104. ALDIZKARIA - 2024ko maiatzaren 21a

1. NAFARROAKO FORU KOMUNITATEA

1.7. BESTELAKOAK

144/2024 EBAZPENA, apirilaren 22koa, Hezkuntzako zuzendari nagusiak emana, zeinaren bidez jarraibideak onesten baitira 2024-2025 ikasturteko egutegia eta ordutegia prestatzeko Haur Hezkuntzako bigarren zikloko, Lehen Hezkuntzako, Hezkuntza Bereziko, Derrigorrezko Bigarren Hezkuntzako eta Batxilergoko irakaskuntza arautuetarako, Nafarroako Foru Komunitateko ikastetxeetan.

Ikusi da Antolamendu, Prestakuntza eta Kalitate Zerbitzuko zuzendariak aldeko txostena eman duela jarraibideak onets daitezen 2024-2025 ikasturteko egutegia eta ordutegia prestatzeko Haur Hezkuntzako bigarren zikloko, Lehen Hezkuntzako, Hezkuntza Bereziko, Derrigorrezko Bigarren Hezkuntzako eta Batxilergoko irakaskuntza arautuetarako, Nafarroako Foru Komunitateko ikastetxeetan.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,

EBAZTEN DUT:

1. Onestea 2024-2025 ikasturteko egutegia eta ordutegia prestatzeko jarraibideak Haur Hezkuntzako bigarren zikloko, Lehen Hezkuntzako, Hezkuntza Bereziko, Derrigorrezko Bigarren Hezkuntzako eta Batxilergoko irakaskuntza arautuetarako, Nafarroako Foru Komunitateko ikastetxeetan. Eranskin hauetan zehazten dira jarraibide horiek:

I. eranskina.–Jarraibideak, Haur Hezkuntzako bigarren zikloko, Lehen Hezkuntzako eta Hezkuntza Bereziko irakaskuntzetarako.

II. eranskina.–Jarraibideak, Derrigorrezko Bigarren Hezkuntzako irakaskuntzetarako, hain zuzen, irakaskuntza horiek behin-behinekoz emanen dituzten Haur eta Lehen Hezkuntzako ikastetxe publikoetarako, herriko Haur eta Lehen Hezkuntzako ikastetxe publikoarekin batera diharduten Derrigorrezko Bigarren Hezkuntzako institutuetarako eta garraioa Lehen Hezkuntzako ikastetxearekin batera partekatzen duten Derrigorrezko Bigarren Hezkuntzako institutuetarako.

III. eranskina.–Jarraibideak, Derrigorrezko Bigarren Hezkuntzako irakaskuntzetarako, hain zuzen, irakaskuntza horiek emanen dituzten Derrigorrezko Bigarren Hezkuntzako gainerako institutuetarako, bai eta Bigarren Hezkuntzako ikastetxe pribatu itunduetarako eta institutuetarako ere.

IV. eranskina.–Jarraibideak, Batxilergoko irakaskuntzetarako.

2. Ebazpen honen eta eranskinen aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

3. Ebazpen hau eta eranskinak Nafarroako Aldizkari Ofizialean argitaratzea.

4. Ebazpen hau eta eranskinak igortzea Langileriaren eta Azpiegituren Zuzendaritza Nagusira, Lanbide Heziketako, Digitalizazioko eta Hezkuntza Zerbitzuetako Zuzendaritza Nagusira, Antolamendu, Prestakuntza eta Kalitate Zerbitzura, Hezkuntzako Ikuskapen Zerbitzura eta Ikastetxeetako Informazioa Kudeatzeko Zerbitzura, behar diren ondorioak izan ditzaten.

Iruñean, 2024ko apirilaren 22an.–Hezkuntzako zuzendari nagusia, Gil Sevillano González.

I. ERANSKINA.–JARRAIBIDEAK, 2024-2025 IKASTURTEKO EGUTEGIA ETA ORDUTEGIA PRESTATZEKO HAUR HEZKUNTZAKO BIGARREN ZIKLOKO, LEHEN HEZKUNTZAKO ETA HEZKUNTZA BEREZIKO IRAKASKUNTZETARAKO, NAFARROAKO FORU KOMUNITATEAN

1.–Egutegia.

