1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
48/2022 FORU AGINDUA, abenduaren 19koa, Kultura eta Kiroleko kontseilariak emana, zeinaren bidez Nafarroako Kirolaren Kontseiluko kideak izendatzen baitira.
Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoak 44.14 artikuluan ezartzen du Nafarroako Foru Komunitateak erabateko eskumena duela kirol sustapenaren eta aisialdiaren erabilera egokiaren arloan.
Nafarroako kirolari buruzko uztailaren 5eko 15/2001 Foru Legearen 8. artikuluak Nafarroako Kirolaren Kontseilua sortu zuen, Nafarroako Foru Komunitateko Administrazioaren kontsulta eta aholkularitza kide anitzeko organo gisa, kirolaren eta parte-hartze sozialaren alorrean.
Kirolari buruzko lege horren 9. artikuluan xedatzen denez, Nafarroako Kirolaren Kontseilua Foru Komunitateko kirol administrazioari atxikirik egonen da organikoki. Era berean, organo horren osaera, antolaketa eta funtzionamendua erregelamendu bidez arautuko direla ezartzen du.
Otsailaren 26ko 15/2007 Foru Dekretuaren bidez, Nafarroako Kirolaren Kontseiluaren osaera, antolaketa eta funtzionamendua arautu ziren. Dekretu horren 10.1 artikuluak xedatzen du Nafarroako Kirolaren Kontseiluko berezko kideek beren eginkizunak beteko dituztela aukeratuak izateko bide eman dien Nafarroako Foru Komunitateko Administrazioan duten karguan segitu bitartean. Bestalde, artikulu horren 2. apartatuak xedatzen du Nafarroako Kirolaren Kontseiluko gainerako kideen agintaldia lau urtekoa izanen dela, eta aldi hori zenbatzen hasiko dela izendapenaren ebazpena ematen den egunetik aurrera.
Kultura, Kirol eta Gazteriako kontseilariaren abenduaren 5eko 80/2017 Foru Aginduaren bidez izendatu ziren Nafarroako Kirolaren Kontseiluko kideak izateko aukeratutako pertsonak. Hortaz, horien agintaldia iragan 2021eko abenduaren 5ean amaitu zen, eta kide berriak aukeratu behar dira.
Aipatutako otsailaren 26ko 15/2007 foru dekretu horren 6. artikuluak Nafarroako Kirolaren Kontseiluaren osaera arautzen du. Artikulu horretan xedatutakoaren arabera, Nafarroako Kirolaren Kontseilua osatuko duten kideak proposatzeko edo aukeratzeko prozedurak martxan jarri dira. Batetik, Nafarroako Foru Komunitateko beste administrazio publiko batzuek beren ordezkariak proposatu dituzte; bestetik, gizartearen eta kirolaren arloko zenbait erakundek hautagaitzak aurkeztu dituzte. Horien artean, Nafarroako Kirolaren Institutuko (NKI) zuzendari kudeatzaileak aukeratu ditu ordezkariak, behar zen kide kopuruan, bai eta nor bere buruaren ordezkari direnak ere.
Nafarroako Kirolaren Institutuak, bere zuzendari kudeatzailearen bitartez, txosten bat aurkeztu du, eta bertan adierazi du beste administrazio publiko batzuek eta kirolaren eta gizartearen arloko erakundeek Nafarroako Kirolaren Kontseiluan izanen dituzten ordezkariak aukeratzeko ezarritako prozedurei jarraitu diela, era honetan:
a) Honako entitate hauek ordezkatzeko proposatutako kideak: Gorputz Hezkuntzako eta Jarduera Fisikoaren eta Kirolaren Zientzietako Lizentziadunen Elkargo Ofiziala (1), Nafarroako Udal eta Kontzejuen Federazioa (1), Nafarroako unibertsitateak (2), Nafarroako Kirol Prentsaren Elkartea (1) eta Nafarroako Kirol Medikuntzaren Elkartea (1).
