Iragarkia
169. ALDIZKARIA - 2024ko abuztuaren 20a
1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
123C/2024 EBAZPENA, uztailaren 5ekoa, Ekonomia Sozialeko eta Laneko zuzendari nagusiak emana; honen bidez erabaki da Siemens Gamesa Renewable Energy SL enpresaren Aratzuriko Logistika Zentroaren hitzarmen kolektiboa erregistratzea, gordailutzea eta Nafarroako Aldizkari Ofizialean argitaratzea.
Centro Logístico de Arazuri de Siemens Gamesa Renewable Energy SL enpresak aurkeztutako hitzarmen kolektiboa aztertu da (kode zenbakia: 31101181012017), zeina erregistro honetan sartu baitzen 2024ko ekainaren 20an, enpresaren ordezkariek eta sindikatuen ordezkariek 2024ko ekainaren 4an izenpetuta.
Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, laneko akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin bat etorriz,
Nafarroako Foru Komunitateko Administrazioari eta foru sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuak ematen dizkidanak, honako hau
EBAZTEN DUT:
Lehenengoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzea Centro Logístico de Arazuri de Siemens Gamesa Renewable Energy SL enpresak aurkeztutako hitzarmen kolektiboa (kode zenbakia: 31101181012017).
Bigarrena.–Nafarroako Aldizkari Ofizialean argitara dadila xedatzea, orok jakin dezaten.
Hirugarrena.–Ebazpen hau eskatzaileari jakinaraztea, eta ohartaraztea ebazpenak ez diola amaiera ematen administrazio bideari eta, honen aurka, gora jotzeko errekurtsoa aurkezten ahal diola Eskubide Sozialetako, Ekonomia Sozialeko eta Enpleguko kontseilariari, hilabeteko epean, ebazpena jakinarazi eta hurrengo egunetik aurrera.
Iruñean, 2024ko uztailaren 5ean.–Ekonomia Sozialeko eta Laneko zuzendari nagusia, Iñaki Mendióroz Casallo.
SGRE EÓLICA ENPRESAREN ARATZURIKO ZENTRORAKO III. HITZARMEN KOLEKTIBOA 2023-2026
Edukia
I. KAPITULUA.–Aplikazio eremua.
1. artikulua. Pertsona eremua.
2. artikulua. Denbora eremua.
3. artikulua. Osotasunarekiko lotura.
4. artikulua. Berme pertsonalak.
II. KAPITULUA.–Lanbide sailkapena.
5. artikulua. Lanbide sailkapeneko sistema.
III. KAPITULUA.–Garapen politika eta karrera profesionala.
6. artikulua. Karreraren bilakaera eta soldaten berrikuspena eskatzeko prozedura.
7. artikulua. Taldea sustatzeko eta lanpostuen jarraipena egiteko prozedura.
IV. KAPITULUA.–Ordainsarien politika.
8. artikulua. Soldata taulak.
9. artikulua. Soldata igoera.
10. artikulua. Ordainsari aldakorra.
11. artikulua. 5. taldeko prima aldakorra.
12. artikulua. Antzinatasuna.
13. artikulua. Plusak.
14. artikulua. Gauzazko ordainsaria eta ordainsari malgua.
V. KAPITULUA.–Lan denbora.
15. artikulua. Lanaldia.
16. artikulua. Ordutegia, egutegia eta oporrak.
17. artikulua. Lanaldi-gehigarria.
18. artikulua. Lan malgutasuna.
VI. KAPITULUA.–Smart Workinga.
19. artikulua. Smart Workinga.
VII. KAPITULUA.–Bidaiak.
20. artikulua. Bidaia nazionalak.
21. artikulua. Nazioarteko esleipena.
VIII. KAPITULUA.–Berdintasuna, dibertsitatea eta kontziliazioa.
22. artikulua. SGRE taldearen III. Berdintasun plana.
23. artikulua. LGTBI kolektiboko pertsonen eskubideak bermatzea.
24. artikulua. Lanaldiaren murrizketa eta kontziliazio neurriak.
25. artikulua. Baimenak eta lizentziak.
IX. KAPITULUA.–Onura sozialak.
26. artikulua. Aldi baterako ezintasun egoeraren osagarria.
27. artikulua. Istripu- eta bizitza-aseguru kolektiboa.
28. artikulua. Desgaitasunerako laguntza ekonomikoak
X. KAPITULUA.–Enplegu politika.
29. artikulua. Enpleguaren Jarraipenerako Mahaia.
30. artikulua. Kontratazioa.
31. artikulua. Lanpostu hutsak.
XI. KAPITULUA.–Langileen lanbide prestakuntza
32. artikulua. Prestakuntza.
XII. KAPITULUA.–Laneko osasuna.
33. artikulua. Laneko arriskuak prebenitzeko batzordeak.
XIII. KAPITULUA.–Eskubide sindikalak.
34. artikulua. Eskubide sindikalak.
XIV. KAPITULUA.–Batzorde paritarioa.
40. artikulua. Batzorde Paritarioaren konposizioa.
XV. KAPITULUA.–Hitzarmena ez betetzea eta aldaketa funtsezkoa.
42. artikulua. Hitzarmena ez betetzea.
43. artikulua. Lanaren soldata baldintzen aldaketa funtsezkoa.
I. XEDAPEN GEHIGARRI IRAGANKORRA.
XEDAPEN OROKORRAK
Hitzarmen hau sinatu dute, alde batetik, langileak ordezkatuz, Siemens Gamesa Eólica enpresaren Aratzuriko logistika zentroko enpresa batzordeak eta, bestetik, enpresak berak.
Langileen Estatutuaren Legearen testu berritua onesten duen urriaren 23ko 2/2015 Legegintzako Errege Dekretuaren arabera, bi aldeek hitzarmen hau adosteko legitimazioa aitortu diote elkarri; halaber, hitzarmena estatutuaren araberakoa eta eraginkortasun orokorrekoa dela onartu dute, berariaz.
Hitzarmen honetan aurreikusita ez dauden kasuetan, Nafarroako Foru Komunitateko industria siderometalurgikoaren Hitzarmen Kolektiboa izanen da aplikagarria. Nafarroako metalaren hitzarmen probintzialak indarra galduko balu, haren erreferente gehigarri izaten jarraituko luke, harik eta beste hitzarmen probintzial batek berritu arte.
I. KAPITULUA.–Aplikazio eremua
1. artikulua. Pertsona eremua.
Hitzarmen kolektibo honek zentroko langile guztientzako balioko du.
2. artikulua. Denbora eremua.
Aratzuriko Logistika Zentroko Hitzarmen Kolektiboa sinatzen den unetik aurrera jarriko da indarrean, eta 2023ko urtarrilaren 1era arteko atzeraeragina izanen du; 2026ko abenduaren 31n utziko dio indarrean egoteari.
Hitzarmenaren amaiera 2026ko urriaren 31n iragarriko da berariaz, hau da, indarraldia amaitu baino bi hilabete lehenago, baina haren eduki arautzaileari luzatuta eutsiko zaio hura ordezten duen beste hitzarmen bat sinatzen ez den bitartean.
Bi aldeek konpromisoa hartzen dute Negoziazio Batzordea 2026ko azaroaren 30a baino lehen eratzeko.
3. artikulua. Osotasunarekiko lotura.
Hemen itundutako baldintzek multzo bakar eta zatiezina osatzen dute, eta, aplikazio praktikoari dagokionez, osotasunean hartuko dira.
4. artikulua. Berme pertsonalak.
Hitzarmen honetan ezarritakoak gainditzen dituzten baldintza pertsonalei maila pertsonalean soilik eutsiko zaie, betiere hitzarmena sinatu baino lehenagokoak baldin badira.
II. KAPITULUA.–LANBIDE SAILKAPENA
5. artikulua. Lanbide sailkapeneko sistema.
Lanbide sailkapen hau ezartzen da, SGRE enpresa oro har garatzen ari den lanpostuak homogeneizatzeari dagokionez:
KATEGORIA | TALDEA |
Managers | 1 |
Team Leaders | 2 |
Professional, PM & Supervisor | 3 |
Administrative | 4 |
Technical & Operations | 5 |
Lanbide-sailkapeneko sistema hau iragankorra izanen da, enpresak lanbide-sailkapeneko sistema global berria ezarri artean.
–Managers: Jarraibideak eta prozesuak inplementatzeaz arduratzen da, eta erakunde funtzional bat administratzen du, bertikala edo horizontala; lerroko kudeaketaren erantzukizuna du, eta Manager edo Head bati ematen dio haren berri. Lerroaren kudeaketaren barruan sartzen dira, besteak beste, langileen hautaketa, izendapena, lan baldintzak, helburuak, ebaluazioa, ordainketa eta sustapena, baita lan kontratuak azkentzea ere. Talde honetan, aipamen gisa, analogiaz honako hauekin parekatzen ahal diren jarduera guztiak biltzen dira: Manager edo arloko arduradunak.
–Team Leader: Lerro hierarkiko edo funtzionalaren kudeaketaren erantzukizuna izaten du, eta Manager bati ematen dio haren berri. Profesional kualifikatuen (edo erdi-kualifikatuen) lantalde txiki bat zuzentzeaz arduratzen da, eta emaniko prozesuen arabera eta adosturiko helburu operazional edo teknikoei jarraitzen die. Lerroaren kudeaketaren barruan sartzen dira, besteak beste, langileen hautaketa, izendapena, lan baldintzak, helburuak, ebaluazioa, ordainketa eta sustapena, baita lan kontratuak azkentzea ere. Talde honetan, aipamen gisa, analogiaz honako hauekin parekatzen ahal diren jarduera guztiak biltzen dira: COM eta Procurement koordinatzaileak.
–Gainbegiralea: Lerro hierarkiko edo funtzionalaren kudeaketaren erantzukizuna izaten du, eta Manager bati ematen dio haren berri. Produkzioan, logistikan edo administrazioan talde eragile bat edo gehiago zuzentzeko arduraduna. Oro har, lanbide heziketako mailara arteko kualifikaziorik gabeko langileek osatzen dituzte lantaldeak, laneko aurrekariei, prozedurei eta arauei jarraituz. Taldeen helburuek, eskuarki, prozesuen elementuak etengabe hobetzeari egiten diote erreferentzia, bai eta adostutako lan arauak, entregak edo zerbitzuak betetzeari ere. Talde honetan, aipamen gisa, analogiaz honako hauekin parekatzen ahal diren jarduera guztiak biltzen dira: txandako burua.
–Project Manager: Project Managerrek definituriko proiektuen edo azpiproiektuen erantzukizun orokorra izaten dute. Proiektu batetik (aldi baterako esleipena) beste batera pasatzen dira denborarekin. Proiektu bakoitzerako espezifikoki bideratuak izaten dira beren ardurapean edukitzen dituzten baliabideak. Erantzukizunez kudeatzen dituzte barneko eta kanpoko proiektuak, proiektuak kudeatzeko gidalerroen arabera, eta Manager edo Head bati ematen diote dagokionaren berri. Izaten ahal dute langile bat proiektu baterako esleitzearen ondorioz sorturiko kudeaketa funtzionalaren erantzukizuna, buruak arlo funtzionaleko jarraibideak emateko aginpidea duenetan. Talde honetan, aipamen gisa, analogiaz honako hauekin parekatzen ahal diren jarduera guztiak biltzen dira: Project Manager.
–Professional & Experts: Banaka laguntzen du helburu funtzionalak edo enpresa helburuak lortzen ezaupide profesionalak aplikatuz; normalean Head, Manager edo Team Leader baten (profesional gisa) eta Manager edo Head baten (aditu gisa) esanera jarduten du. Profesionalek izaten ahal dute, halaber, kudeaketa erantzukizun mugatua, funtzioaren eta denboraren ikuspegitik. Horren jatorria izaten ahal da zeharkako erantzukizun bat duen langile bat eginkizun operazional/espezializatu batera esleitzea –esaterako, teknologia–, edo langile bat esleitzea enpresaren funtzio batera, jakinik agintaritza duela auzi funtzionaletan jarraibideak emateko –esaterako, finantzetan eta kontrolean–. Talde honetan, aipamen gisa, analogiaz honako hauekin parekatzen ahal diren jarduera guztiak biltzen dira: Shipping Specialist, Quality Specialist, Planning & Projects Specialist, Tools & Equipment Specialist.
–Administrative: Funtzionalki definituriko prozesu administratiboetan jarduten du, prozedurei eta jarraibideei men eginez; gainbegirale, Team Leader edo Manager bati ematen dio dagokionaren berri. Talde honetan, aipamen gisa, analogiaz honako hauekin parekatzen ahal diren jarduera guztiak biltzen dira: Administratives.
–Operations - Technical: Funtzionalki definituriko prozesu eta eragiketa teknikoetan jarduten du, prozedurei eta jarraibideei men eginez; gainbegirale, Head edo Manager bati ematen dio dagokionaren berri. Talde honetan, aipamen gisa, analogiaz honako hauekin parekatzen ahal diren jarduera guztiak biltzen dira: Material Handling Operator.
III. KAPITULUA.–GARAPEN POLITIKA ETA KARRERA PROFESIONALA
6. artikulua. Karreraren bilakaera eta soldaten berrikuspena eskatzeko prozedura.
Lanpostu edo maila beraren barruan karrera profesionalaren bilakaeraren jarraipena errazteko, erreferentzia gisa lau soldata puntu edo azpimaila ezartzen dira lanbide maila bakoitzean:
1., 2., 3. eta 4. taldeetarako:
–N1: Lanpostu baten barruan jarduerari ekitearekin loturiko egoerari dagokio.
–N2: Dena delako lanpostuari dagokion jarduna erabat menderatzea esan nahi du, edota SGRE konpainian bost urteko antzinatasuna izatea langileak.
–N3: Dena delako lanpostuari dagokion jarduna erabat menderatzeaz aparte, hobetzeko prozesuan sakontzeko prest egotea. Horretaz gainera, langilearen jarduna 3koa edo hortik gorakoa izanen da, konpainiaren jarduera sistemarako zehazturikoaren arabera.
–N4: Dena delako lanpostuari dagokion jardunaren gaineko jakite maila handia izateaz eta etorkizuneko arazoei aurrea hartzea ahalbidetzeaz gainera, modu efikazean elkarreragiten du taldearekin eta gainbegiratzerik gabe gauzatzen ditu hobekuntzak. Horretaz gainera, langilearen jarduna 3koa edo hortik gorakoa izanen da, konpainiaren jarduera sistemarako zehazturikoaren arabera.