Eranskin honetan aipatzen diren irakaskuntzen eskola egutegiak baldintza hauek bete beharko ditu:

1. Ikastetxeetan, 2024-2025 ikasturtea 2024ko irailaren 1ean hasiko da, eta 2025eko ekainaren 30ean bukatuko.

2. Ikastetxeek berariazko egutegi proposamen bat prestatu beharko dute, honako baldintza hauek betez:

a) Eskola egunen kopurua: 175, gutxienez ere.

b) Eskolen hasiera: ez irailaren 5a baino lehen, ezta irailaren 9a baino geroago ere.

c) Eskolen amaiera: ez ekainaren 18a baino lehen, ezta ekainaren 20a baino geroago ere.

d) Eguberrietako oporrak: abenduaren 21etik urtarrilaren 7ra arte, biak barne.

e) Aste Santuko oporrak: apirilaren 17tik 27ra arte, biak barne.

f) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 3a, abenduaren 6a eta maiatzaren 1a. Antolamendu, Prestakuntza eta Kalitate Zerbitzuak beharrezko jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.

g) Hezkuntza mailako zaindariaren jaieguna: azaroaren 27a. Ikastetxeek zilegi izanen dute egun hori aldatzea.

h) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

i) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.

j) Ezin izanen dira erabili g), h) eta i) atalek aipatzen dituzten egunak Eguberrietako eta Aste Santuko oporraldiak luzatzeko.

3. Abenduaren 20a eta apirilaren 16a eskola egunak izanen dira, baina goizez bakarrik.

4. Hezkuntza maila bat baino gehiago ematen duten ikastetxeek egun bakar batean bateratzen ahalko dituzte hezkuntza maila ezberdinei dagozkien zaindarien jaiegunak. Ez dituzte inolaz ere ezarriko zaindarien jaiegun guztiak ikasle guztientzat.

5. Irailaren 1etik eskolak hasi bitarteko egunetan, ikasturtearen antolaketarekin zerikusia duten jarduerak eginen dituzte irakasleek.

6. Eskolak bukatu eta ekainaren 30era arte, berariazko lan hauek eginen dira: ikasturtea berrikusi eta ebaluatzeko berariazko lanak, memoria didaktikoak, azken memoria, erreklamazioak, familiei eta legezko ordezkariei arreta egitea eta beharrezkoak diren administrazio egintza eta egintza akademiko guztiak, baita hurrengo ikasturtea antolatzearekin lotutako jarduerak ere.

7. Ebaluazio edo klaustro saioak ezin izanen dira eskola orduetan egin.

2.–Ordutegia.

Eranskin honetan aipatzen diren irakaskuntzen eskola ordutegiak baldintza hauek bete beharko ditu:

1. Hezkuntzako zuzendari nagusiaren martxoaren 14ko 80/2024 Ebazpenaren bidez 2024-2025 ikasturtean eskolaldi jarraitua edo eskolaldi malgua ezartzeko baimena duten ikastetxeek honako eskola ordutegi hau aurkeztu behar dute: Hezkuntza Departamentuaren oniritzia izan zuen hura, ikastetxeak, Hezkuntzako zuzendari nagusiaren azaroaren 30eko 479/2023 Ebazpenaren II. eranskinaren bidez, proposamena egin ostean.

2. 2024-2025 ikasturterako eskolaldi zatitua duten ikastetxeek aurkeztu behar duten eskola ordutegia egokitu beharko da Hezkuntzako kontseilariaren azaroaren 9ko 106/2023 Foru Aginduak eskolaldi mota horretarako xedatutakora. Foru agindu horrek Nafarroako Foru Komunitateko lurralde eremuan Haur Hezkuntzako bigarren zikloko, Lehen Hezkuntzako eta Hezkuntza Bereziko ikasketak ematen dituzten ikastetxeetako eskolaldi motak erregulatzen ditu.

3. Era berean, eskola garraio bera partekatzen duten ikastetxe guztiek, nahitaez, zerbitzu horrekin bateragarriak diren egutegia eta ordutegia aurkeztu beharko dituzte.

4. Eskola egutegia eta eskola ordutegia, onetsi ondoren, eranskin honetan aipatzen diren ikastetxe guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta haien aplikazioa gainbegiratzea eta kontrolatzea, aldiz, Hezkuntzako Ikuskapen Zerbitzuaren gain egonen da.

5. Eskola egutegia eta eskola ordutegia ezin izanen dira aldatu Hezkuntzako Ikuskapen Zerbitzuaren baimenik gabe, eta ikastetxeko iragarki-taulan erakutsiko dira, eta, kasua bada, web-orrian.

3.–Mugaz gaindiko lankidetza programa.

Arnegiko ikastetxe frantsesarekin mugaz gaindiko lankidetza programa batean parte hartzea optimizatzeko asmoz, Luzaideko HLHIPk askatasuna izanen du bere egutegi proposamena egiteko, baldintza hauek betez gero:

–175 eskola egun gutxienez, irailaren 1etik ekainaren 30era bitarte.

