3. ESTATUKO ADMINISTRAZIOA
GOBERNUAREN ORDEZKARITZA
Jendaurreko informazioa. Labraza haize-parkearen (instalatutako potentzia: 40 MW) eta haren ebakuazio-azpiegituraren zati baten proiektu eguneratuaren onura publikoaren deklarazioaren eskaera (PEol-459 espedientea)
Gobernuaren Arabako Ordezkariordetzako Industria eta Energia Arloaren eta Gobernuaren Nafarroako Ordezkaritza Ordezkaritzako Industria eta Energia Arloaren iragarkia.
Jendaurrean jartzen da idazpuruko espedientearen onura publikoa zehazki deklaratzeko eskaera, hori guztia Sektore Elektrikoari buruzko abenduaren 26ko 24/2013 Legearen 55. artikuluan eta hurrengoetan eta Energia elektrikoa garraiatu, banatu, merkaturatu eta hornidura egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 143. artikuluan eta hurrengoetan aurreikusitako ondorioetarako. Hona hemen espedientearen ezaugarri nagusiak:
Eskatzailea: AIXEINDAR SA (IFKa: A01580562); egoitza soziala: Urartea kalea 2, 01010 Vitoria-Gasteiz.
Eskaeraren xedea: Labraza haize-parkearen (instalatutako potentzia: 40MW) eta haren ebakuazio-azpiegituraren zati baten (30 KV-eko lurpeko zirkuituak eta 30/220 kV-eko Las Llanas de Codes TAEa handitzea) onura publikoa zehazki deklaratzeko eskaera, Nafarroako Foru Komunitatean eta Arabako Lurralde Historikoan.
Organo eskuduna: Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da onura publikoa zehazki deklaratzeko eskaera ebazteko eskumena duen organo substantiboa.
Tramitazio organoak: Gobernuaren Arabako Ordezkariordetzako Industria eta Energia Arlo Funtzionala (Olagibel kalea 1, 01071 Gasteiz) eta Gobernuaren Nafarroako Ordezkaritzako Industria eta Energia Arlo Funtzionala (Merindadeen plaza, z.g., 31071 Iruña).
Instalazioen deskribapena: 40 MW-eko potentzia daukan Labraza haize-parkea (honako hauek osatzen dute: 8 haize-sorgailu eta haiei lotutako azpiegiturak), 30 KV-eko lur azpiko interkonexio-lineak eta 30/220 kV-eko Las Llanas de Codes TAEa handitzea.
Haize-parkeko 8 haize-sorgailuak Oiongo udal-mugartean (Araba) egonen dira, eta azpiestazio jasotzailea, berriz, Aguilar Kodesko udal-mugartean (Nafarroa). Lur azpiko ebakuazio lineek eta sarbideek bi udal-mugarteak ukituko dituzte.
Xedea: energia elektrikoa sortzea haize-parke baten bidez, eta hura ateratzea energia elektrikoaren garraio sarera.
Hala xedatuta baitago Sektore Elektrikoari buruzko abenduaren 26ko 24/2013 Legearen 56.1 artikuluan eta Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 149. artikuluan, onura publikoa zehazki deklaratzeak berarekin dakar ukitutako ondasunak okupatu edo eskubideak erosi beharra, bai eta presako okupazioa ere, Nahitaezko Desjabetzeari buruzko Legearen 52. artikuluan jasotako ondorioak izateko.
Aditzera ematen da, orok jakin dezan, batez ere proiektatutako jarduketak ukitutako jabeek eta gainerako titularrek. Haien ondasunen zerrenda iragarki honen amaieran jasotzen da, Sektore Elektrikoari buruzko abenduaren 26ko 24/2013 Legearen 55. artikuluaren ondorioetarako, eta bat etorriz Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 144. artikuluan xedatutakoarekin. Aditzera ematen da, orobat, ukitutako ondasunen gaineko eskubide errealen edo interes ekonomikoen titularrak izan eta zerrenda horretan ageri ez direnek ere jakin dezaten, proiektua aztertu ahal izan dezaten Gobernuaren Arabako Ordezkariordetzako Industria eta Energia Arlo Funtzionalean (Olagibel kalea 1, 01071 Gasteiz) eta Gobernuaren Nafarroako Ordezkaritzako Industria eta Energia Arlo Funtzionalaren bulegoan (Merindadeen plaza z.g., 31071, Iruña), aurretik hitzordua eskatuta, edo esteka honetan:
https://mpt.gob.es/eu/delegaciones_gobierno/delegaciones/navarra/proyectos-ci.html
Gainera, iragarki hau argitaratzen da Administrazio Publikoen Administrazio Prozedura Erkideari buruzko urriaren 1eko 39/2015 Legearen 4. artikuluaren ondorioetarako, pertsona interesdun guztiek aztertu ahal izan ditzaten proiektuaren agiri guztiak eta, orobat, egoki iruditzen zaizkien alegazioak egin ahal izan ditzaten.
Interesdunek bidezkotzat jotzen dituzten alegazioak aurkezten ahal dituzte, arlo horiei zuzenduak, iragarki hau argitaratu eta biharamunetik hasita hogeita hamar egun balioduneko epean, bai idatziz, euskarri fisiko batean, Gobernuaren ordezkariordetzaren eta ordezkaritzaren erregistro orokorretan, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan.
Ohartarazten da ezen pertsona juridikoak, nortasun juridikorik gabeko entitateak eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 14. artikuluan identifikatutako bestelako subjektuak behartuak daudela baliabide elektronikoak erabiltzera administrazio publikoekin dituzten harremanetan, administrazio prozedura baten edozein tramite egin behar duten aldiro. Hortaz, subjektu horiek jendaurreko informazioaren tramite honen barruan egiten dituzten alegazio guztiak baliabide elektronikoen bidez behar bezala aurkeztu beharko dira nahitaez.
Argitalpen hau egiten da Administrazio Publikoen Administrazio Prozedura Erkideari buruzko urriaren 1eko 39/2015 Legearen 44. eta 45. artikuluetan aurreikusitako jakinarazpenaren ondorioetarako.
Iruñean, 2024ko apirilaren 18an.–Gobernuak Nafarroan duen Ordezkaritzako Industria eta Energia Arloko zuzendaria, Ignacio Irujo Sanz.
Ukitutako ondasun eta eskubideen zerrenda. PEol-459 (XLSX).
Iragarkiaren kodea: E2407789