Iragarkia

173. ALDIZKARIA - 2024ko abuztuaren 26a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

223E/2024 EBAZPENA, uztailaren 24koa, Landa Garapeneko zuzendari nagusiak emana, zeinaren bidez onesten baitira "Elkarteendako laguntzak, landa-ingurunearen jasangarritasuna sustatzeko proiektuetarako" 2024. urtean emateko oinarri arautzaileak eta deialdia. DDBN identifikazioa: 777801.

Landa Garapeneko eta Ingurumeneko Departamentuaren egitura organikoa onesten duen azaroaren 15eko 255/2023 Foru Dekretuaren 1. artikuluan honako hau ezartzen da Landa Garapeneko eta Ingurumeneko Departamentuaren eskumenen esparruari dagokionez:

Landa Garapeneko eta Ingurumeneko Departamentuak beteko ditu Nafarroako Foru Komunitateko Administrazioak gai hauetan esleituak dituen eskumenak: nekazaritza; abeltzaintza; elikadura; nekazaritzako azpiegiturak eta landa-garapen jasangarri eta partaidetzazkoa; landa-ingurunearen jasangarritasuna sustatzeko proiektuak inplementatzea; ingurumenaren babesa, kontserbazioa, kudeaketa eta informazioa; azpiegitura berdea, eta konektagarritasun eta leheneratze ekologikoak; paisaiaren integrazioa plan, programa eta proiektuen ingurumen-ebaluazioan; baliabide hidrikoak; klima-aldaketaren aurkako estrategia zehaztea, bai eta aldaketa horretara egokitzeko ekimenak ere; trantsizio ekologikoa; ekonomia zirkularra sustatzea; eta indarreko xedapenetan ematen zaizkion gainerako eskudantziak.

Hala, 8. artikuluan ezartzen denez, Landa Garapeneko Zuzendaritza Nagusiari dagokio, besteak beste, landa-inguruneko jasangarritasuna bultzatzeko proiektuak sustatzea eta inplementatzea, Nafarroako landa-eremuetan bizi diren pertsonen bizi-kalitatea hobetzeko eta ongizate-maila handitzeko, horiek bertan geratzea eta biztanle berriak kokatzea errazteko moduan, eta, halaber, landa-garapen jasangarriko programak edo gisakoak zuzentzea, sektore pribatuak landa-garapen jasangarrian parte har dezan sustatuz.

Eginkizun horiek Landa Garapeneko Zuzendaritza Nagusiaren barnean zehazten dira, 20. artikuluan ezartzen den gisan, Landa Dibertsifikaziorako eta Garapenerako Zerbitzuan, eta, zehazki, 22. artikuluan ezartzen denez, NPEaren Plangintzarako eta Landatartasun Berrirako Atalari dagokio landa-garapen jasangarriko programak edo gisakoak prestatu eta gauzatzea, laguntzak eta programak bideratuta.

Nafarroako Parte-hartze Demokratikoari buruzko martxoaren 22ko 12/2019 Foru Legeak, partaidetzazko gizarte bat sendotzeko asmoz, sentsibilizazio-neurri batzuk ezartzen ditu 60. artikuluan, horien artean honako hau (b letran): gizarte-entitateen eta herritarren elkarteen jarduera sustatzeko dirulaguntzen deialdia, urterokoa.

Nafarroako Gobernuak 2024rako onartutako aurrekontuetan, aurrekontuko partida hau ageri da NPEaren Plangintzarako eta Landatartasun Berrirako Atalari loturik:

720006 72300 4819 412100 "Elkarteendako laguntzak, landa-ingurunearen jasangarritasuna sustatzeko proiektuetarako".

Ebazpen honi Dirulaguntzei buruzko azaroaren 9ko 11/2005 Foru Legea aplikatzen zaio.

Ikusirik Landa Dibertsifikaziorako eta Garapenerako Zerbitzuko zuzendariaren aldeko txostena eta jarduneko ekitaldirako eskuragarri dagoen aurrekontua.

Adierazitakoarekin bat, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa onesten duen azaroaren 15eko 255/2023 Foru Dekretuak ematen dizkidaten eskudantziak erabiliz,

EBAZTEN DUT:

1. Dirulaguntzaren oinarri arautzaileak onestea, I. eranskinean jasotzen den gisan, eta ebazpen honen II., III., IV. eta V. eranskinak onestea.

2. "Elkarteendako laguntzak, landa-ingurunearen jasangarritasuna sustatzeko proiektuetarako, 2024. urtean" emateko deialdia onestea.

3. Eskaerak aurkezteko epea hilabetekoa izanen da 2024. urtean, ebazpen hau Nafarroako Aldizkari Ofizialean argitaratu eta biharamunetik hasita.