Kontuan harturik gaur egun ez dela existitzen Nafarroako Kirol Prentsaren Elkarterik, Nafarroako kirol hedabide guztiekin (prentsa, irratia, telebista eta hedabide digitalak) harremanak izan dira. Horietako inork hautagaitzarik aurkeztu ez duenez, Nafarroako Kirolaren Institutuko zuzendariak aukeratu du Nafarroako Kirolaren Kontseiluan Nafarroako kirol hedabideak ordezkatuko dituen pertsona.
b) Nafarroako Kirolaren Institutuko zuzendari kudeatzaileak aukeratutako kideak, honako hauek aurkeztutako hautagaitzetatik: udalen kirol zerbitzuetako teknikariak (2), Nafarroako kirol federazioak (4) eta Nafarroako Kirol Entitateen Erregistroan inskribatutako kirol klubak (4).
c) Nor bere buruaren ordezkari dela, Nafarroako Kirolaren Institutuko zuzendari kudeatzaileak aukeratutako kideak: ospe eta esperientzia handiko bi lagun, Nafarroako kirolarekin lotura dutenak; jardunean diren lau kirolari –bi emakume eta bi gizon–, goi-mailako kirolariak edo kirolean bereziki kualifikatuta direnak; eta bi kide, jardunean biak, kirol teknikarien eta epaile-arbitroen taldekoak.
Nafarroako Kirolaren Kontseiluko kide guztiek –bai Nafarroako Foru Komunitateko beste administrazio publiko batzuetako edo kirol eta gizarte arloko erakundeetako ordezkariak direnek, bai nor bere buruaren ordezkariak direnek– kargua onartzen dutela adierazi dute.
Nafarroako Kirolaren Kontseiluaren osaera, antolaketa eta funtzionamendua arautzen dituen otsailaren 26ko 15/2007 Foru Dekretuaren 6. artikuluak ematen dizkidan eskudantziak erabiliz,
AGINTZEN DUT:
1. Nafarroako Kirolaren Kontseiluko berezko kideak nor diren xedatzea, 15/2007 Foru Dekretuaren 7. artikuluak xedatzen duen moduan; hona hemen haien zerrenda:
–Rebeca Esnaola Bermejo andrea, Kultura eta Kiroleko kontseilaria, Nafarroako Kirolaren Kontseiluko buru gisa.
–Miguel Ángel Pozueta Uribe-Echeverria jauna, Nafarroako Kirolaren Institutuko zuzendari kudeatzailea, Nafarroako Kirolaren Kontseiluko buruorde gisa.
–Tomás Rodríguez Garraza jauna, Lanbide Heziketako zuzendari nagusia.
–Primitivo Sánchez Sanz jauna, Nafarroako Kirolaren Institutuko Kirolaren zuzendariordea.
–José Ramón Santesteban Úriz jauna, Nafarroako Kirolaren Institutuko Azpiegituren eta Garapen Estrategikoaren zuzendariordea.
–Juan Tomás Apecechea Aizpuru jauna, Nafarroako Kirolaren Institutuko Entitateen eta Kirol Errendimenduaren Ataleko burua.
–Begoña Echeverría Beroiz andrea, Nafarroako Kirolaren Institutuko Kirola Sustatzeko Ataleko burua.
–Diego Reyero Díez jauna, Nafarroako Kirolaren Institutuko Kirolaren Azterlan, Ikerketa eta Medikuntzako Zentroko (CEIMD) zuzendaria.
2. Beste administrazio publiko batzuk eta kirolaren eta gizartearen arloko erakundeak ordezkatzen dituzten pertsonak izendatzea, entitate horiek berek proposatuak, 15/2007 Foru Dekretuaren 8.1 artikuluarekin bat; honako hauek, alegia:
–Sonia Herce Azanza andrea, Gorputz Hezkuntzako eta Jarduera Fisikoaren eta Kirolaren Zientzietako Lizentziadunen Elkargo Ofizialaren ordezkaria.
–Oihan Mendo Goñi jauna, Nafarroako Udal eta Kontzejuen Federazioaren ordezkaria.
–Begoña Pérez Eransus andrea, Nafarroako Unibertsitate Publikoaren ordezkaria.
