135. ALDIZKARIA - 2024ko uztailaren 2a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ARAS

2024rako tasak eta zerga-tasak

Arasko Udalak, 2024ko martxoaren 19an egin bilkuran, besteak beste, hasiera batez onetsi zuen 2024ko tasak eta zerga-tasak ezartzeko erabakia.

Hasierako onespenaren erabakia 2024ko 76. Nafarroako Aldizkari Ofizialean argitaratu zen, apirilaren 16an. Tasak iragarki-taulan egon dira jendaurrean, eta haien kontrako alegaziorik egin ez denez, argitaratu egiten dira, behin betiko onets daitezen eta indarrean jar daitezen.

–Ondasun higiezinen gaineko kontribuzioa: %0,23.

–Eraikuntzen, instalazioen eta obren gaineko zerga: %4.

–Hiri-lurren balio-gehikuntzaren gaineko zergan aplikatu beharreko koefiziente eta karga-tasei dagokienez, onestea lurraren balioaren gainean sortzapena egiteko unean aplikatu beharreko koefizienteak, balio-gehikuntzaren sortzealdiaren arabera. Hain zuzen, 2/1995 Foru Legearen 175.2 artikuluan ezarritako gehieneko koefizienteak izanen dira. Karga-tasari dagokionez, balio-gehikuntzaren sortzealdi guztietan karga-tasa bakarra ezartzea: %15ekoa, alegia.

–Ekonomia-jardueren gaineko zerga: 1,4ko udal indizea.

Tasei dagokienez, erabaki da ekitaldi honetan bezala uztea:

–Hilerrian zerbitzua ematea: Arasko udal hilerriaren erabilera arautzen duen ordenantzan ezarritako tasak (ordenantzaren aldaketa 2013ko 66. Nafarroako Aldizkari Ofizialean argitaratu zen, apirilaren 9an).

–Hirigintzako agiriak eta txostenak egiteko tasa: Hirigintzako tramitazioen tasak arautzen dituen ordenantza fiskalaren arabera, 2012ko ekainaren 29ko bilkuran onetsi baitzen behin betiko, eta 2012ko 149. Nafarroako Aldizkari Ofizialean argitaratu, ekainaren 30ean.

–Jarduera sailkatuen espedienteak izapidetzearekin loturiko txostenak egiteko tasa: txostenak egiten dituen enpresak aurkezten duen fakturaren arabera.

Arasen, 2024ko ekainaren 17an.–Alkatea, Jesús Carlos Fernández Rubio.

Iragarkiaren kodea: L2409729