Iragarkia

96. ALDIZKARIA - 2023ko maiatzaren 9a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA, Iruñean goi tentsioko instalazio elektrikoa jartzeko aurretiazko administrazio baimena eta eraikitzeko administrazio baimena emateari buruzkoa eta haren onura publikoa zehazki deklaratzeari buruzkoa, SAT11505 espedientea.

Sektore Elektrikoari buruzko abenduaren 26ko 24/2013 Legearen 53., 54., 55. eta 56. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritako ondorioetarako, jendaurrean jartzen da I-DE Redes Eléctricas Inteligentes SAUren eskaera, goi tentsioko honako instalazio elektriko honi aurretiazko administrazio baimena eta eraikitzeko administrazio baimena emateko eta haren onura publikoa zehazki deklaratzeko:

a) Instalazioaren kokalekua: Iruñeko udal mugartea.

b) Helburua: Arga ibaiaren gainezkatzearen ondorio kaltegarrien prebentzioa.

c) Ezaugarri nagusiak: "ROTXA 7" transformazio zentro berriaren proiektua (180021490) eta hura elikatzeko erdi tentsioko lurpeko lineak.

–Gaur egungo "Rotxa 7" transformazio zentroa lurpeko transformazio zentro aurrefabrikatua da. "Rotxa 7" (berria) lur gaineko transformazio zentroaren inguratzaile prefabrikatua muntatu ondoren, barruan dagoen aparatu elektriko guztia desmuntatuko da.

–Transformazio zentro berriak honako hauek izanen ditu: teleagindutako lerroko bost gelaxka, teleagindutako bi babes-gelaxka eta, orobat, gelaxkak lotzeko gelaxka bat, desmuntatuko den Rotxa 7 transformazio zentroaren gaur egungo eskema bera izan dezan.

d) Aurrekontua: 159.532,58 euro.

Onura publikoaren deklarazioak berekin dakar ondasunak okupatu beharra edo ukitutako eskubideak eskuratu beharra, eta presako okupazioa ekarriko du, Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.

Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:

https://gobiernoabierto.navarra.es/eu/gardentasuna/jendaurreko-informazioaren-tramitea/espediente-sat11505

Alegazioak, iradokizunak edo oharrak idatziz aurkeztu beharko dira, edozein erregistro bulegotan, Nafarroako Gobernuaren Erregistro Orokor Elektronikoaren bidez edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente zenbakia zein den adierazita.

Iruñean, 2023ko apirilaren 17an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

PROIEKTUAK UKITZEN DITUEN ONDASUN ETA ESKUBIDEEN ZERRENDA

Iruñeko udal mugartean (Nafarroa), "ROTXA 7" transformazio zentro berria, eta hura elikatzeko tentsio ertaineko lurpeko lineak

ZORTASUNAREN ONDORIOZKO MUGAPENAK

1) Debekatuta dago behin betiko edo behin-behineko eraikin eta industria-instalazioak eraikitzea lurgain-zortasunean, kanpoko eroaleen bi aldeetan arauzko distantzia gehituta.

2) Debekatuta dago arauzko segurtasun tartea arriskuan jartzeraino haz daitezkeen zuhaitzak landatzea, segurtasun tartetzat jota makurduragatik edo ustekabean gertatutako zein eragindako erorketagatik eroaleak uki ditzakeena.

Iragarkiaren kodea: F2306016