4. 150.000 euroko gastua baimentzea, Nafarroako Gobernuaren 2024ko ekitaldiko gastuen aurrekontu orokorreko 720006 72300 4819 412100 partidaren kargura ("Elkarteendako laguntzak, landa-ingurunearen jasangarritasuna sustatzeko proiektuetarako").

5. Deialdi hau eta oinarri arautzaileak erregistratzea Nafarroako Gobernuaren Dirulaguntzen Datu Basean (NGDDB).

6. Ebazpen hau eta eranskinak Nafarroako Aldizkari Ofizialean argitaratzea.

7. Ebazpen honen aurka gora jotzeko errekurtsoa jar daiteke, Landa Garapeneko eta Ingurumeneko kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.

Iruñean, 2024ko uztailaren 24an.–Landa Garapeneko zuzendari nagusia, Rubén Goñi Urroz.

I. ERANSKINA.–ELKARTEENDAKO LAGUNTZAK, LANDA-INGURUNEAREN JASANGARRITASUNA SUSTATZEKO PROIEKTUETARAKO, 2024. URTEAN EMATEKO DEIALDIA. OINARRI ARAUTZAILEAK

1. oinarria.–Xedea eta helburua.

1. Deialdi honen helburua da dirulaguntzak ematea, norgehiagokako araubidean, 1/2002 Lege Organikoaren arabera eratutako irabazi-asmorik gabeko elkarteei (1/2002 Lege Organikoa, martxoaren 22koa, Elkartzeko Eskubidea arautzen duena), Nafarroako landa-eremuei balioa emanen dieten proiektuak garatu ditzaten, nekazaritza, abeltzaintza eta elikaduraren mundua gizartera hurbiltzeko eta landa-eremuko ingurumen-, ondare- eta ekonomia-baliabideak ezagutarazteko. Hori guztia, landa-eremuko biztanleen parte-hartze aktiboa bultzatuz eta lankidetza-sareak sortzea sustatuz.

2. oinarria.–Lurralde-eremua.

1. Laguntza hau aplikatzen ahal zaie 5. oinarrian deskribatzen diren ekintzei, baldin eta oinarri arautzaile hauetan ezartzen diren helburuak lortzen laguntzen badute 500 biztanle baino gutxiago dituzten Nafarroako udalerri eta kontzejuetan. Ekintzak 2024ko urtarrilaren 1etik urriaren 15era egin behar dira. Udalerri konposatuen kasuan, ekintzak kontuan hartzen ahalko dira baldin eta 500 biztanle baino gutxiagoko kontzejuetan egiten badira, edozein izanik ere udalerriko biztanle kopurua.

2. II. eranskinean zerrendatuta daude 500 biztanle baino gutxiago dituzten Nafarroako udalerri eta kontzejuak, horiek despopulatzeko arriskuaren sailkapenarekin batera.

3. oinarria.–Onuradunak eta betebeharrak.

1. Laguntza honen onuradun izaten ahalko dira egoitza soziala Nafarroan duten irabazi-asmorik gabeko elkarteak, ekintzak egiten badituzte deialdiaren lurralde-eremuan, oinarri arautzaile hauetan ezarritako helburuetako bat lortzen laguntzeko.

2. Baldintzak:

a) Irabazi-asmorik gabeko entitatea izatea, legez eratua eta Elkarteen Erregistroan inskribatua, 3/2023 Foru Dekretuarekin bat (3/2023 Foru Dekretua, urtarrilaren 25ekoa, zeinaren bidez arautzen baitira Nafarroako Elkarteen Erregistroa eta haren eskumeneko prozedurak).

b) Izaera juridikoa izatea eta Gizarte Segurantzarekiko betebehar fiskalak eta kotizazioak egunean izatea.

c) Dirulaguntzei buruzko azaroaren 9ko 11/2005 Foru Legearen 13.2 artikuluan laguntzen onuradun izateko ezarritako debeku-egoeretan ez egotea.

4. oinarria.–Konpromisoak eta betebeharrak.

Entitate onuradunek konpromiso hauek hartuko dituzte:

a) Ekintzak egitea deialdi honen bidez lortu nahi diren helburuetako bat lortzeko, II. eranskinean zerrendatzen diren herrietako batean, gutxienez.

b) Deialdi honetan diruz lagundu nahi diren ekintzetarako beste administrazio publiko batekin lankidetza-hitzarmenik edo kontraturik ez izatea.

c) Landa Dibertsifikaziorako eta Garapenerako Zerbitzuari jakinaraztea beste dirulaguntza publiko batzuk eskatu edo lortu direla helburu bererako. Jakin bezain laster emanen da horren berri, eta, betiere, jasotako funtsak zertan erabili diren justifikatu baino lehen.

