163. ALDIZKARIA - 2024ko abuztuaren 9a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

169/2024 EBAZPENA, uztailaren 5ekoa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez destinoen behin betiko esleipena onesten baita, Cristina Aranda Cordobési dagokionez, autonomia erkidegoaren esparruko lekualdatze-lehiaketetarako deialdian, kidego hauetako irakasle funtzionarioentzat: Bigarren Hezkuntzako katedradunak eta irakasleak, Lanbide Heziketako irakasle teknikoak (iraungitzeko kidegoa), Lanbide Heziketako sektore berezietako irakasle espezialistak, hizkuntza eskola ofizialetako katedradunak eta irakasleak, Musikako eta Arte Eszenikoetako katedradun eta irakasleak, Arte Plastikoetako eta Diseinuko katedradunak, irakasleak eta lantegiko maisu-maistrak eta lanpostu parekatuetakoak; eta zeinaren bidez, orobat, parte-hartzaileen eta lekualdatze-lehiaketetako puntuazioen behin betiko zerrendak argitaratzen baitira.

Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren urriaren 6ko 269/2023 Ebazpenaren bidez, lekualdatze-lehiaketarako deialdia egin zen autonomia erkidegoaren esparrurako, kidego hauetako irakasle funtzionarioentzat: maisu-maistrak, Bigarren Hezkuntzako katedradunak eta irakasleak, Lanbide Heziketako irakasle teknikoak (iraungitzeko kidegoa), Lanbide Heziketako sektore berezietako irakasle espezialistak, hizkuntza eskola ofizialetako katedradunak eta irakasleak, Musikako eta Arte Eszenikoetako katedradunak eta irakasleak eta Arte Plastikoetako eta Diseinuko katedradunak, irakasleak eta lantegiko maisu-maistrak, bai eta Nafarroako Foru Komunitateko Administrazioko unibertsitateaz kanpoko irakasle funtzionarioak ere, atzerriko hizkuntza-eskakizuna duten lanpostuetarako izendatuak.

Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak maiatzaren 28an emandako 143/2024 Ebazpenaren bidez, betearazi zen Hezkuntza Departamentuko Langileen Araubide Juridikoaren Zerbitzuko zuzendariaren apirilaren 24ko 1276/2024 Ebazpena, eta Cristina Aranda Cordobés karrerako funtzionario izendatu zen. Karrerako funtzionario izendatzeak ondorioak izan zituen 2023ko irailaren 1etik aurrera.

Cristina Aranda Cordobések eskabide bat aurkeztu zuen, 2024ko maiatzaren 9an, aipatu deialdian parte hartzeko, hots, autonomia erkidegoaren esparruko lekualdatze-lehiaketan.

Cristina Aranda Cordobés 2023ko irailaren 1ean bertan izendatu izan balitz Bigarren Hezkuntzako irakasleen kidegoko Elikagaien Elaborazioko Eragiketa eta Ekipamenduak espezialitatean (gaztelaniaz), aukera izanen zukeen parte hartzeko Irakasleak Hautatzeko eta Lanpostuak Betetzeko Zerbitzuko zuzendariaren urriaren 6ko 269/2023 Ebazpenaren bidez onetsi zen lekualdatze-lehiaketarako deialdian, eta bere espezialitateko destinoa lortuko zukeen Nekazaritza eta Basogintza ikastetxe bateratuan, lanpostu bat hutsik gelditu baitzen.

Horrenbestez, bidezkoa da Cristina Aranda Cordobési behin betiko destinoa ematea Iruñeko Nekazaritza eta Basogintza ikastetxe bateratuan.

Horiek horrela, Hezkuntza Departamentuko Langileriaren eta Azpiegituren zuzendari nagusiaren abuztuaren 31ko 1/2023 Ebazpenaren bidez eskuordetutako eskudantziak erabiliz,

EBAZTEN DUT:

1. Destinoen behin betiko esleipena onestea, Cristina Aranda Cordobési dagokionez, autonomia erkidegoaren esparruko lekualdatze-lehiaketetarako deialdian, kidego hauetako irakasle funtzionarioentzat: Bigarren Hezkuntzako katedradunen eta irakasleak, Lanbide Heziketako irakasle teknikoak (iraungitzeko kidegoa), Lanbide Heziketako sektore berezietako irakasle espezialistak, hizkuntza eskola ofizialetako katedradunen eta irakasleak, Musikako eta Arte Eszenikoetako katedradunen eta irakasleak eta Arte Plastikoetako eta Diseinuko katedradunak, irakasleen eta lantegiko maisu-maistrak, eta lanpostu parekatuak. Deialdia onetsi zen Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren urriaren 6ko 269/2023 Ebazpenaren bidez.

2. Cristina Aranda Cordobési behin betiko destinoa esleitzea Iruñeko Nekazaritza eta Basogintza ikastetxe bateratuan, Bigarren Hezkuntzako irakasleen kidegoko Elikagaien Elaborazioko Eragiketa eta Ekipamenduak espezialitatean (gaztelaniaz).

3. Destinoaren jabetza hartzeko eguna izanen da 2024ko irailaren 1a, eta egun horretatik aurrera hasiko dira ondorio administratibo eta ekonomikoak. Aurreko lanpostua 2024ko abuztuaren 31n utziko da.

Hori hala izanik ere, jatorrizko ikastetxeetan egon beharko du ikasturtea bukatzeko aurreikusita dauden jarduerak bururatu arte, betiere hala erabakitzen badu Hezkuntza Departamentuak.

4. Cristina Aranda Cordobési eskatzea aurkez ditzala, 15 egun balioduneko epean ebazpen hau jakinarazten denetik hasita, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren urriaren 6ko 269/2023 Ebazpenaren I. eranskinean aipatzen diren merezimenduak. 2023ko azaroaren 17ra arteko merezimenduak hartuko dira aintzat.

5. Argitara ematea Hezkuntza Departamentuaren web-orrian (www.educacion.navarra.es/eu/), 2024ko uztailaren 5ean.

6. Agintzea izapidetu dadila eta argitaratu dadila Nafarroako Aldizkari Ofizialean Cristina Aranda Cordobési lekualdatze-lehiaketan esleituriko destinoa argitara emateko ebazpena.

7. Ebazpen honen aurka gora jotzeko errekurtsoa jar daiteke, Barneko, Funtzio Publikoko eta Justiziako Departamentuko kontseilariari zuzendua, hilabeteko epean, lekualdatze-lehiaketan esleituriko destinoak argitara emateko ebazpena Nafarroako Aldizkari Ofizialean argitaratu eta biharamunetik hasita.

8. Ebazpen hau honako hauei igortzea, behar diren ondorioak izan ditzan: Hezkuntza Departamentuko Idazkaritza Tekniko Nagusiari, Irakasleak Hautatzeko eta Lanpostuak Betetzeko Zerbitzuko Lanpostuak Betetzeko Atalari, Langileen Araubide Juridikoaren Zerbitzuko Kontrol Administratiboaren Atalari, Aldi Baterako Langileak Kudeatzeko Zerbitzuko Plantillen Atalari, eta Kudeaketa Juridiko-administratiboaren Atalari.

Iruñean, 2024ko uztailaren 5ean.–Irakasleak Hautatzeko eta Lanpostuak Betetzeko Zerbitzuko zuzendaria, Ricardo Iribas Latour.

Iragarkiaren kodea: F2410762