2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ULTZANUETA ZERBITZUEN MANKOMUNITATEA
Desjabetzea eta ukitutako ondasun eta eskubideen zerrenda, Iraizozko eta Iraizotz urbanizazioko goi-hornidurako sarea berritzeko obren proiektuan. Hasierako onespena
Ultzanueta Zerbitzuen Mankomunitateko kideen batzarrak, 2022ko abenduaren 28an egin ohiko bilkuran, korporazioko kideen legezko kopuruaren gehiengo osoaren aldeko botoarekin, honako hau erabaki zuen:
Lehenengoa.–Onestea Ultzanueta Zerbitzuen Mankomunitatearen eta ukitutako jabeen (partikularrak/Iraizozko Kontzejua) artean sinatu beharreko "Adiskidetasunezko Hitzarmenak". Hitzarmen horietan zehazten da bakoitzari dagokion kalte-ordainen zenbatekoa, ukitutako ondasun eta eskubideengatik, Iraizozko eta Iraizotz urbanizazioko goi-hornidurako sarea berritzeko Mankomunitatearen obrak direla eta.
Beraz, erabaki da, halaber, Mankomunitateko burua berariaz ahalduntzea, sina ditzan hitzarmen horiek, bai eta xede horretarako behar den dokumentazio guztia ere, eta dagozkion diru-kopuruak ordain ditzan, behin hitzarmen horiek sinatuta daudenean.
Bigarrena.–Hasiera batez onestea "Iraizozko eta Iraizotz urbanizazioko goi-hornidurako sarea berritzeko" obrek ukitutako ondasun eta eskubideen zerrenda, eta desjabetze-espedientea abiaraztea.
Hirugarrena.–Aitortzea eta deklaratzea delako proiektuak ukitutako ondasun eta eskubideen onura publikoa eta okupatu beharra, onespenari loturik baitaude.
Laugarrena.–Ukitutako ondasun eta eskubideen zerrenda (erabaki honen eranskinean ageri dena) jendaurrean paratzea 15 egun baliodunean, interesdunek egokiak iruditzen zaizkien oharrak edo alegazioak egin ditzaten eta zerrendan argitaratutako okerrak zuzentzeko behar diren datuak ekar ditzaten, idatziz; horretarako, Ultzanueta Zerbitzuen Mankomunitatearen egoitzan, Erripako (Odieta) San Sebastian kaleko 107. zenbakian (31799), eskura izanen dute dokumentazio teknikoa (Eunate Compañía de Ingeniería SL ingeniaritza estudioak egindako proiektu teknikoa, 2022ko irailekoa).
Bosgarrena.–Argitaratzea erabaki hau eta aipatu eranskina, bertan jaso baita ukituriko ondasun eta eskubideen zerrenda, Nafarroako Aldizkari Ofizialean, Foru Komunitateko egunkari batean, Mankomunitatearen iragarki-taulan eta Ultzamako, Anueko eta Odietako udalen iragarki-tauletan, bai eta bidezko jotzen diren gainerako publizitate bitartekoetan ere.
Jendaurreko epea iragan denez espedientearen aurkako alegaziorik aurkeztu edo jaso gabe, Ultzanuetako Zerbitzuen Mankomunitateko kideen batzarrak, 2023ko martxoaren 28an egin bilkuran, Mankomunitateko Batzarreko kideen legezko kopuruaren gehiengo osoaren aldeko botoa izanik, honako hau onetsi zuen:
Lehenengoa.–Behin betiko onestea "Iraizozko eta Iraizotz urbanizazioko goi-hornidurako sarea berritzeko" lanen proiektua, baita horrek ukitutako ondasunen eta eskubideen zerrenda ere. Onespenak berekin dakar erabilera publikoko deklarazioa eta lurrak okupatu beharra.
Bigarrena.–Organo eskuduna denez, Nafarroako Gobernuari eskatzea presazkoa deklara dezala aipatutako proiektuak ukitutako ondasun eta eskubideen okupazioa, Nahitaezko Desjabetzeari buruzko Legearen 52. artikuluan eta hurrengoetan aurreikusitako ondorioetarako. Izan ere, beharrezkoa da obrak ahalik eta arinen egitea, horien mende dagoelako Ultzanuetako Zerbitzuen Mankomunitatetik zenbait herriri edateko uraren hornidura zerbitzua eman ahal izatea, arazo larriak baitituzte giza kontsumorako uraren kantitate eta kalitatearen aldetik.
Hirugarrena.–Behar den kreditu kopurua atxikitzea, ordaindu ahal izateko ukitutako ondasun eta eskubideen balio justua eta desjabetze prozeduraren ondorio diren gainerako obligazio ekonomikoak.
Laugarrena.–Erabaki hau argitaratzea Ultzanueta Zerbitzuen Mankomunitateko eta hura osatzen duten udalen iragarki-tauletan eta Nafarroako Aldizkari Ofizialean, eta haren laburpena, berriz, Nafarroako Foru Komunitatean gehien zabaltzen diren egunkarietako batean.
Erripan (Odieta), 2023ko martxoaren 29an.–Mankomunitateko burua, Martín M.ª Picabea Aguirre.
IRAIZOZKO ETA IRAIZOTZ URBANIZAZIOKO GOI-HORNIDURAKO SAREA BERRITZEKO OBREK UKITUTAKO ONDASUN ETA ESKUBIDEAK
UDALERRIA | ESPEDIENTEAREN KODEA | KONTZEJUA | JABEAK | LURZATIA ETA POLIGONOA | LABORE MOTA | ZORTASUNAREN AZALERA | ZORTASUNAREN PREZIOA | BEHIN BETIKO OKUPATUKO DEN AZALERA | BEHIN BETIKO OKUPAZIOAREN PREZIOA | ALDI BATERAKO OKUPATUKO DEN AZALERA | ALDI BATERAKO OKUPAZIOAREN PREZIOA |
Ultzama | IRAI-1 | IRAIZOTZ | Satrústegui Narvaez, Agustín | 46A-12 | Lehorreko lurra. | 147,75 | 4,13 euro/m² | 000,00 | 4,59 euro/m² | 603,66 | 0,3 euro/m² |
Ultzama | IRAI-2 | IRAIZOTZ | Villabona Irigoyen, M.ª Soledad | 45-12 | Lehorreko lurra | 60,00 | 4,13 euro/m² | 000,00 | 4,59 euro/m² | 463,26 | 0,3 euro/m² |
Ultzama | IRAI-3 | IRAIZOTZ | Amati urbanizazioko jabeen erkidegoa | 399-12 | Hiri-lurra | 122,25 | 4,13 euro/m² | 000,00 | 4,59 euro/m² | 676,89 | 0,3 euro/m² |
Ultzama | IRAI-4 | IRAIZOTZ | Iraizozko Kontzejuaren herri-lurra | 111-12 | Lehorreko lurra | 0,00 | 4,13 euro/m² | 352,30 | 4,59 euro/m² | 000,00 | 0,3 euro/m² |
Iragarkiaren kodea: L2305180
