154. ALDIZKARIA - 2024ko uztailaren 30a

1. NAFARROAKO FORU KOMUNITATEA

1.7. BESTELAKOAK

ENKANTEA, Iruñeko ondasun higiezin batena.

Nafarroako Foru Ogasunaren Derrigorrezko Diru-bilketaren Atalean bideratutako premiamendu-espediente administratibo baten barruan, Nafarroako Foru Ogasuneko Diru-bilketa Zerbitzuko zuzendariak, 2024ko otsailaren 22an, erabaki zuen behean azaltzen diren ondasun higiezin hipotekatuak enkante bidez saltzea. Enkantea Estatuko Aldizkari Ofiziala Estatuko Agentziaren Enkanteen Atarian eginen da.

Nafarroako Foru Komunitateko Diru-bilketaren Erregelamenduaren 135. artikuluan eta aipatu erabakian xedatutakoa betez, iragarkia argitaratzen da Estatuko Aldizkari Ofizialean, baita iragarki hau ere, eta honako hau ohartarazten zaie enkantean parte hartu nahi dutenei:

1. Enkante administratiboaren iragarkia, erreferentzia-zenbakia: 00899.

2. Helbide elektronikoa: https://subastas.boe.es/ds.php?id=SUB-RC-2024-310020010089 Estatuko Aldizkari Ofiziala Estatu Agentziaren Enkanteen Atariaren helbide elektroniko horretan jasota daude enkantearen eta enkantean jarriko den ondasunaren funtsezko datuak.

3. Helbide elektroniko horretan adierazitako egunean hasiko da enkantea. Irekitzen denetik, eskaintza elektronikoak egiten ahalko dira hogei egun naturalean, Enkanteen Atarian.

4. Ondasuna adjudikatzeko aktaren ziurtagiria egin aurretik edo, hala dagokionean, salmentaren eskritura publikoa eman aurretik behar bezala justifikatzen bada ordaindu direla zorra, berandutze-interesak eta prozeduraren kostuak, enkantea bertan behera geratuko da.

5. Enkantean jarri beharreko ondasuna:

Lote bakarra:

Iruñeko 9.780 zenbakidun finka.

Erregistrokoa:

"Azalpena: "Hiri finka.–"D" letrako etxebizitza edo pisua, B motakoa, Iruñeko Simonena Doktorearen kaleko BI zenbakian. Azalera eraikia laurogeita zazpi metro eta laurogei dezimetro karratukoa da; azalera erabilgarria hirurogeita hamar metro eta hogeita hemezortzi dezimetro karratukoa da. Sarrera, pasabidea, jangela, hiru logela, sukaldea eta komuna ditu. Mugak: aurrean, eskailera-kaxa eta patioa; sartu eta eskuinera, kale bereko 4 zenbakiko etxea; ezkerrean, C etxebizitza, eta atzealdean, Simonena Doktorearen kalea. Kuota: ehuneko berrogeita hamar ehunen.

IDUFIR/CRU: 31010000093360.

Inskripzioaren datuak: Artxiboko 1.620-N liburukian inskribatuta dago, 1.091-1.a liburuan, 63. orrian, 9.780 finka, 2. inskripzioa, bi mila eta hamaseiko martxoaren hogeita batean.

Katastroa:

Iruñeko katastroko 7. poligonoko 1003. lurzatiari dagokio (1. hiri azpiarea, 21 hiri unitatea).

Ondasun higiezinaren erreferentzia: 310000000001992560GG.

6. Lehentasunez erosteko edo lehentasunez eskuratzeko eskubideen balizko titularrik izanez gero, etenda geldituko da mahaiak behin-behinean erabakitako adjudikazioa, aplikatu beharreko legeriarekin bat titular horiek beren eskubidea baliatzen ahal duten epean.

7. Iragarki honetan eta Estatuko Aldizkari Ofiziala Estatu Agentziaren Enkanteen Atarian aurreikusita ez dagoen guztian, egintza arautzen duten legezko eta erregelamenduzko xedapenetan ezarritakoari jarraituko zaio.

Argibide gehiago nahi izanez gero, harremanetan jarri Derrigorrezko Diru-bilketaren Ataleko langileekin (telefono zk.: 848 428693, posta elektronikoa: recaudacion.ejecutiva@navarra.es).

Iruñean, 2024ko uztailaren 19an.–Derrigorrezko Diru-bilketaren Ataleko burua, Sonia Ruiz Millán.

Iragarkiaren kodea: F2411219