84. ALDIZKARIA - 2023ko apirilaren 25a

1. NAFARROAKO FORU KOMUNITATEA

1.7. BESTELAKOAK

74/2023 EBAZPENA, martxoaren 9koa, Lanbide Heziketaren zuzendari nagusiak emana, zeinaren bidez aldatzen baita urtarrilaren 25eko 4/2023 Ebazpena, salbuespenak ezartzen dituena erdi mailako zikloetan sartzeko probaren esparruetarako eta goi mailako zikloetan sartzeko probaren zatietarako, Nafarroako Foru Komunitatearen eremuan.

Aztertu da Lanbide Heziketaren Plangintza eta Integraziorako Zerbitzuak urtarrilaren 25eko 4/2023 Ebazpenaz aurkeztu duen txostena; ebazpen horrek salbuespenak ezartzen ditu erdi mailako zikloetan sartzeko probaren esparruetarako eta goi mailako zikloetan sartzeko probaren zatietarako, Nafarroako Foru Komunitatearen eremuan.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,

EBAZTEN DUT:

1. Urtarrilaren 25eko 4/2023 Ebazpenaren 1. eranskina aldatzea; ebazpen horrek salbuespenak ezartzen ditu erdi mailako zikloetan sartzeko probaren esparruetarako eta goi mailako zikloetan sartzeko probaren zatietarako, Nafarroako Foru Komunitatearen eremuan. Testu berria ebazpen honen eranskinean ageri da.

2. Ebazpen hau eta eranskina Nafarroako Aldizkari Ofizialean argitaratzea.

3. Ebazpen hau eta eranskinak igortzea Hezkuntzako Ikuskapen Zerbitzura, Antolamendu, Prestakuntza eta Kalitate Zerbitzura, Inklusio, Berdintasun eta Bizikidetza Zerbitzura, Lanbide Heziketako Proiektuen eta Kualifikazioen Zerbitzura eta Lanbide Heziketaren Plangintza eta Integraziorako Zerbitzura; era berean, Nafar Lansare-Nafarroako Enplegu Zerbitzuko Enplegua Sustatzeko eta Enpresentzako Zerbitzuetarako Zerbitzura, Lanbide Gaitasunak Garatzeko Zerbitzura eta Lan Aktibaziorako eta Lurralde Koordinaziorako Zerbitzura; Ikasketak Antolatzeko Atalera, Inklusio Atalera, Arte Ikasketen Atalera, Kudeaketa Juridiko-administratiboaren Atalera, Eskolatze Bulegora, Orientazio Bulegora eta Ikastetxeetako Informazioa Kudeatzeko Bulegora, behar diren ondorioak izan ditzaten.

Iruñean, 2023ko martxoaren 9an.–Lanbide Heziketaren zuzendari nagusia, Tomás Rodríguez Garraza.

ERANSKINA

Salbuespenak, erdi mailako zikloetan sartzeko probaren esparruetarako eta goi mailako zikloetan sartzeko probaren zatietarako

1. Erdi mailako zikloetan sartzeko probaren esparruetarako salbuespenak.

Honako hauek dira erdi mailako zikloetan sartzeko probaren esparruetarako salbuespenak eta hori egiaztatzen duten agiriak:

ESPARRUETARAKO SALBUESPENA

FROGATU BEHARREKO BETEBEHARRA

AURKEZTU BEHARREKO DOKUMENTAZIOA

Komunikazioaren esparrutik salbuestea.

Gaindituak izatea Helduen Bigarren Hezkuntzako komunikazioaren esparruko 4. moduluak.

Ikasketen ziurtagiriaren fotokopia.

Gainditua izatea arlo soziolinguistikoa edo komunikazioaren esparrua 2008. urtetik aurrera (hori barne) Nafarroako Foru Komunitatean antolatutako deialdiren batean.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Gainditua izatea komunikazioaren esparrua, Nafarroan, erdi mailan sartzeko ikastaroan.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Hizkuntzako 2. mailako funtsezko konpetentziak dituela frogatzea.

Hizkuntzako 2. mailako funtsezko konpetentziak dituela frogatzen duen ziurtagiriaren fotokopia.

Gaindituak izatea Hasierako Lanbide Kualifikazioko Programa bateko nahitaezko moduluak, DBHko graduatu titulua lortu gabe.

Ikasketen ziurtagiriaren fotokopia.

Gainditua izatea Oinarrizko Lanbide Heziketako ziklo bat, 2020-2021 ikasturtean edo aurrekoetan, baina DBHko graduatu titulua lortu gabe (Arte Plastikoetako eta Diseinuko erdi mailako zikloetan edo Kirol irakaskuntzetako zikloetan sartzeko).

Nafarroan lortu bada, ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Beste erkidego batean lortu bada, ikasketen ziurtagiriaren fotokopia.

Gainditua izatea Lanbide Lantegi bat, 2014-2015 ikasturtetik aurrera (hori barne).

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Gizarte esparrutik salbuestea.

Gaindituak izatea Helduen Bigarren Hezkuntzako gizarte esparruko 4. moduluak.

