176. ALDIZKARIA - 2024ko abuztuaren 29a

3. ESTATUKO ADMINISTRAZIOA

TRANTSIZIO EKOLOGIKORAKO ETA ERRONKA DEMOGRAFIKORAKO MINISTERIOA

EBAZPENA, Energia Politikako eta Meatzeetako Zuzendaritza Nagusiak emana, zeinaren bidez aurretiazko administrazio-baimena eta eraikitzeko administrazio-baimena ematen baitzaizkio Desarrollos Renovables del Norte SLri 23,6 MW-eko potentzia instalatuko El Camino haize-parkearen eta haren ebakuazio-azpiegituren aldaketetarako, Azuelo, Aguilar Kodes, Aras eta Vianako udal mugarteetan, Nafarroako probintzian, eta haren onura publikoa zehazki deklaratzen baita. SEE/DGPEM/SGEE/ Resolución AAP mod, AAC y DUP (PEol-708)

Desarrollos Renovables del Norte SLk (aurrerantzean, sustatzailea edo Desarrollos Renovables del Norte SL), 2021eko uztailaren 23an, aurretiazko administrazio-baimena eta ingurumen-inpaktuaren adierazpena eskatu zituen 22,8 MW-eko potentzia instalatuko El Camino haize-parkerako eta haren ebakuazio-azpiegituretarako.

Energia elektrikoko instalazioen garraio-, banaketa-, merkaturatze- eta hornidura-jarduerak eta baimen-prozedurak arautzen dituen abenduaren 1eko 1955/2000 Errege Dekretuaren 7. artikuluan jasotako prozedura sinplifikatuari jarraikiz, 2023ko urtarrilaren 11n aurretiazko administrazio-baimena eta eraikitzeko administrazio-baimena eskatu zituen, zegokion proiektua aurkeztuta, baita onura publikoa zehazki deklaratu zen, 22,8 MW-eko potentzia instalatuko El Camino haize-parkerako eta haren ebakuazio-azpiegituretarako, Azuelo, Aguilar Kodes, Aras eta Vianako udal mugarteetan, Nafarroako probintzian.

Energia Politikako eta Meatzeetako Zuzendaritza Nagusiaren 2023ko apirilaren 17ko Ebazpenaren bidez, aurretiazko administrazio-baimena eman zitzaion Desarrollos Renovables del Norte SLri 22,8 MW-eko potentzia instalatuko El Camino haize-parkerako eta haren ebakuazio-azpiegituretarako, Azuelo, Aguilar Kodes, Aras eta Vianako udal mugarteetan, Nafarroako probintzian; ebazpena 2023ko 101. Estatuko Aldizkari Ofizialean argitaratu zen, apirilaren 28koan.

Era berean, Energia Politikako eta Meatzeetako Zuzendaritza Nagusiaren 2023ko maiatzaren 31ko Ebazpenaren bidez, eraikitzeko administrazio-baimena eman zitzaion Desarrollos Renovables del Norte SLri 22,8 MW-eko potentzia instalatuko El Camino haize-parkerako eta haren ebakuazio-azpiegituretarako, Azuelo, Aguilar Kodes, Aras eta Vianako udal mugarteetan, Nafarroako probintzian, eta haien onura publikoa zehazki deklaratu zen. Ebazpena 2023ko 141. Estatuko Aldizkari Ofizialean argitaratu zen, ekainaren 14koan.

Baimen horiek jaso ondoren, sustatzaileak aldaketa eta eguneratze batzuk proposatzen ditu baimendutako proiektuan:

–Lau haize-sorgailuen dorrearen altuera gutxitzea 118 m-tik 108 m-ra. Horri esker are gehiago murrizten dira 4 haize-sorgailuen plataformen neurriak.

–C2.2 (1) haize-sorgailurako sarbidea: sarrera iparraldetik egonen da, eta, beraz, hegoaldeko sarbidea kentzen da. Iparraldeko sarbidean, behin-behineko biraketa-eremu bat proiektatu da. Bidea besterik ez da geldituko behin betiko, eta, beraz, kendu eginen da posizio horren hegoaldean diseinatu zen biraketa-eremua. Plataforma murriztu eta lurrera egokitzen da topografiari buruzko azterketaren arabera.

