2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
IRUÑA
Aldaketa, honako honetan: deialdia, Udaltzaingoko inspektorearen 8 lanpostu bete daitezen
Iruñeko Udaltzaingoko Inspektorearen deialdia –Tokiko Gobernu Batzarrak 2023ko otsailaren 27an hartutako erabakiaren (10/SG) bitartez onetsia eta 2023ko 54. Nafarroako Aldizkari Ofizialean, martxoaren 16koan, argitaratua– aldatzea, Nafarroako Administrazio Auzitegiaren 1020. ebazpena, 2024ko ekainaren 19koa, betearazteko.
Ikusirik Nafarroako Administrazio Auzitegiaren 1020. ebazpena, 2024ko ekainaren 19koa –2024ko ekainaren 27an jakinarazia–, zeinak arrazoia ematen baitio errekurtsogileari (Lausín jaunari) eta baietsi egiten baitu aipatu deialdiaren 3. oinarriaren kontra aurkeztutako gora jotzeko errekurtsoa, eta ikusirik txosten juridikoa eta espediente honetan jasota dauden gainerako agiriak,
ERABAKITZEN DA:
Lehena.–Deialdiaren 3. oinarria aldatzea, alegia, deialdiak inspektorearen 8 lanpostu jaso beharrean, 9 izatea, Tokiko Gobernu Batzarrak 2024ko irailaren 12an hartutako erabakiaren bitartez onetsitako lan eskaintza publikoan aurreikusitakoarekin bat.
Bigarrena.–Aldatzea deialdiaren 7.1 oinarria, kalifikazio-epaimahaiaren osaera jasotzen duena.
Hirugarrena.–Erabaki hau eta aldatutako deialdia Nafarroako Aldizkari Ofizialean eta Udalaren webgunean argitaratzea, eta 30 egun naturaleko epea irekitzea eskaerak aurkezteko, bere garaian aurkeztutakoei kalterik egin gabe, horiek indarrean egonen baitira.
Erabaki honen aurka ezin da errekurtsorik aurkeztu, Nafarroako Administrazio Auzitegiaren ebazpen bat betearazteko eman baita.
Iruñean, 2024ko irailaren 30ean.–Iruñeko Udaleko Tokiko Gobernu Batzarreko idazkaria, Garbiñe Bueno Zabalza.
Iragarkiaren kodea: L2414101
