1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
273E/2024 FORU AGINDUA, irailaren 17koa, Landa Garapeneko eta Ingurumeneko kontseilariak emana, Klima Aldaketaren Nafarroako Herritar Batzarrari laguntzeko adituen taldeko kideak izendatzen dituena.
Klima-aldaketari eta Energia-trantsizioari buruzko martxoaren 22ko 4/2022 Foru Legeak (2022ko 66. Nafarroako Aldizkari Ofiziala, apirilaren 1ekoa) 15. artikuluan jasotzen du Klima Aldaketaren Nafarroako Herritar Batzarra ezartzea. Zehazki, 15.3 artikuluan adierazten du Klima Aldaketaren Nafarroako Herritar Batzarraren osaera, antolaketa eta funtzionamendua ingurumen arloan eskudun den departamentuko titularraren foru agindu bidez onetsiko direla, eta foru agindu horretan ezarriko direla osaera, funtzionamendua, galdera baten inguruan eztabaidatzeko agintzen den agintaldi zehatza, Batzarraren gobernantza tresnak eta lan metodologia.
Landa Garapeneko eta Ingurumeneko kontseilariak maiatzaren 7an emaniko 142E/2024 Foru Aginduaren bidez arautu zen Nafarroako Herritar Batzarra (2024ko 112. Nafarroako Aldizkari Ofiziala, maiatzaren 31koa).
Foru agindu horren 4.1 artikuluan ezartzen da batzarraren gobernantza eskema, non agertzen baita "Kontsultarako aditu-talde bat [... ], besteak beste kliman, energian, biodibertsitatean, ingurumenean eta eraldaketa sozialean izen handia duten 12 pertsonak osatuko dutena, gehienez. [... ]". Kide horiek proposatzeko, "Nafarroako Ingurumen Kontseiluaren eta Nafarroako Parlamentuko Landa Garapeneko eta Ingurumeneko Batzordearen gomendioei jarraituko zaie".
Entitate horiek 33 pertsona proposatu dituzte guztira (23 gizon eta 10 emakume), jarduera arlo askotarikoak: erakunde ekologistak, erakunde sektorialak, unibertsitateak edo ikerketa zentroak, enpresa pribatuko profil teknikoak eta administrazioko profil teknikoak. Nafarroako Klima Aldaketaren Bulegoa harremanetan jarri da proposatutako pertsonekin, prest dauden jakiteko. Prest daudenak kontuan hartuta, 12 pertsona hautatu dira irizpide hauen arabera: parekotasuna, aniztasuna eta jarduera-arloaren ordezkagarritasuna, eta proposamenaren jatorria eta errepikapena.
142E/2024 Foru Aginduaren 4.4 artikuluan ezarritakoari jarraikiz, Nafarroako Ingurumen Kontseiluaren osoko bilkurari eta Parlamentuko Landa Garapeneko eta Ingurumeneko Batzordeari aurkeztu zaizkio bai Batzarraren antolaketa, funtzionamendu eta gobernantza, bai adituen taldea osatzeko pertsona fisikoen proposamena.
Izapide horiek eginda, bidezkoa da orain, foru agindu honen bidez, Klima Aldaketaren Nafarroako Herritar Batzarrari laguntzeko taldea osatuko duten adituak izendatzea.
AGINTZEN DUT:
1. Klima Aldaketaren Nafarroako Herritar Batzarrari laguntzeko adituen taldeko kide izendatzea honako hauek: Rafa Aldai Agirretxe, Lorea Flores Compains, Julen Rekondo Bravo, Clara Viejo Blanjard, M.ª José Sanz Sánchez, Uxua López Flamarique, Iñigo Abdon Virto, Abel del Rey Palacios, Peio Oria Iriarte, Teresa Ferrer Gimeno, Pablo Muñoz Trigo eta Carmen Puerta Extremera.
2. Foru agindu hau eta haren eranskina interesdunei, Nafarroako Ingurumen Kontseiluari eta Nafarroako Parlamentuko Landa Garapeneko eta Ingurumeneko Batzordeari jakinaraztea.
3. Foru agindu hau Nafarroako Aldizkari Ofizialean argitaratzea, eta ohartaraztea haren aurka gora jotzeko errekurtsoa jartzen ahal dela, Nafarroako Gobernuari zuzendua, hilabeteko epean, argitaratu eta biharamunetik hasita.
Iruñean, 2024ko irailaren 17an.–Landa Garapeneko eta Ingurumeneko kontseilaria, José María Aierdi Fernández de Barrena.
Iragarkiaren kodea: F2413581
