Iragarkia

158. ALDIZKARIA - 2024ko abuztuaren 2a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

2629/2024 EBAZPENA, uztailaren 4koa, Funtzio Publikoko zuzendari nagusiak emana, erabakitzen duena bidezkoa dela izangaiak kontratatzea Nafarroako Foru Komunitateko Administrazioaren eta haren erakunde autonomoen zerbitzuko hezkuntza laguntzako espezialisten lanpostuetan aritzeko, eta lanpostua esleitzen diena.

Funtzio Publikoko zuzendari nagusiaren azaroaren 14ko 2980/2022 Ebazpenaren bidez onetsi zen Nafarroako Foru Komunitateko Administrazioaren eta haren erakunde autonomoen zerbitzurako hezkuntza laguntzako espezialisten hogeita hamalau lanpostu, gehienez ere, oposizio-lehiaketa bidez betetzeko sarrera-prozeduraren deialdia, hori guztia enplegu publikoan behin-behinekotasuna murrizteko egonkortze-prozesuen esparruan. Deialdia 2022ko 246. Nafarroako Aldizkari Ofizialean argitaratu zen, abenduaren 12koan.

Funtzio Publikoko zuzendari nagusiaren otsailaren 14ko 628/2023 Ebazpenaren bidez, deialdian onartutako eta baztertutako izangaien behin-behineko zerrenda onetsi zen. Ebazpen hori deialdiaren web-fitxan argitaratu zen, 2023ko otsailaren 20an.

Funtzio Publikoko zuzendari nagusiaren maiatzaren 29ko 1840/2023 Ebazpenaren bidez, deialdian onartutako eta baztertutako izangaien behin betiko zerrenda onetsi zen. Ebazpen hori deialdiaren web-fitxan argitaratu zen, 2023ko ekainaren 1ean.

Oposizio-lehiaketa bukatuta, kalifikazio-epaimahaiak puntuazio handiena duten eta deialdian eskatutako betebeharrak betetzen dituzten izangaiak kontratatzeko proposamena egin zuen. Proposamen hori deialdiaren web-fitxan argitaratu zen 2024ko ekainaren 13an.

Honako hauek uko egin diote hautapen-prozesuari: María Sonia Aldaz Oroz andreak, Silvia Escribano Aznar andreak, Asier Jurío Jusué jaunak, Gorka Lekuna Herrero jaunak, Miguel Ángel Pascual Monroy jaunak, María Luisa Ruiz Amóstegui andreak, Brígida Soriano García andreak, Miren Habene Vitas Cartago andreak eta Javier Zarraluqui Bezunartea jaunak.

Halaber, proposatutako izangaien artean, Alicia Amorena Beroiz andreak eta Ana María Zatorre Cominotti andreak ezinbesteko kausa bat alegatu dute eta epearen zenbaketa eteteko eskatu dute, aipatu egoera desagertzen den arte.

Gainerako izangaiek behar zen epean aurkeztu dutenez eskatutako dokumentazioa, eta eskatutako betebeharrak betetzen dituztela egiaztaturik, bidezkoa da kontratazioa egitea eta bakoitzari dagokion lanpostu hutsa esleitzea.

Horrenbestez, eta erabiliz otsailaren 21eko 30/2005 Foru Dekretuak ematen dizkidan eskudantziak,

EBAZTEN DUT:

1. Izangai hauek lanaldi partzialeko lan-kontratudun finko izendatzea:

–Erreserba txanda, desgaitasuna dutenentzat:

ARISTORENA LACUNZA, ITZIAR

PEJENAUTE IZURDIAGA, ANA MARIA

–Txanda irekia:

ARGUIÑARIZ SAN MARTIN, LUIS ANGEL

ASIN ORTIGOSA, MARIA DE LAS MERCEDES

AZPIROZ BAZTERRICA, BELEN

BEAUMONT ESANDI, MARIA PILAR

BUGEDO FERNANDEZ, PABLO

DIAZ DE CERIO RIPALDA, JOAQUIN

IBAÑEZ ARGAÑA, MARIA ASCENSION

JORDANA ROA, LORETO

LARRINAGA ALVAREZ, ASIER

LASIERRA CRESPO, MARIA INMACULADA

MARTELES PABLO, ANA ISABEL

MARTINEZ IZCARA, RAQUEL

NUÑEZ SEGUIN, JUANA MARIA

RODRIGUEZ IGLESIAS, OSCAR

SENAR URRESTARAZU, AMAYA

SEPULVEDA MUÑOZ, LAURA

TEJADA SALVATIERRA, MARIA LAURA

URRA ZUGASTI, ADRIANA

VELILLA ANAUT, MARIA PILAR

–Genero-indarkeriaren biktima diren emakumeentzako erreserba txanda:

MONTIAL BARBERAN, MANUEL

3. Alicia Amorena Beroiz andreak eta Ana María Zatorre Cominotti andreak eskatutako epearen etenaldia gauzatzea, akreditatutako ezinbesteko kausa desagertzen den arte.

4. Lanpostu hutsak esleitzea I. eranskinean xedatutakoarekin bat.

5. Lan araubideko lanaldi partzialeko kontratazio finkorako izangaiek 2024ko irailaren 1ean izenpetu beharko dute kontratua, Hezkuntza Departamentuko Langileen Kontrataziorako Atalean.

Lan-kontratu finkoa sinatzen ez dutenek, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioko eta haren erakunde autonomoetako lan-kontratudun finko izateko eskubide guztiak galduko dituzte.

6. Ebazpen hau igortzea, behar diren ondorioak izan ditzan, Hezkuntza Departamentuko Idazkaritza Tekniko Nagusira, Langileen Araubide Juridikoaren Zerbitzura, Aldi Baterako Langileak Kudeatzeko Zerbitzura eta Nominen eta Gizarte Aseguruen Zerbitzura, eta Funtzio Publikoko Zuzendaritza Nagusiko Langileriaren Prozedurak Kudeatzeko Zerbitzura, Langileriaren Gastuaren Kontrolaren eta Nominen Zerbitzura eta Egiturako, Plantillako eta Langileen Aldi Baterako Kontratazioetako Zerbitzura, eta interesdunari jakinaraztea, eta adieraztea ebazpenaren aurka gora jotzeko errekurtsoa jartzen ahal dela, Barneko, Funtzio Publikoko eta Justiziako kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat.

7. Ebazpena Nafarroako Aldizkari Ofizialean argitara dadila agintzea, kontuan izanik argitalpen horrek jakinarazpenaren ondorio berberak izanen dituela, hala ezartzen baitu 45. artikuluan urriaren 1eko 39/2015 Legeak, Administrazio Publikoen Administrazio Prozedura Erkideari buruzkoak.

Iruñean, 2024ko uztailaren 4an.–Funtzio Publikoko zuzendari nagusiaren ordezko gisa, hura kanpoan baita (32/2023 Foru Agindua, abenduaren 11koa). Langileriaren Gastuaren Kontrolaren eta Nominen Zerbitzuko zuzendaria, Raquel San Martín Ederra.

I. ERANSKINA.–ESLEITUTAKO LANPOSTUAK

Iragarkiaren kodea: F2410763