2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
AGOITZ
Jarduera-lizentziaren eskaera. Industriako mantentze-lanetarako biltegia eta lantegi txiki osagarria
Aditzera ematen da ondotik zehazten den espedientea jendaurrean egonen dela udal bulegoetan, hogei egun baliodunean, iragarki hau Nafarroako Aldizkari Ofizialean argitaratu eta biharamunetik hasita, epe horretan bidezko oharrak aurkez ditzaten jarduerak ukituak gertatzen direnek. Hori guztia, bete dadin martxoaren 30eko 26/2022 Foru Dekretuaren 48.1 artikuluan ezarritakoa (foru dekretu horren bidez onetsi zen Ingurumenean Eragina duten Jarduerak arautzen dituen abenduaren 16ko 17/2020 Foru Legea garatzeko Erregelamendua). Interesdunek eskura izanen dituzte eskabide horiek udal bulegoetan (Kale Berria 2, Agoitz).
Titularra: JIF, Mecatrónica S. Microcoperativa.
Jarduera: industriako mantentze-lanetarako biltegia eta lantegi txiki osagarria.
Tokia: Agoizko industrialdea, 6. nabea (2. poligonoa, 473. lurzatia).
Agoitzen, 2024ko ekainaren 6an.–Alkate udalburua, Angel Martín Unzué Ayanz.
Iragarkiaren kodea: L2409180