5. talderako:
–N1: Lanpostu baten barruan jarduerari ekitearekin loturiko egoerari dagokio.
–N2 Dena delako lanpostuari dagokion jarduna erabat menderatzea esan nahi du, edota SGRE konpainian bost urteko antzinatasuna izatea langileak. Horrek esan nahi du departamentuko buruak funtsezkotzat definitutako prozesuak menderatzea.
–N3: Dena delako lanpostuari dagokion jarduna erabat menderatzeaz aparte, egiten du ekarpenik jarduera hobetzeko prozesuetan eta ohar proaktiboak egiten ditu segurtasunarekin zein osasunarekin loturik (kolektibo osoa hobetzen laguntzera bideraturik).
–N4: Dena delako lanpostuari dagokion jardunaren gaineko jakite maila handia izateaz eta etorkizuneko arazoei aurrea hartzea ahalbidetzeaz gainera, modu efikazean elkarreragiten du taldearekin, egiten du ekarpenik jarduera hobetzeko prozesuetan, eta ohar proaktiboak egiten ditu segurtasunarekin eta osasunarekin loturik (kolektibo osoa hobetzen laguntzera bideraturik), bestalde.
Ondoren zehazturiko interpretazio irizpideak adostu dira, eta Lanpostuak Balioesteko Batzordeak barne erregelamenduan jasoko ditu, agiri horretan bildurikoekin batera. Halaber, irizpide horiek baztertzea errespetatuko du, zehazki hitzarmenaren 8. artikuluaren arabera:
1. SGRE konpainian bost urteko antzinatasuna metatzen duen langile orok bere taldeko 2. mailan egon beharko du gutxienez.
2. Kanpoko enpresa batetik datozen langile berrien kasuan, SGRErako lan egindako bost urteko antzinatasuna hartuko da kontuan, kanpoko eta barneko langile gisa emandako denbora batuta, eta gutxienez beren talde profesionaleko 2. mailan sailkatuko dira, SGREn arituz gero antzeko eginkizun teknikoak betetzeagatik egokituko litzaiokeen talde profesionalaren barruan.
Langileak irizten badio bere soldata bilakaera ez datorrela bat karreraren garapenarekin, honako prozedura hau ezartzen da soldatak egokitzeko:
–Lanpostu mailaren araberako soldata erreferentzia altuenera egokitzeko eskaera formatua ezartzen da. Eskaera horretan, erreklamatzaileak hautatu beharko du langileen ordezkariak jakinaren gainean jartzen diren ala ez (1. eranskinean dago jasota horretarako eredua).
–Eskaera Giza Baliabideen Departamentuan aurkeztuko da, eta, han, zuzeneko arduradun hierarkikoak parte hartuko du eskaerari erantzuna emateko txostenaren prestaketan. Gehienez ere bi hilabete izanen dira txosten hori prestatzeko.
–Txostena aldekoa bada, erantzuna idatziz helaraziko zaio langileari, eta soldata dagokion zenbatekora egokituko da, eskaera aurkeztu zen datatik bertatik erregularizatuz.
–Txostenak ezezkoa ematen badio eskaerari, berriz, ezezko horren arrazoiak adierazi beharko ditu (kalifikazioan, jarreran edo bietan). Kualifikazio gabeziak dituela justifikatuz gero, halabeharrez eginen da gabezia horiek konpentsatzeko prestakuntza plan bat.
–Prestakuntza plana amaitutakoan, eta interesatutako langileak hala eskatzen badu, berriro ebaluatuko da erreklamazioa.
–Langileak behin baino gehiagotan egin badu soldataren erreklamazioa, eta horietan guztietan eskaera ukatu bazaio, Batzorde Paritarioari jakinaraziko zaio, interesdunak kontrakoa adierazten ez badu behintzat, eta kasu horietarako garapen plan bat diseinatzeko beharra baloratuko da.
–Batzorde Paritarioak urtean lautan jasoko du informazio hau:
- Onartutako erreklamazioak.
- Ukatutako erreklamazioak.
- Ukatutako eskabideen jarraipena, langileen ordezkarien partaidetzarekin.
7. artikulua. Taldea sustatzeko eta lanpostuen jarraipena egiteko prozedura.
Sustapentzat hartuko da hitzarmen honetan ezarritako taldeen eta mailen egituraren barruan goranzko bilakaera bertikala dakarren lanpostu aldaketa. Sustapentzat hartuko da, halaber, lanpostu beraren taldea edo maila aldatzea, lanpostu hori edukia aldatzeagatik berrikustearen ondorioz.
Sustapena gertatuz gero, talde edo maila berriaren bandako gutxienekoari dagokion soldata esleituko zaio/zaie gutxienez ukitutako pertsonari/pertsonei, eta beti bermatuko da sustapenaren aurretik ezarrita zegoen soldata.
a) Lanpostuak berdintzearen jarraipena.
Jarraipen Batzordea sindikatu sinatzaile bakoitzeko ordezkari banak eta enpresako hiru ordezkarik osatuko dute, eta hark eginen du lanpostuen katalogoaren bilakaeraren jarraipena (altak, bajak, aldaketak) Aratzuriko Logistika Zentrorako Hitzarmen Kolektiboaren aplikazio eremuari dagokion zatian (2., 3., 4. eta 5. lanbide-taldeei esleituriko lanpostuak).
Batzordeak bi hilean behin jasoko du lanpostu horietan sartzeko prozesuan dauden aldaketei buruzko informazioa, eta langileen ordezkaritzak eskatuta elkartzen ahalko da, aldaketen azterketan sakontzeko eta haien gaineko iritzia emateko.
Lanpostu jakin baten maila aldatzen bada, idatziz jakinaraziko zaie ukituriko pertsonei.
b) Berdintzea eskatzeko prozedura.
Pertsona batek irizten badio nabarmen aldatu dela bere lanpostuaren edukia eta horrek zuzenean eragiten diela lanpostu horri esleitutako maila definitzeko irizpideei, lanpostua berdintzeko azterlan bat egiteko eskatzen ahalko du Giza Baliabideen Departamentuaren bidez, dela zuzenean, dela ordezkaritza sindikalaren bidez. Horretarako, inprimaki espezifiko bat bete beharko du (atxikita dago eredua 2. eranskinean).
Giza Baliabideen Departamentuak modu anonimoan helaraziko dio eskaera hori Jarraipen Batzordeko kideei, eta batzorde horrek iritzi ez-loteslea eman beharko du, erreklamazioari buruzko ebazpena gehienez ere bi hilabeteko epean hartu ahal izateko moduko epe baten barruan (aurkezten diren erreklamazioei erantzuteko gehieneko epea).
Giza Baliabideen Departamentuak erreklamazioa ebatzi ondoren, departamentu horrek erreklamazioaren emaitzaren berri emanen die interesdunari eta Jarraipen Batzordeari. Azken irizpena erreklamazioaren aldekoa bada, sustapen prozesua (bertikala) aplikatuko zaio erreklamatzaileari, eta erreklamazioa aurkezturiko egunetik aitzina izanen du eragina. Emaitza ezezkoa bada, interesdunari eta Jarraipen Batzordeari jakinaraziko zaie zergatik ez den onartu.
c) Konfidentzialtasuna.
Jarraipen Batzordean erabiliko den informazioa bereziki sentikorra denez, konfidentzialtasun berariazko konpromisoa eskatuko zaie kideei bai ohiko lan prozesuan, bai eskabideak izapidetzean, (3. eranskinean dago zehazturik horretarako eredua).
IV. KAPITULUA.–ORDAINSARIEN POLITIKA
8. artikulua. Soldata taulak.
Jarraian adierazitako soldata tauletan ezarritako maila eta kategoria bakoitzean dago zehaztuta hitzarmen honen aplikazio eremuan bildutako langileen gutxieneko oinarrizko soldata, eta eguneratu eginen dira gehikuntza unibertsalarekin 2024, 2025 eta 2026. urteetatik aurrera:
KATEGORIA | TALDEA | 2023 | |||
Sarrera | N2 | N3 | N4 | ||
Managers | 1 | 41.471,24 euro | 45.203,82 euro | 50.941,41 euro | 56.704,33 euro |
Team Leader | 2 | 34.779,03 euro | 39.123,79 euro | 43.816,49 euro | 47.322,25 euro |
Professional, PM & Supervisor | 3 | 31.988,96 euro | 35.985,79 euro | 40.308,53 euro | 43.532,42 euro |
Administrative | 4 | 26.791,98 euro | 31.544,13 euro | 33.849,74 euro | 36.557,23 euro |
Technical & Operators | 5 | 26.791,98 euro | 31.544,13 euro | 33.849,74 euro | 36.557,23 euro |
9. artikulua. Soldata igoera.
Hitzarmen honen indarraldirako, soldata igoera hauek finkatu dira:
–2023. urterako, %4,8ko igoera ezartzen da 2022ko soldaten gainean, 2023ko urtarrilaren 1etik aitzinako eraginarekin. Eta langileak 2022. urtean zuen oinarrizko soldataren %1eko zenbateko baliokidearen ordainketa bakarra eta ez kontsolidagarria (aldez aurretik aplikatuko da %4,8ko hazkunde adostua).
–2024rako, %3,75eko igoera ezartzen da 2023ko soldaten gainean, 2024ko urtarrilaren 1etik aitzinako eraginarekin.
–2025erako, %3,75eko igoera ezartzen da 2024ko soldaten gainean, 2025eko urtarrilaren 1etik aitzinako eraginarekin.
–2026rako, %3,75eko igoera ezartzen da 2025ko soldaten gainean, 2026eko urtarrilaren 1etik aitzinako eraginarekin*.
(*) 2026. urtearen amaieran, baldin eta AENCren balioa 2026rako edota 2026ko KPI erreal nazionalaren balioa urte horretarako aplikatutako %3,75eko soldata igoera baino handiagoak badira, soldatak erregularizatuko dira aldea oinarri hartuta, eta horren kalkulua egiteko erreferentziatzat hartuko da handiena den balioa (AENC edo KPI erreal nazionala).
Horrez gainera, 2024. urtetik aurrera, hitzarmena indarrean dagoen urte bakoitzean, urteko oinarrizko soldataren %0,5en baliokidea den zenbateko ekonomiko bat esleituko zaio langile bakoitzari, eta zenbateko hori pentsio plan batera bideratuko da.
Hitzarmen hau sinatzen den unean langilea berariaz aukera horri atxikitzen bazaio, pentsio planerako ekarpenaren ordez konpentsazio bakarra ematen ahalko da (ez da kontsolidagarria izanen), urteko oinarrizko soldataren %0,3ko zenbateko gordinarekin, eta ordainketa bakarrean jasoko da hitzarmena indarrean dagoen urte bakoitzean.
Langileak hautatutako bidea aldaezina izanen da hitzarmenaren indarraldi osorako.
10. artikulua. Ordainsari aldakorra.
Hitzarmen hau sinatzean enpresan alta emanda dauden eta urteko soldata finkoaren %20ra arteko ordainsari aldakorra esleituta duten langileei beren ordainsari aldakorraren zati bat kontsolidatuko zaie urteko soldata finkoan. Kontsolidazio horrek berekin ekarriko du esleitutako aldagaiaren ehunekoa murriztea, honako taula honen arabera:
AURREKO ORDAINSARI | SOLDATA FINKOAREN | ORDAINSARI ALDAKOR BERRIA |
%4 | %0,90 | %3,1 |
%10 | %2,25 | %7,6 |
%15 | %3,38 | %11,2 |
%20 | %4,5 | %14,8 |
Zentro honi atxikitako langile guztiek soldata aldakorraren portzentajezko puntu bat absentismoaren helburuaren araberakoa izanen dute (%50 indibiduala; %50 orokorra). Aratzuriko Zentroan absentismoko indizea zehazte aldera, kontuan izanen da alderdi horren inguruan Nafarroako Foru Komunitateko industria siderometalurgikorako hitzarmenean zehaztutakoa.
11. artikulua. 5. taldeko prima aldakorra.
Prima aldakor bat ezartzea erabaki da hitzarmenaren indarraldi osorako, zentroaren lehiakortasuna bermatzearren, eta jarraian zehaztuko den helburuen xehakapenarekin.
Prima aldakor hori kobratu ahal izateko, zehaztutako helburuak bete beharko dira; helburu horiek zentroaren eta jardueraren helburuekin loturik egonen dira, Zuzendaritzak urtero zehaztuko ditu eta lehenengo hiruhilekoan eman beharko dizkio langileen ordezkaritzari.
1.–2023. urterako 1200 euro gordineko prima aldakorra ezartzen da. Talde honi ezartzen zaizkion helburuak honako hauek izanen dira: produktibitatea, gehienez 360 euro; gorabeherak, gehienez 240 euro; segurtasuna eta osasuna, gehienez 300 euro; eta absentismoa, gehienez 300 euro (horietatik, banakakoak 150 euro, eta orokorrak 150 euro).
2.–Prima kontsolidatzea: 2024. urterako, talde honetako langileei 1350 euro gordineko zenbatekoaren %22,5 kontsolidatuko zaie. Kontsolidazio horrek ez du guztiz murriztuko primaren azken zenbatekoa, eta hitzarmena indarrean den gainerako urteetarako 1.200 euro gordinetan finkatuko da. Ezartzen diren helburuak honako hauek izanen dira: produktibitatea, gehienez 360 euro; gorabeherak, gehienez 240 euro; segurtasuna eta osasuna, gehienez 300 euro; eta absentismoa, gehienez 300 euro (horietatik, banakakoak 150 euro, eta orokorrak 150 euro).
Prima aldakorra paga bakar batean kobratuko da, urte horretarako finkatutako helburuak aurkeztu eta hurrengo nominan; oro har, N+1 urtearen lehenengo hiruhilekoan izaten da.
Jarraian, talde honen helburuak zehaztuko dira:
5. taldea.–Biltegiko langileak:
–Produktibitatea:
- OTD Outbound (pick&pack).
- OTD Inbound.
- (hornitzaileen materiala jasotzea 48 ordu baino arinago).
–Gorabeherak urteko metatuaren % (orokorra biltegirako).
–Absentismoa: metatutako urteko % ratioa (%50 indibiduala; %50 orokorra).
–Segurtasuna eta osasuna: TRIR Aratzuri.
