2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
DONEZTEBE
Aldaketa, Terrazak jartzea eta ustiatzea arautzen duen ordenantzan. Hasierako onespena
Doneztebeko Udalak, 2024ko apirilaren 29an egindako ohiko osoko bilkuran, erabaki zuen hasiera batean onestea Terrazak jartzea eta ustiatzea arautzen duen ordenantzaren 8. artikulua aldatzea.
Nafarroako Toki Administrazioari buruzko uztailaren 2ko 6/1990 Foru Legearen 325.1.b) artikuluko aginduekin bat, espedientea jendaurrean egonen da hogeita hamar eguneko epean, iragarki hau Nafarroako Aldizkari Ofizialean argitaratu eta biharamunetik hasita, interesdun orok bidezkotzat jotzen dituen erreklamazio, kexa edo oharrak aurkez ditzan.
325.1.c) artikuluan ezarritakoari jarraikiz, jendaurreko tramitean inork erreklamazio, kexa edo oharrik aurkezten ez badu, hasierako onespena behin betikoa bilakatuko da; hala izanik ere, ordenantzaren testu osoa argitaratu beharko da Nafarroako Aldizkari Ofizialean, lege beraren 326. artikuluarekin bat.
Argitara ematen da, behar diren ondorioak izan ditzan.
Donezteben, 2024ko apirilaren 29an.–Alkatea, María Arantzazu Arregui Alberro.
Iragarkiaren kodea: L2407112