–Jaiegunak, Nafarroako lan egutegi arruntaren arabera.

–Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

–Hezkuntza mailako zaindariaren jaieguna: azaroaren 27a. Dena dela, jaiegun hori beste egun batera aldatzen ahalko da.

–Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.

4.–Tramitazioa.

Tramitazioa egiteko, honela jokatuko da:

1. Zuzendariek egutegi eta ordutegi proposamenak bidaliko dituzte Hezkuntzako Ikuskapen Zerbitzura, EDUCA kudeaketa programaren bidez, eskola kontseiluak onetsi ondoren. Horretarako azkeneko eguna 2024ko ekainaren 14a izanen da.

2. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, aztertu ondoren. EDUCA kudeaketa programak ematen duen informatikako euskarriaren bidez iritsiko zaie ikastetxeei Hezkuntzako Ikuskapen Zerbitzuaren jakinarazpena. 2024ko ekainaren 24rako inolako jakinarazpenik jasotzen ez duten ikastetxeen egutegiak eta ordutegiak onetsitzat joko dira.

Ikastetxeren batek bere egutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskinaren 1. atalean (Egutegia) ezarritako baldintzak betetzen dituen egutegi bat.

5.–Salbuespenak.

Eranskin honetan xedatutakoaren edozein salbuespen egiteko, ikastetxeak eskatu beharko dio, arrazoituta eta eskola kontseiluak onetsi ondoren, Hezkuntzako Ikuskaritza Zerbitzuari, azter dezan eta, hala badagokio, onar dezan.

II. ERANSKINA.–JARRAIBIDEAK, 2024-2025 IKASTURTEKO EGUTEGIA ETA ORDUTEGIA PRESTATZEKO DERRIGORREZKO BIGARREN HEZKUNTZARAKO IRAKASKUNTZETARAKO NAFARROAKO FORU KOMUNITATEAN, HAIN ZUZEN, HORIEK BEHIN-BEHINEKOZ EMANEN DITUZTEN HAUR ETA LEHEN HEZKUNTZAKO IKASTETXE PUBLIKOETARAKO, HERRIKO HAUR ETA LEHEN HEZKUNTZAKO IKASTETXE PUBLIKOAREKIN BATERA DIHARDUTEN DERRIGORREZKO BIGARREN HEZKUNTZAKO INSTITUTUETARAKO ETA GARRAIOA LEHEN HEZKUNTZAKO IKASTETXEAREKIN BATERA PARTEKATZEN DUTEN DERRIGORREZKO BIGARREN HEZKUNTZAKO INSTITUTUETARAKO

1.–Egutegia.

Eranskin honetan aipatzen diren irakaskuntzen eskola egutegiak baldintza hauek bete beharko ditu:

1. Ikastetxeetan, 2024-2025 ikasturtea 2024ko irailaren 1ean hasiko da, eta 2025eko ekainaren 30ean bukatuko.

2. Ikastetxeek berariazko egutegi proposamen bat prestatu beharko dute, honako baldintza hauek betez:

a) Eskola egunen kopurua: 175, gutxienez ere.

b) Eskolen hasiera: irailaren 5ean.

c) Eskolen bukaera: ekainaren 18an.

d) Eskola egunetan ezin izanen dira eskolak eten kontrolak, probak edo azterketak egiteko aldiak ezartzeko.

e) Eguberrietako oporrak: abenduaren 21etik urtarrilaren 7ra arte, biak barne.

f) Aste Santuko oporrak: apirilaren 17tik 27ra arte, biak barne.

g) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 3a, abenduaren 6a eta maiatzaren 1a. Antolamendu, Prestakuntza eta Kalitate Zerbitzuak beharrezko jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.

h) Hezkuntza mailako zaindariaren jaieguna: azaroaren 27a. Ikastetxeek zilegi izanen dute egun hori aldatzea.

i) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

j) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.

k) Ezin izanen dira erabili h), i) eta j) letretan aipatzen diren egunak Eguberrietako eta Aste Santuko oporraldiak luzatzeko.

3. Abenduaren 20a eta apirilaren 16a eskola egunak izanen dira, baina goizez bakarrik.

4. Hezkuntza maila bat baino gehiago ematen duten ikastetxeek egun bakar batean bateratzen ahalko dituzte hezkuntza maila ezberdinei dagozkien zaindarien jaiegunak. Ez dituzte inolaz ere ezarriko zaindarien jaiegun guztiak ikasle guztientzat.

5. Irailaren 1etik eskolak hasi bitarteko egunetan, ikasturtearen antolaketarekin zerikusia duten jarduerak eginen dituzte irakasleek.

