2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Dirulaguntzetarako deialdia, krisialdi-egoeran egon edo oso egoera txarreko etxeetan, etxebizitza desegokietan eta beste zenbait egoeratan bizi diren familiei alokairuak ordaintzen laguntzeko 2023. urtean. Laburpena
DDBN (identif.): 668528.
Dirulaguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke. Dirulaguntzak (https://www.infosubvenciones.es/bdnstrans/GE/es/convocatoria/668528).
Iruñeko Udaleko Gizarte Zerbitzuetako, Komunitate Ekintzako eta Kiroleko zinegotzi ordezkariak 2022ko abenduaren 27an emandako ebazpen bidez, dirulaguntzen deialdi hau onetsi da:
–Dirulaguntzetarako deialdia, krisialdi-egoeran egon edo oso egoera txarreko etxeetan, etxebizitza desegokietan eta beste zenbait egoeratan bizi diren familiei alokairuak ordaintzen laguntzeko. Etxebizitzaren aldeko 2023ko programa.
- Administrazio deitzailea: Iruñeko Udala.
- Organo emailea: Gizarte Zerbitzuetako, Komunitate Ekintzako eta Kiroleko zinegotzi ordezkaria.
- Alor kudeatzailea: Gizarte Zerbitzuetako Alorra.
- Instrukzio-organoa: Dirulaguntza kudeatzen duen alorreko idazkaritza teknikoa.
- Deialdiaren xedea da ohiko etxebizitzaren alokairuaren parte bat ordaintzeko dirulaguntzak ematea, egoera hauetako batean dauden familia-unitateei:
- Krisialdi sozioekonomiko egoeran egotea, etxebizitza bat eskuratzeko edo hura mantentzeko zailtasunekin.
- Infraetxe edo etxebizitza desegoki batean bizitzea.
- Aterpe-premia dutenendako udal-etxebizitzen erabiltzaile izatea eta bertan egoteko gehienezko denbora agortu izana (3 urte).
Iruñean, 2023ko urtarrilaren 2an.–Zinegotzi ordezkaria, María Caballero Martínez.
Iragarkiaren kodea: L2300157