Aratzuriko Zentroan absentismoko indizea zehazte aldera, kontuan izanen da alderdi horren inguruan Nafarroako probintziako industria siderometalurgikorako hitzarmenean zehaztutakoa.
12. artikulua. Antzinatasuna.
Antzinatasunaren osagarri komuna ezartzen da hitzarmen honen aplikazio eremu osorako, urte hauetarako zenbateko hauetan:
–-2023an 279,11 euro lortutako antzinatasun hirurtekoko, eta kopuru horrek ez du mugapenik izanen urteengatik.
–-2024an 289,58 euro lortutako antzinatasun hirurtekoko, eta kopuru horrek ez du mugapenik izanen urteengatik.
–-2025ean 300,44 euro lortutako antzinatasun hirurtekoko, eta kopuru horrek ez du mugapenik izanen urteengatik.
–-2026an 311,71 euro lortutako antzinatasun hirurtekoko, eta kopuru horrek ez du mugapenik izanen urteengatik.
Urtean ordainketa bakarra eginen da osagarria jasotzeko, ekainaren 30ean SGREn urteko lehenengo seihilekoan sartu direnentzako eta abenduaren 31n, berriz, bigarren seihilekoan zehar sartu direnentzako.
Prestakuntza egiteko lankidetza-akordio bat izan ondotik enpresaren plantillara sartzen diren langile gradudunei (gradu akademiko bat lortu dutenak edo lortzeko bidean daudenak) antzinatasunaren ondorioetarako aldi hori errekonozituko zaie. Horretarako, lankidetza-akordioa amaitu bezain laster sartu beharko dira enpresan.
Ordainsariaren ondorioetarako antzinatasuna zenbatzeko kontuan hartuko dira aurrez jasotako antzinatasunaren osagarrien egoerak, soldatetan nahiz osagarri pertsonaletan kontsolidatu badira.
13. artikulua. Plusak.
–Gaueko lanaren plusa. Gaueko lanaldian lan egiten duten langileek (22:00etatik 06:00etara bitarte) 20,77 euro gordineko plusa jasoko dute 2023an gauez lan egindako egun bakoitzeko. 2024, 2025 eta 2026rako, berriz, hitzarmen honetan adostutako igoerarekin eguneratuko da zenbateko hori.
–Txandako burua ordezteagatiko plusa: Dena delako inguruabarrek eraginik, txandako buru baten eginkizunak ordeztu behar direnean, buru horrek 16,40 euro gordin jasoko ditu lan eginiko egun bakoitzeko 2023an. 2024, 2025 eta 2026rako, berriz, hitzarmen honetan adostutako igoerarekin eguneratuko da taldebururen plus hori.
–Kilometrajea: 2024. urterako, 0,41 euro gordin, eta 2025etik aurrera eguneratuko da soldata igoera unibertsalari jarraikiz. Konpentsazio hori gauzazko lansaritzat joko da eta une bakoitzean indarrean den konpainiaren politikak ezartzen duenaren arabera ordainduko da, enpresarentzako lehentasunezkoa baita alokatutako ibilgailuak erabil daitezela.
14. artikulua. Gauzazko ordainsaria eta ordainsari malgua.
Hitzarmen honen indarraldian, Aratzuriko zentroan lanaldi zatitua duten langileentzat dagoen jantoki zerbitzuari eutsiko zaio, baita kostuari ere: 0 eurokoa izanen da langile bakoitzeko.
Hitzarmenaren indarraldirako zenbateko gordinak hauek izanen dira: 12 euro/egun 2024an zehar, 12,5 euro/egun 2025ean zehar eta 13 euro/egun 2026an zehar.
SGRE-Flex: orain dagoen zerbitzuari eutsiko zaio, eta hitzarmen honen aplikazio eremuan aplikazio unibertsalekoa izanen da, aplikatu beharreko lege eta zerga irizpideen arabera.
Nominaren aurrerakinak: Enpresak urtean bi aldiz gehienez eman eta aurreratuko du, seihilekoan behin, eskaera egiten den hileko nominaren eta aldi horretan sortutako aparteko ordainsariaren %100.
V. KAPITULUA.–LAN DENBORA
15. artikulua. Lanaldia.
Hitzarmen honen indarraldi osoan, 1.695 ordukoa izanen da urteko lanaldia.
Bulegoko langileen kasuan (lanaldi osoan eta legezko zaintzagatiko lanaldi murriztuan), bazkaltzeko garaia eta joan-etorriko denbora ez dira hartuko lan denboratzat, ez eta lanaldian egiten diren atsedenaldiak ere.
Lanaldi zatitua egunero bi alditan banatuta egonen da eta bazkaltzeko gutxienez ere 30 minutuko tartea eginen da.
8 orduko txandetan lan egiten duten biltegiko langileen kasuan, 20 minutuko atsedenaldia egiteko eskubidea dute eta benetan lan egindako denboratzat hartuko da. Segurtasuna dela eta, gaueko txandan lan egiten duten biltegiko langileek bi atsedenaldi izanen dituzte: lehena 15 minutukoa eta bigarrena 10 minutukoa, eta benetan lan egindako denboratzat hartuko dira.
16. artikulua. Ordutegia, egutegia eta oporrak.
Enpresa Zuzendaritzak eta Batzordeak urtero negoziatuko dute lan egutegia; egutegi horretan sartuko dira urteko lanaldia, oporrak, ordutegia eta jaiegunak. Lan egutegia urte bakoitzerako negoziatuko da, aurreko urteko abenduaren 1a baino lehen.
Urteko oporrak 22 lanegun izanen dira, edo lan egindako denborarengatik dagokion zati proportzionala.
Egutegian 14 jaiegun sartzen dira: 13 Nafarroako Gobernuak markatzen dituenak eta bestea tokiko jaieguna. Atseden eguntzat hartuko dira uztailaren 7a eta abenduaren 24a eta 31.
2025. urtetik aurrera, kontsumitutako oporrak zenbatzeko, hartutako opor egunetako lanaldi zehatzei dagozkien ordu errealen kopurua hartuko da kontuan. Oporrak lanaldi osoetan hartuko dira, salbu eta langileak lanaldi oso baten baliokideak diren opor orduak baino gutxiago kontsumitu behar baditu; kasu horretan, hartzeko dituen ordu horiek 4 orduko blokeetan hartzen ahalko ditu, edo hartzeko dagoen kreditu osoa kontsumitu arte.
Oporrak dagokien urtearen barruan hartu beharko dira nahitaez eta osorik; ez dira metatzen ahalko beste urte batzuetako opor egunekin. Dena den, salbuespen kasuetan eta zerbitzuaren premiak eraginda, hurrengo urteko lehenengo hiruhilekoaren barruan hartzeko baimena ematen ahalko da.
Tresna eta Lanabesen Departamentuak bulegoko egutegiaren edo landako egutegiaren artean hautatzen ahalko du, betiere zerbitzua bermatuz gero.
17. artikulua. Lanaldi-gehigarria.
Bulegoetan lan egin ohi duten langileek ohiko lanaldia gainditzen duten orduak atseden denborarekin konpentsatuko dituzte.
Irizpide orokorra atseden denborarekin konpentsatzea izanen da, jarraian ezartzen denaren arabera:
–Astelehenetik ostiralera, soberako ordu bakoitzeko atseden ordu bana.
–Asteburuan, soberako ordu bakoitzeko 1,5 atseden ordu.
18. artikulua. Lan malgutasuna.
Hitzarmen honen indarraldiko urteetarako ordu poltsa bat ezarri da enpresatik kanpoko zirkunstantziek eragindako produkzio gorabeherak xurgatzeko. Zentro honetan egiten den jardueraren arabera, hauek dira enpresak ordu poltsa horren klausula erabiltzea justifikatzen duten arrazoiak, bai ordu kopuruari dagokionez, bai modu operatiboari dagokionez:
–Urte amaierako urteko inbentarioa, PC (Aratzuri, Hornitzaileak, Lantegiak…); izan ere, urteko emaitzak itxi aurretik nahitaez egin beharrekoa da Siemens Gamesan.
–Enpresak beste data batean eskatzen ahal dituen inbentario puntual edo partzialak, edozein arrazoi berezirengatik.
–Lan karga areagotzea hornidurak bat-batean handitzeagatik edo hornitzaileen materiala bat-batean jasotzeagatik.
–Lan karga areagotzea parkeko materialaren itzulketak bat-batean handitzeagatik.
–Lan karga areagotzea gure bezeroei –kanpoko nahiz barneko– zerbitzua emateko egin beharreko bidalketak bat-batean handitzeagatik.
–Lan karga areagotzea erakundetik kanpoko arrazoiengatik edo Siemens Gamesaren kontrolpean ez dagoen ezinbesteko beste edozein kasurengatik.
–Lan karga areagotzea jardueraren premiengatik, gure zerbitzu maila estandarra ematen jarraitu ahal izateko.
Arau arautzailea:
–Urte natural bakoitzean gehienez sai larunbat aktibatuko dira, eta goizeko eta gaueko txandetako langile guztiekin aktibatuko dira.
–Malgutasuna lanegunetan eta larunbatetan baliatuko da.
–Larunbatetan, malgutasuna goizeko eta/edo arratsaldeko txandetan baliatzen ahalko da, bai eta ostiral arratsaldetan ere. Ordena honen arabera aktibatuko da larunbatetan malgutasuna baliatzeko txanda: larunbat goizez, ostiral gauez eta, azken buruan, larunbat arratsaldeko txandan; gehienez BITAN AKTIBATUKO da larunbat arratsaldez. Txanda hori langileen borondatearen mende egonen da. Lehentasunez, goizeko eta/edo arratsaldeko txandako boluntarioekin beteko da; hori ezinezkoa bada, goizeko txandako langileei eskatuko zaie. Nolanahi ere, aktibatutako pertsonek ez dute gaindituko aste horretan txandari esleitutako pertsonen kopurua, eta zenbaketa horretatik kanpo geratuko dira aurreko nahiz hurrengo astean oporrak dituzten langileak.
–Malgutasun hori ez da aplikatuko honako egun hauetan: uztailaren 6an eta 7an, abenduaren 24an eta 31n, eta urtarrilaren 5ean.
–Lanaldi irregularra aplikatzean, egunean lanaldia gehienez ordubetez luzatzen/laburtzen ahalko da, astean gehienez lau orduz, eta gutxienez hamabost egun igaro behar dira malgutasun horren eta hurrengoaren artean. Lanaldi irregularra urtean gehienez hamazortzi ordukoa izanen da.
–2024. urterako, lau larunbat gehiagotan egonen da lanaldi osoa.
1. Lau larunbat gehigarriak gaueko eta goizeko txandan soilik aktibatzen ahalko dira, eta larunbat arratsaldeetan ez dira aktibatzen ahalko. Lau larunbat gehigarri horiek langile boluntarioekin beteko dira beti. Aktibatzeko astean lanean egon den txandaren %50, gutxienez, langile boluntarioekin betetzen ez bada, enpresak gutxieneko langileak izendatuko ditu malgutasun txandaren aktibazioa bermatzeko. Txanda aktibatzeko gutxieneko zerbitzua beteko duten pertsonen hautaketan objektibotasuna bermatzeko, zozketa eginen da. Zozketan hautatutako langile guztiak hurrengo zozketatik kanpo geratuko dira.
2. Bi alderdiak ados jarrita, hitzarmena indarrean dagoen bitartean ezarritako urteko malgutasun egunak gainditzen ahalko dira.
–Konpentsazioa: 2024. urtetik aurrera, hiru aukeraren artean hautatuko da, eta horietako bat bakarrik hautatzen ahal da:
1. Bi atseden egunekin konpentsatzea ostiral gauetan, larunbat goizetan edo larunbat arratsaldetan lan eginiko egun bakoitzeko. Koordinatzailearekin adostu eta jakinarazi ondotik hartuko dira atseden egunok.
2. Atseden egun batekin konpentsatzea eta 90 euroko plusa ordaintzea ostiral gauetan, larunbat goizetan edo larunbat arratsaldetan lan eginiko egun bakoitzeko. Koordinatzailearekin adostu eta jakinarazi ondotik hartuko da atseden eguna.
3. 180 eurokok konpentsazioa ostiral gauean, larunbat goizean edo larunbat arratsaldean lan eginiko egun bakoitzeko.
–HARTZEKO eta ZOR diren orduen kontuak 0 izan beharko du hurrengo urteko apirilaren 30ean.
–Ordu-poltsa baliatzeko aurreabisua 72 ordu lehenago eginen da, idazki bidez.
–Lehenik eta behin boluntarioekin betetzen saiatuko da. Posible ez bada, txanda aktibatzeko gutxieneko zerbitzua beteko duten pertsonen hautaketan objektibotasuna bermatzeko, zozketa eginen da. Zozketan hautatutako langile guztiak berriz hautatuak izateko aukera duten hurrengo zozketatik kanpo geratuko dira.
Malgutasuna larunbat guztietan ez dela baliatuko bermatu behar da, beharrezkoa denean soilik, eta baliatzeko erabakitako idazkeraren arabera.
Ez dira baliatuko Langileen Estatutuan edo goragoko eremuko hitzarmenetan legez ezarritako gainerako malgutasunak (lehiakortasunerako salbuespenezko akordioa). Enpresak hitzarmen honetan araututakoa baino malgutasun handiagoa behar izanez gero, sindikatuen ordezkariek eta enpresak akordio bat lortzeko konpromisoa hartzen dute.
VI. KAPITULUA.–SMART WORKINGA
19. artikulua. Smart Workinga.
SGREren programa bat da Smart Workinga, langileei aukera ematen diena haien laneko zereginak gauzatzeko etxetik nahiz ohiko lantegia ez den beste toki batetik Smartworking politika globalarekin bat. SGREren ustez, Smart Working programa laneko aukera bideragarria eta malgua da, langilea eta lanpostua akordio mota horretara egokitzen direnean.
Aldeek adierazi dute urrutiko lanaren osagarriak gauzatu eta arautu nahi dituztela, hitzarmena sinatzean indarrean zegoen eta SGREk maila globalean ezarritako Smart Working prozeduraren mende (PRO-49012 v2 dokumentua) eta Urrutiko lanari buruzko irailaren 22ko 28/2020 Errege Lege Dekretuan xedatutakoaren mende (28/2020 Errege Lege Dekretua).
