1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2024ko maiatzaren 29an hartua, Acciona Global Renewables SLUk sustatutako inbertsio proiektua foru intereseko inbertsio deklaratzen duena.
Acciona Global Renewables SLUk, 2024ko apirilaren 25ean, eskatu zuen foru intereseko inbertsio deklaratzeko Irunberrin (Nafarroa) egin asmo duen "Haize-sorgailuen palak birziklatzeko instalazio berria" izeneko inbertsio proiektua.
Industria Sustapenaren Zerbitzuak inbertsio proiektua ebaluatuta, kontuan harturik proiektuaren ezaugarriak, enplegua sortzeari begira izanen duen eragina eta haren garapena sustatu beharra, proposatu du foru intereseko inbertsio deklaratzea, Enpresa edo lanbide jarduerak abian jartzeko xedearekin administrazio bideak errazteko neurriei buruzko abenduaren 9ko 15/2009 Foru Legearen 4. artikuluan ezarritakoaren ondorioetarako.
Azaldutakoarekin bat etorriz, Nafarroako Gobernuak, Industriako eta Enpresen Trantsizio Ekologiko eta Digitalerako kontseilariak proposaturik,
ERABAKITZEN DU:
1. Acciona Global Renewables SLUk sustaturik Irunberrin egin asmo den inbertsio proiektua, "Haize-sorgailuen palak birziklatzeko instalazio berria" izenekoa, foru intereseko inbertsio deklaratzea, Enpresa edo lanbide jarduerak abian jartzeko xedearekin administrazio bideak errazteko neurriei buruzko abenduaren 9ko 15/2009 Foru Legearen 4. artikuluan ezarritakoaren ondorioetarako. Deklarazio honek inbertsio proiektua bukatu arte izanen ditu ondorioak.
2. Erabaki hau Nafarroako Parlamentuko Garapen Ekonomikorako Batzordera igortzea, abenduaren 9ko 15/2009 Foru Legearen 4. artikuluan ezarritakoaren ondorioetarako.
3. Erabaki hau Nafarroako Aldizkari Ofizialean argitaratzea, orok jakin dezan, eta Acciona Global Renewables SLUri jakinaraztea, behar diren ondorioak izan ditzan.
Iruñean, 2024ko maiatzaren 29an.–Nafarroako Gobernuko kontseilari-idazkaria, Félix Taberna Monzón.
Iragarkiaren kodea: F2408683