Ikasketen ziurtagiriaren fotokopia.

Gainditua izatea arlo soziolinguistikoa edo gizarte esparrua 2008. urtetik aurrera (hori barne) Nafarroako Foru Komunitatean antolatutako deialdiren batean.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Gainditua izatea gizarte esparrua, Nafarroan, erdi mailan sartzeko ikastaroan.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Gaindituak izatea Hasierako Lanbide Kualifikazioko Programa bateko nahitaezko moduluak, DBHko graduatu titulua lortu gabe.

Ikasketen ziurtagiriaren fotokopia.

Gainditua izatea Oinarrizko Lanbide Heziketako ziklo bat, 2020-2021 ikasturtean edo aurrekoetan, baina DBHko graduatu titulua lortu gabe (Arte Plastikoetako eta Diseinuko erdi mailako zikloetan edo Kirol irakaskuntzetako zikloetan sartzeko).

Nafarroan lortu bada, ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Beste erkidego batean lortu bada, ikasketen ziurtagiriaren fotokopia.

Gainditua izatea Lanbide Lantegi bat, 2014-2015 ikasturtetik aurrera (hori barne).

Ikasketen ziurtagiriaren fotokopia.

Esparru zientifiko-teknologikotik salbuestea.

Lanbide Hastapeneko Programa bat gainditua izatea, lanbide lantegien edo lanbide hastapenaren modalitatean.

Ikasketen ziurtagiriaren fotokopia.

Gaindituak izatea Helduen Bigarren Hezkuntzako esparru zientifiko-teknologikoko 4. moduluak.

Ikasketen ziurtagiriaren fotokopia.

Gainditua izatea matematika arloa edo arlo zientifiko-teknologikoa edo esparru zientifiko-teknologikoa 2008. urtetik aurrera (hori barne) Nafarroako Foru Komunitatean antolatutako deialdiren batean.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Gainditua izatea esparru zientifiko-teknologikoa, Nafarroan, erdi mailan sartzeko ikastaroan.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Gutxienez urtebeteko lan esperientzia (lanaldi osokoa) frogatzea.

Besteren konturako langileen kasuan:

Gizarte Segurantzaren Diruzaintza Nagusiaren edo Lan Mutualitatearen ziurtagiria (lan bizitzaren txostena), enpresa, lan kategoria (kotizazio taldea) eta kontratazioaldia jasotzen dituena.

Langile autonomoak:

Gizarte Segurantzaren Diruzaintza Nagusiaren ziurtagiria (lan bizitzaren txostena), autonomoen araubide berezian alta emanik egondako aldiak jasota.

Gutxienez 1. mailako profesionaltasun ziurtagiria baduela frogatzea.

Lan administrazioak emandako profesionaltasun ziurtagiriaren fotokopia.

Matematikako 2. mailako funtsezko konpetentziak dituela frogatzea.

Matematikako 2. mailako funtsezko konpetentziak dituela frogatzen duen ziurtagiriaren fotokopia.

Gaindituak izatea Hasierako Lanbide Kualifikazioko Programa bateko nahitaezko moduluak, DBHko graduatu titulua lortu gabe.

Ikasketen ziurtagiriaren fotokopia.

Gainditua izatea Oinarrizko Lanbide Heziketako ziklo bat, 2020-2021 ikasturtean edo aurrekoetan, baina DBHko graduatu titulua lortu gabe (Arte Plastikoetako eta Diseinuko erdi mailako zikloetan edo Kirol irakaskuntzetako zikloetan sartzeko).

Nafarroan lortu bada, ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Beste erkidego batean lortu bada, ikasketen ziurtagiriaren fotokopia.

Gainditua izatea Lanbide Lantegi bat, 2014-2015 ikasturtetik aurrera (hori barne).

Ikasketen ziurtagiriaren fotokopia.

2. Goi mailako zikloetan sartzeko probaren zatietarako salbuespenak.

Honako hauek dira goi mailako zikloetan sartzeko probaren zatietarako salbuespenak eta hori egiaztatzen duten agiriak:

ZATI KOMUNA EGITETIK
SALBUESTEA

FROGATU BEHARREKO BETEBEHARRA

AURKEZTU BEHARREKO DOKUMENTAZIOA

Modalitate hauetako zati komunetik salbuestea:

–Zientziak eta Ingeniaritza.

–Osasun Zientziak.

–Gizarte Zientziak.

–Giza Zientziak.

–Arteak.

Gainditua izatea aipatutako proba modalitateetako edozeinen zati komuna 2008. urtetik aurrera (hori barne) Nafarroako Foru Komunitatean antolatutako deialdiren batean.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Modalitate hauetako zati komunetik salbuestea:

–Giza Zientziak.

–Arteak.

Gainditua izatea goi mailako Arte irakaskuntzetan sartzeko heldutasun proba, Nafarroan, 2008. urtetik aurrera (hori barne).

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Modalitate hauetako zati komunetik salbuestea:

–Giza Zientziak.

–Arteak.

Hizkuntzako eta Atzerriko Hizkuntzako 3. mailako funtsezko konpetentziak dituela frogatzea.

