Iragarkia

207. ALDIZKARIA - 2024ko urriaren 11

1. NAFARROAKO FORU KOMUNITATEA

1.7. BESTELAKOAK

716/2024 EBAZPENA, irailaren 19koa, Nekazaritza eta Abeltzaintzako zuzendari nagusiak emana, zeinaren bidez aldatzen baitira Urbasa eta Andia jabari publikoko mendietan larreen NPErako onartutako azalerak, 2024. ekitaldirako, Nekazaritza eta Abeltzaintzako zuzendari nagusiaren martxoaren 14ko 153/2024 Ebazpenaren III. eranskinean adierazitako azalerei egindako alegazioak baloratu ondoren. Ebazpen horren bidez, prozedura bat onetsi zen Urbasa eta Andia jabari publikoko mendietan erabilera erkideko larre azalerak onartzeko, hain zuzen ere erabiltzaileek 2024ko eskaera bakarrean (NPE) aitor ditzaketenak.

Uztailaren 1eko 267/1996 Foru Dekretuaren bidez, Urbasa eta Andia mendietako Natura Baliabideak Antolatzeko Plana onetsi zen, eta otsailaren 27ko 3/1997 Foru Legearen bidez, Urbasa eta Andia mendietako Parke Naturalaren deklarazioa egin zen. Gero, Natura Baliabideak Antolatzeko Plana aldatu zen irailaren 7ko 198/2011 Foru Dekretuaren bidez.

Abenduaren 4ko 340/2001 Foru Dekretuaren bidez, Urbasako Parke Naturala Erabili eta Kudeatzeko Plan Zuzentzailea (EKPZ) onetsi zen. Plan horren 4.1 artikuluaren arabera, eskubide tradizionalen erabilera, besteak beste larratzekoa, Ingurumen Zuzendaritza Nagusiak ezarri prozedurari jarraikiz eginen da.

Plan hori betetze aldera, Urbasa eta Andia mendietako larre eta baso baliabideak antolatzeko proiektu bat onetsi zen Ingurumenaren eta Uraren zuzendari nagusiaren abuztuaren 12ko 1259/2011 Ebazpenaren bidez.

Nekazaritza eta Abeltzaintzako zuzendari nagusiaren martxoaren 14ko 153/2024 Ebazpenaren bidez, prozedura bat onetsi zen Urbasa eta Andia jabari publikoko mendietan erabilera erkideko larre azalerak onartzeko, hain zuzen ere, erabiltzaileek 2023ko eskaera bakarrean (NPE) aitor zitzaketenak. Ebazpen hori 2023ko 99. Nafarroako Aldizkari Ofizialean argitaratu zen, maiatzaren 11koan. III. eranskinean, Urbasa eta Andia jabari publikoetako mendietako erabilera erkideko larreen azalera 2024. ekitaldirako onartu zaien pertsonen behin-behineko zerrenda ageri zen.

Ebazpen horretan, orobat, hamar eguneko epea eman zen, argitaratzen zenetik zenbatzen hasita, larreak lehenbizikoz erabiltzen dituzten abeltzainek, azalerari uko egiten diotenek, ustiategiaren bat eskualdatu dutenek edo aitortutako azalera aldatzeko eskatu nahi dutenek kasuan kasuko inguruabarraren berri eman zezaten.

Ikusita Azaleraren araberako Zuzeneko Laguntzen Bulegoak bidalitako txostena.

Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluaren bidez eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuaren bidez eman dizkidaten eskudantziak,

EBAZTEN DUT:

1. Aldatzea Urbasa eta Andia jabari publikoko mendietan erabilera erkidea izateko onartutako larre azalerak, 2024ko eskaera bakarrean (NPE) egiten den aitorpenaren ondorioetarako, ebazpen honen I. eranskinean jasotakoaren arabera. Honen bidez aldatzen diren azalerak Nekazaritza eta Abeltzaintzako zuzendari nagusiaren martxoaren 14ko 153/2024 Ebazpenean jaso ziren, hots, Urbasa eta Andia jabari publikoko mendietan erabilera erkideko larre azalerak aitortzeko prozedura onetsi zuen hartan, zehazki, III. eranskinean.

2. Ebazpen hau jakinaraztea, behar diren ondorioak izan ditzan, Ingurumeneko Zuzendaritza Nagusiko Baso Plangintzarako eta Ingurumen Hezkuntzarako Atalari, Ingurumena Zaintzeko Atalari eta Basoen eta Ehizaren Zerbitzuari.