6. Eskolak bukatu eta ekainaren 30era arte, lan hauek eginen dira: ikasturtea berrikusi eta ebaluatzeko berariazko lanak, irakasgai bakoitzaren memoria didaktikoak; koordinazio didaktikorako departamentuen memoriak; azken memoria; erreklamazioak; ikasleak, familiak eta ordezkari legalak hartzea eta beharrezkoak diren administrazio egintza guztiak, baita hurrengo ikasturtea antolatzearekin lotutako jarduerak ere.

7. Ebaluazio edo klaustro saioak ezin izanen dira eskola orduetan egin.

2.–Ordutegia.

Eranskin honetan aipatzen diren irakaskuntzen eskola ordutegiak baldintza hauek bete beharko ditu:

1. Ikasleen asteko ordutegia III. eranskinean aipatzen diren ikastetxeetan ematen diren 30 eskola saioen baliokidea izanen da, astero tutoretzarako saio bat barne.

2. Eskolak astelehenetik ostiralera izanen dira. Irailean eta ekainean, goizeko eskolaldia bakarrik eginen da, eta 6 orduko iraupena izanen du, jolasaldia barne. Oro har, urritik maiatzera bitartean eskolak goizeko eta arratsaldeko saioetan emanen dira, astean egun batean izan ezik, egun horretan goizez bakarrik izanen baitira eskolak. Goizeko eta arratsaldeko saioen artean gutxienez ordu eta erdiko atsedenaldia utzi beharko da.

3. 2. baldintzan ezarritakoa gorabehera, saio guztiak goizez diren eskola ordutegi bat ezartzen ahalko dute ikastetxeek, berariaz hala baimentzen bazaie.

4. Goiz erdian hogeita hamar minutuko jolasaldia izanen da.

5. Eskola garraio bera partekatzen duten ikastetxe guztiek, nahitaez, zerbitzu horrekin bateragarriak diren egutegia eta ordutegia aurkeztu beharko dituzte.

6. Ikastetxeek eskola ordutegia handitzeko eskatzen ahalko dute, zenbatean luzatu nahi duten proposatuta, ordubete gehienez ere egunean. Handitze horrek ez du inola ere ekarriko plantilla handitzea, eta ez die inolako kosturik ekarriko ikasleen familiei eta legezko ordezkariei. Hezkuntzako Ikuskapen Zerbitzuak onetsi edo ukatuko du, bideragarritasunaren arabera.

7. Eskola egutegia eta eskola ordutegia, onetsi ondoren, eranskin honetan aipatzen diren ikastetxe guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta haien aplikazioa gainbegiratzea eta kontrolatzea, aldiz, Hezkuntzako Ikuskapen Zerbitzuaren gain egonen da.

8. Eskola egutegia eta eskola ordutegia ezin izanen dira aldatu Hezkuntzako Ikuskapen Zerbitzuaren baimenik gabe, eta iragarki-taulan erakutsiko dira, eta hala badagokio, web-orrian.

3.–Tramitazioa.

Tramitazioa egiteko, honela jokatuko da:

1. Zuzendariek egutegi eta ordutegi proposamenak bidaliko dituzte Hezkuntzako Ikuskapen Zerbitzura, EDUCA kudeaketa programaren bidez, eskola kontseiluak onetsi ondoren. Horretarako azkeneko eguna 2024ko ekainaren 14a izanen da.

2. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, aztertu ondoren. EDUCA kudeaketa programak ematen duen informatikako euskarriaren bidez iritsiko zaie ikastetxeei Hezkuntzako Ikuskapen Zerbitzuaren jakinarazpena. 2024ko ekainaren 24rako inolako jakinarazpenik jasotzen ez duten ikastetxeen egutegiak eta ordutegiak onetsitzat joko dira.

Ikastetxeren batek bere egutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskinaren 1. atalean (Egutegia) ezarritako baldintzak betetzen dituen egutegi bat.

4.–Salbuespenak.

Eranskin honetan xedatutakoaren edozein salbuespen egiteko, ikastetxeak eskatu beharko dio, arrazoituta eta eskola kontseiluak onetsi ondoren, Hezkuntzako Ikuskaritza Zerbitzuari, azter dezan eta, hala badagokio, onar dezan.

