1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
NAFARROAKO FORU KOMUNITATEKO LEHENDAKARIAREN 9/2024 FORU DEKRETUA, maiatzaren 27koa, zeinaren bidez Ana Clara Villanueva Latorre andrea Nafarroako Kontseiluko kide izendatzen baita.
Nafarroako Kontseiluari buruzko ekainaren 9ko 8/2016 Foru Legearen 3.1 artikuluak xedatzen du Nafarroako Parlamentuko Osoko Bilkurari dagokiola Nafarroako Kontseiluko kide izendatzeko proposatuko diren pertsonak hautatzea gehiengo osoz.
Foru lege horren 4.1 artikuluak ezartzen duenez, Nafarroako Parlamentuko lehendakariak hautatzen den pertsonaren izena jakinaraziko dio Foru Komunitateko lehendakariari, hura izenda dezan.
Nafarroako Parlamentuko lehendakariak, 2024ko maiatzaren 17ko idazki baten bidez, aditzera eman du Nafarroako Parlamentuko Osoko Bilkurak 2024ko maiatzaren 16an egindako bilkuran erabaki duela Ana Clara Villanueva Latorre andrea hautatzea Nafarroako Kontseiluko kide izan dadin.
Horrenbestez, Nafarroako Kontseiluari buruzko ekainaren 9ko 8/2016 Foru Legeak ematen dizkidan ahalmenak erabiliz,
DEKRETATZEN DUT:
1. Ana Clara Villanueva Latorre andrea Nafarroako Kontseiluko kide izendatzea, zeinak izendapenaren dataren ondoren 30 egun naturaleko epea izanen baitu karguaz jabetzeko.
2. Nafarroako Foru Komunitateko lehendakariaren foru dekretu hau Nafarroako Parlamentura eta Nafarroako Kontseilura igortzea, eta Ana Clara Villanueva Latorre andreari jakinaraztea.
3. Nafarroako Aldizkari Ofizialean argitara dadila agintzea, behar diren ondorioak izan ditzan.
Iruñean, 2024ko maiatzaren 27an.–Nafarroako Foru Komunitateko lehendakaria, María Chivite Navascués.
Iragarkiaren kodea: F2408533