–2. haize-sorgailua (C2.1): plataformaren orientazioa aldatu eta sarbidea egokitzen da horretara, topografiari buruzko azterketaren arabera.

–Parkera sartzeko eta iristeko bidean egokitzapen batzuk egiten dira, topografiari eta geotekniari buruzko azterketaren arabera.

–Erdi-tentsioko trazaduran egokitzapen batzuk egiten dira Las Llanas de Codés TAraino, topografiari eta geotekniari buruzko azterketaren arabera.

–Haize-sorgailu bakoitzaren potentzia onartzen duten gehieneko potentziara doitzen da, 5,7 MW-etik 5,9 MW-era pasatuta, baina teknologia aldatu gabe, eta, beraz, parkeak 23,6 MW-eko potentzia instalatua izanen du (lehen, 22,8 MW-ekoa).

–Parkeko erdi-tentsioa 20 kV-etik 30 kV-era igarotzen da, konponbide tekniko-ekonomiko hobea delako, eta erdi-tentsioko kableetan dauden elektrizitate galerak murrizten ditu. Tentsioa 30 kV-era igotzeak Joule efektuaren ondorioz eroaleetan izaten diren elektrizitate galerak nabarmen murriztea dakar.

–Ebakuaziorako onetsitako konponbidea ere aldatzen da: baimendutako proiektuan, parke honek Las Llanas de Codés TAn zegoen transformadore bat baliatzen zuen, proiektu honen potentzia har zezakeen edukiera baitzuen. Transformadore horrek, ordea, ez du karga-erregulaziorik, eta, beraz, Sarearen Kodea betetzeko, 30/220 kV-eko transformazio-posizio berri bat gaituko da, non 40/50 MVA-ko transformadore berri bat jarriko baita, El Camino haize-parkearekin partekatuko dena. Las Llanas de Codés TAren aldaketa Nafarroako Gobernuan tramitatuko den beste espediente baten xede da.

Horregatik, 2023ko ekainaren 8an, sustatzaileak aurretiazko administrazio-baimena eta eraikitzeko administrazio-baimena ematea eta onura publikoa zehazki deklaratzea eskatu zuen 23,6 MW-eko potentzia instalatuko El Camino haize-parkearen eta haren ebakuazio-azpiegituren aldaketetarako, Azuelo, Aguilar de Codés, Aras eta Viana udal mugarteetan (Nafarroako probintzia).

Gobernuaren Nafarroako Ordezkaritzako Industria eta Energia Arloan ireki zen espedientea. Aipatutako martxoaren 29ko 6/2022 Errege Lege-dekretuaren 7. artikuluaren arabera, espedientea tramitatu zen Energia elektrikoko instalazioen garraio-, banaketa-, merkaturatze- eta hornidura-jarduerak eta baimen-prozedurak arautzen dituen abenduaren 1eko 1955/2000 Errege Dekretuaren arabera, eta martxoaren 29ko 6/2022 Errege Lege-dekretuaren 7. artikuluan adierazitako moduan aplikatu zen epeen murrizketa.

Nafarroako Gobernuko Vianako Printzea Erakundea-Kultura Zuzendaritza Nagusiaren eta Lurralde Antolamenduko Zuzendaritza Nagusiaren erantzunak jaso dira, eta ez da ondorioztatzen instalazioaren kontra daudela. Sustatzaileari igorri zaizkio erantzun horiek, eta ados dagoela jakinarazi du.

Galdera eginda Aras, Azuelo, Aguilar Kodes eta Vianako udalei, Sustrai Erakuntza Fundazioari, Herri-lanen eta Azpiegituren Zuzendaritza Nagusiari eta Energia, Enpresa I+G+b eta Ekintzailetza Zuzendaritza Nagusiari (lehengo Industriaren, Energiaren eta S4 Proiektu Estrategikoen Zuzendaritza Nagusia), ez da erantzunik jaso, eta, beraz, abenduaren 1eko 1955/2000 Errege Dekretuaren 127.2, 131.1 eta 146.1 artikuluetan xedatutakoari jarraituz, ados daudela ulertzen da.