Urrutiko lana da lan eremuan zerbitzuak emateko modu bat, ezaugarritzat duena langileak modu erregularrean garatzen duela itundutako lanaldi osoa edo haren lanaldi zati bat bere etxetik, modernitatearen eta lanaren eta bizitza pertsonalaren arteko orekak sortzen dituen onuren bila merkatuak egiten dituen eskariekin bat etorriz.
Konpainiak, kasua bada, bulegora joateko politika (smart working) betetzen dela ziurtatuko du. Horretarako, langileen lan zentroetarako asistentzia banaka gainbegiratzen ahalko du, beharrezkotzat jotzen badu.
28/2020 Errege Lege Dekretuaren lehenengo xedapen iragankorrean ezarritakoaren arabera, Smart Working prozedurako lan baldintzei eta ekipoei buruzko 3.3.4 eta 3.3.5 puntuak 28/2020 Errege Lege Dekretuan aurreikusitako araudira egokitu behar dira.
Langilea legezko zaintzapean badago, bulegoetako lan presentzialaren ehunekoa eta etxetik egindakoa urtean behin zenbatzen ahalko dira, Smart Working prozeduran zehaztutako asteko irizpide orokorraren ordez.
Halaber, langileei eragiten ahal dieten eta etxetik lan egiteko ehunekoa handitzea gomendatzen duten egoera batzuk aztertuko dira.
Langileak bere lantokitik kanpo laneko bidaian dauden egunak bulegora joateko egun gisa zenbatuko dira.
28/2020 Errege Lege Dekretuaren esparruan urrutitik lan egiten duten langileei aplikatu beharreko baldintzak:
a) Langileari ematen zaizkion bitartekoak, ekipamenduak eta tresnak:
1. Aulki ergonomikoa (enpresak eman behar du), ordenagailu eramangarria, telefono mugikorra, pantaila, sagua, teklatua eta, kasua bada, dock unibertsala, aukera ematen duena pantaila, sagua, teklatua, kanpoko kamera eta beste edozein periferiko konektatzeko, IT departamentuaren eskakizunekin bat eta langileak aurrez eskatuta.
2. Halaber, enpresak langileari emanen dio, lanerako tresna edo gailu gisa, bere lanpostuari dagozkion eginkizunak betetzeko behar duen ekipoa, enpresaren jardueraren premiekin eta enpresan une bakoitzean aplikatzekoa den politikarekin bat etorriz, bai gailuak, bai aplikazioak, esate baterako ordenagailuak, gailu elektronikoak edota posta elektronikoko sistema.
3. Langileari emandako ekipoaren erabilera profesionala baino ez da izanen, bere lanpostuari datxezkion funtzioak garatzeko laneko tresna.
4. Langileari emandako bitartekoak, ekipoak eta tresnak ordeztuko dira, balio-bizitza agortu denean.
5. Enpresak bidezkotzat jotzen dituen zaintza eta kontrol neurriak hartzen ahalko ditu egiaztatzeko langileak bere laneko betebeharrak betetzen dituela. Nolanahi ere, enpresak bete beharko du Datu pertsonalak babesteari eta eskubide digitalak bermatzeari buruzko abenduaren 5eko 3/2018 Lege Organikoan jasotakoa, eta errespetatuko du intimitaterako eskubidea.
b) Gastuak eta konpentsazio ekonomikoa.
Langileek urrutiko zerbitzuak emateak honako gastu hauek sortuko ditu, oro har zerrendatuta eta modu argigarrian eta ez mugatzailean:
1. Internet kontratatzetik eratorritako gastuak (ADSL linea, finkoa edo Interneterako konexioa, smartphone...).
2. Elektrizitatea erabiltzearen ondoriozko gastuak.
3. Berokuntza, klimatizazioa eta abar erabiltzearen ondoriozko gastuak.
4. Kontsumigarriak nahiz bestelako bitarteko partikularrak (inprimagailua, etab.)
5. Antzeko beste gastu batzuk.
Langileak eginkizunak etxetik garatzearen ondorioz izaten ahal dituen gastu guztien ordainetan (aurreko atalean oro har aipatutakoak), enpresak hilean 55 euro gordin emanen dizkio langileari, eta zenbateko hori ez da aldatuko hitzarmenaren indarraldi osoan. Laneko jarduerarik gabeko aldiek (aldi baterako ezintasuna, eszedentziak, etab.) ez dute osagarri hori sortuko.
Aurreko paragrafoan aipatutako hileko 55 euro gordinak, adibide gisa, honako banakapen honekin bat etortzen ahal dira:
–-30 euro gordin kontsumo elektrikoagatik eta berokuntzagatik/klimatizazioagatik.
–20 euro gordin interneteko lineagatik (ADSL, zuntz optikoa edo baliokidea).
–5 euro gordin bulegoko kontsumigarriengatik (inprimagailurako tinta kartutxoak, folioak eta abar).
Bazkarirako laguntzaren konpentsazioari dagokionez, enpresak 12 euro ordainduko ditu egun bakoitzeko 2024an, 12,5 euro 2025ean eta 13 euro 2026an, astelehenetik ostegunera bitarteko urrutiko benetako lanegunengatik, betiere langileak lanaldi zatituan (*) lan egiten badu, eta oro har uztaila eta abuztua alde batera utzita. Landa egutegia duten langileei, oro har, uztailean eta abuztuan ordainduko zaie, betiere lanaldi zatituan lan egiten badute.
(*) Neurri hori lanaldi murriztua duten eta lanaldi zatitua duten langileei ere izanen zaie aplikatzekoa. Beraz:
–Lanaldi murriztua dutenek lanaldi jarraitua badute, ez dagokie.
–Lanaldi murriztua dutenek lanaldi zatitua badute, badagokie.
Nahi duten langileek eskubidea dute lanaldi murriztua egiten duten ordutegia alda dakiela eskatzeko, eta dagokion idatzizko jakinarazpena bidali beharko diote Giza Baliabideen Departamentuari.
Langilea ohiko lantokira joaten denean eta lantoki horretan enpresak izendatutako jantoki- edo jatetxe-zerbitzua edo antzeko modalitateren bat langileen esku uzten duenean, langileak zerbitzu hori erabili beharko du; bestela, langileak otorduko gastua ordaindu beharko du, eta ez dio enpresari jasanarazten ahalko. Beraz, talde horrentzat, bazkarirako laguntzaren gehieneko zenbatekoa astean bi eguni dagokiena izanen da, edo, kasua bada, une bakoitzean indarrean dagoen smartworking politikak ezartzen duena.
Ohiko lantokira joaten diren langileei, aurreko paragrafoaren arabera jantoki zerbitzurik ez badute, enpresak 12 euro gordin ordainduko dizkie egun bakoitzeko 2024an, 12,5 euro gordin 2025ean eta 13 euro gordin 2026an.
Langileak aukeratzen ahalko du bazkarirako laguntzaren zenbatekoa Sodexo sisteman jaso edo nominan zenbateko gordina ordainduta, betiere bikoiztasunak saihestuz.
Kudeaketako arrazoiengatik, hitzarmen honen indarraldiko urte bakoitzeko otsailean, eta dagokion ekitaldiko martxoaren 1etik aurrerako ondorioekin, bazkarirako laguntzaren ordainketa modalitatea (nomina edo txartela) aldatzeko eskatzen ahalko dute langileek.
Enpresak jantoki zerbitzua duen zentro batera bertaratzen diren langileek, osasun arazoak badituzte edo elikagairen batekiko intolerantzia badute, mediku espezialista batek emandako egiaztagiriarekin egiaztatu beharko dute, eta giza baliabideen departamentuan aurkeztu beharko dute. Departamentu horrek, hala badagokio, izendatutako jantoki- nahiz jatetxe-zerbitzuak esleitutako zerbitzua egoera horretara egokitzeko aukera berretsiko du. Hori ezinezkoa bada, langileak jantoki-zerbitzutik salbuetsi eta otordurako laguntza eskatzen ahalko du.
Bidaia profesionala dela-eta (landa, plantak, etab.) joan-etorriak egin behar dituen langileak, eta, beraz, etxetik nahiz ohiko lantokitik lan egiten ez badu, arau orokor gisa, dagokion gastu-oharra aurkeztu beharko du, konpainiaren politikaren arabera, eta egoera horren berri eman beharko du enpresak gaitutako tresnaren bidez, egun berean gastuen likidaziorik eta otordurako laguntza metaturik jaso ez dadin.
c) Laneko arriskuak:
Nahitaez bete beharko dira osasunaren eta segurtasunaren arloko protokolo espezifikoak departamentuaren eskakizunekin bat.
d) Gainerako baldintzak:
1. Datuen babesa: aplikatzekoak izanen dira SGREren barne prozedurak.
2. Lanaldiaren erregistroa: aplikatzekoa izanen da 2. eranskinean jasotakoa.
3. Deskonexio digitala, enpresak aitortzen du langileek eskubidea dutela laneko harremanaren barruan deskonexio digitala izateko. Hitz gutxitan esanda, langileek lanetik deskonektatzeko eta ohiko lan-ordutegitik kanpo lanarekin lotutako mezu elektroniko, dei edota mezuei erantzuteko obligazioan ez daudela sentitzeko duten eskubidea da deskonexiorako eskubidea.
Enpresak deskonexiora animatzen du eta hainbat jardunbide gomendatzen ditu, hala nola:
–Ez bidaltzea mezu elektronikorik, ez egin deirik edo mezurik lanorduetatik kanpo.
–Bilerak lanorduetatik kanpo egitea saihestea.
–Oporraldietan eta asteburuetan komunikazioak bidaltzea saihestea.
Aldez aurretik jaso ez diren gainerako baldintzak Smart Working prozeduran ezarritakoak izanen dira.
Urrutiko lan-eskaerak enpresak ezarritako tresnaren eta giden bidez eskatu beharko dira, eta saileko arduradunaren onarpena beharko dute.
VII. KAPITULUA.–BIDAIAK
20. artikulua. Bidaia nazionalak.
Bulegoetan lanpostu iraunkorrak esleituta dituzten langileen bidaia puntualen kasuan, eta beren eginkizunean joan-etorri ugari egin behar izatea inplizituki ez badakarte, honako baldintza hauek aplikatuko dira, betiere joan-etorri horien destinoak parke eolikoak edo ekoizpen zentroak badira (propioak edo hornitzaileenak).
Bulegoetako langile guztiei eraginen die, ohiko jarduera parke eolikoarekin edo fabrikako jarduerarekin zuzenean lotuta duten langileei izan ezik.
–Etxetik kanpo gaua igarotzen den egun bakoitzeko, bi orduko atseden-osagarria aplikatuko da, urte naturalean lau gau baino gehiago egin badira.
–Etxetik kanpo egindako asteburu bakoitzeko, bi atseden egun gehigarri hartzeko eskubidea izanen da.
–Asteburuan nahiz jaiegunean bidaiatzen bada, atseden egun bat hartzeko eskubidea izanen da.
–Atseden-osagarria kasuko urte naturalean hartu ezin bada, hurrengo urteko lehenengo hiruhilekoan eskatzen ahalko da, eta ezin bada aldi horretan ere baliatu, ordaintzeko eskatzen ahalko da, betiere departamentuko arduradunarekin adostuta.
21. artikulua. Nazioarteko esleipena.
Une bakoitzean indarrean dagoen konpainiaren nazioarteko mugikortasun politika, bai eta hura osatzen duten eta nazioarteko joan-etorriak arautzen dituzten prozedurak eta gidak ere, langile guztiei aplikatu eta jakinaraziko zaizkie, eta enpresaren intranetean argitaratuko dira, enpresaren datu ekonomiko orokorrekin batera.
Hamabost egun baino gutxiagoko nazioarteko bidaietarako:
–Arrisku-osagarri bat esleitzen zaien herrialdeetan, hau da, enpresako Segurtasun Departamentuak arrisku maila ertaintzat edo handitzat definitu duen arrisku maila duten herrialdeetan, osagarri hori egonaldiaren lehenengo egunetik aplikatuko da. Konpainiak osagarri bat emanen du langilea destinoko herrialdean dagoen asteburu bakoitzeko; osagarri hori 85 euro gordinekoa izanen da asteburuko egun bakoitzeko, eta osagarria 13 ordainduko da esleitutako pertsona lan arrazoiengatik destinoko herrialdean dagoen asteburuko egun bakoitzeko.
–Arriskurik ez duten herrialdeetan:
i. Etxetik kanpo gaua igarotzen den egun bakoitzeko, bi orduko atseden-osagarria aplikatuko da.
ii. Atseden-osagarri hori hartzeko lanaldi erdiko blokeetan metatu beharko da (adibidez: kanpoan emandako lau gau bakoitzeko zortzi ordu konpentsatuko dira, lanaldi bat)
iii. Etxetik kanpo egindako asteburu bakoitzeko, bi atseden egun gehigarri hartzeko eskubidea izanen da.
iv. Asteburuan nahiz jaiegunean bidaiatzen bada, atseden egun bat hartzeko eskubidea izanen da. V.–Atseden-osagarria kasuko urteko aldian hartu ezin bada, hurrengo urteko lehenengo hiruhilekoan eskatzen ahalko da, eta ezin bada aldi horretan ere baliatu, ordaintzeko eskatzen ahalko da, betiere departamentuko arduradunarekin adostuta.
Konpainiak Pertsona Fisikoen Errentaren gaineko Zergari buruzko Legearen 7.p) artikuluan (Nafarroan 7n) araututako salbuespena aplikatzen jarraituko du, Espainian egoiliarrak ez diren taldeko erakundeen edo nazioarteko bezeroen onurarako zerbitzuak emateko atzerrira joaten diren langileentzat, betiere PFEZaren Legeak salbuespen horri eusten badio eta legezko irizpideak betetzen badira. Salbuespena konpainiak garatutako barne politikan deskribatutako prozeduraren arabera aplikatuko da.
VIII. KAPITULUA.–BERDINTASUNA, DIBERTSITATEA ETA KONTZILIAZIOA
22. artikulua. SGRE taldearen III. Berdintasun plana.
Hitzarmen hau sinatu den unean indarrean da III. Berdintasun Plana, ordezkari sozialen eta enpresaren artean negoziatutakoa, eta jadanik BOEn argitaratua, beste berri batek ordeztu eta Estatuko Aldizkari Ofizialean argitaratu artean.
23. artikulua. LGTBI kolektiboko pertsonen eskubideak bermatzea.
