1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
37E/2024 FORU AGINDUA, maiatzaren 29koa, Lurralde Kohesiorako kontseilariak emana, behin betiko onesten duena Muruzabalgo Udal Plan Orokorraren aldaketa egituratzaile bat, helburu duena udalerriko lurzoru urbanizaezin osoan energia berriztagarrien instalazioak arautzea, Muruzabalgo Udalak sustaturik.
Muruzabalgo Udalak idazpuruan azaltzen den espedientea aurkeztu du Lurralde Kohesiorako Departamentuan, behin betiko onets dadin.
Espedientearen xedea da energia berriztagarriko instalazioen ezarpena arautzea udalerriko lurzoru urbanizaezin osoan, hala instalazio eolikoak nola fotovoltaikoak.
Ingurumeneko zuzendari nagusiaren abenduaren 5eko 1257E/2022 Ebazpenaren bidez, aldaketa horri buruzko ingurumen txosten estrategikoa egin da, aldekoa, ingurumenaren gaineko eraginik ez duela iritzita.
Ebazpen hori 2023ko 13. Nafarroako Aldizkari Ofizialean argitaratu zen, uztailaren 19koan.
Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.
Azaldutakoarekin bat, eta Lurralde Kohesiorako Departamentuaren egitura organikoa ezartzen duen azaroaren 15eko 249/2023 Foru Dekretuan xedatutakoari jarraikiz,
AGINTZEN DUT:
1. Behin betiko onestea Muruzabalgo Udal Plan Orokorraren aldaketa egituratzaile bat, helburu duena udalerriko lurzoru urbanizaezin osoan energia berriztagarrien instalazioak arautzea, Muruzabalgo Udalak sustaturik.
2. Foru agindu hau espedientearen sustatzaileari eta Ingurumen Ebaluaziorako Atalari jakinaraztea, behar diren ondorioak izan ditzan.
3. Foru agindu hau Muruzabalgo Udalera igortzea, jakinaren gainean egon dadin eta behar diren ondorioak izan ditzan, eta, zehazki, dagokion hirigintzako araua argitara dezan Nafarroako Aldizkari Ofizialean eta, hala, onetsitako hirigintza tresna indarrean jar dadin.
4. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa jartzen ahalko dute, Nafarroako Gobernuari zuzendua, legezkotasunaren kontrolerako onespen egintza honen aurka, hilabeteko epean, foru agindu hau jakinarazi edo, hala badagokio, Nafarroako Aldizkari Ofizialean argitaratu eta biharamunetik hasita.
Eta onetsitako hirigintza araudiaren aurka administrazioarekiko auzi-errekurtsoa jartzen ahalko da, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, dagokion udalak eskaturik, edukia Nafarroako Aldizkari Ofizialean argitaratzen denetik aurrera.
Administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
5. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2024ko maiatzaren 29an.–Lurralde Kohesiorako kontseilaria, Óscar Chivite Cornago.
Iragarkiaren kodea: F2408798