Iragarkia

122. ALDIZKARIA - 2024ko ekainaren 13a

1. NAFARROAKO FORU KOMUNITATEA

1.1. XEDAPEN OROKORRAK

1.1.3. Foru Aginduak

160E/2024 FORU AGINDUA, maiatzaren 27koa, Osasuneko kontseilariak emana, foru agindu hauek aldatzen dituena: 12/2016 Foru Agindua, otsailaren 2koa, zeinaren bidez Osasunbidea-Nafarroako Osasun Zerbitzuko Kudeaketako Zuzendaritzaren eta organo zentralen egitura osasun laguntzaz kanpoko atal eta unitateen mailan ezartzen baita; 54/2016 Foru Agindua, ekainaren 30ekoa, Osasuneko kontseilariak emana, zeinaren bidez Nafarroako Ospitale Unibertsitarioko egitura organikoa ezartzen baita osasun laguntzaz kanpoko atalen eta osasun laguntzaz kanpoko unitateen mailan; 21/2016 Foru Agindua, otsailaren 24koa, Osasuneko kontseilariak emana, zeinaren bidez Tuterako Osasun Barrutiaren osasun laguntzako eta osasun laguntzaz kanpoko egitura organikoa ezartzen baita; 63/2016 Foru Agindua, abuztuaren 22koa, Osasuneko kontseilariak emana, zeinaren bidez Oinarrizko Osasun Laguntzako Kudeatzailetzaren osasun laguntzako eta osasun laguntzaz kanpoko egitura organikoa ezartzen baita; 55/2016 Foru Agindua, ekainaren 30ekoa, Osasuneko kontseilariak emana, Lizarrako Osasun Barrutiaren osasun laguntzako eta osasun laguntzaz kanpoko egitura organikoa ezartzen duena; eta 52/2012 Foru Agindua, abuztuaren 8koa, Osasuneko kontseilariak emana, zeinaren bidez Osasunbidea-Nafarroako Osasun Zerbitzuaren egitura ezartzen baita osasun laguntzaz kanpoko atalen eta osasun laguntzaz kanpoko unitateen mailan.

ATARIKOA

Azaroaren 15eko 247/2023 Foru Dekretuaren bidez, aldatu egin dira Osasunbidea-Nafarroako Osasun Zerbitzuaren estatutuak, irailaren 3ko 171/2015 Foru Dekretuaren bidez onetsiak. Aldaketa hori onesteak bai eta azalduko diren zenbait egokitasun kontuk beharrezko egiten dute Osasunbidea-Nafarroako Osasun Zerbitzuko atalen eta unitateen mailan egituraren arloan dagoen araudia aldatzea.

2016ko otsailaren 2an, Osasuneko kontseilariaren 12/2016 Foru Agindua onetsi zen, zeinaren bidez Osasunbidea-Nafarroako Osasun Zerbitzuko Kudeaketako Zuzendaritzaren eta organo zentralen egitura osasun laguntzaz kanpoko atal eta unitateen mailan ezartzen baita, bat etorriz irailaren 3ko 171/2015 Foru Dekretuaren 19.2 artikuluarekin (foru dekretu horren bidez Osasunbidea-Nafarroako Osasun Zerbitzua erakunde autonomoaren estatutuak onetsi ziren).

Gaur egun, Osasunbidea-Nafarroako Osasun Zerbitzuaren zerbitzu zentraletan beharrezkoa da egitura bat ezartzea jarraian adierazten diren arloetan sortutako premia berriei aurre egiteko.

Eriari Osasun Laguntza emateko Zuzendaritzari esleitutako helburuak eta funtzioak modu eraginkorragoan betetzeko, proposatzen da Kudeaketako Zuzendaritzako Berrikuntza eta Antolaketa Atala atxikitzea Osasun Laguntzaren Eraginkortasun eta Segurtasunerako Zerbitzuari. Zerbitzu hori Laguntza Integraturako Zuzendariordetzan dago.

Bestalde, Profesionalen Zuzendaritzaren arloan, deialdien kopurua handitzeari lotutako beharrak sortu dira, deialdiek lan karga handia eragiten baitute merezimenduen balorazio fasean.

Premia horiei aurre egiteko, Hautapen eta Baremazio Prozesuetan Laguntzeko Unitatea eta horren burutza sortzea proposatzen da, Sarrerarako eta Lanpostuak Betetzeko Atalari atxikita. Atal hori Profesionalen Zuzendaritzako Hautapen Prozesuak, Lanpostuak Betetzea eta Deiak Kudeatzeko Zerbitzuan dago. Atal horrek aldi baterako barne igoeraren kudeaketaren eginkizunak izateari utzi dio, eginkizun horiek Osasunbidea-Nafarroako Osasun Zerbitzuaren estatutuen aldaketa berrian Profesionalen Garapen eta Parte-hartzerako Zerbitzuari esleitu baitzaizkio.

Era berean, laneko arriskuen prebentzioari lotutako hainbat premiari erantzuteko, Unitate Teknikoa eta dagokion burutza sortzea proposatzen da; Profesionalen Zuzendaritzako Laneko Arriskuen Prebentziorako Zerbitzuari atxikiko zaio.

Kudeaketa Ekonomikoaren eta Zerbitzu Orokorren Zuzendaritzaren arloan, kontratazio publikoko prozesuen garapena eta hobekuntza bultzatu behar da, 2023-2027 aldirako Nafarroako Gobernu aurrerakoi eta plural baterako programa-akordioan hartutako konpromisoak bere gain hartzeko.

Premia horiei erantzuteko, Berrikuntzaren eta Prozesuak Hobetzeko Atala eta horren burutza sortzea proposatzen da. Atal hori Horniduraren, Azpiegituren eta Zerbitzu Orokorren Zuzendariordetzari atxikiko zaio.

Bestalde, Osasunbidea-Nafarroako Osasun Zerbitzuko Zuzendaritzaren eta profesionalen eskura jarri behar dira txostenak eta aginte-koadroak, egindako jarduketak aztertu eta ebaluatu ahal izateko, eta horietan hobetu beharreko arloak identifikatzeko. Premia horrek justifikatzen du Osasun Emaitzak Aztertzeko eta Zabaltzeko Basea Kudeatzeko Atala sortzea. Atal hori Osasun Emaitzak Ebaluatu eta Zabaltzeko Zerbitzuari atxikiko zaio, Osasunerako Sistema eta Teknologien Zuzendariordetzan.

Segurtasunaren arloan, arau-betebeharrak kontuan hartuta eta auditoretza prozesuei bermeekin aurre egin ahal izateko, Administrazio Elektronikoaren, Segurtasunaren eta Prozesuak Kudeatzeko Zerbitzua sortzea proposatzen da, Osasunerako Sistema eta Teknologien Zuzendariordetzaren mende. Zerbitzu horri Osasun arloko Datuak Babesteko Ordezkaritza Atala izeneko atal berri bat atxikitzen zaio, Osasun Departamentuan eta haren erakunde autonomoetan datuak babesteko araudia modu eraginkorrean betetzen dela zaintzeko.

Bestalde, Araubide Juridikoaren Zerbitzuaren arloan lan karga handitu egin da errekurtso administratibo eta judizial gehiago jartzearen ondorioz –alde batetik, langileen eskubideak aitortzeari buruzkoak, eta, bestetik, behin-behinekotasuna murrizteko egonkortze prozesuetakoak–, eta horiek guztiek administrazio-lanaren karga handia eragiten dute.

Lan karga horri aurre egiteko, Kudeaketa Administratiboaren Atala eta dagokion burutza sortzea proposatzen da, Araubide Juridikoaren Zerbitzuari atxikita.

Nafarroako Ospitale Unibertsitarioari dagokionez, azaroaren 15eko 247/2023 Foru Dekretuak, Osasunbidea-Nafarroako Osasun Zerbitzuaren Estatutuak aldatzen dituenak (irailaren 3ko 171/2015 Foru Dekretuaren bidez onetsi ziren), Nafarroako Ospitale Unibertsitarioko Langileriaren eta Lan Harremanen Zuzendariordetza sortu du, eta bi zerbitzu atxiki dizkio: Langileriarena, eta Kontratazioa eta Deiak Kudeatzekoa. Berrikuntza horren ondorioz, nahitaezkoa da aldatzea Osasuneko kontseilariaren ekainaren 30eko 54/2016 Foru Agindua, zeinaren bidez ezartzen baita Nafarroako Ospitale Unibertsitarioko egitura organikoa osasun laguntzaz kanpoko atalen eta osasun laguntzaz kanpoko unitateen mailan. Bide batez, bi zerbitzuei atal eta unitate mailako egitura egokiago bat emanen zaie, langileen kudeaketak azken urteotan hartu duen garrantziarekin eta lan kargarekin bat datorrena.

Bestalde, estatutuek sortu dute Nafarroako Ospitale Unibertsitarioko Administrazioaren, Zerbitzu Orokorren eta Trantsizio Ekologikoaren Zuzendariordetza, eta hiru zerbitzu atxiki dizkiote: Azpiegituren Zerbitzua, Logistikaren Zerbitzua eta Zerbitzu Orokorren Zerbitzua. Aipatu foru aginduaren aldaketaren bidez, hiru zerbitzuei atal eta unitate mailako egitura egokiago bat emanen zaie, langileen kudeaketak azken urteotan hartu duen garrantziarekin eta lan kargarekin bat datorrena.

Osasuneko kontseilariaren otsailaren 24ko 21/2016 Foru Aginduaren bidez, Tuterako Osasun Barrutiko osasun laguntzako eta osasun laguntzaz kanpoko egitura organikoa ezarri zen. Gero, martxoaren 15eko 108E/2018 Foru Aginduak aldatu zuen egitura hori, bat etorriz Osasunbidea-Nafarroako Osasun Zerbitzua erakunde autonomoaren estatutuak onetsi zituen irailaren 3ko 171/2015 Foru Dekretuaren 19.2 artikuluarekin.

Gaur egun, Tuterako Osasun Barrutiaren misioa betetzeko, biztanleriaren osasun-premiak asetzera bideratutako zerbitzuak mantentzea eta hobetzea ahalbidetuko duten osasun laguntzako ereduak eratu behar dira, ahalik eta modu eraginkorrenean eratu ere. Horrek berekin dakar, besteak beste, osasun laguntzaz kanpoko atal eta unitateak egokitzea zerbitzuak hobetzeko antolaketak zehaztuko duen bilakaeraren arabera, herritarren eta osasungintzako profesionalen nahiekin bat etorriz. Horretarako, beharrezkoa da egungo egituran aldaketa batzuk egitea, etorkizun hurbilerako diseinatzen ari garen lehentasun eta helburuei arreta emanen zaiela bermatzeko.

Testuinguru horretan, beharrezkoa da Herritarren Arretarako eta Kudeaketan Laguntzeko Zerbitzuaren (lehen Harrera, Artxibo, Kodetze eta Herritarren Arretarako Zerbitzua zena) egitura berriz diseinatzea, harrera eta informazio lanak alde batera utzi gabe, aukera eman dezan ikuspegi integratzaileagoa eta laguntza metodologiko eta operatiboagoa emateko osasun barrutiko unitate, atal, zerbitzu eta zentroei. Laguntzaren kudeaketa hobetu eta espero diren emaitzak lortzeko, hainbat arlotako laguntza teknikoko zerbitzuen zorro bat baliatuko du: historia kliniko informatizatuaren (HKI) eta beste sistema batzuen koordinazioa; pazienteentzako laguntza prozesuen hobekuntza; zerbitzuen plangintza, programazioa eta antolaketa operatiboa; programa-kontratuak egitea; eta jardueraren eta osasunaren emaitzak ebaluatzea eta prozesuen kalitate eta eraginkortasun adierazleak zehaztea eta aztertzea.

Bestalde, arlo horrek une honetan behar duen bultzada herritarren arretaren eta gizarte lanaren eremura ere hedatu behar da, eta, beraz, beharrezkoa da unitate hori bi lan arlo bereizitan banatzea. Lan arlo horiek, nahiz eta helburu partekatuak izan batzuetan, egitura organiko egoki bat izanen dute, lan ildoak behar dituzten baliabideekin eta autonomiarekin garatu ahal izateko, eta, horrela, aurrera eginen dute, beste erakunde eta departamentu batzuekin lankidetzan, esku-hartze komunitarioko beste proiektu batzuen ezarpenean, osasun barrutiaren eremuan arreta berezia eskatzen duten gaiei heltzeko, hala nola genero indarkeria eta etorkinak.

Beste alde batetik, Tuterako Osasun Barrutiko kudeaketa ereduaren funtsezko ardatza jasangarritasuna da, eta, horren barruan, ingurumen jasangarritasuna. Hori dela eta, benetako prebentzio politika sustatu behar da, eko-kudeaketaren ikuspegiari aurre egiteko eta politika berdeak zentroko jarduera guztietan (unitate klinikoen kudeaketa, erosketa, hornitzaileak, garraioa, mantentze-lanak, etab.) txertatzeko bidea ematen duten ingurumen kudeaketa sistemen ezarpenean oinarritutakoa. Horretarako, beharrezkoa da politika horiek bultzatu eta behar bezala garatzen direla kontrolatuko duen unitate bat izatea, ingurumena kudeatzeko sistema bat ezarriz –UNE-EN-ISO 14001 ereduari edo eredu komunitarioari (EMAS Erregelamendua) jarraikiz–.

Azkenik, eta profesionalen esparruan, beharrezkoa da ordainsarien eta gastuaren kontrolaren arloa indartzea, profesionalen plantilla handitzearen ondorioz hartzen ari den konplexutasunagatik, lan eta gizarte segurantzaren arloko araudiaren aldakortasunagatik, barneko eta kanpoko aplikazio informatikoen erabileragatik, eta I. kapituluko aurrekontu kudeaketa xehatua egiteko beharragatik. Era berean, beharrezkoa da proposatzen diren atalekin egitura sendotzea, aurrera egiten jarraitzeko hasitako politiketan profesionaltasuna eta emaitzen etengabeko hobekuntzan inplikatzea bultzatzeko, lan harremanak kudeatu eta administratuko dituen eredu huts batetik beste batera aldatzeko: komunikazioa, parte-hartzea eta garapen profesionala giza baliabideen kudeaketaren funtsezko elementu gisa izanen dituen pertsonen zuzendaritza eredu batera.

Osasuneko kontseilariaren abuztuaren 22ko 63/2016 Foru Aginduaren bidez, Oinarrizko Osasun Laguntzako Kudeatzailetzaren osasun laguntzako eta osasun laguntzaz kanpoko egitura organikoa onetsi zen.

Gaur egun, beharrezkoa da beste egitura bat ezartzea, oinarrizko osasun laguntzako arlo hauetan sortutako premia berriei aurre egiteko.

Alde batetik, Profesionalen Zerbitzuan, Deien Unitatea eta horri dagokion burutza sortzea proposatzen da, Profesionalen Administrazio Atalari atxikita, egiten diren lanerako deiak hobetzeko, erreklamazio asko daude-eta.

Era berean, Ordainsarien Kudeaketarako Unitatea eta dagokion burutza sortzea proposatzen da, Profesionalen Ordainsarien Kudeaketarako Atalari atxikita, nominen kontrola hobetzeko, estamentu desberdinak ugaldu direla eta nominen konplexutasuna kontuan hartuta, batez ere ordainsariei dagokienez.

Bestalde, Kudeaketa Ekonomikoaren eta Zerbitzu Orokorren Zerbitzuan, sortutako beharrei aurre egiteko, Logistikaren eta Materialen Unitatea eta horren burutza sortzea proposatzen da. Unitate hori Hornidura Atalari atxikiko zaio, eta, bestetik, Obren Unitatea eta horren burutza sortzea proposatzen da, Zerbitzu Orokorren Atalari atxikita.

Lizarrako Osasun Barrutiari dagokionez, egitura aldatu egin da: Osasun Barrutiko Zuzendaritza Asistentziala desagertu egin da, eta barrutiko Kudeatzailetzak bere gain hartuko du orain arte zuzendaritza horren mende zeuden unitateen zuzendaritza.

Oinarrizko Osasun Laguntzaren Jarraitutasunerako Zuzendariordetza sortzen da, eta Oinarrizko Osasun Laguntzaren eta Laguntzaren Jarraitutasunerako Zerbitzua kendu egiten da, eta orain arte zerbitzu horren mende zeuden unitateak aipatu zuzendariordetzaren mende daude orain. Hori dela eta, 3. artikulua edukirik gabe geratzen da, Osasunbidea-Nafarroako Osasun Zerbitzuaren estatutuetan zehaztuta baitaude zuzendariordetzaren eginkizunak.

Azkenik, aldatu egiten da Osasuneko kontseilariaren abuztuaren 8ko 52/2012 Foru Agindua, zeinaren bidez Osasunbidea-Nafarroako Osasun Zerbitzuaren egitura ezartzen baita osasun laguntzaz kanpoko atalen eta osasun laguntzaz kanpoko unitateen mailan. Foru agindu hori hein handi batean indargabetu egin da, baina Osasun Mentaleko Kudeatzailetzaren laguntzaz kanpoko egiturari eusten dio; beraz, arau honetan eginen dira behar diren aldaketak.

Osasun Mentaleko Kudeatzailetzaren arloan premia berriak sortu dira. Izan ere, ospitalizazio-unitate berriak irekitzearen ondorioz, plantilla handitu egin da, eta horrek Langileria Ataleko lan karga handitzea ekarri du. Premia horiei aurre egiteko, Ordainsarien eta Gizarte Segurantzaren Atala eta horren burutza sortzea proposatzen da, Osasun Mentaleko Kudeaketa Ekonomikoaren eta Profesionalen Zerbitzuaren mende.

Bestalde, Koordinazio Soziosanitarioaren Atala eta dagokion burutza sortzea proposatzen da; Osasun Mentaleko Kudeatzailetzaren mende egonen da atal hori.