Sexu orientazioagatiko, adierazpenagatiko edota genero identitateagatiko diskriminazioa saihesteko:
1. Laneko jazarpena eta diskriminaziozko beste jazarpen batzuk prebenitzeko protokoloak egokitu eta aldatuko dira, berariaz sartzeko LGTBI kolektiboko pertsonen aurkako jazarpena, eta, bereziki, transexualen aurkakoa, eta instrukzio batzordeetako kideek prestakuntza espezializatua izan dezaten, eta LGTBI kolektiboko pertsonekin sentsibilizatua. RLPTak parte hartuko du LGTBI kolektiboko pertsonen jazarpenaren aurkako prebentziozko neurriak instruitu eta ezartzeko.
2. Enpresen politikak eta prozedurak egokituko dira, eta hizkuntza inklusiboa sartuko (barnean berariaz hartuta LTBI kolektiboko pertsonen jazarpena dibertsitatea ikusarazteko). Barneko identifikazioak eta dokumentazioa egokituko dira, beti errespetatuz langile bakoitzak bere buruari esleitzen dion generoa.
3. LGTBI kolektiboko pertsonek baimenak erabiltzean diskriminaziorik ez izateko bermeak ezarriko dira, bereziki eszedentziak eta baimenak, lan denbora berrantolatzea eta haurrak zaintzeko baimenak direnean hizpide, askotariko familien kasuan.
4. Transexualek behar izaten ahal dituzten administrazio-, mediku- eta lege-izapideak egiteko behar diren baimenak emanen dira.
5. Banakako laguntza protokoloak ezarriko dira dokumentuak eta instalazioak genero trantsizioko prozesuan dauden pertsonen beharretara egokitzeko, hala nola generorik gabeko komunak, uniformeak eta aldagelak egokitzea, hala eskatzen dutenek berdin erabil ditzaten.
6. Lanean transexualei laguntzeko eta babesa emateko neurrien protokoloa eginen da, genero trantsizioekin lotutako baimen ordainduak barne hartuta.
7. Enplegua lortzeko eta lanbidean gora egiteko zuzeneko edo zeharkako diskriminaziorik eza bermatuko da, batik bat transexualei eta bereziki emakume transei. Transexualei lehentasuna emanen zaie lanpostu bat lortzeko, lana bilatzeko kolektibo zaurgarriena baitira.
24. artikulua. Lanaldiaren murrizketa eta kontziliazio neurriak.
a) Sartzeko/irteteko malgutasun mekanismo bat ezartzen da, lanaldia astelehenetik ostiralera homogeneizatu ahal izateko, bazkaltzeko ordu erdiarekin, hamalau urtetik beherako adingabearen legezko zaintzaren edo senitartekoren bat zaintzearen moduko egoeran dauden langileentzat.
Zerbitzuetako zentro operatiboetako langileak ez dira apartatu honen barnean hartuko, zerbitzuen unitatean bezeroekin izenpetutako kontratuak eta jarduera espezifikoa direla-eta; egoera jakinak banaka aztertzen ahalko dira.
b) Sartzeko 07:00etatik 09:30era bitarteko ordutegi malgutasuna ezartzen da bulego korporatiboetan ezarritako lanaldietarako, zerbitzuen eta proiektuen unitateetako langileentzat izan ezik; horietan beharrezkoa da parkerako nahiz bezeroarentzako zerbitzua bermatzea, eta arduradunaren oniritzia beharko da malgutasuna aplikatzeko; arduradunak beti bideratu beharko du bere departamentuko antolaketa, ordutegi malgutasuna bultzatuz.
Enpresak malgutasun indibidualizatuko soluzio alternatiboak emanen dizkie zerbitzuetako eta proiektuetako langileei, ezin badira egokitu adostutako malgutasun neurrietara.
c) Aldagaia/Helburuak kalkulatzeko, legezko zaintzagatik nahiz senitartekoa zaintzeagatik lanaldi-murrizketa duten langileei, kasuko urte fiskala kontuan hartuta, gehienez %15, soldata finko osoaren gaineko %100eko murrizketarik gabe eginen zaie kalkulua.
d) Kasuko urte fiskaleko urteko lanaldiaren %15eraino legezko zaintzagatiko eszedentzia duten langileei ordainsari aldakorra kalkulatuko zaie, etete hori kontuan hartu gabe.
e) Langileek urte fiskalean izandako baja medikoak ez dira kontuan hartuko aldagaia/helburuak kalkulatzeko, eta kalkulua egitate horrengatik murrizketa faktorerik aplikatu gabe eginen da.
f) Lanaldi murrizketaren aplikazio mekanismo ez-lineal bat definituko da: erabat bateragarria izanen da departamentuaren jardunaren beharrekin, bermatu eginen du lanaldi murrizketa duen pertsonaren eguneroko presentzia, eta banaketa ez-erregularra ahalbidetuko du.
25. artikulua. Baimenak eta lizentziak.
a) Ordaindutako baimenak.
i. Langilea ezkontzen bada, hamazortzi egun natural; izatezko bikoteek ere baliatzen ahalko dute ezkontza baimen hori, betiere hitzarmen honetan geroago izatezko bikotetzat hartzeko jasotzen diren baldintzen arabera. Onartzen da langilearen opor pertsonalak baimen horrekin lotzeko aukera. Baimena gerora baliatzen ahalko da, aurrez adosten bada hierarkian gainean duen nagusiarekin, gehienez ere sei hilabeteko epean gertaera eragileaz geroztik.
ii. Anai-arreben, seme-alaben, gurasoen, osaba-izeba propioen, lehengusu-lehengusina propioen eta iloba propioen ezkontza: lanegun bat.
iii. Ezkontidearen heriotza: zazpi lanegun.
iv. Seme-alaben heriotza: hamar lanegun.
v. Suhi-errainen heriotza: hiru lanegun.
vi. Gurasoen heriotza, bost lanegun.
vii. Aita-amaginarreben heriotza: hiru lanegun.
viii. Biloben heriotza: hiru lanegun.
ix. Ezkontidearen biloben heriotza: bi lanegun.
x. Aiton-amonen heriotza: hiru lanegun.
xi. Ezkontidearen aiton-amonen heriotza: bi lanegun.
xii. Neba-arreben heriotza: hiru lanegun.
xiii. Ezkontidearen anai-arreben heriotza: bi lanegun.
xiv. Adingabe baten ahaidetasuneko nahiz odolkidetasuneko bigarren mailarainoko senide baten heriotza, langilea bada legezko tutorea: hiru lanegun.
xv. Osaba-izeba propioen nahiz iloba propioen heriotza, ahaidetasunez nahiz odolkidetasunez lotuta egon: lanegun bat.
xvi. Ohiko etxebizitzaz aldatzea: lanegun bat, eta, enpresak eskaturik baldin bada aldaketa, bi lanegun.
xvii. Behar-beharrezkoa den denbora prestakuntza akademiko eta profesional ofizialeko azterketetara joateko.
xviii. Nahitaezko eginbehar publiko eta pertsonal bat betetzeko: behar-beharrezkoa den denbora.
xix. Beharrezkoa den denbora, Gizarte Segurantzako espezialisten nahiz espezialista pribatuen kontsulta medikora joateko (medikuntza orokorreko fakultatiboak edo SGREren ordainketa malguko sistemari atxikitako sozietate medikoko fakultatiboak aginduta), kontsulta ordua lanekoarekin bat datorrenean; hortaz, langileak aipatutako kontsulta medikoaren ziurtagiria aurkeztu beharko du.
xx. Beharrezkoa den denbora, langilea Gizarte Segurantzako familiako medikuaren kontsultara joateko (medikuntza orokorreko fakultatiboak edo SGREren ordainketa malguko sistemari atxikitako sozietate medikoko fakultatiboak aginduta), kontsulta ordua lanekoarekin bat datorrenean; hortaz, langileak ondoren aipatutako kontsulta medikoaren ziurtagiria aurkeztu beharko du.
xxi. Beharrezkoa den denbora, langileak lehen mailako ahaideari Gizarte Segurantzako espezialisten kontsulta medikora edo kontsulta mediko orokorrera joaten laguntzeko (medikuntza orokorreko fakultatiboak edo SGREren ordainketa malguko sistemari atxikitako sozietate medikoko fakultatiboak aginduta), kontsulta ordua lanekoarekin bat datorrenean; hortaz, langileak aipatutako kontsulta medikoaren ziurtagiria aurkeztu beharko du.
xxii. Norberaren nahiz familiaren egoera larrien eta salbuespenezkoen kasuan, enpresak baloratuko du kontsulta mediko pribatuetara joatea hitzarmen honetako xix. eta xxi. epigrafeetan jasotako baimenetan aurreikusitakoekin parekatzeko aukera.
xxiii. Beharrezkoa den denbora, jaioaurreko azterketa medikoak egiteko eta erditzea prestatzeko tekniketan trebatzeko, ama biologikoarentzat eta beste gurasoarentzat, lanorduetan egin behar badira. Erditzea prestatzeko tekniken kasuan, eta beste gurasoa denean SGREko langilea, berreskuratu egin beharko du baimen hori.
xxiv. Adopzioaren, harreraren edo adoptatzeko egiten den zaintzaren kasuetan, informazio eta prestakuntza saioetara joateko eta egokitasun deklarazioaren aurreko txosten psikologiko eta sozialak egiteko behar den denbora, betiere lanorduetan egin behar badira.
xxv. Bost lanegun, istripu nahiz gaixotasun larriagatik, ospitaleratzeagatik nahiz etxean atseden hartzea eskatzen duen ospitaleratzerik gabeko ebakuntza kirurgikoa jasan behar badu langilearen ezkontideak, izatezko bikotekideak edota odolkidetasuneko nahiz ezkontza ahaidetasuneko bigarren mailarainoko senide batek (izatezko bikotekidearen odolkidetasuneko senideak barne) edo langilearekin etxe berean bizi den eta zaintza behar duen beste edozein pertsonak. Ospitaleratze kasuetan eta etxean atseden hartzea preskribatzen denetan, egoera horiek iraun bitartean, eta betiere mantentzen diren kasuetan, hartzen ahal da lizentzia, enpresaren eta langilearen artean adostutako egunetan.
xxvi. Langileak eskubidea izanen du lanetik alde egiteko ezinbesteko kasuetan, beharrezkoa denean familiakoekin edo bizikideekin lotutako premiazko arrazoiengatik, gaixotasuna edo istripua dela-eta ezinbestekoa baldin bada langilea berehala haren ondoan egotea. Langileek eskubidea izanen dute apartatu honetan azaltzen diren arrazoiengatik lanean ari ez diren orduen ordaina jasotzeko, urtean lau egun guztira.
xxvii. Bularreko haurra zaintzeko baimena: jaiotzaren, adopzioaren, harreraren edo adoptatzeko egiten den zaintzaren kasuetan, kanpoan egoten den ordua metatzen ahalko da, eta orduen metatze hori absentziako hamalau lanegunekoa izaten ahalko da; egunok jarraian baliatuko dira, bederatzi hilabete bete artean, langileak aukeratuta. Langileak erabakitzen badu bularreko haurra zaintzeko baimena bederatzigarren hilabetetik hamabigarrenera bitarte baliatzea, men eginen zaio legez ezarritakoari, eta baimen ordaindugabea 4,5 lanegunetan metatzen ahalko da. Haur baten baino gehiagoren jaiotze, adopzio edo harreran edo adopzioan hartzeko zaintzaren kasuetan, lizentziaren iraupena modu proportzionalean handituko da.
Artikulu honetako aurreko epigrafeetan ezkontideari buruz aipatzen diren lizentziak aplikatuko zaizkie langilearekin bikote egonkor gisa bizi diren pertsonei ere bai, eta, horretarako, baldintza horiek betetzen dituztela egiaztatu beharko dute, Izatezko Bikoteen Erregistroan inskribatuta dauden udalerriko administrazioak emandako ziurtagiriaren bidez.
i. epigrafetik xxiv. epigrafera bitarte jasotako lizentziak egun bat gehiago luzatuko dira langileak kasuan kasuko bidaia egin behar duenean, adskribatuta dagoen lantokitik 170 kilometro baino gehiagoko bidaia denean. Bidaia lantokitik 500 kilometro baino gehiagora denean bi egun izanen dira. Senideen heriotzaren kasuan, beste egun bat izanen da langilea laneko arrazoiengatik lantokitik 350 kilometro baino gehiagora egon bada une horretan.
