2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
Okupazioa, 32. poligonoko 707. lurzatian (Gurutzeta parajea), instala dadin "PSFV 2.5 MW Tafalla" eguzki-instalazio fotovoltaikoaren lurpeko ebakuazio linea elektrikoa. Hasierako onespena
Tafallako Udalaren Osoko Bilkuraren erabakia, 2024ko apirilaren 25ekoa, zeinaren bidez hasierako onespena ematen zaio ondorengo herri-lurrak okupatzeari: Gurutzeta parajea (32. poligonoko 707. lurzatia), instala dadin "PSFV 2.5 MW Tafalla" eguzki-planta fotovoltaikoaren lurpeko ebakuazio linea elektrikoa. Excavaciones Cañuca SLk sustatu du.
Julio Ángel Ojer Puyales jaunak, Excavaciones Cañuca SLren (IFK: B31084361) ordezkatuz, 2023ko urtarrilaren 13an, 280 erregistro-zenbakiarekin, eskatu zuen herri-lur batzuk okupatzeko, instala dadin "PSFV 2.5 MW Tafalla" eguzki-planta fotovoltaikoaren lurpeko ebakuazio linea elektrikoa.
Zehazki, herri-lurrak okupatzea eskatzen du, Gurutzeta parajean (32. poligonoko, 707. lurzatia), 48,45 metro karratuko azalerarekin eta 80,73 metro linealeko kanalizazio-luzerarekin, lurpeko kanalizazio elektrikoa instalatzeko.
Eskabidearekin batera erantsi du: lurpeko lineak ukitutako lursailen zerrenda, kokapen-planoa, linearen trazadura-planoa eta kanalizazioaren xehetasuna.
Lurralde eta Paisaia Zerbitzuko zuzendariaren abenduaren 30eko 454E/2022 Ebazpenaren bidez, "PSFV Tafalla 2,5 MW" izeneko eguzki-planta fotovoltaikoa jartzea baimendu zen Tafallako udal-mugarteko 32. poligonoko 843. eta 844. lurzatietan, Excavaciones Cañuca SLk sustatuta.
Ikusi dira administrazio-espedientean jasota dauden Ingurumen Zaindariaren 2023-04-25eko eta Udal Zerbitzu Teknikoen 2023-07-17ko txosten teknikoak, bai eta udal-idazkariaren 2023-10-03ko txosten juridikoa ere.
Gogoeta horiek guztiak aurkeztu zitzaizkion Ingurumeneko, Tokiko Agenda 2030eko eta Landa Ingurunearen Garapeneko Informazio Batzordeari, eta aldeko irizpena eman zen 2024ko apirilaren 19an.
Tafallako alkateak proposaturik, Tafallako Udaleko Osoko Bilkurak honako hau erabakitzen du, aplikatuz uztailaren 2ko 6/1990 Foru Legearen 172. artikulua (Nafarroako Toki Administrazioari buruzko Foru Legea) eta 280/1990 Foru Dekretuaren 215. artikulua (Nafarroako Toki Entitateen Ondasunen Erregelamendua onesten duen Foru Dekretua) xedatutakoa aplikatuz, eta azaldutakoaren arabera,
ERABAKITZEN DU:
Lehenengoa.–Hasiera batez onestea, herri-lurrak okupatzea Gurutzeta parajean (32. poligonoa, 707. lurzatia), instalatzeko "PSFV 2.5 MW Tafalla" eguzki-planta fotovoltaikoaren lurrazpiko ebakuazio linea elektrikoa. Okupazioak honako ezaugarri hauek ditu: 48,45 metro karratuko azalera eta 80,73 metro linealeko kanalizazio luzera, eta Excavaciones Cañuca, Slk sustatu du.
Bigarrena.–Baldintza-agiria onestea, Gurutzetako parajean (32. poligonoa, 707. lurzatia) herri-lurrak okupatzeko.
Hirugarrena.–Espedientea jendaurrean jartzea, hilabetez, iragarkia paraturik Nafarroako Aldizkari Ofizialean eta Udalaren iragarki-taulan eta webgunean, bizilagunek eta interesdunek egoki iruditzen zaizkien alegazioak eta erreklamazioak aurkez ditzaten. Jendaurreko epean ez bada alegaziorik edo erreklamaziorik aurkezten, hasierako onespenaren erabakia behin betikoa izanen da.
Laugarrena.–Erabaki hau helaraztea Hirigintza eta Ingurumen Zerbitzuen Arloari eta Ekonomia eta Garapen Zerbitzuen Arloari, dagozkion ondorioak izan ditzan.
Laugarrena.–Interesdunei jakinaraztea, eta ohartaraztea erabaki honek amaiera ematen diola administrazio bideari, eta beronen aurka honako errekurtso hauek jar daitezkeela:
a) Aukerako berraztertzeko errekurtsoa, erabakia hartu duen organoari berari zuzendua, hilabeteko epean, erabakia jakinarazi eta biharamunetik hasita.
b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau jakinarazten denetik.
c) Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, erabaki hau jakinarazi eta biharamunetik hasita.
Tafallan, 2024ko apirilaren 26an.–Udaleko Idazkaria, Nekane Agreda Arróniz.
Iragarkiaren kodea: L2406951