Horrenbestez, ikusirik Osasunbidea-Nafarroako Osasun Zerbitzuko zuzendari kudeatzailearen proposamena, eta irailaren 3ko 171/2015 Foru Dekretuak eta Nafarroako Gobernuari eta Lehendakariari buruzko abenduaren 3ko 14/2004 Foru Legeak ematen dizkidan ahalmenak erabiliz,

AGINTZEN DUT:

1. artikulua. Osasuneko kontseilariak otsailaren 2an emandako 12/2016 Foru Agindua aldatzea. Foru agindu horren bidez, Osasunbidea-Nafarroako Osasun Zerbitzuko Kudeaketako Zuzendaritzaren eta organo zentralen egitura osasun laguntzaz kanpoko atal eta unitateen mailan ezarri zen:

1. Artikulu bakarra aldatzen da. Honela idatzita geldituko da:

"Artikulu bakarra.–Osasunbidea-Nafarroako Osasun Zerbitzuko organo zentralen osasun laguntzaz kanpoko egitura atal eta unitateen mailan.

Osasunbidea-Nafarroako Osasun Zerbitzuko organo zentraletako zuzendaritzen eta zerbitzuen egitura, osasun laguntzaz kanpoko atal eta unitateen mailan, honako hau da:".

2. Artikulu bakarraren lehenengo apartatua kentzen da.

3. Artikulu bakarraren bigarren apartatuaren 6. puntua aldatzen da. Honela idatzita geldituko da:

"6. Osasun Laguntzaren Eraginkortasun eta Segurtasunerako Zerbitzuaren egitura.

Osasun Laguntzaren Eraginkortasun eta Segurtasunerako Zerbitzuak atal hauek ditu bere egituran:

a) Laguntza Soziosanitarioko Atala.

b) Kronikoen Estrategiaren eta Osasun arloko Beste Estrategia Batzuen Atala.

c) Osasun Laguntza Integratzeko Prozesuen Atala.

d) Osasun Laguntzaren Kalitatearen eta Segurtasun Klinikoaren Atala.

e) Berrikuntza eta Antolaketa Atala".

4. Artikulu bakarraren bigarren apartatuari 10 bis puntua eransten zaio. Honela idatzita geldituko da:

"10 bis. Berrikuntza eta Antolaketa Atalaren eginkizunak.

Berrikuntza eta Antolaketa Atalak eginkizun hauek ditu:

a) Lan antolaketari, prozedurei eta metodoei buruzko diagnostikoak egitea.

b) Osasunbidea-Nafarroako Osasun Zerbitzuan laguntzako unitate organikoak sortu, kendu eta/edo aldatzeko proposamenak aztertzea, deusetan galarazi gabe Nafarroako Foru Komunitateko Administrazioaren beste organo batzuen aginduzko parte-hartzea.

c) Giza baliabideak / lan karga erlazioa aztertzea, eta unitate organiko eta laguntza unitate bakoitzarentzat egokien den erlazioa zehaztea.

d) Barne-auditoriak egitea, proposatzen diren antolaketa neurriak zuzendaritza eta zerbitzuetan noraino ezarri diren egiaztatzeko.

e) Prozesuen kudeaketarako adierazle-sistemak sustatu eta ezartzea, kontrol, jarduera, sinplifikazio edo automatizazio maila hobetu ahal izateko, eta hobetzeko irizpide, prozedura eta proposamenak proposatzea.

f) Osasunbidea-Nafarroako Osasun Zerbitzuan informazio sistema korporatiboen garapena sustatu eta koordinatzea, eta prozesu eta prozedurak diseinatu eta zehaztea.

g) Berrikuntza proiektuetan parte hartzea.

h) Aurrekoekin loturik, zuzendari kudeatzaileak agintzen dizkion beste edozein".

5. Artikulu bakarraren hirugarren apartatuaren 1. puntua aldatzen da, eta honela idatzita geldituko da:

"1. Hautapen Prozesuak, Lanpostuak Betetzea eta Deiak Kudeatzeko Zerbitzuaren egitura.

Hautapen Prozesuak, Lanpostuak Betetzea eta Deiak Kudeatzeko Zerbitzuak atal hauek ditu bere egituran:

a) Sarrerarako eta Lanpostuak Betetzeko Atala.

b) Deien Koordinazio eta Kontrolerako Atala".

6. Artikulu bakarraren hirugarren apartatuaren 2. puntua aldatzen da, eta honela idatzita geldituko da:

"2. Sarrerarako eta Lanpostuak Betetzeko Atalaren eginkizunak.

Sarrerarako eta Lanpostuak Betetzeko Atalak eginkizun hauek ditu:

a) Osasunbidea-Nafarroako Osasun Zerbitzuaren eskumeneko lanpostuetan sartzeko eta horiek betetzeko deialdiak prestatzea eta tramitatzea.

b) Langileak hautatzeko eta lekualdatzeko prozesuak koordinatzea eta horien jarraipena egitea.

c) Aurrekoekin loturik, Hautapen Prozesuak, Lanpostuak Betetzea eta Deiak Kudeatzeko Zerbitzuaren titularrak agintzen dizkion beste edozein.

7. Artikulu bakarraren hirugarren apartatuaren 2 bis puntua aldatzen da, eta honela idatzita geldituko da:

"2 bis. Sarrerarako eta Lanpostuak Betetzeko Atalaren egitura.

Sarrerarako eta Lanpostuak Betetzeko Atalak unitate hauek ditu bere egituran:

a) Deialdien Koordinaziorako Unitatea.

b) Hautapen eta Baremazio Prozesuetan Laguntzeko Unitatea".

8. Artikulu bakarraren hirugarren apartatuaren 2 ter puntua aldatzen da, eta honela idatzita geldituko da:

"2 ter. Deialdien Koordinaziorako Unitatearen eginkizunak.

Deialdien Koordinaziorako Unitateak eginkizun hauek ditu:

a) Sartzeko eta lanpostuak betetzeko deialdiak garatzeko prozesu administratiboak garatzea, eguneratzea, bultzatzea eta koordinatzea.

b) Beste erakunde eta entitate batzuekin koordinazio teknikoa, eta Osasunbidea-Nafarroako Osasun Zerbitzuaren eskumenekoak diren deialdietako oposizioaldia egiteko behar den azpiegitura garatzea.

c) Aurrekoekin loturik, Hautapen Prozesuak, Lanpostuak Betetzea eta Deiak Kudeatzeko Zerbitzuaren titularrak agintzen dizkion beste edozein.

9. Artikulu bakarraren hirugarren apartatuari 2 quater puntua gehitzen zaio, eta honela idatzita geldituko da:

"2 quater. Hautapen eta Baremazio Prozesuetan Laguntzeko Unitatearen eginkizunak.

Hautapen eta Baremazio Prozesuetan Laguntzeko Unitateak eginkizun hauek ditu:

a) Hautapen epaimahaietako kideei arreta eta prestakuntza ematea merezimenduak baloratzeko programari buruz.

b) Hautapen epaimahaiek, Administrazio Publikoak errekurtso bidean edo administrazioarekiko auzien auzitegiek merezimenduen balorazioari buruz ezarritako irizpideak biltzea eta bateratzea.

c) Osasunbidea-Nafarroako Osasun Zerbitzuan sartzeko eta lanpostuak betetzeko prozeduretan, baremo fasea koordinatzea eta bultzatzea.

d) Test gisako azterketak irakurtzeko baliabide automatikoen (irakurgailu optikoa) mantentze-lanak egitea eta horiek erabiltzea.

e) Sartzeko eta lanpostuak betetzeko prozeduretan merezimenduak baloratzearekin zerikusia duen beste edozein eginkizun, bai eta Hautapen Prozesuak, Lanpostuak Betetzea eta Deiak Kudeatzeko Zerbitzuaren buruak agintzen dion beste edozein eginkizun ere".

10. Artikulu bakarraren hirugarren apartatuaren 10. puntua aldatzen da, eta honela idatzita geldituko da:

"10. Laneko Arriskuen Prebentziorako Zerbitzuaren egitura.

Laneko Arriskuen Prebentziorako Zerbitzuak unitate hauek ditu bere egituran:

a) Kudeaketa Administratiboaren Unitatea.

b) Unitate Teknikoa".

11. Artikulu bakarraren hirugarren apartatuari 12. puntua gehitzen zaio, eta honela idatzita geldituko da:

"12. Unitate Teknikoaren eginkizunak.

Unitate Teknikoak eginkizun hauek ditu:

a) Laneko Arriskuen Prebentziorako Zerbitzuko (LAPZ) buruari laguntza eta aholkularitza ematea arlo teknikoan.

b) LAPZko administrazio edo osasun taldeetako kideen edo buruaren informazioa jasotzea, lantalde teknikora beste kanal baten bidez eraman ezin denean edo bidezkoa ez denean.

c) Gainerako teknikariei helaraztea administrazio edo osasun taldeek edo LAPZko buruak ematen dioten informazioa.

d) Behar denean, LAPZko talde edo pertsonei jakinaraztea talde teknikoak hartzen dituen erabakiak, jasotako informazioan oinarrituta.

e) O-NOZen eremuetatik egiten diren lan eskaerek gauzatzeko arduraduna dutela bermatzea, eta, zalantzarik izanez gero, LAPZko burutzari esleitzea edo helaraztea, hark eslei ditzan.

f) NOPLOIren, Lan Ikuskaritzaren edo beste erakunde ofizial batzuen eskaera teknikoak jasotzea eta ebazteko bideratzea.

g) Zerbitzuko buruarekin lankidetzan aritzea Prebentzio Ekintzaren Planaren alderdi teknikoa egiteko eta horren jarraipena egiteko.

h) Arlo teknikoko jarduketak koordinatzea Nafarroako Gobernuaren gainerako prebentzio zerbitzuekin.

i) Segurtasun eta Osasuneko Batzordearen eta Segurtasun eta Osasuneko Batzorde Koordinatzailearen bileretara joatea, hala eskatzen diotenean.

j) Laneko Arriskuen Prebentziorako Planaren eta Prebentzio Arauen protokoloen berrikuspena modu globalean koordinatzea".

12. Artikulu bakarraren laugarren apartatuaren 5. puntua aldatzen da, eta honela idatzita geldituko da:

"5. Azpiegituren Zerbitzuaren egitura.

Azpiegituren Zerbitzuak unitate hauek ditu bere egituran:

a) Azpiegiturak Kudeatzeko Atala.

b) Kudeaketa Administratiboaren Unitatea.

c) Obren Unitatea".

13. Artikulu bakarraren laugarren apartatuari 5 quater puntua gehitzen zaio, eta honela idatzita geldituko da:

Obren Unitateak eginkizun hauek ditu:

a) Osasunbidea-Nafarroako Osasun Zerbitzuak egiten dituen obren lizitazio-mahaietan parte hartzea, mahaiko kide gisa edo dagozkion balorazio txosten teknikoak eginez.

b) Osasunbidea-Nafarroako Osasun Zerbitzuko zentroetan egiten diren obra berriei, eraberritzeei edo handitzeei buruzko aurrekontuak eskatu eta baloratzea.

c) Osasunbidea-Nafarroako Osasun Zerbitzuaren zentroetan egiten diren obren jarraipena egitea.

d) Osasunbidea-Nafarroako Osasun Zerbitzuko zentroen obra berriak, eraberritze obrak edo handitze obrak egiten dituzten enpresek aurkeztutako obra-ziurtagiriak onestea.

e) Osasunbidea-Nafarroako Osasun Zerbitzuko zentroen hirigintza egoerarekin eta erabiltzaileek, profesionalek edo beste administrazio publiko batzuek horri buruz egindako kontsultekin zerikusia duten txostenak egitea.

f) Osasunbidea-Nafarroako Osasun Zerbitzuko zentroen obra berrietarako, eraberritzeetarako edo handitzeetarako baldintza-agiri administratiboak egitea.

g) Zerbitzuari aholkuak ematea, bere eginkizun teknikoekin zerikusia duten gai guztietan.

h) Bere eginkizun teknikoekin zerikusia duten gainerako eginkizun guztiak, udal lizentziekin eta hirigintza espedienteekin loturiko aholkularitza eta gai horien tramitazioa, eginkizun teknikoekin zerikusia duten bileretara joatea eta abar".

14. Artikulu bakarraren laugarren apartatuaren 9., 10. eta 11. puntuak aldatzen dira, eta honela idatzita geldituko dira:

"9. Kudeaketa Ekonomikoaren Kontrolerako eta Analisirako Zerbitzuaren egitura.

Kudeaketa Ekonomikoaren Kontrolerako eta Analisirako Zerbitzuak osasun laguntzaz kanpoko atal hauek ditu bere egituran:

a) Kontabilitate Analitikoaren Atala.

b) Kudeaketa Ekonomikoa Laguntzeko Atala.

10. Kontabilitate Analitikoaren Atalaren eginkizunak.

Kontabilitate Analitikoaren Atalak eginkizun hauek ditu:

a) Osasunbidea-Nafarroako Osasun Zerbitzuko kontabilitate analitikoaren sistema integrala kudeatzea, mantentzea eta hedatzea.

b) Osasunbidea-Nafarroako Osasun Zerbitzuan abian jarritako osasun-laguntzako ekintzen edo programen kostu-eraginkortasunaren neurketan parte hartzea.

c) Osasunbidea-Nafarroako Osasun Zerbitzuaren tarifak egiten laguntzea.

d) Langileen arloan hartzen diren erabakien ondorio ekonomikoei buruzko txostenak egitea.

e) Zerbitzu eta prestazio berrien ondorio ekonomikoei buruzko txostenak egitea.

f) Osasun arloko inbertsio planak garatu eta hedatzearen esparruan osasun teknologia berria eskuratzeak izanen dituen ondorio ekonomikoen txostenak egitea.

g) Osasunbidea-Nafarroako Osasun Zerbitzuak sinatzen dituen osasun arloko hitzarmen eta itunen ebaluazio ekonomikoa egitea.

h) Oro har, Kudeaketa Ekonomikoaren eta Zerbitzu Orokorren Zuzendaritzak agintzen dion beste edozein azterlan ekonomiko.

11. Kudeaketa Ekonomikoa Laguntzeko Atalaren eginkizunak.

Kudeaketa Ekonomikoa Laguntzeko Atalak eginkizun hauek ditu:

a) Kudeaketan eta erabakiak hartzen laguntzeko tresnak sortzea Osasunbidea-Nafarroako Osasun Zerbitzuko zuzendaritza organoentzat, informazio ekonomiko eta asistentzialeko iturrietan oinarrituta.

b) Jarduera asistentziala egitean baliabideen, langileen, ondasun arrunt eta zerbitzuen eta ibilgetuaren erabileraren eraginkortasuna aztertzea, kontrolatzea eta ebaluatzea.

c) Kudeaketa Ekonomikoaren eta Zerbitzu Orokorren Zuzendaritzari aholkularitza eta laguntza ematea, kudeaketa ekonomikoaren arloan erabakiak har ditzan".

15. Artikulu bakarraren laugarren apartatuari 12. puntua gehitzen zaio, eta honela idatzita geldituko da:

"12. Berrikuntzaren eta Prozesuak Hobetzeko Atala.

Horniduraren, Azpiegituren eta Zerbitzu Orokorren Zuzendariordetzaren mende dago zuzenean, eta eginkizun hauek ditu Berrikuntzaren eta Prozesuak Hobetzeko Atalak:

a) Horniduraren, Azpiegituren eta Zerbitzu Orokorren Zuzendariordetzaren proiektuak bultzatzea, prozesuak hobetzeko eta kontrol, jarduera, sinplifikazio edo automatizazio maila handitzeko, horretarako irizpideak, prozedurak eta hobetzeko bideak proposatuz.

b) Osasunbidea-Nafarroako Osasun Zerbitzuko zentroetan sustapen- eta koordinazio-prozesuak eta -prozedurak diseinatzea eta zehaztea Horniduraren, Azpiegituren eta Zerbitzu Orokorren Zuzendariordetzaren gaietan.

c) Osasunbidea-Nafarroako Osasun Zerbitzuaren ibilgetuaren kontabilitate-inbentarioa kudeatzeko programa garatzea eta, kasua bada, eguneratuta mantentzea, inbentarioa mantentzeko beharrezkoak diren jarduketak zehaztea eta kontrolatzea, eta zentroak koordinatzea, inbentario prozeduren funtzionamendu homogeneoa bermatzeko.

d) Osasunbidea-Nafarroako Osasun Zerbitzuaren kokalekuen katalogoa kudeatzea eta, kasua bada, eguneratuta mantentzea, eta katalogo hori eguneratzeko beharrezkoak diren jarduketak zehaztea eta kontrolatzea.

e) Horniduraren, Azpiegituren eta Zerbitzu Orokorren Zuzendariordetzari ibilgetuaren inbentarioaren egoerari buruzko informazioa ematea, inbertsio programen plangintza eta kudeaketa errazteko.

f) Horniduraren eta Zerbitzu Orokorren Zerbitzuari eta Azpiegituren Zerbitzuari kontratazio prozedurak hobetzen laguntzea.

g) Zuzendariordetzari laguntzea zerbitzu, hornidurak, ekipamendua eta inbertsioetarako proiektuak eta kontratazio espedienteak planifikatzen eta hedatzen.

h) Aurrekoekin loturik, Osasunbidea-Nafarroako Osasun Zerbitzuko Horniduraren, Azpiegituren eta Zerbitzu Orokorren Zuzendariordetzak agintzen dizkionak".

16. Artikulu bakarraren bosgarren apartatua aldatzen da, eta honela idatzita geldituko da:

"Bost.–Osasunerako Sistema eta Teknologien Zuzendariordetza.

1. Osasunerako Sistema eta Teknologien Zuzendariordetzak unitate organiko hauek ditu bere egituran:

a) Osasun Emaitzak Ebaluatu eta Zabaltzeko Zerbitzua.

b) Administrazio Elektronikoaren, Segurtasunaren eta Prozesuak Kudeaketako Zerbitzua.

c) Sostenguaren eta Informazio Kudeaketaren Atala.

d) Osasuneko Informazio Sistemen Bilakaeraren Atala.

e) Informazioaren Segurtasunerako eta Erabiltzaileari Zerbitzua Emateko Atala.