d) Emandako dirulaguntzei buruz, egiaztatze-lana eta kontrol teknikoa egiten uztea NPEaren Plangintzarako eta Landatartasun Berrirako Atalari, baita horretarako eskumena duen edozein organori ere, eta jarduketa horietan eskatzen zaion informazio eta dokumentazio guztia ematea.

e) Nafarroako Gobernuaren dirulaguntza jaso dela agerraraztea idatzizko eta ahozko publizitate eta hedapen orotan, bai eta laguntza emateko ebazpena jakinarazten denetik aurrera proiektuari buruz egiten den dokumentazio guztian ere. Nafarroako Gobernuaren logotipo ofiziala eta testu hau agertu beharko dira: "Subvenciona Gobierno de Navarra/Nafarroako Gobernuak diruz laguntzen du". Halakoetan, Nafarroako Gobernuaren sinbolo ofiziala eta haren erabilera arautzen duen urtarrilaren 27ko 4/2016 Foru Dekretuan jasotako ezaugarri teknikoak bete beharko dira.

f) Entitate onuradunak erabakitzen badu emandako dirulaguntzari uko egitea, NPEaren Plangintzarako eta Landatartasun Berrirako Atalari jakinarazi beharko dio.

g) Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 3. artikuluan aipatutako entitateak behartuak daude gardentasun betebeharra betetzera baldin eta, urtebetean, 20.000 eurotik gorako laguntzak edo dirulaguntzak jasotzen badituzte Nafarroako Aurrekontu Orokorren kargura, edo jasotako laguntzak edo dirulaguntzak urteko beren sarrera guztien %20 edo gehiago badira eta, gutxienez, 5.000 euro. Horretarako, honako esteka honetan dagoen eredua bete beharko dute, gardentasun-betebeharrari buruzko adierazpena, alegia:

https://www.navarra.es/documents/48192/5726243/1+Declaracion+de+obligacion_eus.pdf/

h) Bai dirulaguntzaren eskaeran bai eta justifikazioan ere, beharrezkoa den dokumentazio eta informazio guztia sortzea eta entregatzea.

i) Laguntza eskaeran, proiektua zehatz deskribatzea, honako alderdi hauek argi eta garbi identifikatuta:

–Proposamenaren eta ekintza zehatzen deskribapen xehea.

–Helburu orokor eta berariazkoak.

–Egutegia.

–Elkarteak eskura dituen eta ekintzara bideratuko dituen giza baliabideak eta baliabide materialak, ekintzara bideratuko direnak.

–Aurrekontu zehaztua.

–Ekintzaren azken onuradunen identifikazioa.

j) Gauzatutako ekintzen gastua justifikatzea.

Ekintzak gauzatu bitarteko aldi guztian bete eta mantendu beharko dira konpromiso horiek.

5. oinarria.–Jarduketa eta gastu diruz lagungarriak.

Deialdi honen xedea betetzeko, honako jarduera hauek egiten ahalko dira:

–Bisitak, ekitaldiak, prestakuntza- eta dibulgazio-jarduerak eta bestelako informazio- eta zabalkunde-jarduerak, honako jarduera hauei buruzkoak: nekazaritza, abeltzaintza, elikagaigintza, ingurumena, ondarea eta landa-eremuko ekonomia-jarduerak.

–Eremuen arteko trukea edo lankidetza-sareak sortzea sustatzeko jarduerak, helburu hartuta landa-eremuetako erronkei aurre egitea deialdi honen xedeari dagokionez, hala nola prestakuntza-tailerrak, trukeak, topaketak, sareak edo komunitateak sortzea, azokak, jardunaldiak edo saio teknikoak.

–Landa-eremuaren balioa (landatartasun berria) eta baliabideen potentziala ikusarazteko bestelako jarduerak, herritarrak protagonistatzat hartuz: komunikazio-kanpainak, landa-eremuko material immateriala sortzea, lurralde-kogobernantzako prozesuak, hausnarketak eragileekin, landa-inguruan bilaketa, laguntza eta harrera egiteko prozesuak.

1.–Honako hauek laguntzen ahalko dira diruz:

1. Zuzeneko gastuak.

Gastu diruz lagungarriak dira zalantzarik gabe dirulaguntza jasotzen duen ekintzaren izaerarekin bat datozenak; honelakoak izan behar dute:

a) Diruz lagundu beharreko ekintzak egiteko lokalak eta ekipamenduak alokatzea. Kasu honetan, diruz lagungarria den gastua, gehienez, zenbateko diruz lagungarriaren %40 izanen da.

b) Ekintzak gauzatzeko beharrezkoak diren material suntsikorrak.

c) Diruz lagundutako ekintzen publizitate- edo zabalkunde-gastuak.