Gertaera eragilea izan eta lehenengo egun baliodunetik aurrera zenbatuko dira ordaindutako lizentzia eta baimen horiek, eta gertaera eragilea izan baino bi egun lehenago ere aurreratzen ahalko dira lekualdatzeko arrazoi justifikatuak direnean (bidaiak), betiere eskubidez dagokion baimenaren guztizko zenbaketaren barruan.
b) Ordaindu gabeko baimen hauek ezartzen dira:
i. Gehienez hiru hilabeteko ordaindu gabeko baimena, urtebete baino gehiagoko antzinatasuna duten langileentzat. Hiru urtean behin eskatzen ahalko da, baldin eta departamentuko langileen %50 gainditzen ez bada. Hauek dira ordaindu gabeko baimena eskatzeko kausak: Berdintasun Planean eta hitzarmen honetako 16 a) artikuluan jasotzen ez diren gaixotasun kasuak, prestakuntza eta boluntariotza, bai eta kirol jardueretan, ekitaldietan eta lehiaketetan parte hartzea ere.
ii. Bigarren mailarainoko odolkidetasuna duen senide baten legezko zaintza edo zainketa lanak direla-eta, hitzarmen hau indarrean dagoen bitartean, enpresan urtebete baino gehiagoko antzinatasuna duten langileek gehienez hiru hilabetez hartzen ahalko dute ordaindu gabeko baimena. Baimen hori hitzarmenaren indarraldiko urteetan eskatzen ahalko da, urte natural bakoitzeko behin, eta, bestela, bi urtean behin, baldin eta departamentuko langileen %50 gainditzen ez bada. Baimen hori hartzen ahalko da jarraian nahiz zatika, gehienez ere bi alditan urte natural bakoitzeko, eta, nolanahi ere, errespetatu beharko da aldien metaketak ez dezala gainditu hiru hilabeteko iraupena kontratuaren indarraldian zehar.
iii. Tratamendu onkologikoko kasuetan, ezkontidearekin eta/edo lehen mailako odolkidetasuneko senideekin egoteagatik (eta halako kasuetan bakarrik), langileak ordaindu gabeko lizentzia bat hartzeko eskubidea izanen du, denbora mugarik gabe, a) apartatuko xxv. epigrafeko baimena amaitzen denetik aurrera, eta enpresak gutxieneko oinarrien arabera kotizatu beharko du baimen horrek iraun bitartean.
iv. Langileak eskubidea izanen du lanetik alde egiteko ezinbesteko kasuetan, beharrezkoa denean familiakoekin edo bizikideekin lotutako premiazko arrazoiengatik, gaixotasuna edo istripua dela-eta ezinbestekoa baldin bada langilea berehala haren ondoan egotea. Lau lanegun baino gehiagokoa denean, baimen hori ordaindu gabekoa izanen da.
v. Langileek guraso baimena hartzeko eskubidea izanen dute seme-alabak zaintzeko nahiz harreran urtebetetik gora hartutako adingabea zaintzeko, adingabeak zortzi urte bete arte. Baimen horrek:
a. gehienez zortzi asteko iraupena izanen du, jarraituak edo etenak, eta lanaldi osokoa edo lanaldi partzialekoa izaten ahalko da. Astetan zatituta hartzen ahalko da.
b. Aldi horretan zehar enpresak kasuan kasuko lanbide taldeko kotizazioaren gutxieneko oinarria bermatuko du.
c. Hartzeko gutxienez hamar egun lehenagotik emanen da aurreabisua.
vi. Adopzioekin lotutako izapideak egiteko: 30 egunera arte gehienez. Baimen hori hartu baino 30 egun arinago eskatu beharko du baimena langileak, salbu eta kausa justifikatu eta egiaztatu baten ondorioz ezin badu bete. Baimen hori urte naturalean zehar zatikatuta hartzen ahalko da.
vii. Egiaztatzen ahal diren familia kontuengatik: gehienez bost egun urtean.
c) Ahaideak zaintzeko eszedentziak.
i. Kargura duen adingabe bakoitza zaintzeko eszedentzia, izan naturala zein adopzioan hartutakoa, lau urtekoa izanen da jaiotza- nahiz adopzio-datatik zenbatzen hasita. Lehenbiziko hamazortzi hilabetetan langileak bere lanpostua gordetzeko eskubidea izanen du. Epe hori bukatuta, gordeko zaion lanpostua lanbide talde berekoa edo kategoria baliokidekoa izanen da.
ii. Senitarteko bat (bigarren mailarainoko odol nahiz ezkontza ahaidetasuna duena) zaintzeko gehienez ere bi urteko eszedentziarako eskubidea ere izanen dute langileek, betiere hura adina, istripua edota gaixotasuna nahiz desgaitasuna direla-eta bere kabuz balia ezin badaiteke, eta ordainduriko jarduerarik ez badu. Lehenbiziko hamazortzi hilabetetan langileak bere lanpostua gordetzeko eskubidea izanen du. Epe hori bukatuta, gordeko zaion lanpostua lanbide talde berekoa edo kategoria baliokidekoa izanen da.
d) Berreskuratu beharreko salbuespenezko baimenak.
Behar bezala justifikatutako salbuespenezko familia egoeren kasuan, desgaitasun fisikoa, psikikoa edota sentsoriala duten hamabi urtetik beherako adingabeak nahiz bigarren mailarainoko odolkidetasuneko nahiz ezkontza ahaidetasuneko senideak haien kargura zuzenean dituzten langileek hierarkian gainetik dituzten nagusiekin eta Giza Baliabideekin adosten eta eskatzen ahalko dute lanpostutik kanpo egoteko baimena; gerora, urte naturalaren barruan, kanpoan izandako aldi horiek berreskuratu beharko ditu.
e) Salbuespenezko neurria.
Enpresak lehentasuna emanen die familia egoera bereziak eta denboran mugatuak dituzten langileei, eta erraztasunak emanen ditu neurri espezifikoak hartzeko lanaren antolaketa eta plangintza beren egoerara egokitzeko.
IX. KAPITULUA.–ONURA SOZIALAK
26. artikulua. Aldi baterako ezintasun egoeraren osagarria.
Kontingentzia profesionalen (laneko istripua edo gaixotasun profesionala) edo kontingentzia arrunten (lanez kanpoko istripua edo gaixotasun arrunta) ziozko aldi baterako ezintasun kasuetan langileak Gizarte Segurantzaren nahiz mutualitatearen prestazioen osagarri bat jasoko du, enpresaren kargura, bere soldataren %100eraino bajaren lehenengo egunetik.
Langileak hierarkiako nagusiari emanen dio absentziaren berri, ahal den guztietan.
27. artikulua. Istripu- eta bizitza-aseguru kolektiboa.
Istripu- eta bizitza-aseguruaren poliza bat kontratatuko du honako zenbateko hauekin:
Enpresak istripu aseguru kolektibo bat formalizatuko du aseguru etxe batekin. Aseguru horrek langileen heriotza arriskuak, ezintasun iraunkor osoa eta baliaezintasun absolutua estaliko ditu lan istripu edo lanbide gaixotasun baten ondorioz. Aseguratutako kapitala 90.000 eurokoa izanen da, eta asegurua kontingentzia arruntengatiko poliza batekin areagotuko da, heriotzaren ondorioz, 90.000 eurorekin.
28. artikulua. Desgaitasunerako laguntza ekonomikoak.
%33ko desgaitasuna edo gehiagokoa aitortuta duten langileek eskubidea dute honako laguntza ekonomiko hauek jasotzeko:
1) Ordainketa bakarra eginen da, desgaitasunetik eratorritako eraginak konpentsatu nahiz arintzeko beharrezkoak diren protesien, audifonoen eta gainerako produktuen kostuaren %50, eta gehienez emanen den zenbatekoa 1.000 eurokoa izanen da.
2) Aurrerakinak: Aukera dago urtero bi nomina aurrera daitezela eskatzeko desgaitasuna aitortzetik eratortzen ahal iren beste gastu batzuei aurre egiteko , nola langilearen kasuan hala haren kargura dituen eta %66ko desgaitasuna edota gehiagokoa duten lehenengo mailako senideen kasuan Aurrerakin horiek inolako errekargurik gabe itzultzen ahalko dira urte bakoitzaren amaieran edota ekaineko eta abenduko aparteko ordainsariak kobratu ondotik.
X. KAPITULUA.–ENPLEGU POLITIKA
29. artikulua. Enpleguaren Jarraipenerako Mahaia.
Enplegu Mahaiak enplegu politiken eta plantillaren bilakaeraren aurreikuspenaren jarraipena eginen du.
Enpresak mahaiari jakinaraziko dio SGRE EÓLICA ARATZURIREN plantilla murrizteko asmorik duen.
Arrazoi objektiboengatik SGREren Bulego Korporatiboetan kaleratze kolektibo edo indibidualik egin baino lehen, eta Administrazioan edozein espediente aurkeztu aurretik, Mahaiari horren berri emanen zaio bi hilabete lehenago, aldez aurretik eta batera aztertzeko balizko enplegu galera saihesteko edo enplegua murrizteko neurri ez-traumatikoak ezartzeko zer aukera dauden.
3/2023 EEEaren baldintza ekonomikoak 2026ko abenduaren 31ra arte luzatzea erabaki da, hitzarmenaren indarraldiarekin bat etorriz.
30. artikulua. Kontratazioa.
Kontratazio mugagabea sustatuko da.
Prestakuntza kontratuari dagokionez, hitzarmen honetan finkatutako soldata taulen %85 ordainduko da kontratuaren lehenengo urtean eta %90 bigarrenean.
Kontratazio berrietarako, harrera protokoloaren barruan, honako dokumentazio honen kopiak sartuko dira:
–Hitzarmen kolektiboa.
–Berdintasun Plana.
–Jazarpen Protokoloa.
–Jokabide Kodea.
31. artikulua. Lanpostu hutsak.
Konpainian hutsik geratzen diren lanpostuak enpresak horretarako gaitutako tresnan argitaratuko dira.
Betetzeko lehentasuna izanen dute barneko hautagaiek.
XI. KAPITULUA.–LANGILEEN LANBIDE PRESTAKUNTZA
32. artikulua. Prestakuntza.
Aldeek uste dute langileen prestakuntza tresna estrategiko bat dela Giza Baliabideen politikaren barruan, konpainiaren eraginkortasuna eta efizientzia hobetzea ahalbidetzen baitu. Horrez gain, langileen garapen pertsonal eta profesionala sustatzen ditu, baita ardurak beren gain hartzeko gaitasuna ere. Prestakuntzak langileak enpresaren eta inguruaren beharretara eta antolakuntza, produkzio eta teknologia aldaketetara etengabe egokitzea bermatzen du.
Aurreko apartatuan ezarritakoaren ondorioetarako, enpresako prestakuntza aukera-berdintasunaren printzipioan oinarrituko da eta, besteak beste, helburu hauek izanen ditu:
–Efizientzia handiagoa behar okupazionalak eta lanpostuetako beharrak gauzatzeko.
–Lanbide sustapeneko aukerak eta langileen motibazioa indartzea.
–Giza baliabideak egokitzea antolaketako, ekoizpeneko eta teknologiako aldaketetara, arreta berezia jarrita teknologia berrien inguruko prestakuntzan.
–Langileen enplegagarritasuna.
–Aldaketa kulturala eta identitate korporatibo komun baten sorrera sustatzea.
Lanaldiaren barrenean eginen da prestakuntza. Prestakuntzak langilearen lanaldia gainditzen badu, atsedenerako ordubeteko konpentsazioa izanen du lanalditik kanpo egiten duen prestakuntza ordu bakoitzeko, eta arreta berezia jarriko da lanaldiaren murrizketa duten langileengan.
Prestakuntzagatiko atseden ordu horiek urte naturalaren barruan hartuko dira.
Prestakuntzak aukera ematen badu, berori antolatzean kontuan hartuko dira lanaldiaren murrizketak.
Prestakuntzaren kudeaketaren harira, garapen profesionalean laguntzen dieten prestakuntzak eskatzen ahalko dituzte langileek, eta haien eskura egonen dira enpresak horretarako gaitzen dituen tresnetan. Eskatzen den prestakuntzak kosturik izanez gero, kasuan kasuko managerrak eman beharko du onespena. Gogobetetze inkesten bidez ebaluatuko dira prestakuntzak.
Berdintasunari buruzko prestakuntzak eta arrisku psikosozialekin lotutakoak kasuan kasuko batzordeek kudeatuko dituzte.
XII. KAPITULUA.–LANEKO OSASUNA
33. artikulua. Laneko arriskuak prebenitzeko batzordeak.
Kapitulu honen inguruko gai guztiak Bulego Korporatiboen zentroetan ertzen diren prebentzio batzarretan nahiz laneko segurtasuneko batzordeetan jorratuko dira (zein den kasu bakoitzean aukeratutako eredua).
Segurtasun eta osasuneko batzordeak eta prebentzio batzarrak parte hartzeko eta adostasuneko organoak dira, eta haien eginkizuna da laneko arriskuen prebentzioaren inguruko kontsulta eta negoziazio erregularra eta aldizkakoa egitea.
Hauek izanen dira batzorde horien eginkizunak:
a) Enpresako prebentzio programen eta egitasmoen lanketan, gauzatzean eta ebaluazioan parte hartzea.
b) Prebentzio Zerbitzuaren urteko memoria eta programazioa ezagutzea eta horren gaineko txostena egitea.
c) Langileen osasunean nahiz osotasun fisikoan eragindako kalteen txostenak ezagutzea eta aztertzea, zerk sortu zituen jakiteko eta beharrezko neurri zuzentzaileak proposatzeko.
d) Laneko arriskuak prebenitzeko prestakuntza programaren berri izatea urtero.
e) Laneko prozedura seguruak sustatzea eta eztabaidatzea.
f) Osasuna zaintzeko jardueren programazioari eta garatzeko moduari buruz txostenak ematea. Halaber, jarduera horietatik ateratako ondorio orokorren berri izatea.
g) Enpresak nahitaez eta borondatez ezarrita dituen auditoretzen emaitzen berri izatea.
h) Jazarpen egoerak aztertzeko prozedurez informatua izatea.
i) Eginkizunak betetzeko behar diren lan baldintzei buruzko dokumentu eta txosten guztiak ezagutzea.
Osasuna zaintzeko zerbitzuak langilea kalifikatzen badu bere lanpostuko lan jarduera gauzatzeko ez gai gisa, enpresak lanpostua egokituko dio, edota langilea maila nahiz lanbide talde bereko beste postu batean kokatuko, gehienez ere hamabost eguneko epean, betiere horretarako aukera dagoenean eta langileak aldez aurretik baimena ematen duenean horretarako.
2025etik aurrera, urteroko periodikotasunarekin, 45 urtetik gorako langileek minbizia detektatzeko honako proba hauek egiten ahalko dituzte osasun azterketetan:
–Prostataren antigeno espezifikoa (PSA).
–Antigeno kartzinoenbrionarioa (bularreko minbizia detektatzeko).
–CA-125 antigenoa (obulutegiko minbizia).
–Gorozkietan odola (hemoglobina) dagoen aztertzea koloneko minbizia detektatzeko.
Enpresak osasuna zaintzeko zerbitzuaren bidez generoko indarkeria goiz detektatzeko prozedura bat du.
XIII. KAPITULUA.–ESKUBIDE SINDIKALAK
34. artikulua. Eskubide sindikalak.
–Biltzeko eskubidea.
Irizpide orokor gisa, ordezkaritza organo guztien betebeharra da Enpresa Zuzendaritzari behar besteko aurrerapenarekin eta indarreko legeriaren arabera jakinaraztea bilerak egin behar badituzte.
Batzarrak lanorduetatik kanpora eginen dira. Lanorduen barruan egiten ahalko dira, baldin eta Zuzendaritzari aldez aurretik eskatu eta hark baimena ematen badu. Bi kasuetan, 48 orduko aurrerapenarekin komunikatu behar zaio deialdia Zuzendaritzari, betiere bilera lantokian egin nahi bada.
Enpresak iragarki taula erabiltzeko eskainiko du, betiere errespetuz eta sindikatuen helburuetarako erabiliz gero.
–Ordu sindikalak:
Ordu sindikalak behar besteko aurrerapenarekin komunikatu behar zaizkio enpresari aldez aurretik, eta idazki bidez.