III. ERANSKINA.–JARRAIBIDEAK, 2024-2025 IKASTURTEKO EGUTEGIA ETA ORDUTEGIA PRESTATZEKO DERRIGORREZKO BIGARREN HEZKUNTZARAKO IRAKASKUNTZETARAKO NAFARROAKO FORU KOMUNITATEAN, HAIN ZUZEN, IRAKASKUNTZA HORIEK EMANEN DITUZTEN DERRIGORREZKO BIGARREN HEZKUNTZAKO GAINERAKO INSTITUTUETARAKO, BAI ETA BIGARREN HEZKUNTZAKO IKASTETXE PRIBATU ITUNDUETARAKO ETA INSTITUTUETARAKO ERE

1.–Egutegia.

Eranskin honetan aipatzen diren irakaskuntzen eskola egutegiak baldintza hauek bete beharko ditu:

1. Ikastetxeetan, 2024-2025 ikasturtea 2024ko irailaren 1ean hasiko da, eta 2025eko ekainaren 30ean bukatuko.

2. Ikastetxeek berariazko egutegi proposamen bat prestatu beharko dute, honako baldintza hauek betez:

a) Eskola egunen kopurua: 175, gutxienez ere.

b) Eskolen hasiera: irailaren 5ean.

c) Eskolen bukaera: ekainaren 18an.

d) Eskola egunetan ezin izanen dira eskolak eten kontrolak, probak edo azterketak egiteko aldiak ezartzeko.

e) Eguberrietako oporrak: abenduaren 21etik urtarrilaren 7ra arte, biak barne.

f) Aste Santuko oporrak: apirilaren 17tik 27ra arte, biak barne.

g) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 3a, abenduaren 6a eta maiatzaren 1a. Antolamendu, Prestakuntza eta Kalitate Zerbitzuak beharrezko jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.

h) Hezkuntza mailako zaindariaren jaieguna: urtarrilaren 28a. Ikastetxeek zilegi izanen dute egun hori aldatzea.

i) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

j) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.

k) Ezin izanen dira erabili h), i) eta j) letretan aipatzen diren egunak Eguberrietako eta Aste Santuko oporraldiak luzatzeko.

3. Abenduaren 20a eta apirilaren 16a eskola egunak izanen dira, baina goizez bakarrik.

4. Hezkuntza maila bat baino gehiago ematen duten ikastetxeek egun bakar batean bateratzen ahalko dituzte hezkuntza maila ezberdinei dagozkien zaindarien jaiegunak. Ez dituzte inolaz ere ezarriko zaindarien jaiegun guztiak ikasle guztientzat.

5. Irailaren 1etik eskolak hasi bitarteko egunetan, ikasturtearen antolaketarekin zerikusia duten jarduerak eginen dituzte irakasleek.

6. Eskolak bukatu eta ekainaren 30era arte, lan hauek eginen dira: ikasturtea berrikusi eta ebaluatzeko berariazko lanak, irakasgai bakoitzaren memoria didaktikoak; koordinazio didaktikorako departamentuen memoriak; azken memoria; erreklamazioak; ikasleak, familiak eta ordezkari legalak hartzea eta beharrezkoak diren administrazio egintza guztiak, baita hurrengo ikasturtea antolatzearekin lotutako jarduerak ere.

7. Ebaluazio edo klaustro saioak ezin izanen dira eskola orduetan egin.

2.–Ordutegia.

Eranskin honetan aipatzen diren irakaskuntzen eskola ordutegiak baldintza hauek bete beharko ditu:

1. Derrigorrezko Bigarren Hezkuntza eranskin honetan aipatzen diren ikastetxeetan egiten duten ikasleen asteko ordutegia 30 eskola saiokoa izanen da, astero tutoretzarako saio bat barne. Eskola saioak 55 minutukoak izanen dira gutxienez.

2. Eskolaldia oro har goizeko saioetan banatuko da astelehenetik ostiralera, eta gutxienez bi arratsaldetan ere bai. Goiz erdian, 30 minutuko jolasaldia izanen da. Betiere, gutxienez ordu eta erdiko tartea izanen da goizeko eta arratsaldeko saioen artean.

3. Hala ere, bidezkoa izanen da goizeko eskolaldia eskatzea ekainerako eta/edo irailerako, betiere urterako ezarritako eskola ordutegia betetzen badute.

4. Soilik goizeko eskolaldia ikasturte osoan ezarri nahi izanez gero, behar den baimena eskatu beharko da, eta eskabidearekin batera txosten bat aurkeztu, non azalduko baitira eskolaldi hori aldatzea komenigarri egiten duten arrazoiak: garraioaren eta jantokiaren erabilerari lotutako arrazoiak, arrazoi pedagogikoak edo bestelakoak.

5. Goizeko eskolaldia soilik egiteko baimena duten ikastetxeek horrela segitzen ahalko dute, berriz eskatu gabe, baldin eta baimena emateko oinarri izan ziren arrazoiak aldatu ez badira.

