1. NAFARROAKO FORU KOMUNITATEA
1.7. BESTELAKOAK
402E/2024 EBAZPENA, irailaren 25ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez baimentzen baita ardogintzako hondakinak prozesatzeko instalazio batean aldaketa nabarmena egitea, helburu duena kogenerazioa biogas motorrekin instalatzeko proiektu bat gauzatzea, autokontsumorako eta termohidrolisi prozesu osagarrirako. Baimenaren ondorioz, instalazioak eta hango jarduerak bete beharko dituzte ebazpen honen eranskinean aipatzen diren baldintzak. Instalazioa Lizarrako udal-mugartean dago, eta haren titularra Agrupación Alcoholera de Bodegas Cooperativas - Agralco da.
Instalazio horrek badu ingurumen baimen integratua, Ingurumenaren eta Uraren zuzendari nagusiaren 1503/2009 Ebazpenaren bidez emana, gero eguneratua Ingurumen Kalitatearen eta Klima Aldaketaren Zerbitzuko zuzendariaren 357E/2015 Ebazpenaren bidez, ondoren aldatua Ingurumen Kalitatearen eta Klima Aldaketaren Zerbitzuko zuzendariaren 280E/2016 Ebazpenaren bidez eta Ekonomia Zirkularraren eta Uraren Zerbitzuko zuzendariaren 96E/2018 Ebazpenaren bidez, eta berrikusia Ekonomia Zirkularraren eta Klima Aldaketaren Zerbitzuko zuzendariaren 239E/2020, 109E/2022, 382E/2022 eta 269E/2023 ebazpenen bidez.
2024ko abuztuaren 19an, titularrak instalazioa aldatzeko proiektua jakinarazi zuen, zeinaren bidez kogenerazioa ezarri nahi baita, biogas motorrekin, autokontsumorako eta termohidrolisi prozesu osagarrirako.
Ekonomia Zirkularraren eta Berrikuntzaren Zerbitzuak 2024ko irailaren 19an emandako irizpenaren arabera, aldaketa hori ez-funtsezkoa da, kontuan harturik 16/2002 Legea garatzeko eta Industriako isuriei buruzko Erregelamenduaren 14. artikuluan ezarritako irizpideak (erregelamendu hori urriaren 18ko 815/2013 Errege Dekretuaren bidez onetsi zen). Baina aldaketa nabarmena ere badela dio irizpenak, bat etorriz Ingurumenean Eragina duten Jarduerak arautzen dituen abenduaren 16ko 17/2020 Foru Legea garatzeko Erregelamenduaren 31. artikuluan xedatutakoarekin (erregelamendu hori martxoaren 30eko 26/2022 Foru Dekretuaren bidez onetsi zen).
Era berean, Ekonomia Zirkularraren eta Berrikuntzaren Zerbitzuak, 2024ko irailaren 19an emandako irizpenaren arabera, adierazi zuen ezen, Ingurumen Ebaluazioari buruzko abenduaren 9ko 21/2013 Legearen 7. artikuluan xedatutakoa aplikatuz, handitzeko proiektuak ez zuela ingurumen inpaktuaren ebaluazio arrunta edo sinplifikatua behar, lege horren eranskinetako batean ere agertzen ez zelako, eta ulertzen zelako proiektuak ez zuela eragin kaltegarri nabarmenik izanen ingurumenean, ez zekarrelako aipatu 7. artikulu horretan zehaztutako handitzerik edo ukipenik.
Aurkeztutako dokumentazioa nahikotzat jo zen ingurumen baimen integratua aldatzeko administrazio-prozedura tramitatzeko. Hori dela eta, 2024ko irailaren 19an, prozedura hori abian jarri zen, dagokion proiektua gauzatu ahal izateko. Proiektu horretan, biogasarekin funtzionatzen duten kogenerazioko bi motor instalatu nahi dira arazketa egiten den instalazioan, autokontsumorako eta lohien termohidrolisi prozesu osagarrirako. Horrela, helburua da biogasaren sorrera hobetzea.