3. Ebazpen hau argitaratzea Nafarroako Aldizkari Ofizialean.

4. Ebazpen honek ez du administrazio bidea amaitzen, eta espedientean interesa dutenek gora jotzeko errekurtsoa jar dezakete, Landa Garapeneko eta Ingurumeneko kontseilariari zuzendua, hilabeteko epean.

Iruñean, 2024ko irailaren 23an.–Nekazaritza eta Abeltzaintzako zuzendari nagusia, Ignacio Gil Jordán.

I. ERANSKINA.–2024KO ESKAERA BAKARRAREN (NPE) ONDORIOETARAKO ONARTU ETA BAZTERTU DIREN ESKAEREN ZERRENDA

1.1. Uko egiteko eskaerak.

Uko egite hauek onartu dira:

1.2. Titularra aldatzeko eskaerak.

Titularra aldatzeko eskaera hauek onartu dira:

Lagatzaileak zeukan azalera bera onartzen zaio, edo hartzailearen azalerari gehitzen zaio, hartzaileak lehendik onartutako azalerarik badu.

1.3. Eskaera berriak.

Eskaera berri hauek onartzen dira, eta 0,46 hektareako ratioa esleitzen zaie II. eranskineko "igotzeko asmoa" atalean adierazitako AzLU bakoitzeko.

1.4. Azalera murrizteko eskaerak.

Azalera murrizteko eskaera hauek onartzen dira:

1.5. Azalera handitzeko eskaerak.

1.5.1. Aurretik onartutako azalera handitzeko eskaera hauek onartzen dira: Horretarako, egiaztatu da eskatzaileak bere errolda handitu duen, edo eskatutako AzLU kopurua handiagoa den hasierako azalera onartzeko kontuan hartutakoa baino (2021eko kanpaina), edo 2022ko eta 2023ko kanpainetan mendira igo zen.

1.5.2. Azalera handitzeko eskaera hauek ukatzea proposatzen da:

Nekazaritza eta Abeltzaintzako zuzendari nagusiaren martxoaren 14ko 153/2024 Ebazpena aldatzeko txostena. Ebazpen horren bidez, prozedura bat onetsi zen Urbasa eta Andia jabari publikoko mendietan erabilera erkideko larre azalerak onartzeko, hain zuzen ere erabiltzaileek 2024ko eskaera bakarrean (NPE) aitor ditzaketenak.

I. eranskinean jasotzen denez (Urbasa eta Andiako jabari publikoko mendietako larreen erabiltzaileek 2024ko eskaera bakarrean aitor ditzaketen azalerak eskatzeko eta banatzeko prozedura), 2023ko laguntza bakarreko eskaeraren aitortzaileei Urbasako azalerak onartu zitzaizkien 2024ko ekitaldirako, 2021ekoan erregistratutako azienda-igoeren arabera.

2024. ekitaldirako azaleren onarpena egin eta jakinarazi ondoren, eta apirilaren 11ko ebazpena argitaratu ondoren, eskatzaileek 10 eguneko epea zuten emakida baliogabetzeko, esleitutako azalera handitzeko edo esleipen berria egiteko, lehenago Urbasa-Andia mendiko larreak erabili gabeko abeltzainen kasurako.

Epe hori iraganik, honako eskaera hauek jaso ziren: esleipen berriko 12 eskaera, uko egiteko 7 eskaera, azalera handitzeko 16 eskaera, eskualdatzeko 8 eskaera eta azalera murrizteko 4 eskaera.

Uko hauek onartu dira:

Titularra aldatzeko eskaera hauek onartu dira:

Lagatzaileak zeukan azalera bera onartzen zaio, edo hartzailearen azalerari gehitzen zaio, hartzaileak lehendik onartutako azalerarik badu.

Eskaera berri hauek onartzen dira, eta 0,46 hektareako ratioa esleitzen zaie II. eranskineko "igotzeko asmoa" atalean adierazitako AzLU bakoitzeko.

Azalera murrizteko eskaera hauek onartzen dira:

Aurretik onartutako azalera handitzeko eskaera hauek onartzen dira: Horretarako, egiaztatu da eskatzaileak bere errolda handitu duen, edo eskatutako AzLU kopurua handiagoa den hasierako azalera onartzeko kontuan hartutakoa baino (2021eko kanpaina), edo 2022ko eta 2023ko kanpainetan mendira igo zen.

Azalera handitzeko eskaera hauek ukatzea proposatzen da:

Iragarkiaren kodea: F2413888