3. ESTATUKO ADMINISTRAZIOA
GOBERNUAREN ORDEZKARITZA
Jendaurreko informazioa, proiektu eguneratu honen aurretiazko administrazio baimena eta eraikitzeko administrazio baimena aldatzeko eskaerari buruz: "Campos de Zuloaga" eguzki-instalazio fotovoltaikoa, 50,10 MW-eko potentzia instalatua duena, eta haren ebakuaziorako azpiegitura, Zizur zendeako, Oltza zendeako eta Orkoiengo (Nafarroa) udal mugarteetan kokatua. PFot-726 espedientea
Sektore Elektrikoari buruzko abenduaren 26ko 24/2013 Legearen 53.1.a) artikuluan eta Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 125., 126., 127. eta 131. artikuluetan ezarritakoarekin bat, jendaurrean jartzen da proiektu eguneratu honen aurretiazko administrazio baimena eta eraikitzeko administrazio baimena aldatzeko eskaera: "Campos de Zuloaga" eguzki-instalazio fotovoltaikoa, 50,10 MW-ekoa. Hona espediente proiektuaren ezaugarriak:
–Eskatzailea: Renantis España 2 SL (lehen Falck Renewables Power 2 SL zena; IFKa: B88401450; helbidea: Serrano kalea 27, 3. eskuina, 28001 Madril).
–Eskaeraren xedea: eguzki-instalazio fotovoltaiko honen aurretiazko administrazio baimena eta eraikitzeko administrazio baimena aldatzea: "Campos de Zuloaga" eguzki-instalazio fotovoltaikoa, 50,10 MW-ekoa, eta haren ebakuaziorako azpiegitura (33/220 kV-eko azpiestazio elektrikoa eta garraiatzeko ez den lurpeko ebakuazio-linea, 220 kV-ekoa eta 9,75 km luze dena, Orkoien 220 kV-eko REEren azpiestaziora arte).
–Organo eskuduna: Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da aurretiazko administrazio baimenaren eta eraikitzeko administrazio baimenaren aldaketari buruz ebazteko eskumena duen organo substantiboa.
–Tramitazio organoa: Gobernuaren Nafarroako Ordezkaritzako Industria eta Energia Arloa, zeinak egoitza baitu Merindadeen plazan z.g. (31071 Iruña, Nafarroa).
–Instalazioen deskribapena: "Campos de Zuloaga" eguzki-instalazio fotovoltaikoa, 50,10 MW-ekoa, eta 33/220 kV-eko azpiestazio elektrikoa Zizur zendean (Nafarroa) kokatuko dira, eta haren ebakuaziorako azpiegiturak (220 kV-eko linea elektrikoa Orkoien 220 kV-eko REEren azpiestazioraino) Zizur zendeako, Oltza zendeako eta Orkoiengo udal mugarteei (Nafarroa) eraginen die.
Instalazioen ezaugarriak hauek dira:
–Eguzki-instalazio fotovoltaikoa: 84.604 eguzki-modulu monokristalino, bakoitza 630 Wp-koa, eta 300 kVA-ko 167 inbertsore, 40º C-tan, 50,10 MW-eko potentzia instalatua dutenak.
–33 kV-eko lineak, azpiestazio jasotzailearekin lotzeko.
–33/220 kV-eko azpiestazio jasotzailea.
–Garraiatzeko ez den lurpeko ebakuazio linea, 220 kV-ekoa eta 9,75 km luze dena, Orkoien 220 kV-eko (REE) azpiestazioraino.
–Aurrekontu zenbatetsia: eguzki planta fotovoltaikoa eta haren ebakuazio azpiegitura: 37.823.863,84 euro.
–Helburua: energia elektrikoa sortzea eguzki-instalazio fotovoltaiko baten bidez, eta hura ebakuatzea energia elektrikoa garraiatzeko sarera.
Eta hori guztia aditzera ematen da orok jakin dezan eta proiektua eta gainerako agiri teknikoak aztertu ahal izan daitezen Gobernuaren Nafarroako Ordezkaritzako Industria eta Energia Arloan (Merindadeen plaza z.g., 31071, Iruña, Nafarroa), aurretik hitzordua eskatuta, edo esteka honetan:
https://mpt.gob.es/eu/delegaciones_gobierno/delegaciones/navarra/proyectos-ci.html
Gainera, iragarki hau argitaratzen da Administrazio Publikoen Administrazio Prozedura Erkideari buruzko urriaren 1eko 39/2015 Legearen 4. artikuluaren ondorioetarako, pertsona interesdun guztiek aztertu ahal izan ditzaten proiektuaren agiri guztiak eta, orobat, egoki iruditzen zaizkien alegazioak egin ahal izan ditzaten.
Egokitzat jotzen diren alegazioak arlo horretan aurkezten ahalko dira, dela euskarri fisikoan, idatziz, Gobernuaren ordezkaritza horren Erregistro Orokorrean edo Estatuko Administrazio Orokorraren Erregistro Elektronikoaren bidez (https://rec.redsara.es), dela Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetan, egokitzat jotzen diren alegazioak, iragarki hau argitara eman eta biharamunetik hasita hogeita hamar egun balioduneko epean.
Ohartarazten da ezen pertsona juridikoak, nortasun juridikorik gabeko entitateak eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 14. artikuluan identifikatutako bestelako subjektuak behartuak daudela baliabide elektronikoak erabiltzera administrazio publikoekin dituzten harremanetan, administrazio prozedura baten edozein tramite egin behar duten aldiro. Hortaz, subjektu horiek jendaurreko informazioaren tramite honen barruan egiten dituzten alegazio guztiak baliabide elektronikoen bidez behar bezala aurkeztu beharko dira nahitaez.
Iruñean, 2024ko maiatzaren 22an.–Gobernuak Nafarroan duen Ordezkaritzako Industria eta Energia Arloko zuzendaria, Ignacio Irujo Sanz.
Iragarkiaren kodea: E2408614