1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA, Irunberriko udal-mugartean goi tentsioko instalazio elektriko bat jartzeko aurretiazko administrazio baimena eta eraikitzeko administrazio baimena emateari buruzkoa eta haren onura publikoa zehazki deklaratzeari buruzkoa (SAT11580 espedientea).
Bete beharrez Sektore Elektrikoari buruzko abenduaren 26ko 24/2013 Legearen 55. artikuluan eta abenduaren 1eko 1955/2000 Errege Dekretuaren 125. eta 144. artikuluetan xedatutakoa (errege dekretu horren bidez arautzen dira argindarra garraiatu, banatu, merkaturatu eta hornitzeko jarduerak eta instalazioak baimentzeko prozedura), jendaurrean jartzen da goi tentsioko instalazio honi dagokion espedientea:
–Eskatzailea: I-DE Redes Eléctricas Inteligentes SAU.
–Xedea: proiektua eta ukitutako ondasun eta eskubideen zerrenda jendaurrean jartzea, aurretiazko administrazio baimena eta eraikitzeko baimen administratiboa lortzeko eta onura publikoa zehazki deklaratu dadin.
–Deskribapena: erdi-tentsioko lurpeko linea eta transformazio zentroa, Irunberriko udal-mugartean.
–Helburua: "Joluga" haize-parkearen (1174-CE) 66 kV-eko banaketa-azpiestazioaren zerbitzu osagarriak elikatzea.
Onura publikoaren deklarazioak berekin dakar, beti, ondasunak okupatu beharra edo ukitutako eskubideak eskuratu beharra, eta presako okupazioa ekarriko du, 1954ko abenduaren 16ko Nahitaezko Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze espedientean, lege horren 2.2 artikuluan ezarritakoari jarraikiz.
Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko. Dokumentazioa esteka honetan ere aztertzen ahalko da:
https://gobiernoabierto.navarra.es/eu/gardentasuna/jendaurreko-informazioaren-tramitea/espediente-sat11580
Alegazioak, iradokizunak edo oharrak idatziz aurkeztu beharko dira, 30 egun balioduneko epean iragarki hau Nafarroako Aldizkari Ofizialean argitaratu eta biharamunetik aitzina, edozein erregistro bulegotan, Nafarroako Gobernuaren Erregistro Orokor Elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako beste edozein bide erabiliz. Behar bezala jaso daitezen, Industriako eta Enpresen Trantsizio Ekologiko eta Digitalerako Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalari zuzendu behar zaizkio, espediente kodea adierazita.
Iruñean, 2023ko abenduaren 21ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
SAT11580 ESPEDIENTEAK UKITUTAKO ONDASUN ETA ESKUBIDEEN ZERRENDA, HAREN ONURA PUBLIKOA ZEHAZKI DEKLARATZEKO
ORDENA ZK. | KATASTROKO DATUAK | TITULARRA ETA HELBIDEA | UKIPENAK | OHARRAK |
Udalerria | Poligonoa | Lurzatia | Katastroko erreferentzia | Lur mota / Laborea | Titularra | Herria | Probintzia | Kutxatila kop. | Kutxatilen okupazioa (m²) | Kanalizazioaren luzera (m) | Kanalizazioaren azalera (m²) | Aldi baterako okupazioa (m²) |
1 | Irunberri | 2 | 1174 | 310000000002370320IU | Basoa-Larreak | Irunberriko Udalaren herri-lurrak | Irunberri | Nafarroa | | | 2,16 | 2,163 | 36,150 | Herri-basoa eta onura publikoko mendia |
2 | Irunberri | 2 | 8 | 310000000002370284TR | Elkorra-Altxonbidea | Nafarroako Foru Komunitatea (altxonbideak) | Irunberri | Nafarroa | 2 | 11,14 | 104,01 | 99,303 | 768,122 | Altxonbidea |
3 | Irunberri | 1 | 217 | 310000000002370314TR | Elkorra-Altxonbidea | Nafarroako Foru Komunitatea (altxonbideak) | Irunberri | Nafarroa | 2 | 11,14 | 162,18 | 157,505 | 989,051 | Altxonbidea |
4 | Irunberri | 1 | 89 | 310000000002370260PO | Elkorra-Altxonbidea | Nafarroako Foru Komunitatea (errepidea-altxonbidea) | Irunberri | Nafarroa | | | 15,60 | 15,597 | 109,177 | Altxonbidea |
5 | Irunberri | 1 | 216 | 310000000002370282EW | Elkorra-Altxonbidea | Nafarroako Foru Komunitatea (altxonbideak) | Irunberri | Nafarroa | 2 | 11,14 | 149,83 | 144,974 | 995,305 | Altxonbidea |
6 | Irunberri | 1 | 1021 | 310000000001270459KL | Elkorra-Altxonbidea | Nafarroako Foru Komunitatea (altxonbideak) | Irunberri | Nafarroa | 1 | 5,57 | 60,96 | 58,500 | 512,241 | Altxonbidea |
7.01 | Irunberri | 1 | 1044 | 310000000002370262SA | Lehorreko alorra | Jesús Iribarren Pérez | Irunberri | Nafarroa | | | 1,80 | 1,799 | 12,594 | Jabearekin sinatutako akordioa |
7.02 | Irunberri | 1 | 1044 | 310000000002370262SA | Lehorreko alorra | Jesús Iribarren Pérez | Irunberri | Nafarroa | | | 16,15 | 16,153 | 113,061 | Jabearekin sinatutako akordioa |
Iragarkiaren kodea: F2318233