Hizkuntzako eta Atzerriko Hizkuntzako 3. mailako funtsezko konpetentziak dituela frogatzen duen ziurtagiriaren fotokopia.

Modalitate hauetako zati komunetik salbuestea:

–Zientziak eta Ingeniaritza.

–Osasun Zientziak.

–Gizarte Zientziak.

Matematikako, Hizkuntzako eta Atzerriko Hizkuntzako 3. mailako funtsezko konpetentziak dituela frogatzea.

Matematikako, Hizkuntzako eta Atzerriko Hizkuntzako 3. mailako funtsezko konpetentziak dituela frogatzen duen ziurtagiriaren fotokopia.

Modalitate hauetako zati komunetik salbuestea:

–Zientziak eta Ingeniaritza.

–Osasun Zientziak.

–Gizarte Zientziak.

–Giza Zientziak.

–Arteak.

Gainditua izatea zati komuna, Nafarroan, goi mailan sartzeko ikastaroan.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

BERARIAZKO ZATIA EGITETIK SALBUESTEA

FROGATU BEHARREKO BETEBEHARRA

AURKEZTU BEHARREKO DOKUMENTAZIOA

Modalitate hauetako berariazko zatitik salbuestea:

–Zientziak eta Ingeniaritza.

–Osasun Zientziak.

–Gizarte Zientziak.

–Giza Zientziak.

–Arteak.

Gainditua izatea kasuan kasuko goi mailan sartzeko probaren berariazko zatia, dagokion modalitateko probarena, 2008. urtetik aurrera (urte hori barne) Nafarroako Foru Komunitatean antolatutako deialdiren batean.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Modalitate hauetako berariazko zatitik salbuestea:

–Zientziak eta Ingeniaritza.

–Osasun Zientziak.

–Gizarte Zientziak.

Gainditua izatea Nafarroan, goi mailan sartzeko ikastaroaren berariazko zatia, dagokion modalitatearena.

Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera.

Modalitate hauetako berariazko zatitik salbuestea:

–Osasun Zientziak.

–Gizarte Zientziak.

–Giza Zientziak.

Gorputz eta kirol jardueren lanbide arloko goi mailako ziklo bat egin behar duten goi mailako edo errendimendu handiko kirolarientzat.

Goi mailako eta errendimendu handiko kirolari izaera frogatzea, Goi Mailako eta Errendimendu Handiko Kirolariei buruzko uztailaren 13ko 971/2007 Errege Dekretuan ezarritakoarekin bat, edo Nafarroako Foru Komunitateko errendimenduko kirola eta goi mailako kirolarien zerrenda arautzen dituen otsailaren 22ko 9/2012 Foru Dekretuan ezarritakoaren arabera.

Goi mailako edo errendimendu handiko kirolari izaera frogatzen duen dokumentazioaren fotokopia.

Modalitate hauetako berariazko zatitik salbuestea:

–Osasun Zientziak.

–Gizarte Zientziak.

–Giza Zientziak.

Kirol teknikariaren titulu bat izatea.

Kirol teknikariaren tituluaren fotokopia.

Edozein proba modalitatetako berariazko zatitik salbuestea.

Teknikari laguntzailearen titulu bat izatea, urtarrilaren 25eko 4/2023 Ebazpenaren 2. eranskinean proba modalitate bakoitzerako adierazitako lanbide arloetako batekoa.

Teknikari laguntzailearen tituluaren fotokopia.

Edozein proba modalitatetako berariazko zatitik salbuestea.

2. mailako edo goragoko profesionaltasun ziurtagiri bat izatea, urtarrilaren 25eko 4/2023 Ebazpenaren 3. eranskinean proba modalitate bakoitzerako adierazitako lanbide arloetako batekoa.

Lan administrazio eskudunak emandako profesionaltasun ziurtagiriaren fotokopia, kualifikazio maila berariaz adierazten duena.

Edozein proba modalitatetako berariazko zatitik salbuestea.

Gutxienez bi urteko lan esperientzia (lanaldi osokoa) frogatzea, urtarrilaren 25eko 4/2023 Ebazpenaren 3. eranskinean proba modalitate bakoitzerako adierazitako lanbide arloetako batekoa.

Besteren konturako langileen kasuan:

–Gizarte Segurantzaren Diruzaintza Nagusiaren edo Lan Mutualitatearen ziurtagiria (lan bizitzaren txostena), enpresa, lan kategoria (kotizazio taldea) eta kontratazioaldia jasotzen dituena, eta

–Lantoki izandako enpresaren ziurtagiria, datu hauek agertzen dituena berariaz: kontratuaren iraupena, egindako lana eta noiz aritu den lan horretan.

Langile autonomoak:

–Gizarte Segurantzaren Diruzaintza Nagusiaren ziurtagiria (lan bizitzaren txostena), langile autonomoen araubide berezian kotizatutako aldia jasotzen duena, eta

–Ekonomia-jardueren gaineko zergan altan egondako aldiaren ziurtagiria.

Iragarkiaren kodea: F2305006