Halaber, 2023ko ekainaren 8ko eskaeran aurkeztutako dokumentazioa jendaurrean jarri zen, abenduaren 1eko 1955/2000 Errege Dekretuaren 125. eta 144. artikuluetan ezarritakoaren arabera, honakoetan argitaratuta: 2023ko 173. Estatuko Aldizkari Ofizialean, uztailaren 21ekoan, 2023ko 155. Nafarroako Aldizkari Ofizialean, uztailaren 27koan, Diario de Navarra egunkarian, 2023ko uztailaren 20an, eta udaletako ediktu-tauletan. Epe horretan ez da alegaziorik jaso.

Gobernuaren Nafarroako Ordezkaritzako Industria eta Energia Arloak txostena eman zuen 2023ko abuztuaren 31n, eta 2024ko martxoaren 14an osatu zuen.

Geroago, Gobernuaren Nafarroako Ordezkaritzako Industria eta Energia Arloak jendaurrean jarri zuen aldaketen ondorioz El Camino haize-parkearen onura publikoa zehazki deklaratzeak (deklarazioa Energia Politikako eta Meatzeetako Zuzendaritza Nagusiaren 2023ko maiatzaren 31ko Ebazpenaren bidez eman zitzaion Desarrollos Renovables del Norte SLUri) ukituko ez dituen ondasun eta eskubideen banakako zerrenda zehatza, argitara emanez 2024ko 124. Estatuko Aldizkari Ofizialean, maiatzaren 22koan, 2024ko 114. Nafarroako Aldizkari Ofizialean, ekainaren 4koan, eta 2024ko maiatzaren 21eko Diario de Navarra egunkarian; bi ofizio ere eman ziren maiatzaren 16an, aurrekoaren berri emateko Aras eta Vianako Udalei. Ez zen alegaziorik edo txostenik jaso.

Sustatzaileak 2022ko maiatzaren 18an eskatu zuen El Camino haize-parkearen ingurumen eragina zehazteko txostena.

Kontuan izanik ezen, abenduaren 9ko 21/2013 Legearen 42. artikuluak ezartzen duenez, organo substantiboak behar bezala kontuan hartu beharko duela egindako ingurumen-inpaktuaren ebaluazioa.

Trantsizio Ekologikorako eta Erronka Demografikorako Ministerioaren Ingurumen Kalitatearen eta Ebaluazioaren Zuzendaritza Nagusiak ingurumen eragina zehazteko txostena eman zuen (aurrerantzean, IEZT edo ingurumen eragina zehazteko txostena), 2022ko abuztuaren 30eko Ebazpenaren bidez gauzatu zena. Txosten hori aldekoa da, eta bertan ingurumen arloko baldintzak ezartzen dira, barne daudela prebentzio-, zuzenketa- eta konpentsazio-neurriak, egindako ingurumen-ebaluazioaren ondoriozkoak direnak.

IEZTan ezarritakoaren arabera, proiektuari

ezarritako ingurumen arloko baldintzak aplikatuko zaizkio, bai eta prebentzio-, zuzenketa- eta konpentsazio-neurriak eta, hala badagokio, ingurumen-inpaktuaren azterketan (aurrerantzean, IIAZ) jasotako jarraipen-neurriak, jendaurreko informazioaren eta kontsulten ondoren onetsitakoak, eta informazio gehigarrian proposatutakoak ere, betiere IEZTan xedatutakoaren aurkakoak ez badira.

Era berean, onespena eman baino lehen, IIAZan eta IEZTan ezarritako baldintza eta neurri guztiak definitu eta aurrekontuan sartu beharko ditu sustatzaileak proiektuan nahiz haren eranskin batean, xehakatuta, halako eran non aipatutako IEZTan zehaztutako neurri bakoitza identifikatzen ahalko baita.

