2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GOIZUETA
Goizuetako "Telleriko zentral zaharraren kanaleko natur bidea" izeneko obra-proiektuko obrak egiteko desjabetzeko prozedura. Jendaurrean jartzea
Goizuetako Udalbatzak 2024ko ekainaren 25ean egindako udalbatzan ondoren idazten den testuan adierazten den akordioa onartu zen:
Ikusirik:
–"Goizuetako Telleriko zentral zaharraren kanaleko natur bidea" izeneko obra-proiektua, 2024ko ekainaren 18koa, Enrique Montero Santa Eugenia de Basartea SLko ingeniariak idatzia.
–Afekzioen memoria, 2024ko ekainaren 18koa, José Antonio Echarri Iribarren nekazaritza ingeniariak idatzia.
–Marcos Erro Martínez letraduak egindako txosten juridikoa, 2024ko ekainaren 19koa.
–Udal Plana, Bidegorri izeneko lurralde-eremuari dagokionez, sistema orokortzat hartzen dena, eta desjabetze-sistema, sistema horren eraginpeko lurrak lortzeko modua dena.
Azaldutakoaren arabera, eta Nafarroako Toki Administrazioari buruzko 6/1990 Foru Legearen 215. artikuluan eta Nahitaezko Desjabetzeari buruzko 1954ko abenduaren 16ko Legearen 10., 15. eta hurrengo artikuluetan ezarritakoa kontuan hartuta, aho batez erabaki da:
1.–"Goizuetako Telleriko zentral zaharraren kanaleko nartur bidea" izeneko obra-proiektua onartzea, eta proiektuak afektatuko ondasun eta eskubideen zerrenda hasiera batez onestea.
Udalaren eskumeneko zerbitzua izanik, eta Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko 6/1990 Foru Legearen 215.2 artikuluan ezarritakoarekin bat etorriz, tokiko obra eta zerbitzuen proiektuak onartzeak berekin dakar onura publikoaren deklarazioa eta horietan bildutako ondasunak okupatu beharra, nahitaezko desjabetzearen ondorioetarako.
AFEKTATUTAKO ONDASUN ETA ESKUBIDEEN ZERRENDA
JABEA | POLIGONOA | PARTZELA | AZPIPARTZELA | MOTA | DESJABETZEA (m²) | PRESAKO OKUPAZIOA (m²) | ALDI BATERAKO OKUPAZIOA (m²) | ITXITURAK (m.l.) | BURDIN LANGA (m²) | ERAIKUNTZA (m²) | EGURTEGIA (m²) |
Francisco Jose Echeguia Berroeta | 3 | 152 | A | Elkorra | --- | 490,61 | 274,75 | 6,00 | | --- | |
3 | 24 | --- | Soroa | --- | --- | 274,75 | --- | | --- | |
Agustin Elicegui Lujambio | 3 | 176 | --- | Elkorra | --- | --- | --- | 15,00 | 7,20 | 51,00 | 10,00 |
Jose Julian Salaberria Loyarte | 3 | 41 | --- | Zuhaiztia | 18,15 | --- | --- | --- | --- | --- | --- |
3 | 42 | A | Zuhaiztia | 53,80 | --- | --- | | | | |
3 | 137 | A | Zuhaiztia | 39,69 | --- | --- | | | | |
3 | 177 | --- | Elkorra | 767,48 | --- | --- | 3,00 | 8,00 | --- | 27,00 |
2.–Proiektuaren onarpenean inplizitu dauden ondasun eta eskubideak herri-onurakotzat eta okupatu beharrekotzat aitortzea.
3.–Afektatutako ondasun eta eskubideen zerrenda jendaurrean jartzea, 15 egun balioduneko epean, Nahitaezko Desjabetzeari buruzko Legearen 18. artikuluan xedatutakoaren arabera. Bertan, interesdunek egokitzat jotzen dituzten oharrak edo alegazioak egin ahal izango dituzte, bai eta argitaratutako zerrendan egon daitezkeen akatsak zuzentzeko beharrezkoak diren datuak idatziz aurkeztu ere. Horretarako, Goizuetako (Nafarroa) Udaleko bulegoetan izango dute eskuragarri proiektua.
4.–Erabaki hau Nafarroako Aldizkari Ofizialean argitaratzea eta Goizuetako Udaleko iragarki-oholean jartzea. Halaber, dagokion iragarkia argitaratuko da Foru Komunitateko egunkari batean.
5.–Erabaki hau afektatutako pertsonei jakinaraztea, dagozkion ondorioetarako.
Goizuetan 2024ko ekainaren 27an. Alkatea, Unai Miranda Berroeta.
Iragarkiaren kodea: L2410359