186. ALDIZKARIA - 2024ko irailaren 12a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ABLITAS

Xehetasun-azterketa 2. poligonoko 633. lurzatian. Hasierako onespena

Ablitasko Udalak, Alkatetzaren 2024ko irailaren 3ko ebazpen baten bidez, hasiera batez onetsi du Ablitasko 2. poligonoko 633. lurzatirako xehetasun-azterketa. José Ignacio Zardoya Villafrancak sustatu du, eta María del Carmen Dominguez Gil arkitektoak sinatu.

Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 74. artikuluan ezarritakoari jarraikiz, espedientea jendaurrean egonen da hogei egunean, iragarki hau Nafarroako Aldizkari Ofizialean argitaratzen denetik hasita, azter dadin eta bidezko alegazioak aurkez daitezen.

Jendaurreko aldian inork ez badu alegaziorik aurkezten, agiria behin betiko onetsiko da, bidezkoa bada.

Ablitasen, 2024ko irailaren 3an.–Alkatea, Carlos Bonel Soto.

Iragarkiaren kodea: L2412815