d) Jarduerei zuzenean loturiko langileek egiten dituzten bidaiak, hartzen dituzten ostatuak eta dietak, baldin eta eskaeran behar bezala zehaztuta eta justifikatuta badaude eta diruz lagundu beharreko ekintzekin bat badatoz. Otorduetarako dietengatik 20 euroko dirulaguntza emanen da, gehienez, pertsona bakoitzeko. Txartel indibidualetan jaulkitako garraio-gastuengatik, inoiz ez da ordainduko tarifa arrunt merkeenean ezarritako prezioa baino gehiago. Ibilgailu partikularrak erabiltzen direnean, 0,35 euro/km ordainduko da ibilbide bakoitzeko, eta zehaztu egin beharko dira abiapuntua, helmuga, egindako kilometroak, data eta bidaiaren arrazoia.

e) Langileria gastuak:

Diruz lagungarritzat hartuko dira diruz lagundu beharreko ekintzetarako kontratatutako langileen hileko nomina bakoitzaren soldata kostuen zenbatekoak –gehienez ere, dirulaguntza eskatzen den unean indarrean den ondorio askotarako errenta-adierazle publikoaren (OAEAP) baliokidea den hileko kopurua, aparteko pagen zati proportzionala barne–.

f) Jarduerak azpikontratatzea.

Diruz lagundutako jarduerak azpikontratatzen ahalko dira, jardueren zenbatekoaren %100 arte. Hala ere, entitate onuradunarekin lotutako pertsonak edo entitateak azpikontratatzen badira, aldez aurretik baimena eskatu beharko zaio NPEaren Plangintzarako eta Landatartasun Berrirako Atalari. Ez dira inola ere azpikontratatzen ahalko diruz lagundutako ekintzaren kostua garestitzen duten jarduerak, haren edukiari baliorik eransten ez badiote.

Kontratatutako autonomoek eskainitako zerbitzuetarako, orduko 50 euroko muga aplikatuko da, eta kontzeptu hori argi eta garbi bereizi beharko da justifikazio-fakturan, ordu kopurua adierazita.

g) Ekintza gauzatzeko beharrezkoak diren beste gastu batzuk, hala nola aseguruaren gastuak (diruz lagungarria izanen da jarduera egiten den aldiaren zati proportzionala) eta diruz lagundutako jardueretan parte hartzen dutenei eskaintzen zaizkien zaintza zerbitzuen (haurtzaindegia, ludoteka, adinekoen zaintza eta abar) ondoriozko gastuak, betiere haien kargura beren burua zaindu ezin duten pertsonak dituzten parte-hartzaileentzat badira.

2.–Zeharkako gastuak.

Langileria gastuei horien %10era arteko zenbatekoa gehitzen ahalko zaie ekintzaren zeharkako gastu gisa. Halakotzat hartzen dira entitate eskatzailearen edo eskatzaileen ohiko funtzionamenduaren gastu administratiboak, esku-hartzea egin ahal izateko beharrezko direnak.

Gastu hauek ez dira diruz lagungarriak:

–Protokolo eta kortesiazko gastuak (bazkariak, harrerak, opariak, loreak, ikuskizunetarako sarrerak, etab.), eta bertaratutakoei emandako eskersariak.

–BEZa ez da inola ere diruz lagungarritzat hartuko, berreskuratu edo konpentsatu badaiteke. Hala izan ezean, ezin dela berreskuratu dioen erantzukizunpeko adierazpena igorri beharko du entitateak, dirulaguntza emateko eta ordaintzeko eskaerarekin batera.

–Banku kontuetako interes zordunak.

–Interesak, errekarguak eta zehapen administratibo eta penalak.

–Prozedura judizialen gastuak.

–Entitatearen beraren publizitatearekin edo sustapenarekin lotutako gastuak, Nafarroako Gobernuaren logotipoa agertzen bada, baldin eta laguntza emateko ebazpena jaso ondoren gauzatu badira.

–Ondasun inbentariagarriak (ordenagailuak, altzariak, etab.).

6. oinarria.–Laguntza kalkulatzeko sistema.

1. Laguntza hau kapitaleko dirulaguntza zuzena da eta, zenbatekoa kalkulatzeko, %90eko portzentajea edo laguntza intentsitatea aplikatuko zaie aurreikusitako gastu diruz lagungarriei.

2. Proiektu bakoitzeko, gehienez ere 15.000,00 eurokoa izanen da laguntza.

3. Gastu diruz lagungarriak gutxienez 1.100 euroko zenbatekoa izan behar du.

7. oinarria.–Dirulaguntzak emateko modua eta balorazio irizpideak.

1. Norgehiagokako prozedurari jarraikiz emanen dira laguntzak. Beraz, aurkezten diren eskaerak alderatuko dira haien lehentasun-hurrenkera ezartzeko.

