1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 3ko 246/2022 Ebazpenaren bidez onetsitako hautapen prozeduren merezimenduen balorazioaren aurka. Aipatu ebazpenaren bidez, hautapen prozedura batzuk onetsi ziren Nafarroako Foru Komunitateko Administrazioko unibertsitateaz kanpoko irakasle funtzionarioen 141 lanpostu, atzerriko hizkuntzaren eskakizuna zutenak, oposizio-lehiaketaren bidez betetzeko, betiere enplegu publikoan behin-behinekotasuna murrizteko egonkortze-prozesuen esparruan.
Iragarki honen bidez jakinarazten da eranskinean zerrendatutako pertsonek gora jotzeko errekurtso bana jarri dutela eranskin horretan aipatutako lanpostu, espezialitate eta hizkuntzetako merezimenduen balorazioaren aurka, Nafarroako Foru Komunitateko Administrazioko unibertsitateaz kanpoko irakasle funtzionarioen 141 lanpostu, atzerriko hizkuntzaren eskakizuna zutenak, oposizio-lehiaketaren bidez betetzeko sarrerako hautapen prozeduren barnean, zeinak onetsi baitziren Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 3ko 246/2022 Ebazpenaren bidez.
Hori horrela, eta bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. artikuluan xedatutakoarekin, interesdun diren guztiak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik hamar egun balioduneko gehieneko epean. Alegazioak Hezkuntza Departamentuaren Erregistroan aurkezten ahalko dira (Iruñeko San Domingo aldapa z.g.), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Jarritako errekurtsoen kopia lortzeko, interesdunek eskatzen ahalko dute aurkeztu diren gora jotzeko errekurtsoak bidaltzeko, aurreko paragrafoan adierazitako erregistroetan aurkeztu beharreko eskaera baten bidez. Eskaera hori Hezkuntza Departamentuko Idazkaritza Tekniko Nagusiari zuzenduko zaio, eta bertan helbide elektroniko bat adierazi beharko da, errekurtsoak hara bidaltzeko.
Iruñean, 2024ko irailaren 19an.–Hezkuntza Departamentuko idazkari tekniko nagusia, Beatriz Ayerra Gamboa.
ERANSKINA
IZANGAIA | LANPOSTUA | ESPEZIALITATEA(K) | HIZKUNTZA |
JUAN ANTON JASO | Maisu-maistrak | Lehen Hezkuntza (IIP) | Gaztelania |
LOREA BUSTO BASTERRA | Maisu-maistrak | Lehen Hezkuntza (IIP) | Gaztelania |
Iragarkiaren kodea: F2413778
