1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
632/2023 EBAZPENA, 2023ko martxoaren 28koa, Nafarroako Unibertsitate Publikoko errektoreak emana, unibertsitateko zenbait irakasle titular izendatzen dituena.
Ikusirik Nafarroako Unibertsitate Publikoko Irakasleen Gaietarako errektoreordeak 2022ko azaroaren 17ko Ebazpenaren bidez (2022ko azaroaren 29ko BOE) antolatutako unibertsitateko irakaskidegoetako lanpostuetarako sarbide lehiaketaren deialdia ebazteko izendatutako batzordeen proposamenak, eta proposatutako interesdunek egiaztaturik deialdiaren 11. oinarriko baldintzak.
Unibertsitateei buruzko 2001eko abenduaren 21eko 6/2001 Lege Organikoaren 65. artikuluak eta Nafarroako Unibertsitate Publikoaren Estatutuen 40. artikuluak ematen dizkidaten eskudantziez baliatuz,
EBAZTEN DUT:
Lehenbizikoa.–Honako hauek unibertsitateko irakasle titular izendatzea:
–Aneider Iza Erviti jauna, unibertsitateko irakasle titularra, 4664 zenbakidun lanpostukoa, Ingeles Filologia jakintza-arlokoa, Nafarroako Unibertsitate Publikoko Giza eta Hezkuntza Zientzien Sailekoa.
–Robinson Ramírez Vélez jauna, unibertsitateko irakasle titularra, 4530 zenbakidun lanpostukoa, Fisioterapia jakintza-arlokoa, Nafarroako Unibertsitate Publikoko Osasun Zientzien Sailekoa. Tuterako campusa.
–María Jesús Pumar Méndez andrea, unibertsitateko irakasle titularra, 4862 zenbakidun lanpostukoa, Erizaintza jakintza-arlokoa, Nafarroako Unibertsitate Publikoko Osasun Zientzien Sailekoa.
–Olga López de Dicastillo Sáinz de Murieta andrea, unibertsitateko irakasle titularra, 4384 zenbakidun lanpostukoa, Erizaintza jakintza-arlokoa, Nafarroako Unibertsitate Publikoko Osasun Zientzien Sailekoa.
Bigarrena.–Ebazpen hau Espainiako Aldizkari Ofizialean eta Nafarroako Aldizkari Ofizialean argitara dadila agintzea.
Hirugarrena.–Izendapenak interesdunak lanpostuaz jabetzen direnean hartuko du indarra, eta gehienez ere hogei eguneko epea egonen da horretarako, ebazpen hau "Estatuko Aldizkari Ofizialean" argitaratu eta biharamunetik kontatzen hasita.
Laugarrena.–Ebazpen honek administrazio bidea agortzen du, Unibertsitateei buruzko 2001eko abenduaren 21eko 6/2001 Lege Organikoaren 6.4 artikuluan ezarritakoaren arabera, eta haren kontra zilegi da berraztertzeko errekurtsoa jartzea errektoreari zuzendua, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenbiziko kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2023ko martxoaren 28an.–Errektorea, Ramón Gonzalo García.
Iragarkiaren kodea: F2305498