El Camino haize-parkearen proiektuaren aldaketetarako aurretiazko administrazio-baimena eta eraikitzeko administrazio-baimena lortzeko, bai eta onura publikoa zehazki deklaratzeko ere, sustatzaileak, 2023ko ekainaren 8an, IDAAn eta Nafarroako Gobernuko Ingurumen Departamentuaren txostenetan eta jasotako gainerako txostenetan ezarritako baldintzak betetzen dituela egiaztatzen duten agiriak aurkeztu zituen. Horrez gain, ingurumen zaintzako planarekin batera ezarri beharreko neurriak deskribatzen ditu, neurri horien aurrekontua, eta erantzukizunpeko adierazpena ere, abenduaren 26ko 24/2013 Legearen 53.4 artikuluan xedatutakoa betez.

Abenduaren 26ko 24/2013 Legearen 21.5 artikuluaren arabera, ekoizpen-instalazioak ebakuazio-azpiegiturak izanen ditu, horien artean garraio- edo banaketa-sarearekiko konexioa eta, hala badagokio, energia elektrikoaren eraldaketa.

El Camino haize-parkeak baimena du garraio sarean sartzeko, 2021eko ekainaren 10ean emana eta 2023ko azaroaren 23an eguneratua, zehazki Red Eléctrica de España SAUren 220 kV-eko Laguardia TA azpiestazio elektrikoan.

IEZTaren eta sustatzaileak tramitazioan onartutako baldintzen arabera, ebakuazio-azpiegiturak honako jarduketa hauek aurreikusten ditu:

–Lurpeko linea, El Camino haize-parkearen transformazio zentroa "Las Llanas de Codés TA" 12/20/30/220 kV-eko azpiestazioarekin konektatzen duena, 30 kV-eko 2 zirkuiturekin.

Garraio-sarerainoko gainerako ebakuazio-azpiegiturak ebazpen honen irismenetik kanpo daude:

–"Las Llanas de Codés TA" 12/20/30/220 kV-eko azpiestazio jasotzailea; zerbitzuan dago eta ebakuazio-azpiegitura komunaren parte da. Instalazio horrekin konektatzeko posizioak aurretiazko administrazio-baimena eta eraikitzeko administrazio-baimena ditu, Nafarroako Foru Komunitatearen 2023ko uztailaren 5eko 99/2023 Ebazpenaren bidez emanak.

–220 kV-eko goi tentsioko aireko linea (GTAL), "Las Llanas de Codés TA" 12/20/30/220 kV-eko azpiestazioa "Laguardia TA" 220 kV-eko azpiestazioarekin konektatzen duena, zerbitzuan dago eta ebakuazio-azpiegitura komunaren parte da.

–"Laguardia TA" 220 kV-eko azpiestazioa, Red Eléctrica de España SAUrena, zerbitzuan dago eta ebakuazio-azpiegitura komunaren parte da.

Abenduaren 26ko 24/2013 Legearen 53.1 artikuluaren arabera, eraikitzeko administrazio-baimenak aukera ematen dio titularrari instalazioa eraikitzeko, eskatutako baldintza teknikoak betez gero.

Sustatzaileak, 2023ko ekainaren 8an, erantzukizunpeko adierazpena sinatu zuen, aplikatu beharreko araudia betetzen duela egiaztatzen duena.

Sektore Elektrikoari buruzko abenduaren 26ko 24/2013 Legeak enpresa ekimen askea aitortzen du energia elektrikoaren hornidurarako jardueretan aritzeko.

Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritakoarekin bat, zuzendaritza nagusi honen ebazpen proposamenari buruzko entzunaldia eman zaio sustatzaileari; sustatzaileak proposamenarekin ados dagoela erantzun du eta eskatu zitzaion dokumentazioa aurkeztu du.

Aintzat hartuz Administrazioaren jarduera zuzendu behar duten printzipioak, prozesuaren azkartasuna eta ekonomia, alegia, bidezkoa da egintza bakar baten bidez ebaztea eskatzailearen eskaera, aipatutako jarduketari proiektuari aurretiazko administrazio-baimena eta eraikitzeko administrazio-baimena emateko eta haren onura publikoa zehazki deklaratzeko.