2. Hurrenkera horri jarraituko zaio funtsak banatzeko, harik eta aurrekontu partida agortu arte.

3. Eskaeren lehentasun-hurrenkera ezarriko da balorazio irizpideen arabera emandako puntuak batuta; III. eranskinean ezarri dira irizpideok.

4. Berdinketa gertatuz gero, lehentasuna emanen zaie "Despopulatzeko arriskua duten udalerrietan jardutea" izeneko deialdiaren atalean puntuazio handiena lortu duten eskaerei. Berdinketak jarraituz gero, "Jarduketaren azken onuradunak" atalean puntuazio handiena lortu dutenak lehenetsiko dira.

8. oinarria.–Laguntza eskaera.

1. Laguntza eskaera telematikoki aurkeztuko da, IV. eranskinean jasoa dagoen ereduan, behar bezala betea eta agiri hauekin batera:

–Identifikazio fiskaleko agiriaren (IFZa) kopia arrunta.

–Ez bada baimenik ematen Nafarroako Gobernuak kontsulta ditzan:

• Ogasunarekiko zerga arloko betebeharrak egunean dituela frogatzen duen ziurtagiria.
• Gizarte Segurantzaren Diruzaintza Nagusian ordainketak egunean dituela frogatzen duen ziurtagiria.

–Aurkeztutako aurrekontuan BEZa sartzen bada, hura ezin dela berreskuratu edo konpentsatu dioen erantzukizunpeko adierazpena.

Eskaeraren eredua Nafarroako Gobernuaren Interneteko Atarian dagoen tramiteen katalogoko fitxaren bitartez ere eskuratzen ahalko da, hilabetez, hori baita eskaerak aurkezteko epea, ebazpen hau Nafarroako Aldizkari Ofizialean argitaratu eta biharamunetik. Laguntza eskaera Nafarroako Foru Komunitateko Administrazioaren erregistro orokor elektronikoaren bitartez aurkeztuko beharko da.

2. Eskaerak jaso ondoren, osorik dauden –behar den dokumentazio guztia duten– egiaztatuko du NPEaren Plangintzarako eta Landatartasun Berrirako Atalak. Akatsen bat baldin badago, entitateari eskatuko zaio 10 eguneko gehieneko epean zuzendu dezala, eta adieraziko zaio, zuzendu ezean, eskaerari uko egiten diola ondorioztatuko dela eta espedientea artxibatzeko ebazpena emanen dela.

3. Behin eskaera osorik dagoela, eskatzen diren baldintzak betetzen dituen egiaztatuko da, eta horretarako behar diren kontrolak eginen dira.

4. Kontrol horiek egiteko, instrukzio organoak oinarritzat hartuko ditu Foru Komunitatean eta/edo beste administrazio batzuetan dauden erregistro ofizialak edo eskura dauden bestelako informazio iturriak, betiere deialdia argitaratzen den egunean dagoen informazioaren arabera.

5. Laguntzaren zenbatekoa zehazteko, aurrekontu diruz lagungarria hartuko da kontuan, ebazpen honen 6. oinarrian ezarritako mugekin.

6. Ondoren, eskaerak ofizioz ebaluatuko dira norgehiagokako prozeduraren arabera eta ebazpen honetan ezarritako balorazio irizpide, modu eta lehentasunen arabera.

7. Ebaluazioa ikusita, laguntza emateko proposamena eginen da.

9. oinarria.–Laguntza emateko ebazpena.

1. Dirulaguntza emateko ebazpena Landa Garapeneko zuzendari nagusiak emanen du, laguntza eskaerak aurkezteko epea bukatu eta 3 hilabeteko epean, gehienez ere.

2. Hiru hilabeteko epe hori berariazko ebazpenik eman eta jakinarazi gabe bukatzen bada, eskaera ezetsi egin dela ulertuko da, eta behar den errekurtsoa aurkezten ahalko da.

3. Dirulaguntzak ematen dituen ebazpenean honako hauek adieraziko dira: entitate eskatzaileen zerrenda, diruz lagundutako proiektuak eta proiektu bakoitzerako dirulaguntzaren zenbatekoa, eta, kasua bada, zer eskaera ezetsi den eta zergatik.

Dirulaguntzei buruzko Foru Legearen 15. artikuluan eta Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 26. artikuluan xedatutakoarekin bat, Nafarroako Gobernuaren Atarian argitaratuko dira emandako dirulaguntzak, jakinarazi ondoko hilabetean, honako hauek zehaztuta: deialdia, laguntzak zer aurrekontu kredituren kontura ordainduko diren, entitate onuraduna, emandako diru kopurua eta dirulaguntzaren helburua.

4. Laguntza emateko ebazpenaren kontra gora jotzeko errekurtsoa jartzen ahal da, Landa Garapeneko eta Ingurumeneko kontseilariari zuzendua, hilabeteko epean, ebazpena jakinarazi eta biharamunetik zenbatzen hasita.

