1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1780E/2024 EBAZPENA, ekainaren 27koa, Osasunbidea-Nafarroako Osasun Zerbitzuko zuzendari kudeatzaileak emana, berak emandako ekainaren 19ko 1726E/2024 Ebazpena aldatzen duena. Ebazpen horren bidez, Ana Isabel Arriazu Enrique andrea Tuterako Osasun Barrutiko Herritarren Arretarako Unitateko buru izendatzen da bitarte baterako.
Osasunbidea-Nafarroako Osasun Zerbitzuko zuzendari kudeatzailearen ekainaren 19ko 1726E/2024 Ebazpenaren bidez, Ana Isabel Arriazu Enrique andrea Tuterako Osasun Barrutiko Herritarren Arretarako Unitateko buru izendatzen da bitarte baterako, 2024ko ekainaren 14tik aurrerako ondorioekin.
Tuterako Osasun Barrutiko Kudeatzailetzak izendapen horren ondorioetarako data aldatzea eskatu du.
Irailaren 3ko 171/2015 Foru Dekretuaren bidez onetsitako Osasunbidea-Nafarroako Osasun Zerbitzuaren Estatutuek ematen dizkidaten ahalmenak erabiliz,
EBAZTEN DUT:
1. Aldatzea Osasunbidea-Nafarroako Osasun Zerbitzuko zuzendari kudeatzailearen ekainaren 19ko 1726E/2024 Ebazpena, Ana Isabel Arriazu Enrique andrea Tuterako Osasun Barrutiko Herritarren Arretarako Unitateko buru izendatzen duena bitarte baterako, honela:
Honako hau dioen tokian: 2024ko ekainaren 14tik aurrerako ondorioekin".
Honako hau behar du: 2024ko ekainaren 13tik aurrerako ondorioekin".
2. Ebazpen hau Ana Isabel Arriazu Enrique andreari jakinaraztea, eta Osasunbidea-Nafarroako Osasun Zerbitzuko Tuterako Osasun Barrutiko Profesionalen Zerbitzura, Langileriaren Prozesu eta Ebaluazio Zerbitzura eta Ordainsari eta Prestazioen Zerbitzura igortzea, behar diren ondorioak izan ditzan.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2024ko ekainaren 27an.–Zuzendari kudeatzailea ez dagoenez, Osasunbidea-Nafarroako Osasun Zerbitzuko Eriari Osasun Laguntza emateko zuzendaria, Nancy Nelly Gonzalo Herrera (irailaren 3ko 171/2015 Foru Dekretua).
Iragarkiaren kodea: F2410407