Baimen horiek ematen badira ere, lurraldearen antolamenduari eta ingurumenari dagozkien eta beharrezkoak diren kontzesio eta baimenak beharko dira, bai eta aplikatzekoak diren xedapenek eragindako beste guztiak ere. Halaber, obra egiteko beharrezkoak diren gainerako baimen guztiak eskuratu beharko dira, abenduaren 26ko 24/2013 Legearen 53.6 artikuluan eta abenduaren 1eko 1955/2000 Errege Dekretuaren 120.2 artikuluan ezarritakoari jarraikiz.

Azaldutakoaren ondorioz, Energia Politikako eta Meatzeetako Zuzendaritza Nagusi honek

EBAZTEN DU:

Lehena.–Desarrollos Renovables del Norte SLri aurretiazko administrazio-baimena ematea El Camino 23,6 MW-eko potentzia instalatuko haize-parkearen proiektuaren eta haren ebakuazio-azpiegituren aldaketetarako, Azuelo, Aguilar Kodes, Aras eta Vianako udal mugarteetan (Nafarroako probintzian), ebazpen honetan jasotzen diren baldintzetan.

Bigarrena.–Desarrollos Renovables del Norte SLri eraikitzeko administrazio-baimena ematea 23,6 MW-eko potentzia instalatuko El Camino haize-parkerako eta horren ebakuazio-azpiegituretarako, Azuelo, Aguilar Kodes, Aras eta Vianako udal mugarteetan, Nafarroako probintzian, 2023ko apirileko "El Camino haize-parkea" (23,600 MW) proiektuaren aldaketan zehaztutako ezaugarriekin eta ebazpen honetan jasotzen diren berezitasunekin.

Proiektuaren xedea da haize-parke bat eraikitzea, energia elektrikoa sortzeko, eta energia horren ebakuazioa egitea.

Haize-parkearen ezaugarri nagusiak hauek dira:

–Teknologia mota: eolikoa.

–Instalatutako potentzia, ekainaren 6ko 413/2014 Errege Dekretuaren 3. artikuluaren arabera: 23,6 MW.

–Haize-sorgailuen modeloa: Nordex 163/5900 TS108.

–Haize-sorgailuen kopurua: 4 haize-sorgailu, 5,9 MW-ekoa bakoitza, hiru palako 163 metroko diametroko errotorearekin eta 108 metroko altuerako abatzarekin.

–Dorre mota: tubularra eta altzairuzkoa.

–Sarbiderako ahalmena, Red Eléctrica de España SAUk emandako sarbide eta konexio baimenetan ezarritakoaren arabera: 22,5 MW.

–Ukitutako udal mugarteak: Aguilar Kodes, Aras, Azuelo eta Viana.

Baimendutako ebakuazio azpiegiturak honela daude osatuta:

–Lurpeko linea, El Camino haize-parkearen transformazio zentroa "Las Llanas de Codés TA" 12/20/30/220 kV-eko azpiestazio jasotzailearekin konektatzen duena, RHZ1 18/30 kV motakoa, 30 kV-eko bi zirkuiturekin (XLPE). Hauexek dira linearen ezaugarri nagusiak:

  • Edukiera eta/edo sekzioa: 240/400 mm².
  • Luzera: 8.302 metro 1. zirkuituan eta 9.964 metro 2. zirkuituan.

Ebakuazio-azpiegituraren gainerakoa, garraio-sarearekiko konexiora artekoa, zerbitzuan dago eta ebakuazio-azpiegitura komunaren parte da. EL Camino haize-parkea Las Llanas de Codés TA azpiestazioarekin konektatzeko posizioak aurretiazko administrazio-baimena eta eraikitzeko administrazio-baimena ditu, Nafarroako Foru Komunitatearen 2023ko uztailaren 5eko 99/2023 Ebazpenaren bidez emanak.

Sustatzaileak tramitazioan onartutako baldintzak bete beharko ditu, bai eta Ingurumen Kalitatearen eta Ebaluazioaren Zuzendaritza Nagusiaren ingurumen eragina zehazteko txostenean ezarritako baldintzak ere.

Era berean, bete beharko ditu Sistemaren Operadoreak ezartzen dituen arau teknikoak eta jarduteko prozedurak.