6. Derrigorrezko Bigarren Hezkuntza, Batxilergoa edo Lanbide Heziketa ematen duten institutuek, herrigune berean edo eskola garraioaren ibilbide berean baldin badaude, eta tradizionalki gurasoen elkarteen eta Nafarroako Gobernuaren artean partekaturiko garraioaz baliatzen badira, beren artean koordinatuko dituzte sarrera-irteerako ordutegiak.

Haur eta Lehen Hezkuntzako ikastetxeekin ere horrelako koordinazioa egin beharko da, baldin eta, eskola garraiorako dituzten baliabide materialen arabera, haien eskolen hasiera eta bukaera ordutegiak Derrigorrezko Bigarren Hezkuntzako, Bigarren Hezkuntzako, Batxilergoko eta Lanbide Heziketako institutuekin koordinatu behar baldin badira

7. Eskola garraio bera partekatzen duten ikastetxe guztiek, nahitaez, zerbitzu horren ordutegiarekin bateragarriak diren egutegia eta ordutegia aurkeztu beharko dituzte.

8. Ikastetxeek eskola ordutegia handitzeko eskatzen ahalko dute, zenbatean luzatu nahi duten proposatuta, ordubete gehienez ere egunean. Luzapen horrek ez du inola ere ekarriko ituna handitzea ikastetxe pribatu itunduetan, ez eta plantilla ere ikastetxe publikoetan, eta ez die inolako kosturik eraginen ikasleen familiei eta legezko ordezkariei. Hezkuntzako Ikuskapen Zerbitzuak onetsi edo ukatuko du, bideragarritasunaren arabera.

9. Eskola egutegia eta eskola ordutegia, onetsi ondoren, eranskin honetan aipatzen diren ikastetxe guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta haien aplikazioa gainbegiratzea eta kontrolatzea, aldiz, Hezkuntzako Ikuskapen Zerbitzuaren gain egonen da.

10. Egutegia eta ordutegia ezin izanen dira aldatu Hezkuntzako Ikuskapen Zerbitzuaren baimenik gabe, eta ikastetxeko iragarki-taulan erakutsiko dira, eta, kasua bada, web-orrian.

3.–Tramitazioa.

Tramitazioa egiteko, honela jokatuko da:

1. Zuzendariek egutegi eta ordutegi proposamenak bidaliko dituzte Hezkuntzako Ikuskapen Zerbitzura, EDUCA kudeaketa programaren bidez, eskola kontseiluak onetsi ondoren. Horretarako azkeneko eguna 2024ko ekainaren 14a izanen da.

2. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, aztertu ondoren. EDUCA kudeaketa programak ematen duen informatikako euskarriaren bidez iritsiko zaie ikastetxeei Hezkuntzako Ikuskapen Zerbitzuaren jakinarazpena. 2024ko ekainaren 24rako inolako jakinarazpenik jasotzen ez duten ikastetxeen egutegiak eta ordutegiak onetsitzat joko dira.

Ikastetxeren batek bere egutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskinaren 1. atalean (Egutegia) ezarritako baldintzak betetzen dituen egutegi bat.

4.–Salbuespenak.

Eranskin honetan xedatutakoaren edozein salbuespen egiteko, ikastetxeak eskatu beharko dio, arrazoituta eta eskola kontseiluak onetsi ondoren, Hezkuntzako Ikuskaritza Zerbitzuari, azter dezan eta, hala badagokio, onar dezan.

IV. ERANSKINA.–JARRAIBIDEAK, 2024-2025 IKASTURTERAKO EGUTEGIA ETA ORDUTEGIA PRESTATZEKO BATXILERGOKO IRAKASKUNTZETARAKO, NAFARROAKO FORU KOMUNITATEAN

1.–Egutegia.

Eranskin honetan aipatzen diren irakaskuntzen eskola egutegiak baldintza hauek bete beharko ditu:

1. Ikastetxeetan, 2024-2025 ikasturtea 2024ko irailaren 1ean hasiko da, eta 2025eko ekainaren 30ean bukatuko.

2. Ikastetxeek berariazko egutegi proposamen bat prestatu beharko dute, honako baldintza hauek betez:

a) Eguberrietako oporrak: abenduaren 21etik urtarrilaren 7ra arte, biak barne.

b) Aste Santuko oporrak: apirilaren 17tik 27ra arte, biak barne.