Negoziazio kolektiboko salbuespenezko egoeretan, zentroko sindikatuetako ordezkariek hurrengo hileko poltsatik ordu sindikalak metatzeko eskaera egiten ahalko dute, aldez aurretik eskatuz eta justifikatuz gero, baina ez dute inolaz ere gainditzen ahalko urteko ordu sindikalen guztizkoa.
–Sindikatu kuota.
Zentral edo sindikatuetara afiliatutako langileek eskatuz gero, enpresak dagokion kuota sindikalaren zenbatekoa nominatik kentzen ahalko du, eta sindikatuak adierazitako kontu korrontean edo aurrezki libretan sartuko du zenbateko hori.
XIV. KAPITULUA.–BATZORDE PARITARIOA
40. artikulua. Batzorde Paritarioaren konposizioa.
Batzorde Paritarioa eratuko da; gehienez ere sei kide izanen ditu, hiru langileen aldetik eta hiru enpresaren aldetik.
Batzorde Paritarioa Aratzuriko hitzarmen kolektiboa interpretatzeko eta hitzarmena betetzen ote den jarraipena egiteko nahiz kontrolatzeko organoa da.
Batzordearen bi alderdietako edozeinek hura biltzeko eskaturik, hamabost eguneko epean bilduko da, beranduenez.
Behar besteko aurrerapenarekin abisatuz gero, batzordeko kideak ordezten ahalko dira.
Edozein ordezkariren herenek, beren eskubideak baliaturik, hala eskatzen badute, Batzorde Paritarioa elkartu eginen da.
Batzordea elkartzeko deia komunikazio baten bidez eginen da, gutxienez zazpi egun lehenago. Idazki bat erantsiko zaio komunikazioari, interpretatu behar den auzia planteatzeko.
Batzorde Paritarioaren akordioek balioa izateko, ordezkaritza bakoitzaren botoen %51ren babesa izan beharko dute eta hiru hilabeteko epean eman beharko da erantzuna.
Batzorde Paritarioan sortzen diren desadostasunak araututako bitartekotza prozedurei jarraikiz konponduko dira.
XV. KAPITULUA.–HITZARMENA EZ BETETZEA ETA ALDAKETA FUNTSEZKOA
42. artikulua. Hitzarmena ez betetzea.
Langileen Estatutuaren 82.3 artikuluan arautzen diren gaiak ez aplikatzeari dagokionez, erabaki da enpresak ez duela neurri hori aplikatuko Langileen Legezko Ordezkaritzarekin aldez aurretik kontsulta egin gabe, informazioa eman gabe eta negoziatu gabe, eta kasua bada, neurri hori bigarren aldiz negoziatzeko saiakera egin behar izanen da epemuga iritsi baino lehen, beste bat lortu ahal izateko edo Langileen Estatutuaren 86.1 artikuluan aurreikusten den berrikusteko aukera baliatu ahal izateko. Langileen Legezko Ordezkaritzarekin negoziatuko da hitzarmen kolektiboa ez aplikatzea edo hitzarmena berriz negoziatzea, Langileen Estatutuaren 87.1 artikuluan aurreikusitakoari jarraikiz, hitzarmen kolektibo bat negoziatzeko legitimatutako alderdia den aldetik.
Bi aldeek espresuki erabaki dutenez, Nafarroako Lan Auzitegiko adiskidetze eta bitartekaritza prozesuak erabiliko dituzte desadostasunak konpontzeko.
Arbitraje-prozedura bi alderdiek haren mende jartzea adosten dutenean bakarrik aplikatuko da.
Ekonomia, teknika, antolaketa edo produkzio arloko arrazoiak direla eta, enpresak hitzarmen kolektibo hau aldi batez ez aplikatzea nahi badu, langileen ordezkariekin akordiorik lortzen ez bada eta gatazkak konpontzeko prozedurek desadostasuna ebazten ez badute, bi alderdien arteko akordioa beharko da (enpresaren ordezkaritza eta langileen ordezkaritzaren gehiengoa) aplikazio ezaren gaineko desadostasuna Hitzarmen Kolektiboetako Aholku Batzorde Nazionalaren (CCNCC) edo Nafarroako Foru Komunitatean sortzen ahal den hiruko organoaren menpe jartzeko.
43. artikulua. Lanaren soldata baldintzen aldaketa funtsezkoa.
Ordainsari finkoa eta esleitutako aldagarriaren ehunekoa murrizteko, enpresak zehaztu beharreko helburuak lortzeari lotuta, hitzarmen honen aplikazio eremuan dauden pertsonen kasuan, akordioa lortu beharko da eraginpeko langilearekin (Laneko Soldata Baldintzen Funtsezko Aldaketa indibiduala) edo langileen ordezkariekin (Laneko Soldata Baldintza Kolektiboen Funtsezko Aldaketa), eta, hala ez bada, ez da aldaketa gauzatzen ahalko.
I. XEDAPEN GEHIGARRI IRAGANKORRA
Hitzarmen honen testuan jasotzen dira Siemens Gamesaren Bulego Korporatiboen IV. Hitzarmenean adostutako hobekuntzak.
Aurrekoa gorabehera, Bulego Korporatiboen IV. Hitzarmenaren testurako balizko hobekuntzak adostuz gero, Siemens Gamesa Renewable Energy SLUren Aratzuriko logistika zentroan aplikatzekoak izanen dira.
ERANSKINAK.–SGRE EÓLICA ENPRESAREN ARATZURIKO ZENTRORAKO III. HITZARMEN KOLEKTIBOA
1. ERANSKINA.–SOLDATAK EGOKITZEKO PROZEDURA
SOLDATA EGOKITZEKO ESKAERA
IZENA: | DEITURAK: | |||
ENPRESA | DEPARTAMENTUA | TALDEA/MAILA | LANPOSTUA | |
ANTZINATASUNA GAMESAN | ANTZINATASUNA LANPOSTUAN | |||
ZUZENEKO ARDURADUNA | LANTOKIA | |||
EGUNGO SOLDATA ERREFERENTZIA | ESKATUTAKO SOLDATA ERREFERENTZIA | |||
ESKAERAREKIN BATERA AURKEZTURIKO DOKUMENTAZIOA | ||||
ESKABIDEA AURKEZTEN DEN LEHEN ALDIA? | AURRETIK EGINIKO ESKABIDE KOPURUA: | |||
AURREKO ESKAERARI LOTUTAKO PRESTAKUNTZA? | ZEIN ARLOTAN? | |||
ESKAERAREN ARGUDIOAK | ||||
NAHI DUZU PROZEDURAREN BERRI EMATEA LANGILEEN ORDEZKARITZARI? | ||||
LANGILEAREN SINADURA (lekua eta data) | GIZA BALIABIDEEN DEPARTAMENTUAK JASOA (izena, lekua eta data) | |||
Langileak betetzekoa
2. ERANSKINA.–LANPOSTUA BERDINTZEKO AZTERKETA
LANPOSTUA BERDINTZEKO ESKAERA
IZENA: | DEITURAK: | ||
ENPRESA | DEPARTAMENTUA | TALDEA/MAILA | LANPOSTUA |
ANTZINATASUNA GAMESAN: | ANTZINATASUNA LANPOSTUAN: | ||
ZUZENEKO ARDURADUNA | LANTOKIA | ||
EGUNGO TALDEA/MAILA: | ESKATURIKO TALDEA/MAILA: | ||
ESKAERAREKIN BATERA AURKEZTURIKO DOKUMENTAZIOA | |||
LANPOSTUAREN EDUKIAREN BILAKAERA/ESKAERAREN ARGUDIOAK | |||
LANGILEAREN SINADURA (lekua eta data) | GIZA BALIABIDEEN DEPARTAMENTUAK JASOA (izena, lekua eta data) | ||
Langileak betetzekoa
3. ERANSKINA.–(6. ARTIKULUA)
NORENTZAT Izen-deiturak: ...................................................................................................................
......…...........(e)n, 202...(e)ko …………….aren ....(e)an.
Jaun/andre estimatua:
Gaur, Siemens Gamesako Berdintze Batzordeko kide izendatu zaituztenez, jakinarazi dizutela konfidentzialtasun erantzukizuna duzula batzorde horretako eginkizunak direla medio, eta, batzordeko berezko kide zaren aldetik, konpainiarentzat garrantzitsua den informazioa jasoko duzula konpainiako langileen soldata datuei buruz.
Zure eginkizun profesionala normaltasun osoz eta konpainiaren etorkizunean ahalik eta inplikazio handienarekin egiten jarraitu beharko duzula, eta, beraz, hirugarrenen aurrean konfidentzialtasun zorrotzena gorde beharko duzula jakinarazi zaizkizun eta etorkizuneko bileretan jakinaraziko zaizkizun xehetasun guztiei dagokienez.
Emandako informazio guztia, printzipioz, isilpekoa izanen da, nola eta ez den espresuki adierazten ez dela hala.
Aipaturiko proiektuak egokiro gauzatzeko informazio sentikorra eskuratzen eta erabiltzen duzunez, konfidentzialtasuna izanen dela konpainiarekin duzun harremanaren funtsezko betebeharretako bat.
Batzordeko kide izateari utzi ondoren ere izanen duzula konfidentzialtasun betebeharra.
Adeitasunez, adierazten dut hartu dudala eta ados nagoela
Izpt.:
Siemens Gamesa
NAN zk.:
Eguna:
4. ERANSKINA.–(24.A ARTIKULUA)
Siemens Gamesako Aratzuriko Logistika Zentroko langile orok izanen du Hitzarmen Kolektibo honen 24. artikuluan jasotako neurria baliatzeko eskubidea, baldin eta zuzenean zaindu behar badu mendekotasun maila aitortua duen hamalau urtetik beherako seme edo alaba bat edo bigarren mailara arteko ezkontza ahaidetasuneko edo odolkidetasuneko senide bat.
Kontziliazio neurriaren eskaera oporrak hasi baino hamabost egun lehenago egin beharko da gutxienez, eta honako hauek zehaztu beharko dira:
i. Eskaturiko jardunaldi ordutegia, astelehenetik ostiralera.
ii. Arrazoia eta dagokion egiaztagiria (familia liburuaren edo mendekotasun ziurtagiriaren fotokopia).
Inprimakia (erantsita) eta dagokion egiaztagiria arloko Giza Baliabideen Departamentuko arduradunari bidali behar zaizkio, baita kopia bat ere hierarkian gainetik dagoenari. Giza Baliabideen Departamentuak eskaerari erantzuna emanen dio, neurriaz baliatzen hasi aurretik.
24.A ARTIKULUKO INPRIMAKIA
______________________________________________jaunak/andreak,__________NAN zenbakia duenak,
ESKATZEN DUT:
........................... (e)ko .......................... ren .............................. (e)tik aurrera, SGRE Eólicaren Aratzuriko logistika zentrorako Hitzarmen Kolektiboaren 24.a artikuluaren babesean, lanaldia homogeneizatu ahal izatea, eta nire ordutegia pasatzea ......................... ordu izatetik.....................ordu izatera astelehenetik ostiralera.
Hauek dira eskaera hau egiteko ditudan arrazoiak: ........................................................................., eta hori egiaztatu dut erantsitako dokumentuetan.
.....................................................(e)n, ............(e)ko …………………………........aren .........(e)(a)n.
Sinadura
5. ERANSKINA.–LAN DENBORAREN POLITIKA ETA LANALDIAREN ERREGISTROA
Siemens Gamesa Renewable Energy SA eta taldeko enpresak (Espainia)
1. Xedea.
Politika honek Siemens Gamesa Renewable Energy SAko eta taldeko enpresetako (aurrerantzean, SGRE taldea) langileei lanaldiaren erregistroari (aurrerantzean, Politika) aplikatu beharreko araudia ezartzen du, Langileen Estatutuak ezarritako betebeharrak betetzeko, bereziki martxoaren 8ko 8/2019 Errege Lege Dekretua indarrean jarri ondoren (8/2019 Errege Lege Dekretua, gizarte babeserako eta lanaldian lan prekaritatearen aurka borrokatzeko presako neurriena).
Lanaldia erregistratzeko sistemak ez du inola ere balioko eguneko lanaldia erregistratzea ez den beste helburu baterako, eta datu horiek ez dira erabiltzen ahalko plantillaren errendimenduaren jarraipena egiteko.
2. Norainokoa eta aplikazio eremua.
Politika hau Espainian SGRE Taldeko sozietateren batekin lan harreman komuna duten langileei aplikatuko zaie. Oro har, eta beste kolektibo batzuk baztertu gabe, honako baldintza hauek betetzen dituzten langileei aplikatuko zaie politika: (i) SGRE Taldeko sozietate enplegatzaileen lantokietan ematen dituzte zerbitzuak; (ii) aldi baterako edo etengabe, esleitutako lantokitik kanpo ematen dituzte zerbitzuak; edo (iii) «Etxetik lan egitea» araubidearen pean ematen dituzte zerbitzuak (aurrerantzean, guztiak Langileak izanen dira).
Politika honen aplikazio eremua argiago definitze aldera, hona hemen gaur egun aipatutako SGRE taldea osatzen duten sei sozietateak:
1.–Siemens Gamesa Renewable Energy SA (SGRE);
2.–Siemens Gamesa Renewable Energy Innovation & Technology SL (SGREIT);
3.–Siemens Gamesa Renewable Energy Eólica SL (SGRE Eólica);
4.–Gamesa Energy Transmission SA (GET);
5.–Gamesa Electric SA (Gamesa Electric);
6.–Adwen Offshore SL (Adwen);
SGRE taldeko beste sozietate batzuk, aurrez zerrendatutakoez bestelakoak, politika honen aplikazio eremuaren barnean sartzen ahalko dira ondorengoko ek¡gintza bidez langileen legezko ordezkaritzarekin.
Politika hau behar bezala negoziatu eta adostu da SGRE taldeko langileen ordezkariekin, Langileen Estatutuan eta SGRE taldeko sozietateetan une bakoitzean aplikatzekoak izaten ahal diren itunetan eta hitzarmen kolektiboetan (hitzarmen kolektiboak) lan denborari eta lanaldiari buruz ezarritako alderdiekin bat eta haiek errespetatuz.
Politika honetan berariaz ezarrita ez dagoenerako, hitzarmen kolektiboetan eta Langileen Estatutuan lan denborari eta lanaldiaren erregistroari buruz xedatuta dagoena hartuko da kontuan.