Baimen hau emateak ez du ezertan ukatzen aplikatu beharreko beste xedapen batzuen arabera beharrezkoak diren bestelako kontzesio eta baimenak lortzea, eta, bereziki, lurraldearen antolamenduari eta ingurumenari dagozkionak. Halaber, obra egiteko beharrezkoak diren gainerako baimen guztiak eskuratu beharko dira, abenduaren 26ko 24/2013 Legearen 53.6 artikuluan eta abenduaren 1eko 1955/2000 Errege Dekretuaren 120.2 artikuluan ezarritakoari jarraikiz.

Proiektuari aldaketak aurkezteko, abenduaren 1eko 1955/2000 Errege Dekretuaren 115. artikuluan ezarritakoa aplikatuko da.

Hirugarrena. Baimentzen den instalazioa onura publikokoa dela zehazki deklaratzea, sustatzaileak aurkeztutako ukitutako ondasun eta eskubideen banakako zerrenda zehatzarekin aipatutako abenduaren 1eko 1955/2000 Errege Dekretuan aurreikusitako ondorioetarako. Zerrenda hori argitaratu zen 2023ko 155. Nafarroako Aldizkari Ofizialean, uztailaren 27koan, eta 2023ko 173. Estatuko Aldizkari Ofizialean, uztailaren 21ekoan.

Abenduaren 26ko 24/2013 Legearen 56.2 artikuluan ezarritakoarekin bat etorriz, onura publikoa zehazki deklaratzeak berekin dakar beharrezkoak diren baldintza teknikoak eskatu zaizkien erakundeek dagokion baimena emateko eskubidea, instalazio elektrikoa ezartzeko, pasatzeko edo okupatzeko baimena alegia, Estatuaren edo autonomia-erkidegoen jabari, erabilera edo zerbitzu publikoko edo ondareko lurretan edo probintziaren edo udalerriaren erabilera publikoko lurretan, berekietan nahiz herri lurretan, bai eta horien obra eta zerbitzuetan eta zortasun publikoko eremuetan ere.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan eta Sektore Publikoaren Araubide Juridikoari buruzko urriaren 1eko 40/2015 Legearen 62.2.i) artikuluan xedatutakoarekin bat, ebazpen honek ez du administrazio bidea amaitzen, eta haren kontra gora jotzeko errekurtsoa aurkezten ahalko da, Energiaren Estatuko Idazkaritzari zuzendua, ebazpena jakinarazi edo argitaratu eta biharamunetik hasita hilabeteko epean (haietatik gertatzen azkena kontuan hartuta).

Epe hori iraganik errekurtsoa jarri gabe, ebazpena irmoa izanen da ondorio guztietarako. Epeak hilabeteka zenbatzeko, urriaren 1eko 39/2015 Legearen 30. artikuluan xedatutakoa bete beharko da.

2024ko uztailaren 17an.–Zuzendari nagusia, Manuel García Hernández.

ERANSKINA.–BALDINTZA BEREZIAK

Eraikitzeko administrazio-baimena ematen da, abenduaren 1eko 1955/2000 Errege Dekretuan xedatutakoarekin bat eta baldintza berezi hauekin:

1. Lanak egin beharko dira aurkeztu den proiektuarekin eta aplikatzekoak zaizkion erregelamenduzko xedapenekin bat, eskatu eta baimentzen diren aldaketak eginda, beharrezkoak badira.

2. Abenduaren 1eko 1955/2000 Errege Dekretuaren 131.10 artikuluarekin bat, ustiapeneko baimena emateko epea izanen da ekainaren 23ko 23/2020 Errege Lege-dekretuaren 1. artikuluan ustiapeneko baimena lortzeko ezarritako epea proiektu honi aplikatzeak dakarrena. Errege lege-dekretu horren bidez ekonomia berpizteko energia arloko eta beste arlo batzuetako neurriak onesten dira.