2. Osasun Emaitzak Ebaluatu eta Zabaltzeko Zerbitzuak unitate organiko hau du bere egituran:

–Osasunbidea-Nafarroako Osasun Zerbitzuko Osasun Emaitzak Aztertzeko eta Zabaltzeko Basea Kudeatzeko Atala.

3. Osasunbidea-Nafarroako Osasun Zerbitzuko Osasun Emaitzak Aztertzeko eta Zabaltzeko Basea Kudeatzeko Atalaren eginkizunak.

Osasunbidea-Nafarroako Osasun Zerbitzuko Osasun Emaitzak Aztertzeko eta Zabaltzeko Basea Kudeatzeko Atalak eginkizun hauek ditu:

a) Emaitzak ebaluatzeko proiektu aktiboak kudeatzea, horien garapena, mantentze-lanak eta bilakaera barne.

b) Osasun arloko informazio eskaera berriak kudeatzea.

c) Emaitzak ebaluatzeko prestakuntza unitateentzat.

d) Informazio hori ustiatzeko aplikazio informatikoen kalitatea ziurtatzea.

e) Datuen kalitatea kudeatzea. Operazionalekiko erlazioa barne, horietan detektatutako akatsak zuzentzeko.

f) Metadatuak kudeatzea. Osasun arloan erabilitako datuen eta adierazleen definizioen uniformetasuna ziurtatuz eta definizio horiek erakunde osora hedatzen direla bermatuz.

g) Txostenak eta aginte-koadroak kudeatzea.

h) Datuen eta txostenen segurtasuna kudeatzea eta legeria betetzen dela ziurtatzea, datuen babesari dagokion guztian.

4. Administrazio Elektronikoaren, Segurtasunaren eta Prozesuak Kudeatzeko Zerbitzuak unitate organiko hau du bere egituran:

–Osasun arloko Datuak Babesteko Ordezkaritza Atala.

5. Osasun arloko Datuak Babesteko Ordezkaritza Atalaren eginkizunak.

Osasun arloko Datuak Babesteko Ordezkaritza Atalak, independentzia irizpideei jarraikiz, honako eginkizun hauek ditu Osasun Departamentuaren eta haren erakunde autonomoen eremu espezifikoan:

a) Informazioa eta aholkuak ematea, Europako Parlamentuaren eta Kontseiluaren 2016ko apirilaren 27ko 2016/679 (EE) Erregelamenduari jarraikiz eta Europar Batasunak edo Espainiak datuen babesari buruz emandako bestelako xedapenei jarraikiz, egokitu zaizkien betebeharren tratamenduaren arduradunei eta hartaz arduratzen diren langileei.

b) Aipatu erregelamenduan, Europar Batasunak edo Espainiak datuen babesari buruz emandako bestelako xedapenetan eta datu pertsonalak babesteko arloko arduradunaren politiketan xedatutakoa betetzen dela gainbegiratzea, barnean sartuta erantzukizunen esleipena, kontzientziazioa eta tratamendu eragiketetan parte hartzen duten langileen prestakuntza eta kasuan kasuko auditoriak.

c) Datuak babesteari buruzko eraginaren ebaluazioari buruz eskatzen zaion aholkularitza ematea, eta ebaluazio horren aplikazioa gainbegiratzea, Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduaren 35. artikuluarekin bat.

d) Europako Parlamentuaren eta Kontseiluaren 2016ko apirilaren 27ko 2016/679 (EE) Erregelamenduan aurreikusitako kontrol-agintaritzarekin elkarlanean aritzea.

e) Kontrol-agintaritzarentzat harreman gunea izatea datuen tratamenduari buruzko gaietan, barnean sartuta aldez aurreko kontsulta (Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduaren 36. artikuluan aipatutakoa) eta kontsultak egitea, kasua bada, beste edozein gairi buruz.

f) Nafarroako Gobernuko Datuak Babesteko Ordezkaritzarekin koordinatzea, bai eta etorkizunean sor daitezkeen antzeko beste unitate batzuekin ere.

6. Sostenguaren eta Informazio Kudeaketaren Atalaren eginkizunak.

Sostenguaren eta Informazio Kudeaketaren Atalak eginkizun hauek ditu:

a) Erabiltzaileei arreta emateko lehen mailako sostengua koordinatzea.

b) Ekipamenduen eskurapenak kudeatzea, hala lanpostuetakoak, nola azpiegitura orokorretakoak.

c) Komunikazioetako azpiegitura eta sareko azpiegitura elektronikoa ezartzeko inbertsioak kudeatzea.

d) Lehen mailako sostengu funtzionalaren sarea koordinatzea.

e) Ekipamendu eta aplikazioak egoki erabiltzeko antolatzen diren prestakuntza programetan parte hartzea.

f) Erabiltzaileak aplikazio osagarrietan trebatzeko laguntza ematea (posta elektronikoa, telelana, etab.).

g) Aurrekoekin loturik, Osasunerako Sistema eta Teknologien zuzendariordeak berariaz agintzen dizkionak.

7. Sostenguaren eta Informazio Kudeaketaren Atalaren egitura.

Sostenguaren eta Informazio Kudeaketaren Atalak unitate hauek ditu bere egituran:

a) Oinarrizko Osasun Laguntzako Sostengu Unitatea.

b) Nafarroako Ospitale Unibertsitarioko Sostengu Unitatea.

c) Tuterako Barrutiko Sostengu Unitatea.

d) Lizarrako Barrutiko Sostengu Unitatea.

e) Erabiltzailearen Laguntza Zentroko Sostengu Unitatea (Osasunbideko CAU).

8. Oinarrizko Osasun Laguntzako Sostengu Unitateak eginkizun hauek ditu:

a) Oinarrizko Osasun Laguntzako erabiltzaileei lehen mailako laguntza teknikoa ematea.

b) Material informatikoaren mantentze-lanen, instalazioaren eta kentzearen gaineko eskaerei kasu egitea.

c) Oinarrizko osasun laguntzaren arloan gertatzen diren zuzeneko gorabeherak kudeatzea.

d) Sare-harguneak jartzeko eskaerak eta informatikako eta datuen komunikaziorako beste zerbitzu batzuen gainekoak tramitatzea.

e) Oinarrizko osasun laguntzarako dagoen material informatikoaren inbentarioa eguneraturik edukitzea.

f) Aurrekoekin loturik, Sostenguaren eta Informazio Kudeaketaren Atalaren titularrak agintzen dizkionak.

9. Nafarroako Ospitale Unibertsitarioko Sostengu Unitatea.

Nafarroako Ospitale Unibertsitarioko Sostengu Unitateak eginkizun hauek ditu:

a) Nafarroako Ospitale Unibertsitarioko erabiltzaileei lehen mailako laguntza teknikoa ematea.

b) Material informatikoaren mantentze-lanen, instalazioaren eta kentzearen gaineko eskaerei kasu egitea.

c) Nafarroako Ospitale Unibertsitarioan gertatzen diren zuzeneko gorabeherak kudeatzea.

d) Sare-harguneak jartzeko eskaerak eta informatikako eta datuen komunikaziorako beste zerbitzu batzuen gainekoak tramitatzea.

e) Nafarroako Ospitale Unibertsitarioaren zerbitzura dagoen material informatikoaren inbentarioa eguneraturik edukitzea.

f) Aurrekoekin loturik, Sostenguaren eta Informazio Kudeaketaren Atalaren titularrak agintzen dizkionak.

10. Tuterako Barrutiko Sostengu Unitatea.

Tuterako Barrutiko Sostengu Unitateak eginkizun hauek ditu:

a) Tuterako barrutian erabiltzaileei lehen mailako laguntza teknikoa ematea.

b) Material informatikoaren mantentze-lanen, instalazioaren eta kentzearen gaineko eskaerei kasu egitea.

c) Tuterako barrutian gertatzen diren zuzeneko gorabeherak kudeatzea.

d) Sare-harguneak jartzeko eskaerak eta informatikako eta datuen komunikaziorako beste zerbitzu batzuen gainekoak tramitatzea.

e) Tuterako barrutiaren zerbitzura dagoen material informatikoaren inbentarioa eguneraturik edukitzea.

f) Aurrekoekin loturik, Sostenguaren eta Informazio Kudeaketaren Atalaren titularrak agintzen dizkionak.

11. Lizarrako Barrutiko Sostengu Unitatea.

Lizarrako Barrutiko Sostengu Unitateak eginkizun hauek ditu:

a) Lizarrako barrutian erabiltzaileei lehen mailako laguntza teknikoa ematea.

b) Material informatikoaren mantentze-lanen, instalazioaren eta kentzearen gaineko eskaerei kasu egitea.

c) Lizarrako barrutian gertatzen diren zuzeneko gorabeherak kudeatzea.

d) Sare-harguneak jartzeko eskaerak eta informatikako eta datuen komunikaziorako beste zerbitzu batzuen gainekoak tramitatzea.

e) Lizarrako barrutiaren zerbitzura dagoen material informatikoaren inbentarioa eguneraturik edukitzea.

f) Aurrekoekin loturik, Sostenguaren eta Informazio Kudeaketaren Atalaren titularrak agintzen dizkionak.

12. Erabiltzailearen Laguntza Zentroko Sostengu Unitatea (Osasunbideko CAU).

Erabiltzailearen Laguntza Zentroko Sostengu Unitateak (Osasunbideko CAU) eginkizun hauek ditu:

a) Osasunbidea-Nafarroako Osasun Zerbitzuko erabiltzaileei lehen mailako laguntza teknikoa ematea.

b) O-NOZko CAUn jasotzen diren gorabeherak hartu eta kudeatzea.

c) Sistemen lehen mailako eragiketen lanak egitea (altak, bajak, aldaketak, etab.).

d) Osasunbideko CAUren ezagutza ataria eguneraturik edukitzea.

e) O-NOZerako funts-funtsezkoak diren funtzionalitate eta ekipoen gorabeherak atzeman eta kudeatzea.

f) Aurrekoekin loturik, Sostenguaren eta Informazio Kudeaketaren Atalaren titularrak agintzen dizkionak.

13. Osasuneko Informazio Sistemen Bilakaeraren Atalaren egitura.

Osasuneko Informazio Sistemen Bilakaeraren Atalak unitate hau du bere egituran: Osasuneko Informazio Sistemen Bilakaerari Laguntzeko Unitatea.

14. Osasuneko Informazio Sistemen Bilakaeraren Atalaren eginkizunak.

Osasuneko Informazio Sistemen Bilakaeraren Atalak eginkizun hauek ditu:

a) Osasuneko informazio sistemak berritzeko beharrak koordinatu eta integratzea.

b) Osasuneko informazio sistemen berrikuntzari lehentasuna ematea.

c) Osasuneko informaziorako aplikazioen berrikuntzaren ardura duten profesionalak koordinatzea.

d) Bigarren mailako sostengu funtzionalaren sarea koordinatzea.

e) Osasuneko informazio aplikazioen eta haien bilakaeren inguruko dokumentazioa biltzea.

f) Aholkuak, laguntza eta sostengu funtzionala ematea osasuneko informazio aplikazioen erabiltzaileei.

g) Prestatzaileek zein azken erabiltzaileek jasotzen duten prestakuntzaren inguruko estrategian parte hartzea, baita prestakuntzan bertan ere.

h) Aurrekoekin loturik, Osasunerako Sistema eta Teknologien zuzendariordeak agintzen dizkionak.

15. Osasuneko Informazio Sistemen Bilakaerari Laguntzeko Unitatearen eginkizunak.

Osasuneko Informazio Sistemen Bilakaerari Laguntzeko Unitateak eginkizun hauek ditu:

a) Laguntza ematea osasuneko informazio sistemak bilakatzeko beharrak koordinatzen, integratzen eta lehenesten.

b) Laguntza ematea osasuneko informazio aplikazioen eta haien bilakaeren inguruko dokumentazioa biltzen.

c) Laguntza eta sostengu funtzionala ematea osasuneko informazio aplikazioen erabiltzaileei.

d) Aurrekoekin loturik, Osasuneko Informazio Sistemen Bilakaeraren Atalaren titularrak agintzen dizkion guztiak.

16. Informazioaren Segurtasunerako eta Erabiltzaileari Zerbitzua Emateko Atalaren eginkizunak.

Informazioaren Segurtasunerako eta Erabiltzaileari Zerbitzua Emateko Atalak eginkizun hauek ditu:

a) Osasuneko informazioaren gorabeherak kudeatu eta etengabe kontrolatzea, hala euskarri elektronikoan nola beste euskarri batzuetan.

b) Osasun Departamentuaren eta haren erakunde autonomoen aplikazio informatikoetan ezartzen diren segurtasun neurriak kontrolatzea.

c) Osasun Departamentuaren eta haren erakunde autonomoen segurtasun agirietan eta egiten diren auditorietan proposatzen diren segurtasun neurriak hobetzea.

d) Aurrekoekin loturik, Osasunerako Sistema eta Teknologien zuzendariordeak agintzen dizkionak".

17. Artikulu bakarraren seigarren apartatuaren 1. puntua aldatzen da, eta honela idatzita geldituko da:

"1. Araubide Juridikoaren Zerbitzuak atal hauek ditu bere egituran:

a) Baliabideen Kudeaketarako Laguntza Juridikoaren Atala.

b) Herritarrekiko Harremanetako Laguntza Juridikoaren Atala.

c) Kudeaketa Administratiboaren Atala".

18. Artikulu bakarraren seigarren apartatuari 4. puntua eransten zaio, eta honela geldituko da idatzita:

"4. Kudeaketa Administratiboaren Atalaren eginkizunak.

Kudeaketa Administratiboaren Atalak eginkizun hauek ditu:

a) Araubide Juridikoaren Atalaren bidez tramitatzen diren espedienteen gaineko laguntza eta kontrol administratiboa.

b) Zerbitzuan sortutako eta/edo jasotako dokumentazio guztia erregistratzea eta artxibatzea.

c) Kanpoko eta telefono bidezko eskaerei erantzutea eta zerbitzuko mezu elektronikoak kudeatzea.

d) Aholkularitza Juridikoaren Zerbitzura, justizia auzitegi eta epaitegietara, Nafarroako Kontseilura eta beste organo batzuetara bidaltzen diren espedienteak prestatzea.

e) Zerbitzuaren jarduerari lotutako datu-baseak kudeatzea eta etorkizuneko garapen informatikoetarako beharrak zehaztea, jarraibide egokiekin.

f) Atalari esleitutako langileek egindako lana banatzea, koordinatzea eta gainbegiratzea.

g) Prozesu eta zeregin administratiboak zehaztea, behar diren jarraibideak emanez, mendeko langileek ahalik eta eraginkortasun handienarekin jardun ahal izateko, eta kudeaketa administratiboa hobetzeko proposamenak egitea.

h) Oro har, Araubide Juridikoaren Zerbitzuaren administrazio jarduera antolatzea, koordinatzea, kontrolatzea eta gauzatzea, bai eta zerbitzu horren titularrak agintzen dion eta aurrekoekin zerikusia duen beste edozein".

2. artikulua. Osasuneko kontseilariaren ekainaren 30eko 54/2016 Foru Agindua aldatzea. Foru agindu horren bidez, Nafarroako Ospitale Unibertsitarioko egitura organikoa ezarri zen osasun laguntzaz kanpoko atalen eta osasun laguntzaz kanpoko unitateen mailan.

1. 31. artikulutik 38.era bitartekoak aldatzen dira, eta honela idatzita geldituko dira:

"31. artikulua. Langileria Zerbitzuaren egitura.

Langileria Zerbitzuak laguntzaz kanpoko unitate hauek ditu bere egituran:

a) Ordainsariak eta Prestazioak Kudeatzeko Atala.

b) Kudeaketa Administratiboaren, Lizentzien, Baimenen eta Absentismoaren Atala.

32. artikulua. Ordainsariak eta Prestazioak Kudeatzeko Atalaren eginkizunak.

Ordainsariak eta Prestazioak Kudeatzeko Atalak eginkizun hauek ditu:

a) Langileen nominak, aurreikuspen sozialeko sistemak, osasun laguntza, prestazio ekonomikoak eta horren inguruko dokumentazio guztia tramitatzea eta kudeatzea.

b) I. kapituluaren kontrolean eta segimenduan laguntzea, segimendu txostenak eginez.

c) Aldi baterako ezintasunen ondoriozko baja eta alta agiriak tramitatu eta kontrolatzea.

d) Aurrekoekin loturik, Nafarroako Ospitale Unibertsitarioko Langileria Zerbitzuko buruak berariaz agintzen dizkionak.

33. artikulua. Ordainsariak eta Prestazioak Kudeatzeko Atalaren egitura.

Ordainsariak eta Prestazioak Kudeatzeko Atalak osasun laguntzaz kanpoko unitate hauek ditu bere egituran:

a) Nominak Kudeatzeko Unitatea.

b) Prestazioak eta Gizarte Segurantza Kudeatzeko Unitatea.

34. artikulua. Nominak Kudeatzeko Unitatearen eginkizunak.

Nominak Kudeatzeko Unitateak eginkizun hauek ditu:

a) Bere unitateari atxikitako langileen jarduerak, lanak eta eginkizunak zuzendu eta koordinatzea.

b) Nafarroako Ospitale Unibertsitarioko langileen ordainsari aldakorrak kudeatu, prestatu eta tramitatzea.

c) Nafarroako Ospitale Unibertsitarioko langileen kontratu-harremanaren amaierak eta bajak tramitatzea eta kudeatzea.

d) Nafarroako Ospitale Unibertsitarioko langileen txandak, ordutegi arauak eta denboren arduradunak sortzea eta kudeatzea.

e) Ordainsarien arloko ziurtagiriak egitea.

f) Hartzekoen eta egindako zerbitzuen gaineko ziurtagiriak egitea, langileek eskatzen dutenean.

g) Espedienteak eta ebazpenak artxibo digitalean sartzea.

h) Aurrekoekin loturik, Ordainsariak eta Prestazioak Kudeatzeko Ataleko buruak agintzen dizkionak.

35. artikulua. Prestazioak eta Gizarte Segurantza Kudeatzeko Unitatearen eginkizunak.

