169. ALDIZKARIA - 2024ko abuztuaren 20a

1. NAFARROAKO FORU KOMUNITATEA

1.7. BESTELAKOAK

52/2024 EBAZPENA, uztailaren 19koa, Lehendakaritzako, Gobernu Irekiko eta Nafarroako Parlamentuarekiko Harremanetako zuzendari nagusiak emana, zeinaren bidez argitara ematen baita Nafarroako Aldizkari Ofizialean Estatuko Administrazio Orokorraren eta Nafarroako Foru Komunitatearen arteko Lankidetza Batzordeak hartutako erabakia, Nafarroako Babes Zibilari eta Larrialdien Kudeaketari buruzko uztailaren 1eko 8/2005 Foru Legearen 53. artikulua aldatzen duen maiatzaren 10eko 5/2024 Legea dela eta.

Aintzat hartuta Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,

EBAZTEN DUT:

Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, ebazpen honi eranskin gisa gehitu zaiona, Nafarroako Aldizkari Ofizialean argitara ematea.

Iruñean, 2024ko uztailaren 19an.–Lehendakaritzako, Gobernu Irekiko eta Nafarroako Parlamentuarekiko Harremanetako zuzendari nagusia, Joseba Asiain Albisu.

ERANSKINA.–ESTATUKO ADMINISTRAZIO OROKORRAREN ETA NAFARROAKO FORU KOMUNITATEAREN ARTEKO LANKIDETZA BATZORDEAREN ERABAKIA, NAFARROAKO BABES ZIBILARI ETA LARRIALDIEN KUDEAKETARI BURUZKO UZTAILAREN 1EKO 8/2005 FORU LEGEAREN 53. ARTIKULUA ALDATZEN DUEN MAIATZAREN 10EKO 5/2024 LEGEA DELA ETA

Estatuko Administrazio Orokorraren eta Nafarroako Foru Komunitatearen arteko Lankidetza Batzordeak erabaki hau hartu du:

1. Negoziazioei ekitea, Nafarroako Babes Zibilari eta Larrialdien Kudeaketari buruzko uztailaren 1eko 8/2005 Foru Legearen 53. artikulua aldatzen duen maiatzaren 10eko 5/2024 Legearen artikulu bakarra dela-eta agertutako desadostasunak konpontzeko.

2. Lantalde bat izendatzea Lankidetza Batzordeari bidezko den konponbidea proposatzeko.

3. Erabaki hau Konstituzio Auzitegiari jakinaraztea, Konstituzio Auzitegiari buruzko urriaren 3ko 2/1979 Lege Organikoaren 33.2 artikuluan aipatzen den edozein organoren bidez, manu horretan berean aipatzen diren ondorioetarako, eta erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.

Ángel Víctor Torres Pérez, Lurralde Politikako eta Memoria Demokratikoko ministroa.–Félix Taberna Monzón, Lehendakaritza eta Berdintasuneko kontseilaria eta lehen lehendakariordea.

Iragarkiaren kodea: F2411293