10. oinarria.–Ordainketa eskaera.

1. Dirulaguntza ordainduko da diruz lagundutako proiektua bukatu eta frogagiriak aurkeztu ondoren.

2. Entitateek egindako gastu guztiak justifikatu beharko dituzte, dagokien ordainketa kalkulatzeko. Gastuen justifikazioa ekintza gauzatu ondoren egiten ahalko da, emandako laguntzaren jakinarazpena jaso ondoren eta 2024ko azaroaren 4ra arte. Honako agiri hauek aurkeztu beharko dira:

–Ordainketa eskaera eta gauzatutako ekintzen deskribapen memoria. Prestakuntza edo informazioa barne hartzen duten ekintzen kasuan, ikasleen fitxak, irakasleen bertaratze-kontrola eta ikasleen bertaratze-kontrola.

–Jardueraren gastuen eta inbertsioen zerrenda banakatua, hartzekoduna eta agiria identifikatuta, baita zenbatekoa, jaulkipen eguna eta ordainketa eguna ere.

Egindako gastutzat joko da gastuak justifikatzeko epea bukatu baino lehen benetan ordaindu dena.

–Fakturak eta haien ordainketa frogatzeko agiriak; bankuko laburpenak erabiliko dira horretarako.

–Egindako ekintzen frogagiriak eta haien ondoriozko produktuen edo hedapen eta publizitate materialen erakusgarriak aurkeztuko dira.

–Entitateko langileek proiektua gauzatzeko egin dituzten lanorduen eta gastuen zerrenda.

–Laguntza emateko ebazpena jakinarazten denetik aurrera sortutako dokumentazioaren kasuan, dokumentu bidezko froga bat, erakusteko bete dela diruz lagundutako ekintzetan Nafarroako Gobernuak parte hartu duela jakitera emateko betebeharra, hau da, Nafarroako Gobernuaren logotipo ofiziala txertatu dela ekintzen publizitatean eta zabalkundean eta diruz lagundutako proiektuari buruzko dokumentazio guztian, eta testu hau ere erantsi dela: "Nafarroako Gobernuak diruz laguntzen du". Testu horrek bete beharko ditu Nafarroako Gobernuaren sinbolo ofiziala eta haren erabilera arautzen duen urtarrilaren 27ko 4/2016 Foru Dekretuan eta hura aldatzen duen otsailaren 12ko 8/2020 Foru Dekretuan jasotako ezaugarri teknikoak.

–Diruz lagundutako ekintza finantzatzeko erabili diren bestelako dirulaguntzen zerrenda zehaztua, zenbatekoa eta jatorria adierazita, eta, orobat, helburu bererako eskatutako beste laguntzen zerrenda.

–Aurkeztutako fakturetan BEZa sartzen bada, hura ezin dela berreskuratu edo konpentsatu dioen erantzukizunpeko adierazpena.

3. Instrukzio organoak uste badu zuzentzeko moduko akatsak daudela, errekerimendua eginen dio entitate eskatzaileari 10 eguneko epean zuzendu ditzan, beharrezko frogagiriak aurkeztuz. Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritakoaren arabera eginen da errekerimendu hori.

11. oinarria.–Ordainketa ebazpena.

Ordainketa egin aurretik, Landa Dibertsifikaziorako eta Garapenerako Zerbitzuak eskatzen den dokumentazio guztia berrikusiko du, eta, horrela, baieztatuko du aurkeztutako gastuak hautagarriak direla, justifikazio dokumentuak baliozkoak direla, elkarte onuradunek gardentasun betebeharrak betetzen dituztela eta gainerako dokumentazioa nahikoa dela. Halaber, zerbitzu horrek frogagiri osagarriak eskatzen ahalko ditu, egoki baderitzo, aurkeztutako dokumentazioa zehazteko, argitzeko edo osatzeko.

Dirulaguntzaren ordainketa bakarra eginen da; aurretik, organo kudeatzaileak egiaztatu beharko du laguntzaren onuradunak dirulaguntza emateko arrazoi izandako xedeak eta gardentasun betebeharra betetzen dituela.

12. oinarria.–Beste laguntza batzuekiko bateraezintasuna.

Laguntza deialdi honen bidez diruz lagundutako ekintzak bateraezinak dira Espainiako edo Europar Batasuneko edozein administrazio edo erakunde publikok zein pribatuk edo nazioarteko erakundeek helburu edo xede bererako emandako beste edozein laguntzarekin.

13. oinarria.–Jarraipena eta kontrola.

NPEaren Plangintzarako eta Landatartasun Berrirako Atalak, hari atxikitako teknikarien bidez, proiektuen jarraipena eginen du eta, orobat, garatutako alderdi guztiak eta finkatutako helburuen betetze maila gainbegiratu eta ebaluatuko ditu.