Prestazioak eta Gizarte Segurantza Kudeatzeko Unitateak eginkizun hauek ditu:

a) Bere unitateari atxikitako langileen jarduerak, lanak eta eginkizunak zuzendu eta koordinatzea.

b) Gizarte Segurantzako sisteman afiliazio, alta, baja eta aldaketak tramitatzea.

c) Gizarte aseguruak prestatu eta kudeatzea.

d) Aldi baterako ezintasunen, lan istripuen eta gaixotasun profesionalen ondoriozko baja eta alta agiriak tramitatu eta kontrolatzea.

e) Lan istripuen eta gaixotasun profesionalen ondoriozko agiriak kudeatu eta tramitatzea.

f) Haurdunaldirako eta edoskitzerako laneko arriskuen kasuak kudeatzea.

g) Amatasun eta aitatasun egoerak kudeatzea eta tramitatzea.

h) Langabeziagatiko prestazioari dagozkion ziurtagiriak kudeatzea.

i) Horien kudeaketaren ondorioz, bajen koadernoan egin beharreko idatzoharrak egitea.

j) Espedienteak eta ebazpenak artxibo digitalean sartzea.

k) Aurrekoekin loturik, Ordainsariak eta Prestazioak Kudeatzeko Ataleko buruak berariaz agintzen dizkionak.

36. artikulua. Kudeaketa Administratiboaren, Lizentzien, Baimenen eta Absentismoaren Atalaren eginkizunak.

Kudeaketa Administratiboaren, Lizentzien, Baimenen eta Absentismoaren Atalak eginkizun hauek ditu:

a) Atalari atxikitako unitateen jarduerak, lanak eta eginkizunak zuzendu eta koordinatzea.

b) Nafarroako Ospitale Unibertsitarioko Profesionalen Zuzendaritzak ebatzi behar dituen lanaldi murrizketen, lizentzien eta arauzko baimenen eskaerak tramitatzea.

c) Nafarroako Ospitale Unibertsitarioko langileen presentziekin eta absentismoekin lotutako zereginak koordinatzea, baita ordu sindikalen kreditua ere.

d) Nafarroako Ospitale Unibertsitarioko langileriaren ordu sindikalak erregistratu eta kontrolatzea.

e) Aldi baterako barne mugikortasuneko eta barne igoerako prozedurak gainbegiratzea.

f) Aurrekoekin loturik, Nafarroako Ospitale Unibertsitarioko Langileria Zerbitzuko buruak berariaz agintzen dizkionak.

37. artikulua. Kudeaketa Administratiboaren, Lizentzien, Baimenen eta Absentismoaren Atalaren egitura.

Kudeaketa Administratiboaren, Lizentzien, Baimenen eta Absentismoaren Atalak unitate hauek ditu bere egituran:

a) Kudeaketa Administratiboaren Unitatea.

b) Baimenen eta Absentismoaren Unitatea.

38. artikulua. Kudeaketa Administratiboaren Unitatearen eginkizunak.

Kudeaketa Administratiboaren Unitateak eginkizun hauek ditu:

a) Sartzeko eta lanpostuak betetzeko prozedurak eta aldi baterako barne mugikortasuneko eta barne igoerako prozedurak tramitatzea.

b) Nafarroako Ospitale Unibertsitarioko barneko langile egoiliarren kontratazioa tramitatzea eta formalizatzea.

c) Epai judizialen ebazpenak betearaztearen ondoriozko laneratzeak tramitatzea eta formalizatzea.

d) Bajen koadernoa kudeatzea.

e) Espedienteak eta ebazpenak artxibo digitalean sartzea.

f) Sartzeko eta lanpostuak betetzeko prozesuetan plazen deskribapena kudeatzea.

g) Birkokatze prozesuetan parte hartzea, horiek tramitatzeko plaza egokiak aztertuz eta baloratuz.

h) Langileen administrazio egoeren gaineko ebazpenak tramitatzea.

i) Langileen erretiroagatiko bajak tramitatzea.

j) Horien kudeaketaren ondorioz, bajen koadernoan egin beharreko idatzoharrak egitea.

k) Aurrekoekin loturik, Kudeaketa Administratiboaren, Lizentzien, Baimenen eta Absentismoaren Atalak esleitzen dizkionak.

2. 38 bis artikulutik 38 octiesera bitarteko artikuluak gehitzen dira, eta honela idatzita agertuko dira:

"38 bis artikulua. Baimenen eta Absentismoaren Unitatearen eginkizunak.

Baimenen eta Absentismoaren Unitateak eginkizun hauek ditu:

a) Nafarroako Ospitale Unibertsitarioko Profesionalen zuzendariak ebatzi behar dituen lanaldi murrizketa, lizentzia eta arauzko baimen eskaerei buruzko ebazpenak tramitatzea.

b) Nafarroako Ospitale Unibertsitarioko langileriaren ordu sindikalak erregistratzea eta kontrolatzea.

c) Bere eginkizunen eremuko aginte-koadroak, estatistikak eta txostenak egiten laguntzea.

d) Emandako zerbitzuen ziurtagiriak kudeatzea eta formalizatzea.

e) Horien kudeaketaren ondorioz, bajen koadernoan egin beharreko idatzoharrak egitea.

f) Espedienteak eta ebazpenak artxibo digitalean sartzea.

g) Aurrekoekin loturik, Kudeaketa Administratiboaren, Lizentzien, Baimenen eta Absentismoaren Atalak esleitzen dizkionak.

38 ter artikulua. Kontratazioak eta Deiak Kudeatzeko Zerbitzuaren egitura.

Kontratazioak eta Deiak Kudeatzeko Zerbitzuari Langileen Kontrataziorako Atala atxikitzen zaio.

38 quater artikulua. Langileen Kontrataziorako Atalaren eginkizunak.

Langileen Kontrataziorako Atalak eginkizun hauek ditu:

a) Bere atalari atxikitako langileen jarduerak, lanak eta eginkizunak zuzendu eta koordinatzea.

b) Nafarroako Ospitale Unibertsitarioari atxikita aldi baterako kontratatutako langileen erregistro bateratua irekitzea, mantentzea eta eguneratzea, baita haien espediente pertsonalak ere.

c) Administrazio-araubideko eta lan-araubideko langileen kontratazioa kudeatzea.

d) Aldi baterako administrazio-araubideko eta lan-araubideko langileen kontratazioa formalizatzea, eta horri buruzko dokumentazioa tramitatzea.

e) Aldi baterako kontrataziorako izangaientzako deiak koordinatzea.

f) Indarrean dauden aldi baterako kontratazio-zerrenden jarraipena kontrolatzea.

g) Langileen arloko aginte-taula eta estatistikak prestatzen laguntzea.

h) Aurrekoekin loturik, Kontratazioak eta Deiak Kudeatzeko Zerbitzuko buruak berariaz agintzen dizkionak.

38 quinquies artikulua. Langileen Kontrataziorako Atalaren egitura.

Langileen Kontrataziorako Atalak honako egitura hau du:

a) Kontratazioak eta Deiak Kudeatzeko I. Unitatea.

b) Kontratazioak eta Deiak Kudeatzeko II. Unitatea.

38 sexies artikulua. Kontratazioak eta Deiak Kudeatzeko I. Unitatearen eginkizunak.

a) Bere unitateari atxikitako langileen jarduerak, lanak eta eginkizunak zuzendu eta koordinatzea.

b) Aldi baterako kontratazio proposamenak erregistratzea eta kudeatzea.

c) Aldi baterako langileak kontratatzeko deiak egin eta kudeatzea, ezarritako prozeduraren bidez, eta indarreko aldi baterako kontratazio zerrendak kontrolatzea, zerbitzuak Nafarroako Ospitale Unibertsitarioan ematen dituzten langileen beharrak estaltzeko.

d) Nafarroako Ospitale Unibertsitarioko aldi baterako langileen kontratuak tramitatzea eta egitea.

e) Ebazpena esleitzea.

f) Nafarroako Ospitale Unibertsitarioko langile kontratatuen espedienteak irekitzea eta mantentzea.

g) Kontratazio espedienteak eta txostenak artxibo digitalean sartzea.

h) Langileen erregistro bateratua mantentzen eta eguneratzen laguntzea, zerbitzuak Nafarroako Ospitale Unibertsitarioan ematen dituzten langile kontratatuen espedienteei dagokienez.

i) Aurrekoekin loturik, Langileen Kontrataziorako Ataleko buruak berariaz agintzen dizkionak.

38 septies artikulua. Kontratazioak eta Deiak Kudeatzeko II. Unitatearen eginkizunak.

a) Bere unitateari atxikitako langileen jarduerak, lanak eta eginkizunak zuzendu eta koordinatzea.

b) Aldi baterako kontratazio proposamenak erregistratzea eta kudeatzea.

c) Aldi baterako langileak kontratatzeko deiak egin eta kudeatzea, ezarritako prozeduraren bidez, eta indarreko aldi baterako kontratazio zerrendak kontrolatzea, zerbitzuak Nafarroako Ospitale Unibertsitarioan ematen dituzten langileen beharrak estaltzeko.

d) Nafarroako Ospitale Unibertsitarioko aldi baterako langileen kontratuak tramitatzea eta egitea.

e) Ebazpena esleitzea.

f) Nafarroako Ospitale Unibertsitarioko langile kontratatuen espedienteak irekitzea eta mantentzea.

g) Kontratazio espedienteak eta txostenak artxibo digitalean sartzea.

h) Langileen erregistro bateratua mantentzen eta eguneratzen laguntzea, zerbitzuak Nafarroako Ospitale Unibertsitarioan ematen dituzten langile kontratatuen espedienteei dagokienez.

i) Aurrekoekin loturik, Langileen Kontrataziorako Ataleko buruak berariaz agintzen dizkionak.

38 octies artikulua. Profesionalen Arretarako Unitatea.

Zuzenean Nafarroako Ospitale Unibertsitarioko Langileriaren eta Lan Harremanen Zuzendariordetzaren mende dago Profesionalen Arretarako Unitatea, eta eginkizun hauek ditu:

a) Nafarroako Ospitale Unibertsitarioko erregistroa kudeatzea Osasun Departamentuko Erregistro Orokorraren erregistro laguntzaile gisa, eta harekin koordinatzea.

b) Nafarroako Ospitale Unibertsitarioko profesionalen identifikazio-txartel adimendunak kudeatzea.

c) Nafarroako Ospitale Unibertsitarioko profesionalei informazioa eta laguntza integrala ematea, Nafarroako Ospitale Unibertsitarioko profesionalen lan jarduerari dagokionez.

d) Prozesu administratibo edo judizial batean dauden alderdiek eskatutako espedienteak aurkitu eta entregatzea.

e) Kontratuen sinadura eta ebazpenen jakinarazpenen hartu-agiriak kudeatzea.

f) Aurrekoekin loturik, Nafarroako Ospitale Unibertsitarioko Langileriaren eta Lan Harremanen Zuzendariordetzak agintzen dizkionak".

2 44. artikulutik 69.era bitartekoak aldatzen dira eta 70.etik 78.era bitartekoak gehitzen; eta honela idatzita geldituko dira:

44. artikulua. Zerbitzu Orokorren Zerbitzuaren egitura.

Zerbitzu Orokorren Zerbitzuak osasun laguntzaz kanpoko unitate hauek ditu bere egituran:

a) Elikadura Atala.

b) Zerbitzu Orokorren Atala.

45. artikulua. Elikadura Atalaren eginkizunak.

Elikadura Atalak eginkizun hauek ditu:

a) Nafarroako Ospitale Unibertsitarioko pazienteen elikadura prozesua koordinatzea.

b) Menuak egiteko beharrezko elikagaien eta bestelako janarien erosketa planifikatzea.

c) Nafarroako Ospitale Unibertsitarioko pazienteen gosariak, bazkariak, askariak eta afariak koordinatzea, horiek prestatzeari, platerean jartzeari, banatzeari, ontziak biltzeari eta ontziak garbitzeari dagokionez.

d) Pazienteei zerbitzatutako jakien kalitatearen eta higienearen gaineko kontrola gainbegiratzea.

e) Ataleko langileen kudeaketa planifikatzea eta koordinatzea.

f) Bere eremuaren barruan, trantsizio ekologikoa sustatzea Nafarroako Ospitale Unibertsitarioan.

g) Bere jarduera eremuko aldizkako informazioa prestatzea aginte-koadroarentzat.

46. artikulua. Elikadura Atalaren egitura.

Elikadura Atalak osasun laguntzaz kanpoko unitate hauek ditu bere egituran:

a) Sukaldeko eta Elikadura Azpiegituretako Unitatea.

b) Elikaduraren Kudeaketa eta Informaziorako Unitatea.

c) Elikaduraren Kontrol eta Kalitaterako Unitatea.

d) Sukaldeko Ekoizpen Unitatea.

47. artikulua. Sukaldeko eta Elikadura Azpiegituretako Unitatearen eginkizunak.

Sukaldeko eta Elikadura Azpiegituretako Unitateak eginkizun hauek ditu:

a) Kalkuluak egitea behar diren janariak erosteko eskaera egiteko.

b) Ekoizpen aurreikuspenak egitea.

c) Lana antolatzea sukaldeko ekoizpen instalazioetan.

d) Kontrolatzea behar bezala funtzionatzen dutela ekoizpen, banaketa eta garbiketa azpiegitura guztiek Elikaduraren lokaletan.

e) Aurrekoekin loturik, Nafarroako Ospitale Unibertsitarioko Elikadura Ataleko buruak berariaz agintzen dizkionak.

48. artikulua. Elikaduraren Kudeaketa eta Informaziorako Unitatearen eginkizunak.

Elikaduraren Kudeaketa eta Informaziorako Unitateak eginkizun hauek ditu:

a) Behar diren janariak erostea, jasotzea, biltegiratzea eta ateratzea.

b) Biltegiratutako produktuen stock-a kontrolatzea.

c) Elikadura instalazioetako lana antolatzea prozesu orokorrei dagokienez.

d) Elikadura prozesuen kontrolerako behar diren programa informatikoak kudeatzea eta adierazleak jasotzea aginte-koadroarentzat.

e) Aurrekoekin loturik, Nafarroako Ospitale Unibertsitarioko Elikadura Ataleko buruak berariaz agintzen dizkionak.

49. artikulua. Elikaduraren Kontrol eta Kalitaterako Unitatearen eginkizunak.

Elikaduraren Kontrol eta Kalitaterako Unitateak eginkizun hauek ditu:

a) Elikadura Ataleko kolektiboen txandak, presentziak, estaltzeak, oporrak eta absentziak kudeatzea.

b) Elikadura zerbitzuaren AAKGK (arriskuen azterketaren eta kontrol gune kritikoak) sistemaren kontrol adierazleak jasotzea eta artxibatzea.

c) Elikadura prozesuan jasotako laginen emaitza analitikoak jakinaraztea eta artxibatzea, Medikuntza Prebentiboarekin eta NOPLOIrekin koordinatuta.

d) Aurrekoekin loturik, Nafarroako Ospitale Unibertsitarioko Elikadura Ataleko buruak berariaz agintzen dizkionak.

50. artikulua. Sukaldeko Ekoizpen Unitatearen eginkizunak.

Sukaldeko Ekoizpen Unitateak eginkizun hauek ditu:

a) Sukaldeko langileei prestakuntza ematea ekoizpen eremuan.

b) Sukaldeko eremu hotz eta beroetako elaborazioak gainbegiratzea.

c) Sukaldean beharrezkoak diren erregistroak egiaztatzea.

d) Aurrekoekin loturik, Nafarroako Ospitale Unibertsitarioko Elikadura Ataleko buruak berariaz agintzen dizkionak.

51. artikulua. Zerbitzu Orokorren Atalaren eginkizunak.

Zerbitzu Orokorren Atalak eginkizun hauek ditu:

a) Ematen diren zerbitzu orokorrak koordinatzea, hala nola arropa garbitzea, arropa zuria, garbiketa, posta-gela, telefonogunea, informazioa, kanpoko zainketak, komunikazioak, kafetegia, segurtasuna, mezularitza eta posta.

b) Unitateetan hondakinen bilketa koordinatzea, zentroak ingurumenean izan dezakeen eragina kontrolatu eta murrizteko.

c) Zerbitzuak behar bezala eta behar den momentuan ematen direla bermatzea.

d) Zerbitzuak gauzatzean bete behar diren baldintzak prestatzea, eta horien gaineko kontrola egitea.

e) Bere eremuaren barruan, trantsizio ekologikoa sustatzea Nafarroako Ospitale Unibertsitarioan.

f) Bere jarduera eremuko aldizkako informazioa prestatzea aginte-koadroarentzat.

g) Aurrekoekin loturik, Nafarroako Ospitale Unibertsitarioko Administrazioaren eta Zerbitzu Orokorren Zerbitzuko buruak berariaz agintzen dizkionak.

52. artikulua. Zerbitzu Orokorren Atalaren egitura.

Zerbitzu Orokorren Atalak osasun laguntzaz kanpoko unitate hauek izanen ditu:

a) Arropa Zuriaren Unitatea.

b) Zerbitzu Osagarrien Unitatea.

c) Kanpoko Zainketen Unitatea.

d) Garbiketa Unitatea.

e) Ubarmingo Zerbitzu Orokorren Unitatea.

f) Anbulatorioetako Zerbitzu Orokorren Unitatea.

53. artikulua. Arropa Zuriaren Unitatearen eginkizunak.

Arropa Zuriaren Unitateak eginkizun hauek ditu:

a) Arropa zikina bildu eta arropa garbia banatzea unitateei.

b) Beharrezkoa den arropa eskura dadila proposatzea.

c) Uniformeak banatzea.

d) Arroparen egoera ona bermatzea.

e) Arropa-garbiketako enpresak kudeatzen duen arropa kontrolatzea.

f) Aurrekoekin loturik, Nafarroako Ospitale Unibertsitarioko Zerbitzu Orokorren Ataleko buruak berariaz agintzen dizkionak.

54. artikulua. Zerbitzu Osagarrien Unitatearen eginkizunak.

