Iragarkia

75. ALDIZKARIA - 2023ko apirilaren 13a

1. NAFARROAKO FORU KOMUNITATEA

1.7. BESTELAKOAK

12/2023 EBAZPENA, martxoaren 13koa, Garraioen Ikuskapen, Kudeaketa eta Antolamenduaren eta Mugikortasunaren Zerbitzuko zuzendariak emana, errepideko garraiorako ibilgailu mota zenbaiten gidarien hasierako kualifikazioa frogatzen duen gaitasun profesionalaren agiria lortzeko probak gainditu dituzten izangaien zerrenda onesten duena. Probak 2023ko otsailaren 24an egin ziren.

Garraioen Ikuskapen, Kudeaketa eta Antolamenduaren eta Mugikortasunaren Zerbitzuko zuzendariak urriaren 27an emandako 16/2022 Ebazpenaren bidez, deialdi bat onetsi zen salgaien edo bidaiarien errepideko garraiorako ibilgailu mota zenbaiten gidarien hasierako kualifikazioa frogatzen duen gaitasun profesionalaren agiria lortzeko probetan parte hartzeko, zehazki, 2023. urtean Nafarroako Foru Komunitatean egin behar zirenetan. Ebazpen hori 2022ko 234. Nafarroako Aldizkari Ofizialean argitaratu zen, azaroaren 24koan.

Horretarako izendatutako epaimahaiak 2023ko otsailaren 24an egindako probak gainditu dituzten izangaien zerrenda aurkeztu du.

Horrenbestez, Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuaren bigarren xedapen gehigarriaren 5. apartatuak eta Errepideko garraiorako ibilgailu mota zenbaiten gidarien hasierako kualifikazioa eta etengabeko prestakuntza arautu zituen apirilaren 20ko 284/2021 Errege Dekretuaren 17. artikuluak ematen dizkidaten eskumenak erabiliz,

EBAZTEN DUT:

1. Ebazpen honen eranskinean ageri den izangaien zerrenda onestea. Zerrenda horretan ageri dira gidarien hasierako kualifikazioa frogatzen duen gaitasun profesionalaren agiria eskuratu duten izangaiak, 2023ko otsailaren 24an egindako probak gainditu dituztelako.

2. Garraioen Ikuskapen, Kudeaketa eta Antolamenduaren eta Mugikortasunaren Zerbitzuko Kudeaketa Atalari agintzea Garraioko Enpresen eta Jardueren Erregistroan inskriba ditzala probak gainditu dituzten izangaien hasierako kualifikazioa frogatzen duen gaitasun profesionalaren agiriak, eta, orobat, eman ditzala gaitasun txartel horiek.

3. Ebazpen hau Garraioen Ikuskapen, Kudeaketa eta Antolamenduaren eta Mugikortasunaren Zerbitzuko Kudeaketa Atalari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.

4. Ebazpen honek ez du administrazio bidea amaitzen, eta haren aurka interesdunek gora jotzeko errekurtsoa jar dezakete, Garraioen eta Mugikortasun Jasangarriaren zuzendari nagusiari zuzendua, hilabeteko epean, Nafarroako Aldizkari Ofizialean argitaratu eta biharamunetik aitzina.

Iruñean, 2023ko martxoaren 13an.–Garraioen Ikuskapen, Kudeaketa eta Antolamenduaren eta Mugikortasunaren Zerbitzuko zuzendaria, Santiago Alemán Carrica.

ERANSKINA

Gidarien hasierako kualifikazioa frogatzen duen gaitasun profesionalaren agiria (GPA) lortzeko 2023ko otsailaren 24an egindako azterketa gainditu dutenen zerrenda

Iragarkiaren kodea: F2304632