14. oinarria.–Itzulketak, arau-hausteak eta zehapenak.

1. Europar Batasuneko araudian xedatutakoa galarazi gabe, itzulketak, arau-hausteak eta administrazio zehapenak Dirulaguntzei buruzko azaroaren 9ko 11/2005 Foru Legean xedatutakoarekin bat etorriko dira.

2. Gaiaren arabera, arau-hausteak zehazteko eta zehapenak ezartzeko prozedura bat etorriko da Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearekin edo Nafarroako Foru Komunitateko Administrazioari buruzko abenduaren 3ko 15/2004 Foru Legearekin.

15. oinarria.–Laguntzen publizitatea.

1. Landa Garapeneko eta Ingurumeneko Departamentuak jendaurrean jarriko ditu emandako dirulaguntzak, Nafarroako Atariko tramiteen katalogoan dagokion fitxan sartuz, Dirulaguntzei buruzko azaroaren 9ko 11/2005 Foru Legearen 15. artikuluan ezartzen den moduan.

2. Nolanahi ere, laguntzen publikotasunerako, organo kudeatzaileak dirulaguntza emateko ebazpenei buruzko informazioa igorriko du Dirulaguntzen Datu Base Nazionalera, Nafarroako Gobernuaren Dirulaguntzen Datu Basearen bitartez, azaroaren 17ko 38/2003 Legeak 20. artikuluan ezartzen duenari jarraikiz.

II. ERANSKINA.–500 BIZTANLE BAINO GUTXIAGOKO UDALERRIAK ETA KONTZEJUAK ETA HORIEK DESPOPULATZEKO ARRISKUAREN SAILKAPENA

III. ERANSKINA.–BALORAZIO IRIZPIDEAK

IV. ERANSKINA.–LAGUNTZA ESKAERAREN EREDUA

Entitate hau ordezkatuz:

ESKATZEN DU:

Elkarteei landa-ingurunearen jasangarritasuna sustatzeko proiektuetarako banatuko zaien laguntza jasotzea. Aurreikusten duen laguntzaren zenbatekoa, guztira, ..................................... eurokoa da.

Eskaera hau aurkezteak berekin dakar laguntzaren oinarri arautzaileetako 4.ean bildutako konpromisoak onartzea.

BAIMENA EMATEN DIO:

NPEaren Plangintzarako eta Landatartasun Berrirako Atalari, espedientea tramitatzeko behar diren datuak jaso ditzan Nafarroako Gobernuko unitateetatik eta beste administrazio publiko batzuetatik.

 Laguntzak eta dirulaguntzak eskatze aldera, Nafarroako Zerga Ogasunarekiko betebeharrak egunean izateari buruzkoak.

 Laguntzak eta dirulaguntzak eskatze aldera, Gizarte Segurantzaren Diruzaintza Nagusiarekiko betebeharrak egunean izateari buruzkoak.

AURKEZTEN DIREN AGIRIAK:

 Identifikazio fiskaleko agiriaren (IFZa) kopia arrunta.

 Eskatutako BEZa ezin dela berreskuratu dioen erantzukizunpeko adierazpena.

 Nafarroako Zerga Ogasunarekiko betebeharrak eta Gizarte Segurantzaren Diruzaintza Nagusiarekikoak egunean dituela frogatzen duen ziurtagiria (baimena sinatu ez bada).

PROIEKTUA:

ESKAERAREN FORMALIZAZIOA:

.............................................(e)n, 202......(e)ko .....................................aren ........(e)(a)n.

(Sinadura)

Sinatua:

ERANTZUKIZUNPEKO ADIERAZPENA

ADIERAZTEN DUT ez nagoela inguruabar hauetako bakar batean ere:

a) Epai irmo batean ezarritako kondenaren ondorioz, dirulaguntza edo laguntza publikoak lortzeko aukeraz gabetua egotea.

b) Ebazpen irmo batean ezarritako zehapenaren ondorioz, dirulaguntzak lortzeko aukeraz gabetua egotea, Dirulaguntzei buruzko Foru Legean, zergei buruzko lege orokorretan edo emakumeen eta gizonen arteko berdintasunaren arloko legeetan ezarritakoaren arabera.

c) Ez duela inolako debekurik dirulaguntzen onuradun izateko, Dirulaguntzei buruzko azaroaren 9ko 11/2005 Foru Legearen 13. artikuluari jarraikiz.

