2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
AMILLAOKO KONTZEJUA
Deialdia, laborantzako herri-lurren aprobetxamendua adjudikatzeko, herritarrendako lehentasunezko eta zuzeneko adjudikazioen bitartez
Amillaoko Kontzejuak, ekainaren 14ko osoko bilkuran, erabaki du deialdi bat onestea, laborantzako herri-lurzatien loteak adjudikatzeko, zortzi urteko eperako, herritarrendako lehentasunezko adjudikazioaren eta zuzeneko adjudikazioaren prozeduren bitartez.
Horrenbestez, iragartzen da hamabost egun balioduneko epea irekitzen dela, iragarki hau Nafarroako Aldizkari Ofizialean argitaratu eta biharamunetik hasita, ordenantzan ezarritako betebehar eta baldintzak betetzen dituzten herritar interesdunek eskabidea aurkez dezaten, aipatu bi prozeduretako edozeinetan jasotako aprobetxamenduaren adjudikazioa eskatzeko, betiere jarraikiz Amillaoko Kontzejuaren herri-lurretako aprobetxamenduak arautzen dituen ordenantzako baldintzei (2021eko 288. Nafarroako Aldizkari Ofiziala, abenduaren 24koa) eta onetsitako baldintza-agiriari.
Baldintza-agiria interesdunen eskura dago Allingo Udalaren bulegoetan, bai eta eskabide eredua, aurkeztu beharreko agirien zerrenda eta loteen ezaugarriak, azalera, kokalekua eta prezioa ere.
Honen bidez argitaratzen da, orok jakin dezan, jarraikiz Nafarroako Toki Entitateen Ondasunen gaineko Erregelamenduaren 181. artikuluari (erregelamendu hori onetsi zen urriaren 18ko 280/1990 Foru Dekretuaren bidez).
Amillaon, 2024ko ekainaren 14an.–Kontzejuko burua, Marta Sainz San Martin.
Iragarkiaren kodea: L2410063
