2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Herri-lurren desafektazioa, lurpeko goi-tentsioko linea elektriko baten eraikineko ebakuazio azpiegiturarako, "Cierzo II" eguzki-parke fotovoltaikoan. Jendaurrean jartzea
Tuterako Udalak, 2024ko uztailaren 22an egin osoko bilkuran, erabaki zuen beherago adierazten diren lurren desafektazioa onestea EDP Renovables España SLren alde.
Alde batetik, herri-lurren 3.051 metro karratu desafektatuko dira, lurpeko zortasuna ezartzeko EDP Renovables España SLren alde, eta bestetik, Tuterako Udalaren jabari publikoko bideen beste 2.030 metro karratu desafektatuko dira, lurpeko goi-tentsioko linea elektriko baten eraikineko ebakuazio azpiegiturarako, "Cierzo II" eguzki-parke fotovoltaikotik "Castejón 400 kV" azpiestazio elektrikoraino.
Herri-lurrak:
POLIGONOA | LURZATIA | LUZERA | LURPEKO
ZORTASUNA | ALDI BATERAKO
OKUPAZIOA | ADJUDIKAZIODUNA |
23 | 69 | 112 | 224 | 112 | Solen Energía Valdelafuente |
23 | 70 | 55 | 110 | 55 | Solen Energía Valdelafuente |
23 | 105 | 36 | 72 | 36 | Solen Energía Valdelafuente |
23 | 71 | 212 | 424 | 212 | Solen Energía Valdelafuente |
23 | 85 | 15 | 30 | 15 | Aparicio Puyo, Jesús María |
23 | 93 | 67 | 134 | 67 | Aparicio Puyo, Jesús María |
23 | 61 | 93 | 186 | 93 | Hutsik |
23 | 103 | 1 | 2 | 1 | Hutsik |
23 | 95 | 78 | 156 | 78 | Navarro Zubeldia, José Luis |
23 | 113 | 241 | 482 | 241 | Roble Inversiones Renovables |
23 | 97 | 615 | 1231 | 615 | Roble Inversiones Renovables |
Bideen ukipenak:
POLIGONOA | LURZATIA | LUZERA | LURPEKO ZORTASUNA | ALDI BATERAKO OKUPAZIOA |
40 | 91550 | 3 | 6 | 3 |
23 | 91820 | 5 | 10 | 5 |
23 | 91840 | 966 | 1.932 | 966 |
23 | 91900 | 33 | 66 | 33 |
Aipatu desafektazioak Nafarroako Gobernuaren behin betiko onespena izan beharko du, eta hark ezarritako baldintzak bete beharko ditu.
Era berean, lurpeko zortasuna EDP Renovables España SLren alde ezartzeko prozedura arautuko duen baldintza-agiria onetsi zen, "Cierzo II" eguzki-parke fotovoltaikoaren ebakuazio-linea eraikitzeko "Castejón 400 kV" azpiestazio elektrikoraino.
Desafektazioaren espedientea jendaurrean egonen da hilabetez, ukitutakoek alegazioak jartzeko aukera izan dezaten. Halakorik aurkezten ez bada, espedientea Nafarroako Gobernuari igorriko zaio onets dezan, Nafarroako Toki Administrazioari buruzko uztailaren 2ko 6/1990 Foru Legearen 140. artikuluak xedatzen duenari jarraikiz.
Jendaurrean egon bitartean, interesdunek erabakiaren testu osoa eta horrekin zerikusia duten agiriak ikus ditzakete Tuterako Udaleko Hiri Garapen Jasangarriko Alorrean (Nekazaritzako unitate administratiboa), aurretiko hitzordua eskatuta posta bidez (montes@tudela.es).
Erabaki hau izapide egintza da, eta ezin da beronen aurkako errekurtsorik aurkeztu.
Tuteran, 2024ko uztailaren 22an.–Alkatea, Alejandro Toquero Gil.
Iragarkiaren kodea: L2411287