Gainera, honako hauetarako KONPROMISOA HARTZEN DUT:

a) Dirulaguntza emateko oinarri izan den proiektua egitea.

b) Landa Garapeneko eta Ingurumeneko Departamentuari frogatzea beharkizunak eta baldintzak betetzen ditudala; orobat, hari frogatzea dirulaguntza emateko arrazoi den jarduera egin eta helburua bete dudala.

c) Organo eskudunek egin ditzaketen egiaztapenak eta finantza-kontrolak onartzea eta jarduera horietarako eskatzen dizkidaten agiri guztiak ematea.

d) NPEaren Plangintzarako eta Landatartasun Berrirako Atalari jakinaraztea diruz lagundutako jarduerak finantzatzeko lortzen dudan beste edozein dirulaguntza, laguntza, diru-sarrera edo baliabide. Jakin bezain laster emanen da horren berri eta, betiere, bukaerako ordainketarako justifikazioa –jasotako funtsei emandako erabilerari buruzkoa– aurkeztu baino lehen.

e) Egiaztapen eta kontrolak egiteko ahalmenak behar bezala erabil daitezen bermatzeko asmoz, kontabilitate liburuak, erregistro eginbidetuak eta gainerako agiriak behar bezala ikuskatuak edukitzea, legeetan eta merkataritza lege sektorialetan agindutako moduan.

f) Gordetzea jasotako diruaren erabilerari buruzko frogagiriak, agiri elektronikoak barne, egiaztapenen eta kontrolen xede izan daitezkeen artean.

g) Ekintzen publizitatea behar bezala egitea, eskatutako laguntzaren oinarri arautzaileetan zehazten den eran.

h) 11/2005 Foru Legearen 35. artikuluan aipatzen diren kasuetan, harturiko funtsak itzultzea.

.............................................(e)n, 202......(e)ko .....................................aren ........(e)(a)n.

(Sinadura)

Sinatua:

V. ERANSKINA –ORDAINKETA ESKAERAREN EREDUA

Entitate hau ordezkatuz:

ESKATZEN DU:

Nafarroako Gobernuaren dirulaguntzarik inoiz jaso ez dutenek eta banku-kontuaren zenbakia aldatu nahi dutenek transferentzia bidez ordaintzeko eskaera aurkeztu behar dute.

BAIMENA EMATEN DIOT:

NPEaren Plangintzarako Atalari, espedientea tramitatzeko behar diren datuak jaso ditzan Nafarroako Gobernuko unitateetatik eta beste administrazio publiko batzuetatik.

 Laguntzak eta dirulaguntzak eskatze aldera, Nafarroako Zerga Ogasunarekiko betebeharrak egunean izateari buruzkoak.

 Laguntzak eta dirulaguntzak eskatze aldera, Gizarte Segurantzaren Diruzaintza Nagusiarekiko betebeharrak egunean izateari buruzkoak.

AURKEZTEN DIREN AGIRIAK:

 Ikasleen fitxak, irakasleen bertaratze-kontrola eta ikasleen bertaratze-kontrola. (Prestakuntza edo informazioa barne hartzen duten ekintzen kasuan).

 Jardueraren gastuen eta inbertsioen zerrenda banakatua.

 Fakturen zerrenda eta haien ordainketa frogatzen duten agiriak.

 Egindako jardueren dokumentu bidezko frogak.

 Entitateko langileek, proiektua gauzatzeko, egin dituzten lanorduen eta gastuen zerrenda. (Nominak, langileen izenen zerrendak eta kotizazioen likidazioaren hartze agiriak).

 Proiektuak Nafarroako Gobernuaren dirulaguntza jaso duela erakutsi dela frogatzen duten agiriak, hala dagokionean.

 Jarduera bererako eskatutako beste dirulaguntza batzuen gaineko adierazpena.

 Laguntzan eskatutako BEZaren zenbatekoa ezin dela berreskuratu dioen erantzukizunpeko adierazpena.

 Nafarroako Zerga Ogasunarekiko betebeharrak eta Gizarte Segurantzaren Diruzaintza Nagusiarekikoak egunean dituela frogatzen duen ziurtagiria (baimena sinatu ez bada).

Frogagiriei buruzko oharra.

Ekintzen frogagiriak aurkeztuko dira, bai eta haiek gauzatu edo zabaltzearen ondoriozko produktuenak ere. Agiri horiek frogatu behar dute, besteak beste, dirulaguntzaren xede izan den proiektuan Nafarroako Gobernuak izan duen parte-hartzea aditzera eman dela eta Nafarroako Gobernuaren logotipo ofiziala sartu dela egindako publizitatean eta zabalkundean eta, orobat, dirulaguntzak emateko ebazpena jakinarazten denetik aurrera harekin loturik sortu den dokumentazio guztian.

EKINTZEN DESKRIBAPEN MEMORIA

ESKAERAREN FORMALIZAZIOA:

.............................................(e)n, 202......(e)ko .....................................aren ........(e)(a)n.

(Sinadura)

Sinatua:

Iragarkiaren kodea: F2411455