1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
184E/2024 EBAZPENA, uztailaren 1ekoa, Energia, Enpresa I+G+b eta Ekintzailetzako zuzendari nagusiak emana, aurrekontua handitzen duena, hirugarrenez, deialdi honetan: "Mugikortasun elektrikoari lotutako pizgarrien programa (MOVES III programa), Europako Suspertze, Eraldatze eta Erresilientzia Planaren esparruan". DDBN: 574654; 597225; 597302; 597306.
Industriaren, Energiaren eta S4 Proiektu Estrategikoen zuzendari nagusiak uztailaren 6an emandako 51E/2021 Ebazpenaren bidez, dirulaguntza honetarako deialdia onetsi zen: "Mugikortasun elektrikoari lotutako pizgarrien programa (MOVES III programa), 2021". Bertan, 4.950.000 euroko gastua baimendu zen, 2021eko, 2022ko eta 2023ko gastu aurrekontuko "MRR MOVES III Laguntza deialdia" izeneko 820001 82500 7819 425208 partidaren kargura, deialdiaren ondoriozko konpromisoei aurre egiteko, horretarako baldintza izanik kreditu egokia eta nahikoa izatea 2021., 2022. eta 2023. urteetan.
Industriaren, Energiaren eta S4 Proiektu Estrategikoen zuzendari nagusiaren uztailaren 30eko 58E/2021 Ebazpenaren bidez, mugikortasun elektrikoari lotutako pizgarrien programaren (MOVES III programa) deialdiaren 12. oinarria aldatu zen.
Industriaren, Energiaren eta S4 Proiektu Estrategikoen zuzendari nagusiaren urriaren 6ko 114E/2021 Ebazpenaren bidez, mugikortasun elektrikoari lotutako pizgarrien programaren (MOVES III programa) 4.5 oinarria eta III. eranskina (2. pizgarri-programa: Ibilgailu elektrikoak kargatzeko azpiegitura ezartzea) aldatu ziren.
Energia Dibertsifikatu eta Aurrezteko Institutua (IDAE) MP enpresa-erakunde publikoko presidentearen ebazpen baten bidez, handitu egin zen mugikortasun elektrikoari lotutako pizgarrien programarako (MOVES III programa) aurrekontua, hots, apirilaren 13ko 266/2021 Errege Dekretuaren bidez onetsi zen programarena. Ebazpen horretan Nafarroako Foru Komunitateari esleitutako aurrekontua handitzea onetsi zen, hain zuzen ere 17.840.000,00 euroan.
Industriaren, Energiaren eta S4 Proiektu Estrategikoen zuzendari nagusiaren urriaren 13ko 175E/2022 Ebazpenaren bidez, aurrekontua handitu zen eta deialdiaren 8. eta 10. oinarriak aldatu ziren mugikortasun elektrikoari lotutako pizgarrien programako (MOVES III programa) laguntzen deialdian, Europako Suspertze, Eraldatze eta Erresilientzia Planaren esparruan.
Energia Dibertsifikatu eta Aurrezteko Institutua (IDAE) MP enpresa-erakunde publikoko presidentearen 2023ko apirilaren 11ko Ebazpenaren bidez, bigarrenez handitu zen mugikortasun elektrikoari lotutako pizgarrien programarako (MOVES III programa) aurrekontua, hots, apirilaren 13ko 266/2021 Errege Dekretuaren bidez onetsi zen programarena. Ebazpen horretan Nafarroako Foru Komunitateari esleitutako aurrekontua handitzea onetsi zen, hain zuzen ere 5.347.300,00 euroan.
Trantsizio Energetikorako, Proiektu Estrategikoen eta S4ren zuzendari nagusiaren irailaren 26ko 318E/2023 Ebazpenaren bidez, bigarrenez handitu zen aurrekontua eta oinarriak aldatu ziren mugikortasun elektrikoari lotutako pizgarrien programako (MOVES III programa) laguntzen deialdian, Europako Suspertze, Eraldatze eta Erresilientzia Planaren esparruan. DDBN: 574654; 597225; 597302; 597306.
Energia, Enpresa I+G+b eta Ekintzailetzako zuzendari nagusiaren abenduaren 7ko 416E/2023 Ebazpenaren bidez, deialdiaren indarraldia luzatu eta oinarriak aldatu ziren mugikortasun elektrikoari lotutako pizgarrien programako (MOVES III programa) laguntzen deialdian, Europako Suspertze, Eraldatze eta Erresilientzia Planaren esparruan. DDBN: 574654; 597225; 597302; 597306.
Energia, Enpresa I+G+b eta Ekintzailetzako zuzendari nagusiaren urtarrilaren 8ko 1E/2024 Ebazpenaren bidez, akatsak zuzendu ziren abenduaren 7ko 416E/2023 Ebazpenean, zeinaren bidez aldatu baitziren mugikortasun elektrikoari lotutako pizgarrien programarako (MOVES III programa) deialdiaren oinarriak, Europako Suspertze, Eraldatze eta Erresilientzia Planaren esparruan. DDBN: 574654; 597225; 597302; 597306.
Energia Dibertsifikatu eta Aurrezteko Institutua (IDAE) MP enpresa-erakunde publikoko presidentearen 2024ko maiatzaren 13ko Ebazpenaren bidez, hirugarrenez handitu zen mugikortasun elektrikoari lotutako pizgarrien programarako (MOVES III programa) aurrekontua, hots, apirilaren 13ko 266/2021 Errege Dekretuaren bidez onetsi zen programarena. Ebazpen horretan Nafarroako Foru Komunitateari esleitutako aurrekontua handitzea onetsi zen, hain zuzen ere 1.575.000,00 euroan.
Zeharkako kostuei esleitutako ehunekoa.
Aurrekontua handitzea onartu ondoren eta zeharkako kostuak eta zuzeneko inbertsioak kenduta, deialdi honen zuzkidura ekonomikoaren handitzea 1.500.000,00 eurokoa da. Zenbateko hori 1. eta 2. jardueren artean banatuko da, modu honetan:
| 2023 | 2024 | 2025 | GUZTIRA |
1. jarduera 820001 82500 7819 425208 MRR MOVES III laguntzen deialdia | | 1.500.000,00 | - | 1.500.000,00 |
2. jarduera 820001 82500 7819 425208 MRR MOVES III laguntzen deialdia | | - | - | - |
GUZTIRA | | 1.500.000,00 | - | 1.500.000,00 |
Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,
EBAZTEN DUT:
1. Mugikortasun elektrikoari lotutako pizgarrien programaren (MOVES III programa) deialdiaren aurrekontua 1.500.000,00 euroan handitzea eta baimentzea (820001 82500 7819 425208 partida).
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta zilegi da haren aurka gora jotzeko errekurtsoa jartzea, Industriako eta Enpresen Trantsizio Ekologiko eta Digitalerako kontseilariari zuzendua, jakinarazi eta hurrengo egunetik hilabeteko epean.
Iruñean, 2024ko uztailaren 1ean.–Energia, Enpresa I+G+b eta Ekintzailetzako zuzendari nagusia, Uxue Itoiz Mariñelarena.
Iragarkiaren kodea: F2410486
