardentasuna/jendaurreko-informazioaren-tramitea/espediente-5584-ce
Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro-bulegotan, Nafarroako Gobernuaren Erregistro Orokor Elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industria Antolamenduaren, Azpiegitura Energetikoen eta Meatzeen Zerbitzua, Industriako eta Enpresen Trantsizio Ekologiko eta Digitalerako Departamentua), espediente kodea adierazita.
Iruñean, 2024ko abuztuaren 29an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2412765