Zerbitzu Osagarrien Unitateak eginkizun hauek ditu:

a) Telefonoguneaz arduratzea.

b) Nafarroako Ospitale Unibertsitarioko informazio zerbitzua ematea.

c) Posta-gela kudeatzea, ospitalegunearen barrenekoa eta Osasunbidea-Nafarroako Osasun Zerbitzuko gainerako zentroetarakoa.

d) Nafarroako Ospitale Unibertsitarioko posta zerbitzua kudeatzea.

e) Aurrekoekin loturik, Nafarroako Ospitale Unibertsitarioko Zerbitzu Orokorren Ataleko buruak berariaz agintzen dizkionak.

55. artikulua. Kanpoko Zainketen Unitatearen eginkizunak.

Kanpoko Zainketen Unitateak eginkizun hauek ditu:

a) Ospitalegunerako landareak erostea.

b) Berdeguneetan eta zuhaitzetan lorezaintza lanak egitea.

c) Ospitalegunearen kanpoko aldeak antolatzea eta garbitzea.

d) Hondarrak biltzea eta eramatea, gero enpresa baimendunek jaso ditzaten.

e) Nafarroako Ospitale Unibertsitarioaren barreneko garraioak egitea.

f) Aurrekoekin loturik, Nafarroako Ospitale Unibertsitarioko Zerbitzu Orokorren Ataleko buruak berariaz agintzen dizkionak.

56. artikulua. Garbiketa Unitatearen eginkizunak.

Garbiketa Unitateak eginkizun hauek ditu:

a) Instalazioak osasungarritasun, desinfekzio eta garbiketa egoera onean mantentzea.

b) Gune guztiak garbi eta saneamendu egoera onean daudela bermatzea.

c) Berariazko garbiketa lanak programatzea, osasun laguntzarako erabileren arabera.

d) Aurrekoekin loturik, Nafarroako Ospitale Unibertsitarioko Zerbitzu Orokorren Ataleko buruak berariaz agintzen dizkionak.

57. artikulua. Ubarmingo Zerbitzu Orokorren Unitatearen eginkizunak.

Ubarmingo Zerbitzu Orokorren Unitateak eginkizun hauek ditu:

a) Ubarmingo eraikinean ematen diren zerbitzu orokorrak koordinatzea, hala nola, arropa garbitzea, arropa zuria, garbiketa, posta-gela, telefonogunea, informazioa, kanpoko zainketak, komunikazioak, hondakinen kudeaketa, elikadura, segurtasuna, mezularitza eta posta.

b) Berdeguneetan eta zuhaitzetan lorezaintza lanak egitea.

c) Aurrekoekin loturik, Nafarroako Ospitale Unibertsitarioko Zerbitzu Orokorren Ataleko buruak berariaz agintzen dizkionak.

58. artikulua. Anbulatorioetako Zerbitzu Orokorren Unitatearen eginkizunak.

Anbulatorioetako Zerbitzu Orokorren Unitateak eginkizun hauek ditu:

a) Príncipe de Viana eraikinean, San Martín anbulatorioan eta Tafallako anbulatorioan ematen diren zerbitzu orokorrak koordinatzea, hala nola, arropa garbitzea, arropa zuria, garbiketa, telefonogunea, informazioa, kanpoko zainketak, komunikazioak, hondakinen kudeaketa, segurtasuna, mezularitza eta posta.

b) Zerbitzu orokorren egikaritza programatzea osasun laguntzako lanekin modu koordinatuan egin daitezen.

c) Aurrekoekin loturik, Nafarroako Ospitale Unibertsitarioko Zerbitzu Orokorren Ataleko buruak berariaz agintzen dizkionak.

59. artikulua. Logistikaren Zerbitzuaren egitura.

Logistikaren Zerbitzuak osasun laguntzaz kanpoko atal hauek ditu:

a) Hornidura Atala.

b) Logistikaren eta Biltegien Atala.

60. artikulua. Hornidura Atalaren eginkizunak.

Hornidura Atalak eginkizun hauek ditu:

a) Nafarroako Ospitale Unibertsitarioko hornidura beharrak identifikatzea eta kudeatzea.

b) Kontratazio prozedurak bultzatzea.

c) Nafarroako Ospitale Unibertsitarioko produktuen katalogoa gainbegiratzea.

d) Iristen diren materialak kontrolatzea.

e) Aurrefakturazioa eta EDI kontrolatzea.

f) Bere jarduera eremuko aldizkako informazioa prestatzea aginte-koadroarentzat.

g) Bere eremuaren barruan, trantsizio ekologikoa sustatzea Nafarroako Ospitale Unibertsitarioan.

h) Aurrekoekin loturik, Nafarroako Ospitale Unibertsitarioko Logistikaren Zerbitzuko buruak berariaz agintzen dizkionak.

61. artikulua. Hornidura Atalaren egitura.

Hornidura Atalak osasun laguntzaz kanpoko unitate hauek ditu bere egituran:

a) Erosketa Unitatea.

b) Lehiaketen Unitatea.

c) Salgaien Kontrolaren, EDIren eta Aurrefakturazioaren Unitatea.

62. artikulua. Erosketa Unitatearen eginkizunak.

Erosketa Unitateak eginkizun hauek ditu:

a) Unitateen eskaerak aztertzea eta kudeatzea.

b) Produktuen katalogoan produktu berriak sar daitezela proposatzea eta eragin ekonomikoaren txostena egitea.

c) Ospitaleko produktuen erosketa baldintzak mantentzea.

d) Hornitzaileei eskaerak egitea.

e) Aurrekoekin loturik, Nafarroako Ospitale Unibertsitarioko Hornidura Ataleko buruak berariaz agintzen dizkionak.

63. artikulua. Lehiaketen Unitatearen eginkizunak.

Lehiaketen Unitateak eginkizun hauek ditu:

a) Produktuak erosteko lehiaketak (bai berari dagozkionak, bai zentralizatuak) bultzatzea eta haietan parte hartzea.

b) Nafarroako Ospitale Unibertsitarioak erosten dituen produktuen katalogoa eguneratzea, bateratzea eta araztea.

d) Lehiaketei buruzko aldizkako informazioa prestatzea.

e) Aurrekoekin loturik, Nafarroako Ospitale Unibertsitarioko Hornidura Ataleko buruak berariaz agintzen dizkionak.

64. artikulua. Salgaien Kontrolaren, EDIren eta Aurrefakturazioaren Unitatearen eginkizunak.

Salgaien Kontrolaren, EDIren eta Aurrefakturazioaren Unitateak eginkizun hauek ditu:

a) Materialen harrera.

b) Eskaerak bete direla kontrolatzea eta egiaztatzea, kantitatean, epean eta kalitatean.

c) Sarreren kudeaketa administratiboa.

d) EDIren kudeaketa eta fakturen aurrefakturazioa.

e) Aurrekoekin loturik, Nafarroako Ospitale Unibertsitarioko Hornidura Ataleko buruak berariaz agintzen dizkionak.

65. artikulua. Logistikaren eta Biltegien Atalaren eginkizunak.

Logistikaren eta Biltegien Atalak eginkizun hauek ditu:

a) Biltegi orokorretako parametroak kontrolatzea.

b) Biltegi orokorretako iraungipenak eta inbentarioak kontrolatzea.

c) Biltegi orokorrak antolatzea eta kudeatzea.

d) Horniketa-eragiketak eta horiek unitateetan nola banatzen diren kudeatzea.

e) Bere jarduera eremuko aldizkako informazioa prestatzea aginte-koadroarentzat.

f) Bere eremuaren barruan, trantsizio ekologikoa sustatzea Nafarroako Ospitale Unibertsitarioan.

g) Aurrekoekin loturik, Nafarroako Ospitale Unibertsitarioko Logistikaren Zerbitzuko buruak berariaz agintzen dizkionak.

66. artikulua. Logistikaren eta Biltegien Atalaren egitura.

Logistikaren eta Biltegien Atalak osasun laguntzaz kanpoko unitate hauek ditu bere egituran:

a) Laguntzako Biltegien Unitatea.

b) Farmaziako Biltegi Unitatea.

67. artikulua. Laguntzako Biltegien Unitatearen eginkizunak.

Laguntzako Biltegien Unitateak eginkizun hauek ditu:

a) Unitateen beharrak aztertzea.

b) Laguntzako biltegiak diseinatzea eta antolatzea.

c) Stock itunak kudeatzea unitateekin.

d) Laguntzako biltegien kudeaketa kontrolatzea eta optimizatzea.

e) Aurrekoekin loturik, Nafarroako Ospitale Unibertsitarioko Hornidura Ataleko buruak berariaz agintzen dizkionak.

68. artikulua. Farmaziako Biltegi Unitatearen eginkizunak.

Farmaziako Biltegi Unitateak eginkizun hauek ditu:

a) Farmaziako biltegietako parametroak kontrolatzea.

b) Farmaziako biltegietako iraungipenak eta inbentarioak kontrolatzea.

c) Farmaziako biltegiak antolatzea eta kudeatzea.

d) Aurrekoekin loturik, Nafarroako Ospitale Unibertsitarioko Logistikaren eta Biltegien Ataleko buruak eta Farmazia Zerbitzuko buruak, nork bere jarduketa esparruaren barruan, berariaz agintzen dizkiotenak.

69. artikulua. Azpiegituren Zerbitzuaren egitura.

Azpiegituren Zerbitzuak osasun laguntzaz kanpoko atal hauek ditu bere egituran:

a) Mantentze-lanen A Atala.

b) Mantentze-lanen B Atala.

c) Bulego Teknikoaren Unitatea.

d) Ubarmingo, San Martingo eta Tafallako Mantentze-lanen Unitatea.

70. artikulua. Mantentze-lanen A Atalaren eginkizunak.

Mantentze-lanen A Atalak eginkizun hauek ditu:

a) Eraikinen, ekipamenduen eta instalazioen zainketa eta funtzionamendu egokia segurtatzea.

b) Mantentze-lan zuzentzaile, prebentibo eta tekniko eta legaletarako planak prestatu eta garatzea, ekipamenduetarako, instalazioetarako eta eraikinetarako.

c) Instalazioen segurtasun industriala kudeatzea.

d) Ibilgetuaren eta ekipamenduaren mantentze-lan prebentibo eta zuzentzaileetarako programak gauzatzea.

e) Bere eremuaren barruan, trantsizio ekologikoa sustatzea Nafarroako Ospitale Unibertsitarioan.

f) Aurrekoekin loturik, Nafarroako Ospitale Unibertsitarioko Azpiegituren Ataleko buruak berariaz agintzen dizkionak.

71. artikulua. Mantentze-lanen A Atalaren egitura.

Mantentze-lanen A Atalak osasun laguntzaz kanpoko unitate hauek ditu bere egituran:

a) Lantegien A Unitatea.

72. artikulua. Lantegien A Unitatearen eginkizunak.

Lantegien A Unitateak eginkizun hauek ditu:

a) Ofizioetako langileek egin beharreko lana banatzea eta koordinatzea.

b) Laneko aginduen kontrola eta jarraipena.

c) Mantentze-lanetako biltegirako materialak eta ordezko piezak eskatzea.

d) Bere ardurapeko langileen lanabesak kudeatzea.

e) Instalazioetan eta eraikinetan hobekuntza teknikoak sustatzea.

f) Ekintza zuzentzaile orokorrak edo lehen esku-hartzekoak gauzatzea, hala behar duten instalazioetan eta ekipamenduetan.

g) Aurrekoekin loturik, Nafarroako Ospitale Unibertsitarioko Mantentze-lanen A Ataleko buruak berariaz agintzen dizkionak.

73. artikulua. Mantentze-lanen B Atalaren eginkizunak.

Mantentze-lanen B Atalak eginkizun hauek ditu:

a) Eraikinen, ekipamenduen eta instalazioen zainketa eta funtzionamendu egokia segurtatzea.

b) Mantentze-lan zuzentzaile, prebentibo eta tekniko eta legaletarako planak garatzea, ekipamenduetarako, instalazioetarako eta eraikinetarako.

c) Instalazioen segurtasun industriala kudeatzea.

d) Ibilgetuaren eta ekipamenduaren mantentze-lan prebentibo eta zuzentzaileetarako programak gauzatzea.

e) Bere eremuaren barruan, trantsizio ekologikoa sustatzea Nafarroako Ospitale Unibertsitarioan.

f) Aurrekoekin loturik, Nafarroako Ospitale Unibertsitarioko Azpiegituren Ataleko buruak berariaz agintzen dizkionak.

74. artikulua. Mantentze-lanen B Atalaren egitura.

Mantentze-lanen B Atalak osasun laguntzaz kanpoko unitate hauek ditu bere egituran:

a) Lantegien B Unitatea.

75. artikulua. Lantegien B Unitatearen eginkizunak.

Lantegien B Unitateak eginkizun hauek ditu:

a) Ofizioetako langileek egin beharreko lana banatzea eta koordinatzea.

b) Laneko aginduak kontrolatzea eta horiei jarraipena egitea.

c) Mantentze-lanetako biltegirako materialak eta ordezko piezak eskatzea.

d) Bere ardurapeko langileen lanabesak kudeatzea.

e) Instalazioetan eta eraikinetan hobekuntza teknikoak sustatzea.

f) Ekintza zuzentzaile orokorrak edo lehen esku-hartzekoak gauzatzea, hala behar duten instalazioetan eta ekipamenduetan.

g) Aurrekoekin loturik, Nafarroako Ospitale Unibertsitarioko Mantentze-lanen B Ataleko buruak berariaz agintzen dizkionak.

76. artikulua. Bulego Teknikoaren Unitatearen eginkizunak.

Bulego Teknikoaren Unitateak eginkizun hauek ditu:

a) Obren egikaritza kontrolatzea.

b) Ekipamenduen eta altzarien hornidura, instalazioa eta muntaketa kontrolatzea.

c) Toki eta ekipamendu beharrak atzematea, eta proposamenak egitea.

d) Aurrekoekin loturik, Nafarroako Ospitale Unibertsitarioko Azpiegituren Ataleko buruak berariaz agintzen dizkionak.

77. artikulua. Ubarmingo, San Martingo eta Tafallako Mantentze-lanen Unitatearen eginkizunak.

Ubarmingo, San Martingo eta Tafallako Mantentze-lanen Unitateak eginkizun hauek ditu:

a) Eraikinen, ekipamenduen eta instalazioen zainketa eta funtzionamendu egokia segurtatzea.

b) Ibilgetuaren eta ekipamenduaren mantentze-lan prebentibo eta zuzentzaileetarako programak prestatzea eta gauzatzea.

c) Instalazioen segurtasun industriala kudeatzea.

d) Aurrekoekin loturik, Nafarroako Ospitale Unibertsitarioko Mantentze-lanen Ataleko buruak berariaz agintzen dizkionak.

78. artikulua. Trantsizio Ekologikoaren Unitatearen eginkizunak.

Administrazioaren, Zerbitzu Orokorren eta Trantsizio Ekologikoaren Zuzendariordetzaren mende dago, eta eginkizun hauek ditu:

a) Trantsizio ekologikoko proiektuak zeharka bultzatzea NOUko zerbitzu guztietan.

b) Arintze-atazen egutegia egitea.

c) Eremu honetako aginte-koadro bat egitea.

d) NOUn baliabideen kontsumo arduratsuaren kultura sustatzea.

e) Aurrekoekin loturik, NOUko Administrazioaren, Zerbitzu Orokorren eta Trantsizio Ekologikoaren Zuzendariordetzak agintzen dizkionak".

3. artikulua. Osasuneko kontseilariaren otsailaren 24ko 21/2016 Foru Agindua aldatzea. Foru agindu horren bidez, Tuterako Osasun Barrutiaren osasun laguntzako eta osasun laguntzaz kanpoko egitura organikoa ezartzen da.

1. 14. artikulua aldatzen da, e) apartatua gehitzen baitzaio, eta honela idatzita geldituko da:

"14. artikulua. Tuterako Osasun Barrutiko Kudeaketa Ekonomikoaren eta Zerbitzu Orokorren Zerbitzuaren egitura.

Kudeaketa Ekonomikoaren eta Zerbitzu Orokorren Zerbitzuak bere egituran atal eta unitate hauek ditu:

a) Tuterako Osasun Barrutiko Azpiegituren Mantentze-lanen eta Obren Atala.

b) Tuterako Osasun Barrutiko Zerbitzu Orokorren eta Kontratazioen Atala.

c) Tuterako Osasun Barrutiko Horniduren eta Biltegien Atala.

d) Tuterako Osasun Barrutiko Kontabilitatearen, Aurrekontuen eta Fakturazioaren Atala.

e) Tuterako Osasun Barrutiko Ingurumen Kudeaketaren Unitatea".

2. 20 bis artikulua gehitzen da, eta honela idatzita geldituko da:

"20 bis artikulua. Ingurumen Kudeaketaren Unitatearen eginkizunak.

Osasun barrutiko Ingurumen Kudeaketaren Unitateak eginkizun hauek ditu:

a) Barrutiko zentro guztien ingurumen jasangarritasuna bultzatzea.

b) Ingurumena kudeatzeko sistema bat ezartzea eta dagozkion adierazleak zehaztea (UNE-EN ISO 14.001:2015 araua eta EMAS erregelamendua).

c) Osasun barrutiaren ingurunean ingurumen hezkuntzarako ekintzak ezartzea.

d) Materialak erosteko sistemetarako zein hornitzaile eta azpikontratistentzako gomendioak ezartzea.

e) Izurriteen kontrol integratua ezartzea.

f) Hondakinak kudeatzeko plan bat ezartzea, hondakinak minimizatzeko aukera –kantitatearen eta kalitatearen aldetik– eta aldizkako jarraipen eta kontrola kontuan hartzen dituena.

g) RSOren karbono-aztarna kalkulatuz gasak murrizteko plan bat diseinatzea.

h) Bere eskumenen eremuan, Tuterako Osasun Barrutiko Kudeaketa Ekonomikoaren eta Zerbitzu Orokorren Zerbitzuak agintzen dizkionak".

