1. NAFARROAKO FORU KOMUNITATEA
1.7. BESTELAKOAK
398/2024 EBAZPENA, irailaren 16koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, zeinaren bidez baimen berria ematen baitzaio "Mugarki Formación" ikastetxe pribatu baimenduari, instalazioak lekualdatzeagatik, titulartasuna aldatzeagatik, izen espezifikoa aldatzeagatik eta kirol-irakaskuntzen eskaintza (Hipika-diziplinak) handitzeagatik.
Ikusita Zizur Txikiko "El Trisqual" kirol-irakaskuntzen ikastetxe pribatu baimenduaren titularra den EL TRISQUAL SLU entitateak eskatuta izapidetutako espedientea, zeinaren bidez baimen berria eskatzen baita, ikastetxearen instalazioak Arizkungo Ordoki industrialeko "Mugarki" ikastetxera lekualdatzeagatik, titulartasuna aldatzeagatik, izen espezifikoa aldatzeagatik eta kirol-irakaskuntzen eskaintza (Hipika-diziplinak) handitzeagatik.
Jarraikiz uztailaren 6ko 251/1992 Foru Dekretuaren III. tituluan –"Aldaketak eta baimen berriak"– xedatutako prozedurari (dekretu horren bidez, Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura onetsi zen).
Ikusita Lanbide Heziketaren Plangintza eta Integraziorako Zerbitzuaren, Hezkuntzako Azpiegituren Zerbitzuaren eta Hezkuntzako Ikuskapen Zerbitzuaren aldeko txostenak.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Baimen berria ematea, ondorioak 2024-2025 ikasturtearen hasieratik dituela, "Mugarki Formación" kirol-irakaskuntzen ikastetxe pribatu baimenduari, instalazioak lekualdatzeagatik, titulartasuna aldatzeagatik, izen espezifikoa aldatzeagatik eta kirol-irakaskuntzen eskaintza (Hipika-diziplinak) handitzeagatik.
2. Titularrari ukatzea 2025-2026 ikasturtetik aurrera Lanbide Heziketako irakaskuntza-ziklo berriak pixkanaka ezartzeko egin duen eskaera. Horretarako, berriro eskatu beharko du baimena, ezartzeko aurreikusitako data baino 3 hilabete lehenago, eta gogorarazi behar zaio ezen, ikasturte honetarako Hipikako kirol-irakaskuntzak baimentzeko, titularrak egiaztatu egin beharko duela, eskola-jarduerari ekin aurretik, eskatzen diren baldintza guztiak betetzen dituela.
3. Adieraztea honako hauek izanen direla ikastetxearen erregistroko datuak 2024-2025 ikasturtetik aurrera:
–Ikastetxearen kodea: 31014992.
–Titularra: "Mugarki Formación, Sociedad Civil" (IFKa: J71507073).
–Izen generikoa: Kirol-irakaskuntzetako ikastetxe pribatu baimendua.
–Berariazko izena: "Mugarki Formación".
–Helbidea: Mugarki eraikina, 47. poligonoko 236. lurzatia.
–Herria: Arizkun, PKa: 31713.
–Udalerria: Baztan.
–Baimendutako irakaskuntzak eta gehieneko edukiera:
Kirol-irakaskuntzak, espezialitate hauekin:
- Kirol-teknikaria, "Jauzi, Heziera eta Lehiaketa Osoa" hipika-diziplinetan: 2 unitate, hasierako zikloko unitate bat eta amaierako zikloko unitate bat, unitate bakoitzeko 20 ikasleko gehieneko edukierarekin.
- Kirol-teknikaria, "Erresistentzia, Orientazio eta Zaldi Turismoa" hipika-diziplinetan: 2 unitate, hasierako zikloko unitate bat eta amaierako zikloko unitate bat, unitate bakoitzeko 20 ikasleko gehieneko edukierarekin.