c) Jaiegunak, Nafarroako lan egutegi arruntaren arabera: urriaren 12a, azaroaren 1a, abenduaren 3a, abenduaren 6a eta maiatzaren 1a. Antolamendu, Prestakuntza eta Kalitate Zerbitzuak beharrezko jarraibideak emanen ditu erabakitzen bada beste jaiegunen bat ezartzea eta, horrenbestez, eskola egutegia aldatzea.

d) Hezkuntza mailako zaindariaren jaieguna: urtarrilaren 28a. Ikastetxeek zilegi izanen dute egun hori aldatzea.

e) Herriko festa eguna, Nafarroako Foru Komunitateko herrietako festa egunak zehazten dituen arauaren arabera. Data hori eskola eguna ez den egun batean egokitzen denean, ikastetxeak beste egun bat hautatzen ahalko du.

f) Ikastetxeak erabakitako eskola egunez gainerako egunak, aurreko ataletan jaiegun gisa finkatu ez direnak, eskolarik gabeko lanegunak izanen dira, gehienez ere 5 egun, eskolak hasten direnetik amaitzen diren arte.

g) Ezin izanen dira erabili d), e) eta f) letretan aipatzen diren egunak Eguberrietako eta Aste Santuko oporraldiak luzatzeko.

h) Abenduaren 20a eta apirilaren 16a eskola egunak izanen dira, baina goizez bakarrik.

i) Hezkuntza maila bat baino gehiago ematen duten ikastetxeek egun bakar batean bateratzen ahalko dituzte hezkuntza maila ezberdinei dagozkien zaindarien jaiegunak. Ez dituzte inolaz ere ezarriko zaindarien jaiegun guztiak ikasle guztientzat.

j) Eskola egunetan ezin izanen dira eskolak eten kontrolak, probak edo azterketak egiteko aldiak ezartzeko.

3. Horrez gain, egutegirako berariazko proposamenak baldintza hauek bete beharko ditu, ikasmailaren arabera:

–Batxilergoko lehen maila:

k) Eskola egunen kopurua: 175, gutxienez ere.

l) Eskolen hasiera: irailaren 5ean.

m) Eskolen bukaera: ekainaren 18an. Azken hiru eskola egunetan 2024-2025 ikasturteko deialdi bereziko azterketak eginen dira.

n) Deialdi arrunteko notak emateko azken eguna: Ekainaren 3a.

Deialdi arrunteko notak emateko azken egunaren biharamunetik deialdi bereziko azterketak hasteko zehaztutako egunera arteko aldia antolatu beharko du ikastetxeak, deialdi bereziko probak egin behar dituzten ikasleak behar bezala prestatzeko. Halaber, egun horietan, hau da, azterketa bereziak prestatzeko eta egiteko egunetan, ikastetxeak errepasoko curriculum-jarduerak antolatuko ditu gainerako ikasleentzat.

–Batxilergoko bigarren maila:

o) Eskolen hasiera: irailaren 5ean.

p) Deialdi arrunteko azterketak egiteko azken eguna: maiatzaren 19a. Egun horretara arte, eskola eguntzat joko dira Batxilergoko 1. mailarako halakotzat jotzen diren berberak.

q) Deialdi berezia: ekainaren 11, 12 eta 13an.

r) Ikastetxeak maiatzaren 20tik Batxilergoko 2. mailako azterketa bereziak egin arteko egunak antolatu beharko ditu ikasleak egoki prestatzeko, bai azterketa horiek egiteko, bai unibertsitatera sartzeko Batxilergoko ebaluazioa egiteko.

s) Unibertsitatera sartzeko Batxilergoko ebaluazioaren deialdi arrunta: ekainaren 3an hasiko da.

t) Unibertsitatera sartzeko Batxilergoko ebaluazioaren deialdi berezia: ekainaren 25an hasiko da.

4. Irailaren 1etik eskolak hasi bitarteko egunetan, ikasturtearen antolaketarekin zerikusia duten jarduerak eginen dituzte irakasleek.

5. Deialdi bereziko azterketak bukatu eta ekainaren 30era arte, lan hauek eginen dira: ikasturtea berrikusi eta ebaluatzeko berariazko lanak, irakasgai bakoitzaren memoria didaktikoak, koordinazio didaktikorako departamentuen memoriak, azken memoria, erreklamazioak, ikasleak, familiak eta legezko ordezkariak hartzea eta beharrezkoak diren administrazio egintza guztiak, baita hurrengo ikasturtea antolatzearekin lotutako jarduerak ere.

6. Ebaluazio edo klaustro saioak ezin izanen dira eskola orduetan egin.

2.–Ordutegia.