3. 21. artikulua aldatzen da, eta honela idatzita geldituko da:

"21. artikulua. Profesionalen Zerbitzuaren egitura.

Tuterako Osasun Barrutiko Profesionalen Zerbitzuak atal hauek ditu bere egituran:

a) Tuterako Osasun Barrutiko Langileen Kudeaketarako Atala.

b) Tuterako Osasun Barrutiko Langileen Kontrataziorako Atala.

c) Tuterako Osasun Barrutiko Ordainsarien, Gastuaren Analisiaren eta Prestazioen Atala.

d) Tuterako Osasun Barrutiko Komunikazioaren eta Parte-hartzearen Atala.

e) Tuterako Osasun Barrutiko Prestakuntza eta Garapen Profesionalaren Atala".

4. 24. artikulua aldatzen da, eta honela idatzita geldituko da:

"24. artikulua. Tuterako Osasun Barrutiko Ordainsarien, Gastuaren Analisiaren eta Prestazioen Atalaren eginkizunak.

Ordainsarien, Gastuaren Analisiaren eta Prestazioen Atalaren Atalak eginkizun hauek ditu:

a) Langileen nominak, gizarte aseguruak, osasun laguntza eta beste prestazio ekonomiko batzuk prestatu eta kudeatzea, horretarako beharrezkoak diren agiriak formalizatuz.

b) Lan harremanaren ondoriozko prestazioak kontrolatzea, Profesionalen Zuzendaritzako beste organo batzuei gai horietan esleitzen ahal zaizkien eskudantzia eskuordetuak galarazi gabe.

c) Langileak Gizarte Segurantzan edo dagokien lan mutualitatean afiliatzea.

d) Laneko alta eta bajako agiriak tramitatzea, bai eta horien jarraipen eta kontrola egitea ere.

e) Langileen ordainsari arloko ziurtagiriak prestatzea.

f) I. kapituluko aurrekontuaren kudeaketaren kontrolean eta segimenduan laguntzea.

g) Absentismoaren ondoriozko gastua, kostu-zentroaren datuen eta, oro har, I. kapituluko datuen ustiapena aztertzeko ekintzak bultzatzea, aurrekontuen kudeaketa hobetzeko.

h) Gizarte Segurantzako prestazioetan eta profesionalentzako ordainsarietan informazioa hobetzeko ekintzak bultzatzea.

i) Aurrekoekin loturik Tuterako Osasun Barrutiko Profesionalen Zerbitzuko buruak berariaz esleitzen dizkion bestelako eginkizunak".

5. 24 bis artikulua gehitzen da, eta honela idatzita geldituko da:

"24 bis artikulua. Tuterako Osasun Barrutiko Komunikazioaren eta Parte-hartzearen Atalaren eginkizunak.

Osasun barrutiko Komunikazioaren eta Parte-hartzearen Atalak eginkizun hauek ditu:

a) Barneko eta kanpoko komunikazioa hobetzea Tuterako Osasun Barrutiaren esparruan, hainbat komunikazio-kanalen bidez.

b) Barneko eta kanpoko web korporatiboaren diseinua eta ezarpena bultzatzea eta dagokion zerbitzuarekin kudeatzea.

c) Barneko komunikazioko eta partaidetzako plan bat garatzea, estrategia Tuterako Osasun Barrutiaren eremu guztietan integratzea eta komunikazio eta partaidetza memoria egitea ahalbidetuko duena.

d) Profesionalen harrera-planean laguntzea.

e) Barneko kanal nagusietan (Intranet, Auzolan, buletina) aldizkako hedapena indartzea: zerbitzuen/unitateen emaitza nagusiak, lantaldeen memoriak, osasun laguntzako jarduera eta proiektu berriak.

f) Komunikazioaren eta parte-hartzearen arloan teknologia berriak abian jar daitezen bultzatzea.

g) Barrutiaren irudi korporatiboa hobetzen eta zabaltzen parte hartzea.

h) Tuterako Osasun Barrutiaren esparruan komunikazio eta parte-hartze kanalak sustatzea. Erakundearen barruan sareak bultzatzea, parte hartzeko bitarteko gisa.

i) Profesionalen gogobetetze maila eta inplikazioa ebaluatzeko inkestak egiten laguntzea.

j) Tokiko komunikabideekiko kanpoko komunikazioa bultzatzea.

k) Osasun Departamentuko prentsa-kabinetearekin komunikazioa kudeatzea.

l) Bere eskumenen esparruan, Tuterako Osasun Barrutiko Profesionalen Zerbitzuko buruak agintzen dizkionak".

6. 24 ter artikulua gehitzen da, eta honela idatzita geldituko da:

"24 ter artikulua. Tuterako Osasun Barrutiko Prestakuntza eta Garapen Profesionalaren Atalaren eginkizunak.

Osasun Barrutiko Prestakuntza eta Garapen Profesionalaren Atalak eginkizun hauek ditu:

a) Urte bakoitzeko etengabeko prestakuntza plana egitea, inplikatutako eragile guztien parte-hartzearekin eta koordinazioarekin.

b) Prestakuntza planaren gauzatzea, garapena eta jarraipena kudeatzea.

c) Tuterako Osasun Barrutian egin diren prestakuntza jarduerei buruzko informazioa erregistratzea eta prestakuntza memoria egitea.

d) Egindako jardueren garapena eta emaitzak ebaluatzea, bai parte-hartzaileek egindako balorazio inkesten bidez, bai eta jardueraren arduradun/koordinatzaile den batzordeko kideen zuzeneko iritziaren bidez ere.

e) Gaitasun berrietara bideratutako prestakuntza beharrak zehazten laguntzea.

f) Langileen prestakuntzaren, garapenaren eta hobekuntzaren arloan lankidetzan aritzea eta ekintzak bultzatzea, inplikatutako eragileekin koordinatuta.

g) Prestakuntza arloko teknologia berriak abian jar daitezen bultzatzea.

h) Irakaskuntza eta Ikerketa Batzordeari eta Etengabeko Prestakuntza Batzordeari laguntza administratiboa ematea.

i) Lanbide karrerako sistemen administrazio-kudeaketan laguntzea.

j) Lana betetzeko modua ebaluatzeko tresnen garapenean parte-hartzea.

k) Bere eskumenen esparruan, Tuterako Osasun Barrutiko Profesionalen Zerbitzuko buruak agintzen dizkionak".

7. 25. artikulua aldatzen da, eta honela idatzita geldituko da:

"25. artikulua. Tuterako Osasun Barrutiko Herritarren Arretarako eta Kudeaketan Laguntzeko Zerbitzuaren egitura.

Herritarren Arretarako eta Kudeaketan Laguntzeko Zerbitzuak atal eta unitate hauek ditu:

a) Herritarren Harrerarako eta Arretarako Atala.

b) Herritarren Arretarako eta Koordinazio Soziosanitariorako Atala.

c) Administrazio Lanak, Poolak eta HKIa Koordinatzeko Unitatea.

d) Artxiboaren, Dokumentazio Klinikoaren eta Kodifikazioaren Unitatea.

e) Informazio eta Ebaluazio Sistemen Unitatea.

f) Erregistroaren Unitatea".

8. 26. artikulua aldatzen da, eta honela idatzita geldituko da:

"26. artikulua. Herritarren Harrerarako eta Arretarako Atalaren eginkizunak.

Herritarren Harrerarako eta Arretarako Atalak eginkizun hauek ditu:

a) Pazienteen osasun laguntzarako sarbidearen eta zirkulazioaren prozesu administratiboak kudeatzea, Reina Sofia Ospitalean sarbide erraz eta arina eman eta bermatu ahal izateko, ekitate eta eraginkortasun irizpideetan oinarriturik.

b) Ospitaleratze eremuko sarrerak, lekualdatzeak eta altak arautzea, dagoen eskaerari eta zentroaren helburuei eta osasun laguntzako profilari egokiturik.

c) Ospitaleko oheen zentsua etengabe eguneratuta edukitzea, horien erabilera zuzena bermatzeko.

d) Ospitaleko pazienteen osasun laguntzako harremanak eta mugimenduak integratzea, zerbitzu klinikoen osasun laguntzako eginkizunak erraztearren.

e) Larria ez den prozedura kirurgiko baten zain dauden pazienteen erregistroa zentralizatu eta eguneratuta edukitzea, eta zerbitzuentzako antolaketa eta informaziorako euskarria mantentzea, arlo kirurgikoko baliabideak modu egoki eta eraginkorrean erabiltzen laguntzeko.

f) Arazoak identifikatu eta lehenestea, Osasun Laguntzako Egiturari Sostengu Emateko Zerbitzuan laguntza prozesuen antolaketa koordinatzeari dagokionez, hobetzeko estrategiak bultzatuz prozesuan esku hartzen duten unitateekin lankidetzan arituta.

g) Oinarrizko Osasun Laguntzako eta Laguntza Espezializatuko Koordinazioa errazteko beharrezkoak diren komunikazio eta koordinazio bideak ezartzea, bai eta barneko eta/edo kanpoko komunikazioa erraztekoak ere.

h) Atal honi atxikitako unitateak koordinatu eta zuzentzea, urteko helburuak bete daitezen.

i) Atzematen diren eskaerak eta/edo beharrak jaso, aztertu eta bideratzea, antolatu, koordinatu edo homogeneizatzeko.

j) Agenden egutegiak epe ertainera edo luzera koordinatzea, horiek ezartzean ezustekoak aurreikusi eta murrizteko.

k) Zerbitzu baten agendak modu ordenatuan programatzea, zitazioa hobeki kudeatzeko.

l) Kontsulta eta proba egunen eta agenden koordinazioa modu eraginkorrean kudeatzea, zentroen, txanden eta gelen arabera.

m) Erabiltzaileak laguntza espezializatu anbulatorioan izan behar duen sarbidea kudeatzea, bai eta laguntza espezializatuko zerbitzuen arteko deribazioa ere.

n) Laguntza espezializatuko kontsultetan eta probetan zitazioarekin, programazioarekin, itxaronaldien bermeekin eta/edo itxaron zerrendekin zerikusia duten arauak eta aginduak bermatzea eta betetzen diren kontrolatzea.

o) Kontsulta edo proba osagarri bakoitzean informazioa jasotzeko eredu bat ezarri eta egokitzea, profesional, zentro, gela, txanda eta egunen arabera egitekoa den jarduerari dagokionez.

p) Aurrekoekin loturik, Herritarren Arretarako eta Kudeaketan Laguntzeko Zerbitzuko buruak berariaz agintzen dizkionak".

9. 26 bis artikulua gehitzen da, eta honela idatzita geldituko da:

"26 bis artikulua. Herritarren Harrerarako eta Arretarako Atalaren egitura.

Herritarren Harrerarako eta Arretarako Atalak unitate hauek ditu bere egituran:

a) Kontsultetarako eta Proba Osagarrietarako Harrerarako Unitatea.

b) Ospitaleko Harreraren, Larrialdien eta Programazio Kirurgikoaren Unitatea".

10. 26 ter artikulua gehitzen da, eta honela idatzita geldituko da:

"26 ter artikulua. Kontsultetarako eta Proba Osagarrietarako Harrerarako Unitatearen eginkizunak:

Kontsultetarako eta Proba Osagarrietarako Harrerarako Unitateak eginkizun hauek ditu:

a) Pazienteen kontsultak beste zentro itundu batzuetara edo kanpoko beste zentro batzuetara bideratzea kudeatu eta koordinatzea.

b) Zerbitzu bakoitzeko kontsulten eta proben programazio estandarreko erregistroak sortzea, kontrola eta jarraipena egiteko.

c) Pazienteen lehenengo kontsulta, hurrengoak eta proba osagarriak kudeatzea eta hitzordua ematea, hitzordurik hoberenaren irizpideekin.

d) Itxaron zerrendako pazienteak kudeatu eta zitatzea, lehentasunaren edo zerbitzuaren arduradunak ezarritako irizpide klinikoen arabera.

e) Kontsulten eta proba osagarrien egunen eta agenden koordinazioa modu eraginkorrean kudeatzea, zentroen, txanden eta gelen arabera.

f) Kontsultak ixtea dakarten eta probetan eragina duten ezustekoak kudeatzea, horien tramitazio eta ebazpenerako beharrezkoa den informazioa jasoz, eta prozesuan esku hartzen duten alderdiekin alternatibak koordinatzea.

g) Oinarrizko Osasun Laguntzatik eta Laguntza Espezializatutik pazienteak zitatzean izaten diren gorabeherak kudeatzea (ospitaleetako larrialdietakoak edo ospitaleko altak barne), baita beste ospitale batzuetatik egiten denean ere.

h) Hitzorduarekin eta kontsulta edo probekin zerikusia duten administrazio alderdi guztiei buruzko informazioa eta arreta ematea pazienteei.

i) Historia klinikoak irekitzea eta paziente bakoitzaren datu pertsonalak eguneratzea.

j) Kontsulten berrikuspenerako zitazioen jarraipenarekin lotutako dokumentazioa artxibatzea.

k) Arautegian jasotako epez kanpoko kasuetan, behin betiko zitazioa egitea.

l) Itxaron zerrenda eta hitzordu multipleak kudeatzeko laguntza ematea.

m) Hitzorduei, dauden ordu libreei eta/edo itxaron zerrendei buruzko informazioa aztertzea, epe motzean erabakiak planifikatzeko, kudeatzeko eta/edo hartzeko.

n) Ataleko buruak agintzen dizkionak".

11. 26 quater artikulua gehitzen da, eta honela idatzita geldituko da:

"26 quater artikulua. Ospitaleko Harreraren, Larrialdien eta Programazio Kirurgikoaren Unitatearen eginkizunak:

Ospitaleko Harreraren, Larrialdien eta Programazio Kirurgikoaren Unitateak eginkizun hauek ditu:

a) Ospitaleratzeen eskaera eta programazioa kudeatzea, beharrezko diren mekanismoak ezarriz unean-unean jakiteko bai ospitaleratzeen eskaera zenbatekoa den bai eskaerak ongi sailkatu ahal izateko datu administratiboak.

b) Oheen eskaintza egokia ezartzea, aurreikusitako laguntza eskaerarekin eta jada hitzartua dagoenarekin bat.

c) Ospitaleratuta dauden pazienteen lekualdaketak baimentzea eta kudeatzea, ezarritako irizpide eta lehentasunen arabera.

d) Ospitaleko altak unean-unean ezagutzeko beharrezkoak diren zirkuituak ezartzea, zentroko oheak modu eraginkorrean kudeatzeko.

e) Pazienteen osasun laguntzaren prozesua koordinatzea, osasun laguntzako unitateei beharrezkoa den euskarri operatiboa emanez, ekintzak ospitaleko beste arlo batzuekin koordinatuz.

f) Larrialdiko osasun laguntzarako eta laguntza programaturako eskaerak, zentroari berari eginak edo zenbait zentroren artekoak, kudeatzea, eta eskaera horiek deribazio arauekin bat datozen baloratzea, ezarritako irizpide eta lehentasunen arabera, pazienteen aurrean osasun arloko antolaketaren kohesioa mantendu ahal izateko beharrezkoa den euskarria emanez antolaketaren eta informazioaren arloetan.

g) Beste zentro batzuekin eta osasun laguntzako beste maila batzuekin komunikazio arin eta etengabea ezartzea, presako osasun laguntza behar duten kasuak kudeatzeko. Horrela, erraztu eginen da zerbitzuek laguntzaren, administrazioaren eta informazioaren arloetan duten eginkizuna.

h) Pazienteei, familiakoei eta mediku zerbitzuei informazioa ematea, beste zentro batera bideratzeko prozesuarekin lotuta dagoen edozein alderdi administratibotarako erreferentzia izan dadin beraientzat.

i) Zerbitzu klinikoekin komunikazio arin eta etengabea ezartzea eskaerari dagokionez, eta osasun garraiorako programatutako eskaerak baimentzea.

j) Zerbitzu kirurgikoekin komunikazio fluxua mantentzea, horrela pazienteen kudeaketan lankidetza errazteko, eta eguneroko jarduera kirurgikoko administrazio lanak ere errazteko.

k) Pazienteen erregistro kirurgikoko datuak eguneratuta edukitzea, baita zerbitzuei eman beharreko informazioa ere, itxaron zerrenda kirurgikoan pazienteen kudeaketa egokia bermatzeko.

l) Zerbitzu kirurgikoekin lankidetzan aritzea programatutako jarduera kirurgikoaren proposamena prestatzerakoan. Horrela, aurreikusitako parte kirurgikoa eta berrespenekoa emanen zaizkie zerbitzuei, ospitaleak ezarritako aurrerapenarekin.

m) Itxaron zerrenda kirurgikoan pazienteen mugimendua etengabe eta unean-unean eguneratuta edukitzea, mugimendua sorrarazten duen arrazoia adierazita eta kasu bakoitzerako ezarritako egiaztagiria jasota.

n) Pazienteei eta familiakoei informazioa ematea, itxaron zerrenda kirurgikoan duten tokiarekin lotuta dagoen edozein alderdi administratibotarako erreferentzia izanik beraientzat.

o) Larrialdi Orokorretako Harrera Unitatearekin batera kudeatzea paziente kirurgikoen sarreraren aurreikuspena, oheak egoki kudeatzeko.

p) Programazio kirurgikoa kudeatzea, programatutako pazienteari abisua emanez, haren adostasuna egiaztatuz eta ospitalean sartu aurretik bete beharreko baldintzen berri emanez.

q) Larrialdietan pazienteen arretarako eskaeraren aurrean antolaketa eta informazio arloko sostengua ematea, pazienteek osasun laguntza egokia izanen dutela bermatzeko.

r) Larrialdietako gertaeren erregistroa etengabe eguneratuta edukitzea, pazienteen fitxategi nagusia eguneratuz eta pazienteen sarrerako eta altako datuak bilduz, osasun laguntzako aldi bakoitza itxi dadin.

s) Larrialdietan aritzen diren zerbitzuei euskarri administratiboa ematea, antolaketa dela-eta beharrezkoak ez diren itxaronaldiak gerta ez daitezen, horretarako ospitaleko unitateetatik ateratzen diren ekintzak koordinatuz.

t) Larrialdietako arretan dauden pazienteak etengabe eta unean-unean lokalizatuta edukitzea, osasun arloko langileek ematen duten informazioa eguneratuz.

u) Pazienteei eta familiakoei informazioa ematea, larrialdietako laguntza prozesuarekin lotuta dagoen edozein alderdi administratibotarako erreferentzia izanik beraientzat.

v) Aurrekoekin loturik, Ataleko buruak berariaz agintzen dizkionak".