Eraikitzeko administrazio-baimena lortu eta gehienez ere 3 hilabeteko epean, sustatzaileak epea luzatzeko eskatzen ahalko du, ekainaren 23ko 23/2020 Errege Lege-dekretuaren 1.1.b) Bosgarrena artikuluan jasotako xedea betetzeko, honako hauek adierazita, gutxienez: (i) instalazioak ustiapeneko administrazio-baimena lortuko duen urte naturalaren seihilekoa eta (ii) adierazitako seihilekoa hasi baino lehen honako hauek lortzeko ezintasuna espresuki onartzeko konpromisoa: behin-behineko edo behin betiko ustiapeneko administrazio-baimena eta energia elektrikoa ekoizteko instalazioen administrazio-erregistroko aurretiazko edo behin betiko inskripzioa.

Ukrainako eta Ekialde Hurbileko gatazken ondorio ekonomiko eta sozialei aurre egiteko eta lehortearen ondorioak arintzeko neurriak hartzen dituen abenduaren 27ko 8/2023 Errege Lege-dekretuaren 28. artikuluari jarraikiz, ustiapeneko administrazio-baimena izateko epea, guztira, ez da inoiz 8 urtetik gorakoa izanen.

3. Instalazio horren titularrak lanen amaieraren berri eman beharko dio probintziako organo eskudunari, ustiapeneko baimena behin betikoz onartu eta luzatzeko, abenduaren 1eko 1955/2000 Errege Dekretuaren 132. artikuluarekin bat.

4. Sustatzaileak bete beharko ditu IEZTan ezarritako baldintza guztiak, nahitaezko txosten erabakigarria baita, martxoaren 29ko Errege Lege-dekretuaren 6. artikuluaren arabera. IEZT hori Trantsizio Ekologikorako eta Erronka Demografikorako Ministerioko Ingurumen Kalitatearen eta Ebaluazioaren Zuzendaritza Nagusiaren 2022ko abuztuaren 30eko ebazpen bidez eman zen. Horien artean, proiektua gauzatzen eta ustiatzen den bitartean, eta, bereziki, obrak egin aurretik, proiektua garatzeko baldintzak ezartzen dira. Hala ere, eta agerian geratu den bezala, proiektuari lotutako jarduketetan aztertu gabeko inpakturen bat edo ebaluatutakoa baino handiagoa den inpakturen bat atzematen bada, horren berri emanen zaio autonomia-erkidegoko organo eskudunari, jarduteko modua zehaztu dezan.

a. Nafarroako Gobernuko Landa Garapeneko eta Ingurumeneko Departamentuak planteatutako baldintzak betetzea, bereziki onura publikoko mendiei dagokienez.

b. Ebroko Konfederazio Hidrografikoak Jabari Publiko Hidraulikoaren gaineko zortasunei eta jarduketei buruz planteatutako baldintzak betetzea.

c. Aldez aurreko prospekzio bat eginen da, proiektuaren eremutik hurbil mehatxatutako flora eta fauna daudela baztertzeko.

5. Eraikitzeko administrazio-baimenak ez du inola ere instalazioaren titularra salbuesten instalazioek behar dituzten gainerako baimen osagarriak lortzetik; besteak beste, lortu beharko ditu industria segurtasunaren arloko legeriak, sistema laguntzaileei dagokienez, horiek instalatu edo abian jarri aurretik, eskatzen dituen baimenak, autonomia-erkidegoen eskumenekoak, edo, bestela, kontrolerako beste formalitate guztiak bete beharko ditu.

6. Administrazioak ondoriorik gabe utziko du ebazpen hau baldin eta ikusten bada, denboraren joanean, ebazpenean ezartzen diren eskubideen titularrak ez dituela betetzen bertan ezarritako baldintzak. Halakoetan, Administrazioak, interesdunari entzunaldia eman eta behar den espedientea bideratu ondoren, kasuko baimena errebokatzea erabakiko du, horrek dakartzan ondorio administratibo eta zibil guztiekin, indarra duten lege xedapenekin eta abenduaren 26ko 24/2013 Legearen 53.10 artikuluan ezarritakoarekin bat.

7. Instalazioaren titularrak kontuan hartuko du, exekuziorako, erakundeek ezarri dituzten baldintzak, zeinak jakinarazi zaizkion eta berak berariaz onartu dituen.

Iragarkiaren kodea: E2411913