Eranskin honetan aipatzen diren irakaskuntzen eskola ordutegiak baldintza hauek bete beharko ditu:

1. Oro har, eskolak astelehenetik ostiralera izanen dira, goizez. G eta A hizkuntza ereduak ematen dituzten ikastetxeetan egunero sei eskola saio izanen dira. D eredua eta dagokion A eredua ematen duten ikastetxeetan, berriz, zazpi eskola saio izanen dira astean lau egunetan, eta sei beste egunean.

2. Ikasleek ordu erdiko jolasaldia izanen dute egunean, goizaren erdialdean, oro har.

3. Oro har, eskola saioak 55 minutukoak izanen dira.

4. Astean 34 eskola saio duten hizkuntza ereduak ematen dituzten ikastetxeek gehienez ere 50 minutuko bi eskola saio ezartzen ahalko dituzte zazpi eskola saio dituzten asteko egunetan. Kasu horietan, atsedenaldiak salbuespen egoera horren arabera moldatuko dira.

5. Ikastetxeek eskola ordutegia handitzeko eskatzen ahalko dute, zenbatean luzatu nahi duten proposatuta, ordubete gehienez ere egunean. Luzapen horrek ez du inola ere ekarriko ituna handitzea ikastetxe pribatu itunduetan, ez eta plantilla ere ikastetxe publikoetan, eta ez die inolako kosturik eraginen ikasleen familiei eta legezko ordezkariei. Hezkuntzako Ikuskapen Zerbitzuak onetsi edo ukatuko du, bideragarritasunaren arabera.

6. Eskola garraio bera partekatzen duten ikastetxe guztiek, nahitaez, zerbitzu horrekin bateragarriak diren egutegia eta ordutegia aurkeztu beharko dituzte.

7. Derrigorrezko Bigarren Hezkuntza, Batxilergoa edo Lanbide Heziketa ematen duten institutuek, herrigune berean edo eskola garraioaren ibilbide berean baldin badaude, eta tradizionalki gurasoen elkarteen eta Nafarroako Gobernuaren artean partekaturiko garraioaz baliatzen badira, beren artean koordinatuko dituzte sarrera-irteerako ordutegiak.

Haur eta Lehen Hezkuntzako ikastetxe publikoekin ere horrelako koordinazioa egin beharko da, baldin eta, eskola garraiorako dituzten baliabide materialen arabera, haien eskolak hasteko eta bukatzeko ordutegiak Derrigorrezko Bigarren Hezkuntzako, Bigarren Hezkuntzako, Batxilergoko eta Lanbide Heziketako institutuekin koordinatu behar baldin badira.

8. Eskola egutegia eta eskola ordutegia, onetsi ondoren, eranskin honetan aipatzen diren ikastetxe guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta haien aplikazioa gainbegiratzea eta kontrolatzea, aldiz, Hezkuntzako Ikuskapen Zerbitzuaren gain egonen da.

9. Eskola egutegia eta eskola ordutegia ezin izanen dira aldatu Hezkuntzako Ikuskapen Zerbitzuaren baimenik gabe, eta iragarki-taulan erakutsiko dira, eta hala badagokio, web-orrian.

3.–Tramitazioa.

Tramitazioa egiteko, honela jokatuko da:

1. Zuzendariek egutegi eta ordutegi proposamenak bidaliko dituzte Hezkuntzako Ikuskapen Zerbitzura, EDUCA kudeaketa programaren bidez, eskola kontseiluak onetsi ondoren. Horretarako azkeneko eguna 2024ko ekainaren 14a izanen da.

2. Hezkuntzako Ikuskapen Zerbitzuak egutegiak eta ordutegiak onetsi edo ukatuko ditu, aztertu ondoren. EDUCA kudeaketa programak ematen duen informatikako euskarriaren bidez iritsiko zaie ikastetxeei Hezkuntzako Ikuskapen Zerbitzuaren jakinarazpena. 2024ko ekainaren 24rako inolako jakinarazpenik jasotzen ez duten ikastetxeen egutegiak eta ordutegiak onetsitzat joko dira.

Ikastetxeren batek bere egutegi proposamena aipatu epean bidaltzen ez badu, Hezkuntzako Ikuskapen Zerbitzuak ofizioz esleituko dio eranskinaren 1. atalean (Egutegia) ezarritako baldintzak betetzen dituen egutegi bat.

4.–Salbuespenak.

Eranskin honetan xedatutakoaren edozein salbuespen egiteko, ikastetxeak eskatu beharko dio, arrazoituta eta eskola kontseiluak onetsi ondoren, Hezkuntzako Ikuskaritza Zerbitzuari, azter dezan eta, hala badagokio, onar dezan.

Iragarkiaren kodea: F2406691