Espedientea tramitatu da bat etorriz Ingurumenean Eragina duten Jarduerak arautzen dituen abenduaren 16ko 17/2020 Foru Legea garatzeko Erregelamenduaren 29. artikuluan ezarritako prozedurarekin (erregelamendu hori martxoaren 30eko 26/2002 Foru Dekretuaren bidez onetsi zen).
Ebazpen proposamena hamabost egunez egon da instalazioaren titularrari entzunaldia emateko tramitean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehena.–Baimentzea ardogintzako hondakinak prozesatzeko instalazio batean aldaketa nabarmena egitea, helburu duena kogenerazioa biogas motorrekin instalatzeko proiektu bat gauzatzea, autokontsumorako eta termohidrolisi prozesu osagarrirako. Baimenaren ondorioz, instalazioak eta hango jarduerak bete beharko dituzte ebazpen honen eranskinean aipatzen diren baldintzak. Instalazioa Lizarrako udal-mugartean dago, eta haren titularra Agrupación Alcoholera de Bodegas Cooperativas - Agralco da.
Bigarrena.–Aldaketa abian jarri aurretik, titularrak abian jartzearen gaineko erantzukizunpeko adierazpen bat aurkeztu beharko du Landa Garapeneko eta Ingurumeneko Departamentuan, bat etorriz Ingurumenean Eragina duten Jarduerak arautzen dituen abenduaren 16ko 17/2020 Foru Legea garatzeko Erregelamenduaren 25. artikuluan xedatutakoarekin (erregelamendu hori martxoaren 30eko 26/2022 Foru Dekretuaren bidez onetsi zen).
Hirugarrena.–Proiektua gauzatzen hasteko eta jarduera abian jartzeko, Ingurumenean Eragina duten Jarduerak arautzen dituen abenduaren 16ko 17/2020 Foru Legea garatzeko Erregelamenduaren 28. artikuluak ezarritako epeak bete beharko dira. Bestela, aldaketa nabarmenaren baimena iraungitzat emanen da, eta ez du inolako ondoriorik izanen. Orobat, aipatutako epeetan betetzen ez diren aldaketaren zatiak gauzatzeko eta abian jartzeko, instalazioa aldatzeko espediente bat tramitatu beharko da.
Laugarrena.–Ebazpen honetan ezarritako baldintzak aplikatzen hasiko dira titularrak proiektua gauzatu dela adierazten duen erantzukizunpeko adierazpena aurkezten duen egunetik aurrera, eta, zeinahi kasutan, aldaketa abian jartzen den unetik aurrera. Bien bitartean, indarrean dagoen ingurumen baimen integratuan ezarritako baldintzak aplikatuko dira.
Bosgarrena.–Ebazpen honetan jasotzen diren baldintzak ez betetzeak berekin dakar ingurumeneko diziplina neurriak hartzea, hain zuzen ere, Kutsaduraren Prebentzio eta Kontrol Integratuari buruzko Legearen testu bateginaren IV. tituluan jasotakoak (abenduaren 16ko 1/2016 Legegintzako Errege-dekretuak onetsitako testu bategina), ezertan galarazi gabe sektoreko legerian ezarritakoa, aplikatzekoa izaten segituko baitu, eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoa.
Seigarrena.–Ebazpen hau Nafarroako Aldizkari Ofizialean argitaratzea.
Zazpigarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute, Landa Garapeneko eta Ingurumeneko titularrari zuzendua, hilabeteko epean. Administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik aurrera kontatuko dira epeak.
Zortzigarrena.–Ebazpen hau igortzea, behar diren ondorioak izan ditzan, Agrupación Alcoholera de Bodegas Cooperativas - Agralco elkartera eta Lizarrako Udalera.
Iruñean, 2024ko irailaren 25ean.–Ekonomia Zirkularraren eta Berrikuntzaren Zerbitzuko zuzendaria, Raúl Salanueva Murguialday.
Oharra: ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2413926
