1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
149/2024 EBAZPENA, maiatzaren 2koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, zeinaren bidez izendatzen baitira Lanbide Heziketako ikastetxe bateratu publikoetako zuzendariak, 2024-2025 ikasturtean lanean hasiko direnak.
Martxoaren 29ko 42/2017 Foru Aginduaren bidez, arauak eman ziren Departamentuaren mendeko ikastetxe bateratu publikoetako zuzendariak hautatu (izendapen librearen bidez), ebaluatu eta haien izendapena berritzeko(eman genuen itzulpenari gertuagotik jarraitzeko).
2023-2024 ikasturtean, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren abenduaren 22ko 332/2023 Ebazpenaren bidez, deialdi bat onetsi zen Nafarroako Gobernuko Hezkuntza Departamentuaren mendeko Lanbide Heziketako ikastetxe bateratu publikoetako zuzendarien lanpostuak izendapen librearen bidez betetzeko. Zortzi ikastetxe bateratutan egin zen zuzendariaren lanpostua betetzeko deialdia.
Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren martxoaren 12ko 76/2024 Ebazpenaren bidez, onartutako eta baztertutako hautagaien behin betiko zerrenda onetsi zen Nafarroako Gobernuko Hezkuntza Departamentuaren mendeko ikastetxe bateratu publikoetako zuzendarien lanpostua izendapen librearen bidez betetzeko deialdian.
Bi ikastetxe bateratutan aurkeztu ziren hautagaiak: Lizarrako IB Politeknikoa eta San Juan - Donibane IB.
Beraz, hautagaitza aurkeztu den bi ikastetxe bateratuetan egin da ikastetxe bateratuko zuzendaria izendapen librearen bidez betetzeko prozedura.
Abenduaren 22ko 332/2023 Ebazpenaren bidez onetsitako deialdiaren zazpigarren oinarriak ikastetxe bateratuko zuzendariaren eta zuzendaritza-taldearen izendapena arautzen du, eta adierazten du hautatutako hautagaiak Lanbide Heziketako, Digitalizazioko eta Hezkuntza Zerbitzuetako zuzendari nagusiaren ebazpen bidez izendatuko direla, eta ebazpen hori interesdunari eta Hezkuntza Departamentuko Irakasleak Hautatzeko eta Lanpostuak Betetzeko Zerbitzuari igorriko zaie, zuzendari izenda ditzaten, lau urteko aldirako.
Oinarri horren hirugarren atalak ezartzen duenez, Irakasleak Hautatzeko eta Lanpostuak Betetzeko Zerbitzuaren ebazpen bidez izendatuko dira zuzendaritza-taldeak, ikastetxe bateratuko zuzendaria izendatzen den aldi bererako.
Bestalde, abenduaren 22ko 332/2023 Ebazpenaren bidez onetsitako deialdiaren zortzigarren oinarriak hautaketa eta izendapen bereziak arautzen ditu hautagairik ez duten ikastetxeetan. Lanbide Heziketako, Digitalizazioko eta Hezkuntza Zerbitzuetako zuzendari nagusiaren ebazpen bidez, izendapen berezi bat eginen da, eta interesdunei eta Irakasleak Hautatzeko eta Lanpostuak Betetzeko Zerbitzuari igorriko zaie, izendapena egiteko izendapenaren iraupenerako.
Oinarri horren hirugarren atalak ezartzen duenez, Irakasleak Hautatzeko eta Lanpostuak Betetzeko Zerbitzuaren ebazpen bidez eginen da zuzendaritza-taldearen izendapen berezia, ikastetxe bateratuko zuzendariaren izendapen berezia egiten den aldi bererako.
Horrenbestez, eta martxoaren 29ko 42/2017 Foru Aginduan ezarritakoarekin bat etorriz, bidezkoa da ikastetxe bateratu publikoetako zuzendariak izendatzea, baldin eta haien zuzendaritzaren lanpostuaren deialdia abenduaren 22ko 332/2023 Ebazpenaren bidez egin bada.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,
EBAZTEN DUT:
1. 2024-2025 ikasturtean lanean hasiko diren Lanbide Heziketako ikastetxe bateratu publikoetako zuzendariak izendatzea hautagaitza izan duten ikastetxe bateratuetan, ebazpen honen 1. eranskinean ezarritakoaren arabera, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren abenduaren 22ko 332/2023 Ebazpenaren bidez onetsitako deialdiaren barnean.