4. Titularrari adieraztea eskatutako zikloak antolatu behar dituela Hezkuntza Departamentuak antolaketari eta curriculumari dagokienez zehaztutako egituraren arabera, eta postu egokiak eta nahikoak bermatu behar dituela kirol-irakaskuntzen hasierako eta amaierako prestakuntza praktikoaren fasea egiteko. Horretarako, 15 egun naturaleko epean, baimen honen jakinarazpena jasotzen denetik zenbatzen hasita, titularrak eskabide bat zuzendu beharko dio Lanbide Heziketako Plangintza eta Integraziorako Zuzendaritzari. Bertan, enpresen zerrenda bat aurkeztuko du, jasotzen duena eskatutako unitateetako ikasleen prestakuntza praktikoa egiteko lanpostuak zer enpresarekin adostu dituen edo zer enpresarekin aurreikusten duen adostea, baita prestakuntza praktikoa egiteko erabiliko den hitzarmenaren eredua ere. Hitzarmen horretan, berariaz adieraziko da ezin dela inolako ordainketa ekonomikorik, kontraprestaziorik edo dohaintzarik izan, ez ikastetxearen ez ikasleen aldetik, curriculumeko prestakuntza praktikoa egiteagatik.
5. Gogoraraztea irakaskuntza horietan sartzeko, baldintza akademiko batzuk bete behar direla, bai eta kirol modalitate bakoitzeko baldintza espezifiko batzuk egiaztatu ere. Horri dagokionez, Hipika-diziplinetako zikloetara sartzeko proba espezifikoak ebazpen bidez antolatu eta deitu beharko dira, Lanbide Heziketaren Plangintza eta Integraziorako Zerbitzuak proposatuta. Baimendutako ikastetxeak ordaindu beharko du proba horiek egitea eta antolatzea, Hezkuntza Departamentuari esleitutako aurrekontu partidetan eraginik izan ez dezaten. Horri dagokionez, ikastetxeari ohartarazten zaio gutxienez 30 eguneko epea behar dela sarbide-proba espezifikoen deialdiaren ebazpena izapidetzeko eta Nafarroako Aldizkari Ofizialean argitaratzeko; beraz, epe hori kontuan hartu beharko da aipatutako zerbitzuan sarbide-proba espezifikoaren deialdia egiteko eskaera egiten den unean.
6. Titularrari ohartaraztea ezen, uztailaren 6ko 251/1992 Foru Dekretuaren 22. artikuluan ezarritakoa garatzeko (foru dekretu horrek ezartzen du Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura), baimena ezeztatzeko arrazoitzat hartuko dela martxoaren 31ko 3/2022 Lege Organikoaren 55.8 artikuluan ezarritakoa ez betetzea.
7. Ikastetxe pribatu eskatzailea atxikitzea "Elizondo" Lanbide Eskola Ikastetxe Bateratu Politeknikoari, administrazioko ondorioetarako.
8. Gogoratu beharra dago ezen ikastetxearen titularrak baimenaren aldaketa edo administrazio baimen berria eskatu beharko duela, baldin ikastetxearen erregistroko datuak, ebazpen honen 3. atalean jasotakoak, aldatzen badira edo instalazioak aldatzen badira, uztailaren 6ko 251/1992 Foru Dekretuaren III. tituluan ezartzen den moduan.
9. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
10. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Lanbide Heziketaren Plangintza eta Integraziorako Zerbitzura, Hezkuntzako Informazio Sistemen Zerbitzura, Hezkuntza Zerbitzuen eta Ikasketetarako Laguntzen Zerbitzura, Ikastetxeen Finantzaketaren Atalera, Ikastetxeetako Informazioa Kudeatzeko Bulegora eta "Elizondo" Lanbide Eskola Ikastetxe Integratu Politeknikora.
11. Ebazpen hau Nafarroako Aldizkari Ofizialean argitara dadila agintzea.
Iruñean, 2024ko irailaren 16an.–Lanbide Heziketako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2414026
