1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1045/2024 EBAZPENA, 2024ko maiatzaren 6koa, Nafarroako Unibertsitate Publikoko errektoreak emana. Haren bidez, Nafarroako Unibertsitate Publikoko funtzionario izendatzen du Cristina Teresa Tejera Martín andrea, Liburutegiko OLko laguntzaile izateko (B maila), eta lanpostu bat esleitzen dio.
Ikusirik Cristina Teresa Tejera Martín andrearen aldeko izendapen-proposamena, 2024ko apirilaren 24an Nafarroako Unibertsitate Publikoaren iragarki ohol elektronikoan argitaraturikoa.
Izangaiak deialdiaren 10.2 oinarrian eskatzen den dokumentazioa aurkezturik, eta ezarritako baldintzak betetzen dituela egiaztaturik.
Ikusirik Giza Baliabideen Zerbitzuko zuzendariaren txosten proposamena.
Nafarroako Unibertsitate Publikoaren Estatutuen 40. artikuluan esleituak ditudan eskudantziez baliatuz,
EBAZTEN DUT:
Lehenbizikoa.–Cristina Teresa Tejera Martín andrea Nafarroako Unibertsitate Publikoko funtzionario izendatzea, Liburutegiko OLko laguntzaile izateko, eta 221 zenbakiko lanpostu hutsa esleitzea, B mailakoa, Liburutegiari atxikia (Arrosadiko campusa).
Bigarrena.–Izendatutako izangaiak 2024ko ekainaren 1ean jabetu beharko du lanpostuaz.
Hirugarrena.–Agintzea ebazpen hau Nafarroako Aldizkari Ofizialean argitara dadila, jakinaraztea interesdunari eta helaraztea Kudeatzailetzari.
Laugarrena.–Ebazpen honek Unibertsitate Sistemaren martxoaren 22ko 2/2023 Lege Organikoaren 38.4 artikuluan xedatutakoaren arabera, eta, haren kontra, zilegi da berraztertzeko errekurtsoa aurkeztea errektoreari zuzendua, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenbiziko kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2024ko maiatzaren 6an.–Errektorea, Ramón Gonzalo García.
Iragarkiaren kodea: F2407597