–José Antonio Fernández López de Ochoa jauna, Nafarroako Unibertsitatearen ordezkaria.
–Iñaki Ciordia González jauna, Nafarroako kirol hedabideen ordezkari gisa.
–Jesús Javier Aquilino Samanes Prat jauna, Nafarroako Kirol Medikuntzaren Elkartearen ordezkaria.
3. Beste administrazio publiko batzuk eta kirolaren eta gizartearen arloko erakundeak ordezkatzen dituzten pertsonak izendatzea, aurkeztutako hautagaitzetatik Nafarroako Kirolaren Institutuko zuzendari kudeatzaileak aukeratu dituenak, 15/2007 Foru Dekretuaren 8.2 artikuluarekin bat; honako hauek, alegia:
–Manuel García Sierra jauna (Hego Nafarroa Kirol Mankomunitateko kirol teknikaria) eta Othmane Amraoui Cherradi jauna (Ablitas eta Monteagudoko Kirol eta Kulturako udal teknikaria), udalen kirol zerbitzuetako teknikarien ordezkari gisa.
–Rodrigo Domínguez Fernández jauna (Nafarroako Atletismo Federazioa), Javier Conde Zandueta jauna (Nafarroako Euskal Pilota Federazioa), Natxo Ilundain Llorente jauna (Nafarroako Saskibaloi Federazioa) eta Teresa Rafaela Iñigo González andrea (Nafarroako Futbol Federazioa), Nafarroako kirol federazioen ordezkari gisa.
–Miguel Ángel Irigoyen Iriarte jauna (AEDONA), Luis Sabalza Iriarte jauna (CLUB ATLETICO OSASUNA), Javier Goldáraz Prados jauna (ANFAS KE) eta Iñaki Alfonso Esquiroz jauna (Beisbol eta Softbol TOROS KE), Nafarroako Kirolaren Erregistroan inskribatutako kirol kluben ordezkari gisa.
4. 15/2007 Foru Dekretuaren 9. artikuluarekin bat, Nafarroako Kirolaren Institutuko zuzendari kudeatzaileak hautatutako pertsonak izendatzea, nor bere buruaren ordezkari gisa arituko dela; honako hauek, alegia:
–Koldo Aldaz Ibarrola jauna eta Teresa Motos Izeta andrea, beren ospea, esperientzia eta Nafarroako kirolarekin duten lotura direla eta.
–Juan Peralta Gascón jauna (txirrindularitza), Antonio Bazán Legasa jauna (eskubaloia), Jaione Equisoain Zaragüeta andrea (judoa) eta Amaia Osaba Olaberri andrea (piraguismoa), jardunean diren goi-mailako kirolariak edo kirolean bereziki kualifikatuta direnak.
–Haizea Zamora Garaikoetxea andrea eta Paula Remírez Ruiz andrea, padeleko kirol teknikaria eta taekwondoko epailea, hurrenez hurren, biak ala biak jardunean direla.
5. Esteban Imaz Vacas jauna, Nafarroako Kirolaren Institutuko Araubide Juridikoaren Ataleko burua, Nafarroako Kirolaren Kontseiluko idazkari izendatzea.
6. Nafarroako Kirolaren Kontseiluko berezko kideek beren eginkizunak beteko dituzte aukeratuak izateko bide eman dien Nafarroako Foru Komunitateko Administrazioan duten karguan segitu bitartean.
Nafarroako Kirolaren Kontseiluko gainerako kideen agintaldia lau urtekoa izanen da, eta aldi hori zenbatzen hasiko da foru agindu hau ematen den egunetik aurrera.
7. Foru agindu hau Nafarroako Aldizkari Ofizialean argitaratzea, behar diren ondorioak izan ditzan, eta adieraztea haren kontra gora jotzeko errekurtsoa jar daitekeela, Nafarroako Gobernuari zuzendua, hilabeteko epean, argitaratu eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluei jarraikiz.
Iruñean, 2022ko abenduaren 19an.–Kultura eta Kiroleko kontseilaria, Rebeca Esnaola Bermejo.
Iragarkiaren kodea: F2217299