12. 27. artikulua aldatzen da, eta honela idatzita geldituko da:

"27. artikulua. Herritarren Arretarako eta Koordinazio Soziosanitariorako Atalaren eginkizunak.

Herritarren Arretarako eta Koordinazio Soziosanitariorako Atalak eginkizun hauek ditu:

a) Berrikuntzarako eta antolaketa aldatzeko proiektuak bultzatzea, osasun barrutian herritarrentzako arreta hobea izan dadin.

b) Herritarrek osasun barrutiko osasun laguntzako zerbitzuen eta osasun laguntzaz kanpokoen funtzionamenduarekin loturik aurkezten dituzten iradokizun, erreklamazio eta esker onak aintzat hartzea, eta hobetu beharreko arloak proposatzea.

c) Herritarrei behar den informazioa ematea, haien historia klinikora sartzea edo historiaren kopiaren bat eskatzen dutenean, eta eskaera horiek eskumena duten unitateetara bideratzea.

d) Informazioa eta aholkularitza, zenbait tramitazio bereziri buruz: bigarren iritziak, espezialista aldaketa ezohikoak, aurretiazko borondateen eskaerak.

e) Pazienteen eskubide eta betebeharrak betetzen diren begiratzea. Informazioa emanen zaie eta pazienteek osasun laguntzaren arloan dituzten kezkak eta beharrak jasoko dira. Beharrik izanez gero, irtenbide egokia emanen dieten profesionalekin jarriko dituzte harremanetan.

f) Herritarren eskaerak aintzat hartzea, informazioaren eta historia klinikoaren gaineko eskubideei dagokienez.

g) Herritarren gogobetetze maila ezagutzea osasun barrutiak ematen dituen zerbitzuei dagokienez, eta hobetzeko arloak zehaztu eta proposatzea.

h) Barrutiko gizarte lanaren arloko profesional guztiak antolatzea eta optimizatzea, guztien artean adostutako eta protokolizatutako esparru batean, esleitutako baliabideak behar bezala erabiliz.

i) Gizarte Lanaren arloaren kalitatea monitorizatzea eta ebaluatzea.

j) Kanpoko koordinazio iraunkorreko egiturak sustatzea baliabide hauekin: gizarte zerbitzuak, ikastetxeak, Nafarroako Gobernuko Pertsonen Autonomiarako eta Garapenerako Nafarroako Agentzia, pazienteen elkarteak, elkarte komunitarioak eta abar.

k) Arreta soziosanitarioa sustatzea osasun barrutiaren esparruan, Osasunbidea-Nafarroako Osasun Zerbitzuaren jarraibideei jarraituz.

l) Osasunbidea-Nafarroako Osasun Zerbitzuak zehaztutako estrategiak ezartzen laguntzea: osasun laguntzaren humanizazioa, paziente kroniko eta pluripatologikoa, osasunaren sustapena, osasun komunitarioa eta abar.

m) Kudeaketa proaktiboa egitea, pertsonarengan oinarritutako esku-hartze ereduan oinarrituta.

n) Gizarte lanaren arloak komunitatean integratutako laguntza prozeduretan eta prozesuetan aktiboki parte hartzea eskatzen duten prozesuak eta prozedurak abian jartzea.

o) Aurrekoekin loturik, Tuterako Osasun Barrutiko Herritarren Arretarako eta Kudeaketan Laguntzeko Zerbitzuko buruak agintzen dizkionak".

13. 27 bis artikulua gehitzen da, eta honela idatzita geldituko da:

"27 bis artikulua. Herritarren Arretarako eta Koordinazio Soziosanitariorako Atalaren egitura.

Herritarren Arretarako eta Koordinazio Soziosanitariorako Atalak unitate hauek ditu bere egituran:

a) Gizarte Lanaren Unitatea.

b) Herritarren Arretarako Unitatea".

14. 28. artikulua aldatzen da, eta honela idatzita geldituko da:

"28. artikulua. Gizarte Lanaren Unitatearen eginkizunak.

Gizarte Lanaren Unitateak eginkizun hauek ditu:

a) Ospitaleratutako pertsonaren eta bere sare sozial hurbilen alderdi psikosozialei arreta ematea, ospitaleratuta egotearen arrazoiak ez dezan ekar bizi kalitatea eta autonomia murriztea, eta diziplinartekoa, bateratua eta kalitatezkoa den arreta ematea, zainketen eraginkortasuna eta jarraitutasuna bermatuz.

b) Osasun zerbitzuetan arreta jasotzen dutenen arrisku soziosanitarioko egoerak eta beharrak garaiz atzematea, haien egoerak kontuan hartuta: mendekotasuna, izaera kronikoa, desgaitasuna, hiltzeko prozesuak eta heriotza, eta helduen eta adingabeen zaurgarritasuna eta hauskortasuna.

c) Pertsonari eta bere familiakoei/ingurukoei laguntzea ospitaleko altaren osteko planak moldatzen, zainketen jarraipena errazteko.

d) Diagnostiko soziosanitarioa prestatzea.

e) Arreta jaso duen pertsonaren balorazio soziofamiliarra aurkeztea diziplinarteko taldeari.

f) Tratamendu soziosanitarioa, banakakoa eta/edo familiakoa, gauzatzea.

g) Ospitale barneko eta kanpoko koordinazioa ezartzea laguntza beharrean den herritarrarentzat.

h) Pertsona bakoitzak behar dituen baliabideei buruzko informazioa, orientazioa eta aholkuak ematea, informazioa eskuratzeko bide eta zirkuituak erraztuz.

i) Tratamendu soziosanitarioa errazten duten baliabide eta prestazioak lortzeko modua kudeatzea.

j) Lan soziosanitarioaren txostena jaso ondoren deribazioa ezartzea.

k) Bere eskumenen esparruan prestakuntza eta ikerketa sustatzea.

l) Zerbitzuen eta arloen kudeaketan laguntzea, aldagai sozialak ekarriz edo arretaren puntu ahulak edo zailtasunak mugatuz, datu klinikoetatik haratago.

m) Aurrekoekin loturik, Herritarren Arretarako eta Koordinazio Soziosanitariorako Zerbitzuko buruak berariaz agintzen dizkionak".

15. 29. artikulua gehitzen da, eta honela idatzita agertuko da:

"29. artikulua. Herritarren Arretarako Unitatearen eginkizunak.

Herritarren Arretarako Unitateak eginkizun hauek ditu:

a) Pazienteen eskubide eta betebeharrak betetzen diren begiratzea. Informazioa emanen zaie eta pazienteek osasun laguntzaren arloan dituzten kezkak eta beharrak bilduko dira. Beharrik izanez gero, behar duten irtenbidea emanen dien profesionalekin jarriko dituzte harremanetan.

b) Herritarren iradokizun, erreklamazio eta esker onak aintzat hartzea, informazioaren eta historia klinikoaren gaineko eskubideei dagokienez.

c) Herritarrek aurkezten dituzten iradokizun, erreklamazio eta esker onak aintzat hartzea, Nafarroako Ospitaleguneko osasun laguntzako zerbitzuen eta osasun laguntzaz kanpokoen funtzionamenduarekin loturik.

d) Herritarren informazioa kudeatzea eta etengabe eguneratuta edukitzea: bakoitzari dagozkion estaldura maila, erreferentziako profesional eta/edo zerbitzuak, mediku orokorra eta pediatra.

e) Herritarren gogobetetze maila ezagutzea ospitaleguneak ematen dituen zerbitzuei dagokienez, eta hobetzeko arloak zehaztea eta proposatzea.

f) Herritarrek osasun zerbitzu eta prestazioei buruzko informazioa lortzeko bidea hobetzea, eta herritarren arretarako arauak, tramiteak eta administrazio prozedurak mantentzea.

g) Herritarrei osasun barrutiaren funtzionamendu orokorraren berri ematea.

h) Herritarrei behar den informazioa ematea, haien historia klinikora sartzea edo historiaren kopiaren bat eskatzen dutenean, eta eskaera horiek eskumena duten unitateetara bideratzea.

i) Informazioa eta aholkularitza, zenbait tramitazio bereziri buruz: bigarren iritziak, espezialista aldaketa ezohikoak, aurretiazko borondateen eskaerak.

j) Aurrekoekin loturik, Herritarren Arretarako eta Koordinazio Soziosanitariorako Zerbitzuko buruak agintzen dizkionak".

16. 30. artikulua gehitzen da, eta honela idatzita agertuko da:

"30. artikulua. Administrazio Lanak, Poolak eta HKIa Koordinatzeko Unitatearen eginkizunak.

Administrazio Lanak, Poolak eta HKIa Koordinatzeko Unitateak eginkizun hauek ditu:

a) Jarduketa ildoak garatu eta proposatzea, unitateari atxikitako langileen administrazio lana berregituratzeko, Reina Sofia Ospitaleko osasun laguntzako unitateekin koordinaturik.

b) Reina Sofia Ospitaleko zerbitzu, atal eta unitateen funtzionamendu normalerako behar den euskarri administratiboa ematea.

c) Harreman estua izatea Herritarren Arretarako eta Kudeaketan Laguntzeko Zerbitzuko gainerako atal eta unitateekin, laguntza behar bezala kudeatzeko eta prozesu administratiboak hobetzeko.

d) Historia Kliniko Informatizatuaren normalizazioa koordinatzea eta bultzatzea osasun barrutian, eta Osasunbidea-Nafarroako Osasun Zerbitzuko egituretako Historia Kliniko informatizatuaren gainerako koordinatzaileekin jardutea.

e) Informazioa sustatzea eta hurbiltzea langile klinikoei, eta hura eskuratzeko erremintak sustatzea eta garatzea, osasun laguntzako zerbitzuek eta zainketa unitateek beren autoebaluazioa egin dezaten.

f) Aurrekoekin loturik, Herritarren Arretarako eta Kudeaketan Laguntzeko Zerbitzuko buruak berariaz agintzen dizkionak".

17. 31. artikulua gehitzen da, eta honela idatzita geldituko da:

"31. artikulua. Artxiboaren, Dokumentazio Klinikoaren eta Kodifikazioaren Unitatearen eginkizunak.

Artxiboaren, Dokumentazio Klinikoaren eta Kodifikazioaren Unitateak eginkizun hauek ditu:

a) Paziente bakoitzaren historia kliniko bakarra (bateratua eta metatuz joanen dena) mantentzea, kontserbatzea eta zainduta dagoela ziurtatzea eta lokalizatuta eta eskuragarri edukitzea; historia klinikoaren konfidentzialtasuna bermatzea eta historia klinikoen zentsua eguneratuta edukitzea formatuetako edozeinetan. Orobat, pazienteen fitxategi nagusia kontrolatzea eta bikoiztuta dauden historien kasuak konpontzea.

b) Dokumentazio klinikoaren prestakuntza, banaketa eta bilketa antolatzea eta gauzatzea.

c) Modu eraginkorrean kudeatzea Historien Artxiboko dokumentuen zirkuituak, baita beste zerbitzu batzuekin izaten den koordinazioa ere.

d) Artxibo pasiboaren eta aktiboaren arteko historia transferentzia bermatzea.

e) Historien Artxiboko jardueraren eta kalitatearen adierazleen ebaluazioan parte hartzea.

f) Teknologia berriak sustatzea dokumentazio klinikoa bildu, transferitu eta berreskuratzeko, horrela informazioaren eskuragarritasuna hobetu eta profesionalen arteko komunikazioa errazteko.

g) Dagoen dokumentazio klinikoa (euskarria gorabehera) kudeatzen duten aplikazio informatikoen garapena gainbegiratzea, bai digitalizazio programari bai historien mugimenduari dagokienez.

h) Informazio sistema planifikatzea, antolatzea eta garatzea, dokumentazio klinikoa eskatzen den kasuetarako.

i) Informazio klinikoaren sistemako datuen iturriak zehaztea eta informazio iturri diren dokumentuak hautatzea.

j) Osasun laguntzako gertaerak kodetzea kodeak indexatuz, hautatuz eta esleituz, indarra duen eritasunen sailkapenari jarraikiz.

k) Osasun Arreta Espezializatuko Jardueraren Erregistroa - Datuen Oinarrizko Multzo Gutxienekoa delakoa egitean parte hartzea.

l) Kodeak erregistratu, multzokatu eta biltzea, indarra duen pazienteen sailkapen sistemaren arabera.

m) Kodetze eta multzokatze prozesutik ateratzen den informazioa berreskuratu, aztertu eta zabaltzea, indarra duen pazienteen sailkapen sistemaren arabera.

n) Informazio sistemaren kalitatea kontrolatzea eta horren hobekuntza proposatzea kodetze jarduera beraren kalitate kontrolaren bitartez; horretarako parte hartuko du dokumentazio klinikoaren kalitatearen hobekuntzan, Osasun Arreta Espezializatuko Jardueraren Erregistroa - Datuen Oinarrizko Multzo Gutxienekoaren kalitate kontrolean eta saio klinikoetan, akordioak ezartzeko eta langile klinikoen informazio beharrak atzemateko, kodetze prozesuari dagokionez.

o) Aurrekoekin loturik, Herritarren Arretarako eta Kudeaketan Laguntzeko Zerbitzuko buruak berariaz agintzen dizkionak".

18. 32. artikulua gehitzen da, eta honela idatzita geldituko da:

"32. artikulua. Informazio eta Ebaluazio Sistemen Unitatearen eginkizunak.

Informazio eta Ebaluazio Sistemen Unitateak eginkizun hauek ditu:

a) Kudeaketaren, kudeaketa klinikoaren eta plangintzaren gaineko informazio sistemak garatzea eta mantentzea.

b) Osasun barrutian egiten den jarduera asistentzialaren erregistroa mantentzea eta ustiatzea.

c) Informazio iturrien balidazioa partekatzea Osasun Departamentuko eta Osasunbidea-Nafarroako Osasun Zerbitzuko egituretako gainerako informazio arduradunekin.

d) Osasun barrutian egiten den jarduerari buruzko informazio eskaerei erantzutea.

e) Osasun barrutiko aginte-koadroa egitea eta mantentzea.

f) Datuaren tratamendua bermatzea: kalitatea eta segurtasuna.

g) Osasun barrutiari atxikitako zentroak, zerbitzuak, atalak eta unitateak kudeatzeko itunak planifikatzea, bultzatzea eta ebaluatzea.

h) Programa-kontratuaren kudeaketa helburuen betetze maila ebaluatzea.

i) Osasun barrutiari atxikitako zentro, zerbitzu, atal eta unitateen jarduera eta plangintza funtzionala ebaluatzea.

j) Aurrekoekin loturik, Herritarren Arretarako eta Kudeaketan Laguntzeko Zerbitzuko buruak berariaz agintzen dizkionak".

19. 33. artikulua gehitzen da, eta honela idatzita geldituko da:

"33. artikulua. Erregistroaren Unitatearen eginkizunak.

Erregistroaren Unitateak eginkizun hauek ditu:

a) Herritarren arreta zerbitzuen hobekuntza bultzatzea, arintasunari eta eraginkortasunari dagokienez.

b) Erregistro baten berezko eginkizunak betetzea: edozein administrazio publikotako edozein organo edo erakunderi zuzendutako eskaerak, idazkiak eta komunikazioak jasotzea, indarrean dagoen araudian xedatutakoaren arabera.

c) Eskabide, idazki eta komunikazioen sarrera edo irteera idatzoharrak egitea, indarrean dagoen araudian xedatutakoaren arabera.

d) Eskabideak, idazkiak eta komunikazioak pertsona, organo edo unitate hartzaileei bidaltzea, indarrean dagoen araudian xedatutakoaren arabera.

e) Herritarrek eskabide, idazki edo komunikazio batekin batera aurkeztu behar dituzten jatorrizko agirien kopia zigilatuak ematea, bai eta kopia horiek eman izana erregistratzea ere, indarrean dagoen araudiaren arabera.

f) Interesdunek aurkeztutako jatorrizko dokumentuak erkatzea, indarrean dagoen araudian ezarritakoaren arabera.

g) Identitatea egiaztatzeko eta erregistratzeko eginkizunak betetzea ziurtagiri digitaleko zerbitzuei buruz, osasun arloko langileei Estatuko historia kliniko digitalean sartzeko ezinbestekoak diren ziurtagiri digitalak eman diezazkieten.

h) Legez edo erregelamenduz ematen zaizkion beste eginkizunak".

4. artikulua. Osasuneko kontseilariaren abuztuaren 22ko 63/2016 Foru Agindua aldatzea. Foru agindu horren bidez, Oinarrizko Osasun Laguntzako Kudeatzailetzaren osasun laguntzako eta osasun laguntzaz kanpoko egitura organikoa ezarri zen.

1. 18. artikulua aldatzen da, eta honela idatzita geldituko da:

"18. artikulua. Profesionalen Administrazio Atalaren egitura.

Profesionalen Administrazio Atalak unitate hauek ditu bere egituran:

a) Deien unitatea.

b) Profesionalen Kudeaketa Administratiboaren Unitatea".

2. 18 bis artikulua gehitzen da, eta honela idatzita geldituko da:

"18 bis artikulua. Deien Unitatearen eginkizunak.

Deien Unitateak eginkizun hauek ditu:

a) Aldi baterako langileen kontratazioa tramitatzea, ezarritako prozeduren eta araudiaren arabera, dagozkion deiak eginez eta Oinarrizko Osasun Laguntzako Kudeatzailetzaren profesionalen beharrei erantzuteko behar diren kontratazio-zerrendak kudeatuz.

b) Langileen erregistro bateratua mantentzen eta eguneratzen laguntzea, zerbitzuak Oinarrizko Osasun Laguntzako Kudeatzailetzako zentroetan eta unitateetan ematen dituzten langile kontratatuen espedienteei dagokienez.

c) Langileen tramitazioari eta kontratazioari loturik, Profesionalen Administrazio Ataleko buruak agintzen dizkionak".