3. Lanaldiari eta lan ordutegiari buruzko aurreikuspen orokorrak.
I. Lan ordutegiak.
Langile bakoitzari aplikatzekoa zaion lan ordutegia zehazteko kontuan hartuko dira aplikatzekoak diren hitzarmen kolektiboak, langileen zer kolektibo motari dagoen atxikita, lanpostua eta gauzatzen dituen eginkizunak, baita antolamenduko, geografiako eta zerbitzuak ematen dituen SGRE Taldeko sozietateen zerbitzuetako beharrizanak ere.
Bestalde, Etxeko Lanaren araubidera atxikita dauden langileek kasuan kasuko lantokiko instalazioetan lan egiten den ordutegi berari eutsiko diote.
Oro har, langile bakoitzarentzako ezarritako ordutegiak honako talde hauetan sailkatzen ahal dira:
a) Bulegoko langileak:
Zerbitzuak gehienbat SGRE taldeko sozietateen bulego korporatiboetatik ematen dituzten langileak dira bulegoko langileak (aurrerantzean, bulegoetako langileak).
Bulegoetako langileentzako lan ordutegiaren marko orokorra lanaldi zatitua izanen da, bazkalordurako geldituta, eta une bakoitzean indarrean diren egutegien eta aplikatzekoak diren hitzarmen kolektiboetako araudiaren menpe egonen da.
Halaber, bulegoetako langile batzuek lanaldi jarraitu homogeneizatuaren araubidean ematen ahalko dituzte zerbitzuak, aplikatzekoak diren hitzarmen kolektiboetan ezarritako mugapenekin eta bat etorriz onetsitako egutegiekin.
b) Plantako langileak:
SGRE Taldeko logistikako eta ekoizpeneko zentroetan eta plantetan zerbitzuak ematen dituzten edota haietan atxikita dauden langileak dira plantako langileak (plantako langileak).
Plantako langileen ordutegia une bakoitzean onetsitako egutegien arabera zehaztuko da, baita lantoki bakoitzean aplikatzekoak diren hitzarmen kolektiboetan zehaztutakoa kontuan hartuta ere.
c) Parkean bertan diharduten langileak:
Parkeko langileak dira parkeko jarduerarekin lotutako zerbitzuak ematen dituztenak honako hauetan: (i) proiektuak, (ii) martxan jartzea, (iii) mantentzea (iv).
Parkeko langileen ordutegiak bat etorri beharko du une bakoitzean aplikatzekoak diren hitzarmen kolektiboetan ezarritakoarekin, baita SGRE Taldearen enpresa bakoitzak onetsitako egutegi eta ordutegiekin ere.
d) Teleaginteko langileak.
SGRE Taldeko bulego korporatiboetan intzidentziak kontrolatzeko zerbitzuak ematen dituzten langileak dira teleaginteko langileak (teleaginteko langileak).
Langileen kolektibo horren ordutegia urteko 365 egunetako 24 orduak estaltzeko moduko txandatan definitzen da. Nolanahi ere, une oro errespetatuko dira teleaginteko langileei aplikatzekoak zaizkien lanaldia eta ordutegiak aplikatu beharreko hitzarmen kolektiboen arabera.
4. Benetako lan denbora.
Lanaldiaren erregistroari dagokionez, benetako lan denbora da langile bakoitzaren eguneko lanaldia hasieratik amaierara arte, kanpoan utzita atsedenerako aldiak eta aplikatzekoak diren hitzarmen kolektiboetan, Langileen Estatutuan eta lan kontratuetan ezarritako zerbitzurik ez emateko denbora tarteak.
Benetakoa ez den lan-denboraren adibideak:
–Bazkaltzeko hartutako denbora tartea, zerbitzuak ematen direnean lanaldi zatituaren araubidean, aplikatzekoa den hitzarmen bakoitzean indarreko ordutegietan ezartzen denaren arabera. Bazkaltzeko gutxieneko denbora langile bakoitzak deskontatuko du tresnan.
–Lantokitik kanpo joatea gai pertsonalak konpontzeko, joate horiek jasota ez daudenean lizentzia ordainduen artean, behar bezala komunikatu bazaizkio hierarkiako arduradunari.
–Langileak lantoki barruan aisiarako nahiz atsedenerako espazio eta lokaletan dauden kasuak, baita aldez aurretik lanaldi-gehigarri gisa baimendu ez den zerbitzuak eman gabe lantokian egoten den denbora ere.
Benetako lan denboraren adibideak:
–Nahitaezko prestakuntzan emandako denbora (presentziala eta online), nola lantoki barruan hala lantokitik kanpo, enpresak exijitzen duenean erregelamenduko nahiz legezko alderdiengatik, edota enpresak halakotzat errekonozitu duelako.
–Hitzarmen kolektiboan, enpresaren akordioetan eta indarreko legedian jasota dauden lizentzia ordainduak eta legez ezartzen ahal diren beste batzuk.
Politika honen 3. apartatuan jasotako gainerako langileentzako kontuan hartu beharko da bazkaltzeko denborari lotuta aplikatzekoak diren lan-egutegietan nahiz hitzarmen kolektiboetan ezarritakoa.
5. Lanaldiaren erregistroa.
I. Lanaldia erregistratzeko betebeharra.
Langileek egunero erregistratu beharko dute lanaldia politika honetan ezarritako sistemaren bitartez, barnean hartuta benetako lan denborak eta kanpoan utzita halakotzat jotzen ez diren denborak, bat etorriz politika honetan, lan kontratuetan, hitzarmen kolektiboetan eta Langileen Estatutuan ezarritako xedapenekin.
Langile guztiek erregistratu behar dute eguneroko lanaldia bertan jasotakoarekin bat etorriz. Bereziki, honako hauek erregistratu behar dituzte langileek:
(i) lanaldiaren hasiera;
(ii) kasua bada, benetako lan denboratzat hartzen ez diren lanaldiaren eteteak, hala nola atsedenak, aisialdirako tarteak, bazkaltzekoak eta abar; eta,
(iii) lanaldiaren amaiera.
Langileak aplikazioan erregistratu beharko du zer ordutan hasten duen lanaldia eta zer ordutan amaitzen duen, eta horretarako HASIERA edo ETENA/AMAIERA aukerak hautatu, dagokionaren arabera.
Sistemak ordua automatikoki esleituko du ekintza horiek gauzatzen diren denbora errealean, eta kalkulua automatikoki eginen du lanaldiaren erregistroa sortzeko.
Lanaldian akatsik dakarren gorabeherarik egonez gero, langileak horren berri eman beharko du intzidentzien eremuan.
Langileari uneren batean ahaztu bazaio lanaldia hasi duen ordua edo amaitu duen ordua erregistratzea, ezin izan badu egin arazo teknikoengatik nahiz behar bezala justifikatu duen beste kausa batengatik, beharrezkoa izanen da arduradunari anomalia zuzentzeko eskatzea, astebeteko epearen barruan.
Inguruabar horiek, edonoiz gertatuz gero, erregistroari lotuta geratuko zaizkio, eta, modu horretan, une oro egonen da bistan eta ez da aldatzen ahalko prozesuaren trazabilitatea. Langileak erregistroan eta laburpenetan ikusten ahalko du erregistroaren egoera.
Langileak lan egin ohi duen udalerritik kanpo bidaia egin behar duenean, zerbitzuak ematen dituen orduak eta bidaia egiten eman dituenak jasoko ditu (lan bidaia ohar/intzidentzia gisa jasoko du), eta kontzeptu biengatik metatutako kopuruak ez du inola ere gainditzen ahalko hamar orduko kopurua egun batean.
Hori guztia ezertan galarazi gabe, kasua bada, ondoren bai arduradunak bai langileak berak balioztatzea.
II. Lanaldia erregistratzeko sistema.
SGRE Taldeak ezartzen duen sistemaren bidez eginen da lanaldiaren erregistroa. Gaur egun, nahiz eta etorkizunean hornitzailea aldatzen ahal den, DORLET DASStime da ezarritako sistema (aurrerantzean, sistema), bitarteko fede-emailea baita eta lortutako datuen fidagarritasuna, trazabilitatea eta aldaezintasuna bermatzen dituelako.
Sistema horrek aukera ematen du langileek lanaldia erregistratzeko SGRE Taldeko langileei ematen zaizkien lanerako tresnetan aplikazio gisa instalatzen den programa informatiko erraz baten bitartez (telefono mugikorretan, ordenagailu finkoetan eta eramangarrietan).
Nolanahi ere, langile guztiei sistemaren xehetasunei eta funtzionalitateei buruzko azalpen-gida bat jarriko zaie eskura SGRE Taldearen intranetean, baita egokiro funtzionatzeko jarraibideak ere, eta langile guztiei komunikatuko zaie.
6. Erregistro sistemako intzidentziak.
Arrazoi teknikoengatik nahiz antolaketako arrazoiengatik ezin bada politika honetan ezarritako erregistro sistema aplikatu edo erabili, lanaldia eskuz erregistratu beharko da, bat etorriz SGREren intranetetik deskargatuko den inprimakiarekin; inprimaki hori bi egun balioduneko epean bidaliko zaio hierarkiako nagusiari (aurrerantzean, metodo alternatiboa).
Nolanahi ere, intzidentziak irauten duen aldian, langileek eguneroko lanaldia lanaldia erregistratzeko metodo alternatiboaren bidez erregistratu beharko dute.
7. Aparteko orduak.
Enpresak laneko malgutasunaren neurriak sustatu ditu eta printzipio orokor gisa ez du jasotzen aparteko orduak egiteko politika; horretarako sustatzen du lanaldi malgutasuna bai sartzeko bai ateratzeko, lanaldiaren homogeneizazioa eta etxetik lan egitea, plantilarentzako beste neurri batzuen artean. Aparteko orduak izanen dira urteko zenbaketan aplikatzekoak diren hitzarmen kolektiboetan ezarritako gehieneko lanaldia gainditzen duten guztiak.
Langileek ez dute alde bakarrekotasunez erabakitzen ahalko aparteko orduak egitea. SGRE Taldeko kasuko sozietate enplegatzaileak eskatuta soilik egiten ahalko dituzte langileek aparteko orduak.
Langile batek jotzen badu beharrezkoa dela aparteko orduak egitea, hierarkiako nagusiari horren berri eman beharko dio egin aurretik, eta azken horrek onetsi beharko du berariaz eta modu fede-emailean langileak orduok egitea. Ez da jotzen ahalko isilbidezko baimenik nahiz onespenik dagoela aparteko orduak egiteko, eta tresnak erregistrotik ezabatuko ditu orduok.
8. Lanaldia erregistratzeko betebeharra ez betetzea.
Lanaldia erregistratzeko betebeharra betetzen ez bada (barnean hartuta atsedenaldien eta langileek lanean ez diharduten gainerako aldien erregistroa egitea), diziplinazko neurriak ezarriko dira, alderdi sozialarekin negoziatu eta hitzarmen kolektiboetan sartuko direnak.
9. Indarrean sartzea eta berrikustea.
Politika hau indarrean da hitzarmen hau sinatu den egunean, eta aldaketak egiten ahalko dira arauak aldatuz gero eta erregelamendu-, jurisprudentzia-, eta administrazio-garapena dagoen kasuetan.
10. Datuen babesa.
Langileei jakinarazten zaie Siemens Gamesan enplegua ematen dien sozietateak haien datuak tratatuko dituela lanaldiaren erregistroa bermatzeko xedez, barnean hartuta langile bakoitzaren lanaldia hasteko eta amaitzeko ordu zehatzak, tratamendua legitimatzen duten oinarriak baitira lan kontratua betearaztea eta Laneko Zuzenbideko alorreko arduradunaren zuzenbide espezifikoko eta legezko betebeharra, jasota dagoenez Langileen Estatutuaren 20 eta 34. artikuluetan.
Lanaldiaren erregistroa egitean lortutako datuak lau urtez kontserbatuko dira, eta, ondoren, blokeatuko eta behar bezala kontserbatuko dira langilearekin ezarritako kontratu harremanetik deribatzen ahal diren legezko erantzukizunak preskribatzeko epean zehar.
Datuak taldeko enpresen artean lagatzen ahalko dira barneko administrazioko xedeetarako interes legitimoaren arabera. Kasu horietatik kanpo, beste batzuei ez zaizkie jakinaraziko, Europar Batasunaren Zuzenbideko nahiz zuzenbide nazionaleko legezko betebeharrengatik ez bada.
Eskubidea duzu datuak eskuratzeko, zuzentzeko, tratamendua mugatzeko, ezabatzeko, eramateko eta aurkaratzeko eskubideak egikaritzeko (bereziki tratamendua egiten denean interes legitimoagatik). Eskubideok erabiltzen ahal dituzu mezu elektronikoa bidalita helbide honetara: dataprotection@siemensgamesa.com.
Halaber, erreklamazioa aurkezten ahal duzu Datuak Babesteko Espainiako Bulegoan, bereziki jotzen duzunean eskubideak ezin izan dituzula egikaritu.
Datu pertsonalen babesari buruzko edozein galdera izanez gero, Datuak Babesteko delegatuarekin harremanetan jartzen ahal zara honako helbide elektroniko honen bitartez: dataprotection@siemensgamesa.com
Langileei jakinarazten zaie Siemens Gamesan enplegua ematen dien sozietateak haien datuak tratatuko dituela lanaldiaren erregistroa bermatzeko xedez, barnean hartuta langile bakoitzaren lanaldia hasteko eta amaitzeko ordu zehatzak.
Informazio gehiago nahi izanez gero, kontsultatu langileentzako pribatutasun politika intranetean.
11. Datuak kontserbatzea eta eskuratzea.
SGREk lau urtez gordeko ditu erregistroaren datuak, eta langileen, haien legezko ordezkarien eta Laneko eta Gizarte Segurantzako Ikuskatzailetzaren eskura egonen dira.
Langileek eguneroko lanaldiaren erregistroa denbora errealean kontsultatzen ahalko dute haien eskura jarritako aplikazioaren bidez.
Langileen ordezkaritza sozialak lanaldiaren erregistroaren informazioa formatu elektronikoan eskatzen ahalko du haren jarduketa eremuaren barruan.
SINATZAILEAK: | |
Suar Alberto Martinez Zubeldia Antonio Serrano Bravo Carlos Fernandez Catalan Aritz de la Rosa Aizpun | Jennifer Hoyos Montoya Manuel Uribarri García Rosa María Villanueva Barbosa Idoia Oiz Fernandez |
Iragarkiaren kodea: F2410737
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
