1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
63/2024 FORU AGINDUA, maiatzaren 27koa, Ekonomia eta Ogasuneko kontseilariak emana, zeinaren bidez zuzentzen baitira foru agindu honetan ikusitako akatsak: 78/2023 Foru Agindua, azaroaren 16koa, Ekonomia eta Ogasuneko kontseilariak emana, zeinaren bidez onesten baitira 592 eredua, "Berrerabili ezin diren plastikozko ontzien gaineko zerga berezia. Autolikidazioa" izenekoa, eta A22 eredua, "Berrerabili ezin diren plastikozko ontzien gaineko zerga berezia. Itzultzeko eskaera" izenekoa, eta arautzen baitira lurralde erregistroko inskripzioa, kontabilitate-lana eta izakinen erregistro liburuaren aurkezpena.
Foru agindu honetan akatsak daudela ikusi da: 78/2023 Foru Agindua, azaroaren 16koa, Ekonomia eta Ogasuneko kontseilariak emana, zeinaren bidez onesten baitira 592 eredua, "Berrerabili ezin diren plastikozko ontzien gaineko zerga berezia. Autolikidazioa" izenekoa, eta A22 eredua, "Berrerabili ezin diren plastikozko ontzien gaineko zerga berezia. Itzultzeko eskaera" izenekoa, eta arautzen baitira lurralde erregistroko inskripzioa, kontabilitate-lana eta izakinen erregistro liburuaren aurkezpena. Hortaz, zilegi da akatsok zuzentzea, bat etorriz ezarrita dagoenarekin Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluan. Izan ere, hartan xedatuta dago administrazio publikoek, ofizioz edo interesdunek eskatuta, edozein unetan zuzentzen ahal dituzte beren egintzetako akats materialak, egitatezkoak edo aritmetikoak.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 125.1 artikuluak ezartzen duenaren arabera, administrazio egintzetan egiten diren akats material, aritmetiko edo egitatezkoak zuzentzea kasuan kasuko egintza eman duen organoari dagokio.
Horrenbestez,
AGINTZEN DUT:
1. Foru agindu honetan ikusi diren akatsak zuzentzea, beherago adierazitako moduan: 78/2023 Foru Agindua, azaroaren 16koa, Ekonomia eta Ogasuneko kontseilariak emana, zeinaren bidez onesten baitira 592 eredua, "Berrerabili ezin diren plastikozko ontzien gaineko zerga berezia. Autolikidazioa" izenekoa, eta A22 eredua, "Berrerabili ezin diren plastikozko ontzien gaineko zerga berezia. Itzultzeko eskaera" izenekoa, eta arautzen baitira lurralde erregistroko inskripzioa, kontabilitate-lana eta izakinen erregistro liburuaren aurkezpena.
"VI. ERANSKINA.–KONTABILITATEA" atalean, "ZERGA-ARAUBIDEA EREMUA"ko taularen ordez, honako hau sartzea:
ZERGA-ARAUBIDEA | KODEA |
Lotura eta salbuespenik eza | a |
14/2023 Foru Legearen 6.a) artikuluko loturarik eza | b |
14/2023 Foru Legearen 6.b) artikuluko loturarik eza | c |
14/2023 Foru Legearen 6.c) artikuluko loturarik eza | d |
14/2023 Foru Legearen 6.d) artikuluko loturarik eza | e |
14/2023 Foru Legearen 8.a.1 artikuluko salbuespena | f |
14/2023 Foru Legearen 8.a.2 artikuluko salbuespena | g |
14/2023 Foru Legearen 8.a.3 artikuluko salbuespena | h |
14/2023 Foru Legearen 8.c) artikuluko salbuespena. | i |
14/2023 Foru Legearen 8.g.1 artikuluko salbuespena | j |
14/2023 Foru Legearen 8.g.2 artikuluko salbuespena | k |
2. Foru agindu hau Nafarroako Aldizkari Ofizialean argitaratzea.
Iruñean, 2024ko maiatzaren 27an.–Ekonomia eta Ogasuneko kontseilaria, José Luis Arasti Pérez.
Iragarkiaren kodea: F2408547