3. 20 bis artikulua gehitzen da, eta honela idatzita geldituko da:

"20 bis artikulua. Profesionalen Ordainsarien Kudeaketarako Atalaren egitura.

Profesionalen Ordainsarien Kudeaketarako Atalak unitate hau du bere egituran:

a) Ordainsarien Kudeaketarako Unitatea".

4. 20 ter artikulua gehitzen da, eta honela idatzita geldituko da:

"20 ter artikulua. Ordainsarien Kudeaketarako Unitatearen eginkizunak:

Ordainsarien Kudeaketarako Unitateak eginkizun hauek ditu:

a) Oinarrizko Osasun Laguntzako Kudeatzailetzako profesionalen nominei dagozkien prozesuak egitea, kudeatzea, jarraipena egitea eta koordinatzea.

b) Oinarrizko Osasun Laguntzako Kudeatzailetzari atxikitako profesionalen egoera administratiboaren kontrola eta jarraipena egitea.

c) Profesionalei aholkularitza ematea ezarritako ordainsari eta gizarte-prestazioekin lotutako gaietan.

d) Langileen ordainsariei eta prestazioei loturik, Profesionalen Ordainsarien Kudeaketarako Ataleko buruak agintzen dizkionak".

5. 23. artikulua aldatzen da, eta honela idatzita geldituko da:

"23. artikulua. Hornidura Atalaren egitura.

Hornidura Atalak unitate hauek ditu bere egituran:

a) Biltegi Unitatea.

b) Logistikaren eta Materialen Unitatea".

6. 24 bis artikulua gehitzen da, eta honela idatzita geldituko da:

"24 bis artikulua. Logistikaren eta Materialen Unitatearen eginkizunak.

Logistikaren eta Materialen Unitateak eginkizun hauek ditu:

a) Eskaerak egitea, bai gastu arruntei dagokienez, bai ekipamendu inbertsioei dagokienez, Oinarrizko Osasun Laguntzako Kudeatzailetzako zentroak funtzionatzeko behar duten guztiaz hornitzeko.

b) Aurretik aipatutako eskaerekin zerikusia duten aurrekontuak eskatzea eta baloratzea.

c) Eskaera horien jarraipena egitea.

d) Hornitzaileei harrera egitea, Oinarrizko Osasun Laguntzako Kudeatzailetzako zentroetara bideratutako produktuak edo ekipamenduak baloratzeko.

e) Txostenak egitea Oinarrizko Osasun Laguntzako Kudeatzailetzako zentroetara bideratutako material, ohiko kontsumo produktu edo ekipamendu inbertsio batzuen egokitasunari, kostuari eta abarri buruz.

f) Oinarrizko Osasun Laguntzako Kudeatzailetzako zentroetarako materialak, ohiko kontsumo produktuak edo ekipamendu inbertsioak lizitatzeko mahaietan parte hartzea, mahaiko kide gisa edo dagozkion balorazio txosten teknikoak eginez.

g) Oinarrizko Osasun Laguntzako Kudeatzailetzarentzako ohiko kontsumo produktuen edo ekipamendu inbertsioen baldintza-agiri administratiboak egitea.

h) Biltegietan banaketa egiteko ibilbideak egitea, premiazko garraioak eskatzea, eta Oinarrizko Osasun Laguntzako Kudeatzailetzako zentroetara materialak garraiatzeko eta antolatzeko enpresa esleipendunari jarraibideak ematea.

i) Kudeatzailetzari aholkuak ematea, bere eginkizun teknikoekin zerikusia duten gai guztietan.

j) Bere eginkizun teknikoekin zerikusia duten gainerako funtzio guztiak".

7. 26. artikulua aldatzen da, eta honela idatzita geldituko da:

"26. artikulua. Zerbitzu Orokorren eta Mantentze-lanen Atalaren egitura.

Zerbitzu Orokorren eta Mantentze-lanen Atalak unitate hau du bere egituran:

a) Mantentze-lanen Unitatea".

5. artikulua. Osasuneko kontseilariaren ekainaren 30eko 55/2016 Foru Agindua aldatzea. Foru agindu horren bidez, Lizarrako Osasun Barrutiaren osasun laguntzako eta osasun laguntzaz kanpoko egitura organikoa ezarri zen.

1. 2. artikulua aldatzen da, eta honela idatzita geldituko da:

"2. artikulua. Zuzenean Osasun Barrutiko Kudeatzailetzaren mende dauden unitate organikoak.

1. Honako unitate organiko hauek daude zuzenean Osasun Barrutiko Kudeatzailetzaren mende:

a) Oinarrizko Osasun Laguntzaren eta Laguntzaren Jarraitutasunerako Zuzendariordetza.

b) Osasun Barrutiko Zainketa Asistentzialen Zerbitzua.

c) Osasun Barrutiko Profesionalen Zerbitzua.

d) Osasun Barrutiko Kudeaketa Ekonomikoaren eta Zerbitzu Orokorren Zerbitzua.

e) Anestesia eta Konorteratze Zerbitzua.

f) Kirurgia Orokorraren Zerbitzua.

g) Barne Medikuntza Zerbitzua.

h) Obstetrizia eta Ginekologia Zerbitzua.

i) Pediatria Atala.

j) Traumatologiaren eta Kirurgia Ortopedikoaren Zerbitzua.

k) Larrialdi Atala.

l) Erradiologia Atala.

m) Farmazia Atala.

n) Oftalmologia Atala.

o) Errehabilitazio Atala.

p) Analisi Klinikoen eta Laborategiko Atala.

q) Otorrinolaringologia Unitatea.

r) Urologia Unitatea.

2 Kudeatzailetzaren zuzendaritzapean medikuntza intentsiboko eta dermatologiako eginkizunak beteko dira".

2. 3. artikulua aldatzen da, eta honela idatzita geldituko da:

"3. artikulua. Oinarrizko Osasun Laguntzaren eta Laguntzaren Jarraitutasunerako Zuzendariordetzaren egitura.

1. Oinarrizko Osasun Laguntzaren eta Laguntzaren Jarraitutasunerako Zuzendariordertzak zuzenean Lizarrako Osasun Barrutiko Kudeatzailetzaren mende jardunen du, eta Lizarrako Osasun Barrutiari dagozkion oinarrizko osasun laguntzako langileak eta baliabideak biltzen ditu.

2 Lizarrako Osasun Barrutiko Oinarrizko Osasun Laguntzaren eta Laguntzaren Jarraitutasunerako Zuzendariordetzak bere egituran zentro hauek ditu:

a) Alloko OOLT.

b) Antzin-Ameskoetako OOLT.

c) Lizarrako OOLT.

d) Lodosako OOLT.

e) Los Arcosko OOLT.

f) San Adriango OOLT.

g) Vianako OOLT.

h) Villatuertako OOLT.

3. Aurreko atalean zehazten diren oinarrizko osasun laguntzako taldeek egitura organiko hau dute:

a) Alloko OOLT: Alloko OOLTko zuzendaritza eta Alloko OOLTko Erizaintza Unitateko burutza.

b) Antzin-Ameskoetako OOLT: Antzin-Ameskoetako OOLTko zuzendaritza eta Antzin-Ameskoetako OOLTko Erizaintza Unitateko burutza.

c) Lizarrako OOLT: Lizarrako OOLTko zuzendaritza, Lizarrako OOLTko Erizaintza Unitateko burutza eta Lizarrako OOLTko Unitate Administratiboko burutza.

d) Lodosako OOLT: Lodosako OOLTko zuzendaritza, Lodosako OOLTko Erizaintza Unitateko burutza eta Lodosako OOLTko Unitate Administratiboko burutza.

e) Los Arcosko OOLT: Los Arcosko OOLTko zuzendaritza eta Los Arcosko OOLTko Erizaintza Unitateko burutza.

f) San Adriango OOLT: San Adriango OOLTko zuzendaritza, San Adriango OOLTko Erizaintza Unitateko burutza eta San Adriango OOLTko Unitate Administratiboko burutza.

g) Vianako OOLT: Vianako OOLTko zuzendaritza eta Vianako OOLTko Erizaintza Unitateko burutza.

h) Villatuertako OOLT: Villatuertako OOLTko zuzendaritza eta Villatuertako OOLTko Erizaintza Unitateko burutza".

3. Kendu egiten da 4 artikulua.

6. artikulua. Osasuneko kontseilariaren abuztuaren 8ko 52/2012 Foru Agindua aldatzen da. Foru agindu horren bidez, Osasunbidea-Nafarroako Osasun Zerbitzuaren egitura ezarri zen osasun laguntzaz kanpoko atalen eta osasun laguntzaz kanpoko unitateen mailan.

1. Artikulu bakarraren bosgarren apartatua aldatzen da, eta honela idatzita geldituko da:

"1. Osasun Mentaleko Kudeatzailetzak honako laguntzaz kanpoko egitura hau du:

–Koordinazio Soziosanitarioaren Atala.

2 Koordinazio Soziosanitarioaren Atalaren eginkizunak.

Koordinazio Soziosanitarioaren Atalak eginkizun hauek ditu:

a) Osasun Mentaleko Kudeatzailetzaren zeharkako programei eta ildo estrategikoei gizarte-dimentsioa ematea.

b) Osasun Mentaleko ildo estrategikoak integratzea Osasun Departamentuko, Nafarroako Gobernuko beste departamentu batzuetako eta beste estrategia batzuetako koordinazio soziosanitarioko arloetan.

c) Beste departamentuekin koordinaturik eta lankidetzan aritzea ongizate emozionala sustatzeko ekintza komunitarioetan.

d) Gizarte arloko baliabideekin, erakundeekin eta elkarri laguntzeko sareekin koordinatzea.

e) Erabiltzaileen eta familien parte-hartzea sustatzea.

f) Nafarroako Osasun Mentaleko Sareak artatutako biztanleen artean gizarte-laguntzako premiak detektatzea, kolektibo kalteberen arreta lehenetsiz:

–Nafarroako Osasun Mentaleko Sareak artatzen dituen emakumeen artean, goiz detektatu eta esku hartzea genero-indarkeria pairatzen dutenen edo pairatzeko arriskuan daudenen kasuetan.

–Haur eta gazteen artean arrisku-egoeren detekzio goiztiarra.

–Osasun mentaleko arazoak dituzten etxerik gabeko pertsonak.

g) Desgaitasuna duten pertsonei beren gaitasun juridikoa baliatzen laguntzeko legedi zibil eta prozesala aldatzen duen ekainaren 2ko 8/2021 Legean ezarritako prozedura judizial berriaren ezarpenaren jarraipena egitea. Horrek esan nahi du epaitegietatik Osasun Mentaleko Pazienteen Arretarako Unitatera bidalitako txosten eskaerak jaso behar direla, eta Eskubide Sozialetako Departamentuko Pertsonen Autonomiarako eta Garapenerako Nafarroako Agentziara (PAGNA) bidali.

h) Departamentuen arteko koordinazioan laguntzea, osasunaren eta gizartearen aldetik konplexuak diren kasuetan laguntza emateko.

i) Nafarroako Osasun Mentaleko Sareko gizarte laguntzaileekin koordinazio teknikoa, Osasun Mentaleko kudeatzaileak onetsitako Gizarte Laneko Zerbitzu-karta garatzeko, baliabide soziokomunitarioen laguntza indartuz.

3. Osasun Mentaleko Kudeaketa Ekonomikoaren eta Profesionalen Zerbitzua.

Osasun Mentaleko Kudeaketa Ekonomikoaren eta Profesionalen Zerbitzuak egitura hau du:

a) Langileria Atala.

b) Administrazio Atala.

c) Zerbitzu Orokorren Atala.

d) Ordainsarien eta Gizarte Segurantzaren Atala.

4. Langileria Atalaren eginkizunak.

Langileria Atalak eginkizun hauek ditu:

a) Osasun Mentaleko Kudeatzailetzako langileriaren erregistro bateratua, espediente pertsonalak, plantilla organikoa eta zuzendaritzari atxikitako langileen zerrenda ireki, mantendu eta eguneratzea.

b) Aldi baterako langileen kontratazioa ezarrita dagoen aldi baterako prozeduraren bitartez formalizatzea, deiak kudeatuz eta aldi baterako kontrataziorako indarra duten zerrenden jarraipena kontrolatuz.

c) Langileen arloko aginte-taula eta estatistikak prestatzen laguntzea.

d) Osasun Mentaleko Kudeatzailetzari atxikitako langileen lan harremanari buruzko dokumentazioa tramitatzea.

e) Barne mugikortasuneko prozedurak eta langileria arloko eskaerak tramitatzea.

f) Aurrekoekin loturik, Osasun Mentaleko Kudeaketa Ekonomikoaren eta Profesionalen Zerbitzuko buruak berariaz agintzen dizkionak.

5. Administrazio Atalaren eginkizunak.

Administrazio Atalak eginkizun hauek ditu:

a) Osasun Mentaleko kontabilitatearen kudeaketa eta fakturazioa garatzea, bai eta kontabilitatearen eta aurrekontuen arloan aldian aldiko informazioa ematea ere.

b) Gastuaren kudeaketa kontrolatzea eta ebaluatzea, izandako desbideraketak aztertuz.

c) Prestazio eta zerbitzu berrien ondorio ekonomikoei buruzko txostena egitea, baita Osasunbidea-Nafarroako Osasun Zerbitzuan osasun mentaleko laguntzaren arloan ezartzen diren helburuen gaineko akordioei buruz ere.

d) Aurrekoekin loturik, Osasun Mentaleko Kudeaketa Ekonomikoaren eta Profesionalen Zerbitzuko buruak berariaz agintzen dizkionak.

6. Zerbitzu Orokorren Atalaren eginkizunak.

Zerbitzu Orokorren Atalak eginkizun hauek ditu:

a) Ematen diren zerbitzu orokorrak koordinatzea, hala nola, arropa garbitzea, arropa zuria, garbiketa, posta-gela, telefonogunea, informazioa, kanpoko zainketak, komunikazioak, hondakinen kudeaketa, elikadura, segurtasuna, mezularitza eta posta.

b) Zerbitzuak behar bezala eta behar den momentuan ematen direla bermatzea.

c) Zerbitzuak gauzatzean bete behar diren baldintzak prestatzea, eta horien gaineko kontrola egitea.

d) Aurrekoekin loturik, Osasun Mentaleko Kudeaketa Ekonomikoaren eta Profesionalen Zerbitzuko buruak berariaz agintzen dizkionak.

7. Zerbitzu Orokorren Atalaren egitura.

Zerbitzu Orokorren Atalak osasun laguntzaz kanpoko unitate hauek ditu bere egituran:

a) Mantentze-lanen Unitatea.

b) Arropategi Unitatea.

8. Mantentze-lanen Unitatearen eginkizunak.

Mantentze-lanen Unitateak eginkizun hauek ditu:

a) Eraikinen, ekipamenduen eta instalazioen zainketa eta funtzionamendu egokia segurtatzea.

b) Ibilgetuaren eta ekipamenduaren mantentze-lan prebentibo eta zuzentzaileetarako programak prestatzea eta gauzatzea.

c) Instalazioen segurtasun industriala kudeatzea.

d) Aurrekoekin loturik, Osasun Mentaleko Zerbitzu Orokorren Ataleko buruak berariaz agintzen dizkionak.

9. Arropategi Unitatearen eginkizunak.

Arropategi Unitateak eginkizun hauek ditu:

a) Unitateetan arropa zikina bildu eta arropa garbia banatzea.

b) Beharrezkoa den arropa eskura dadila proposatzea.

c) Uniformeak banatzea.

d) Arroparen egoera ona bermatzea.

e) Arropa-garbiketako enpresak kudeatzen duen arropa kontrolatzea.

e) Aurrekoekin loturik, Osasun Mentaleko Zerbitzu Orokorren Ataleko buruak berariaz agintzen dizkionak.

10. Ordainsarien eta Gizarte Segurantzaren Atalaren eginkizunak.

Ordainsarien eta Gizarte Segurantzaren Atalak eginkizun hauek ditu:

a) Langileen nominak, aurreikuspen sozialeko sistemak, osasun laguntza eta prestazio ekonomikoak tramitatzea eta kudeatzea eta horren inguruko dokumentazio guztia kudeatzea.

b) I. kapituluaren kontrolean eta segimenduan laguntzea, segimendu txostenak eginez.

c) Aldi baterako ezintasunen ondoriozko baja eta alta agiriak tramitatu eta kontrolatzea.

d) Aurrekoekin loturik, Osasun Mentaleko Kudeaketa Ekonomikoaren eta Profesionalen Zerbitzuko buruak berariaz agintzen dizkionak".

Xedapen gehigarri bakarra.–Izendapenen berrespena.

Honako izendapen hauek berresten dira, egin ziren baldintza berberetan:

1) Kostuaren Kontrolerako Ataleko buruarena, Kudeaketa Ekonomikoa Laguntzeko Ataleko buru gisa.

2) Kostuaren Analisirako Ataleko buruarena, Kontabilitate Analitikoaren Ataleko buru gisa.

Xedapen indargabetzaile bakarra.–Indargabetzea.

Otsailaren 2ko 12/2016 Foru Aginduaren artikulu bakarraren lehen apartatua indargabetzen da. Foru agindu horren bidez, Osasunbidea-Nafarroako Osasun Zerbitzuko Kudeaketako Zuzendaritzaren eta organo zentralen egitura osasun laguntzaz kanpoko atal eta unitateen mailan ezarri zen.

Azken xedapen bakarra.–Indarra hartzea.

Foru agindu honek Nafarroako Aldizkari Ofizialean argitaratzen den egunean hartuko du indarra.

Iruñean, 2024ko maiatzaren 27an.–Osasuneko kontseilaria, Fernando Domínguez Cunchillos.

Iragarkiaren kodea: F2408570