2. 2024-2025 ikasturtean lanean hasiko diren Lanbide Heziketako ikastetxe bateratu publikoetako zuzendarien izendapen berezia egitea hautagairik izan ez duten ikastetxe bateratuetan, ebazpen honen 2. eranskinean ezarritakoaren arabera, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren abenduaren 22ko 332/2023 Ebazpenaren bidez onetsitako deialdiaren barnean.
3. Ebazpen honen eta eranskinen aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta hurrengo egunetik aurrera zenbatzen hasita.
4. Ebazpen hau eta eranskinak Nafarroako Aldizkari Ofizialean argitaratzea.
5. Ebazpen hau eta eranskinak igortzea, behar diren ondorioak izan ditzaten, Idazkaritza Tekniko Nagusira, Hezkuntza Zuzendaritza Nagusira, Langileriaren eta Azpiegituren Zuzendaritza Nagusira, Hezkuntzako Ikuskapen Zerbitzura, Aldi Baterako Langileak Kudeatzeko Zerbitzura, Irakasleak Hautatzeko eta Lanpostuak Betetzeko Zerbitzura, Nominen eta Gizarte Aseguruen Zerbitzura, Lanbide Heziketaren Modernizaziorako eta Berrikuntzarako Zerbitzura, Lanbide Heziketaren Plangintza eta Integraziorako Zerbitzura, Hezkuntzako Informazio Sistemen Zerbitzura; Nominen Atalera, Gizarte Aseguruen Atalera, Lanpostuak Betetzeko Atalera, Plantillen Atalera, Araubide Juridikoaren Zerbitzuko Kontrol Administratiboaren Atalera eta hautatutako pertsonei, eragiten dien zatian.
Iruñean, 2024ko maiatzaren 2an.–Antolamendu, Hezkuntzako Teknologien eta IKT Azpiegituren Zerbitzuko zuzendaria, Juan Ardaiz Astráin (128/2023 Foru Agindua, abenduaren 1ekoa, Hezkuntzako kontseilariak emana, Hezkuntza Departamentuko zuzendari nagusien eta idazkari tekniko nagusiaren ordez aldi baterako arituko direnak izendatzen dituena).
1. ERANSKINA.–IKASTETXE BATERATUETAKO ZUZENDARIAK IZENDATZEA
Deialdia, Hezkuntza Departamentuaren mendeko Lanbide Heziketako ikastetxe bateratu publikoetako zuzendarien lanpostuak izendapen librearen bidez betetzeko, Irakasleak Hautatzeko eta Lanpostuak Betetzeko Zerbitzuko zuzendariaren abenduaren 22ko 332/2023 Ebazpenaren bidez onetsia.
LANTOKIA | KARGUA | IZENA | HASIERA | BUKAERA |
LIZARRAKO IB POLITEKNIKOA | Zuzendaria | GÓMEZ ARRIOLA, JAVIER | 2024-07-01 | 2028-06-30 |
SAN JUAN - DONIBANE IB | Zuzendaria | COMPANY SALAVERRIA, MARÍA | 2024-07-01 | 2028-06-30 |
2. ERANSKINA.–IKASTETXE BATERATUETAKO ZUZENDARIEN IZENDAPEN BEREZIA
Deialdia, Hezkuntza Departamentuaren mendeko Lanbide Heziketako ikastetxe bateratu publikoetako zuzendarien lanpostuak izendapen librearen bidez betetzeko, Irakasleak Hautatzeko eta Lanpostuak Betetzeko Zerbitzuko zuzendariaren abenduaren 22ko 332/2023 Ebazpenaren bidez onetsia.
LANTOKIA | KARGUA | IZENA | HASIERA | BUKAERA |
SAKANA LH IBP | Zuzendaria | URBITARTE CABRERA, IGNACIO | 2024-07-01 | 2025-06-30 |
ELIZONDOKO LANBIDE ESKOLA IBP | Zuzendaria | GORROTXATEGUI PASCAL, IÑIGO | 2024-07-01 | 2025-06-30 |
LUMBIER IBP | Zuzendaria | GARCIA MOURIZ, NORA | 2024-07-01 | 2025-06-30 |
HEZITZAILE ESKOLA IBP | Zuzendaria | ETXEBERRIA RUIZ, EIDER | 2024-07-01 | 2026-06-30 |
DONAPEA IBP | Zuzendaria | MARTINEZ DEL CAMPO, MARIA LIBERTAD | 2024-07-01 | 2025-06-30 |
VIRGEN DEL CAMINO IBP | Zuzendaria | TISCAR PEÑA, JOSÉ MANUEL | 2024-07-01 | 2026-06-30 |
Iragarkiaren kodea: F2407391