2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
LODOSA
Gora jotzeko 23-00300 errekurtsoa, deialdi honen onespenaren aurkakoa: deialdia, aldi baterako enplegua egonkortzeko eta finkatzeko prozesu bereziari dagozkion lanpostu hutsak merezimendu-lehiaketa bidez betetzeko
Nafarroako Administrazio Auzitegiaren 2023ko martxoaren 6ko probidentzia baten bidez, udal honi helarazi zitzaion gora jotzeko 23-00300 errekurtsoa, Ángela Irisarri Ruízek jarria Lodosako Udaleko alkatearen 2022ko abenduaren 13ko 233/2022 Dekretuaren aurka, zeina argitaratu baitzen 2022ko 263. Nafarroako Aldizkari Ofizialean abenduaren 30ean, eta deialdi hau onesteari buruzkoa baitzen: deialdia, aldi baterako enplegua egonkortzeko eta finkatzeko prozesu bereziari dagozkion lanpostu hutsak merezimendu-lehiaketa bidez betetzeko. Errekurtso horretan, hain zuzen, aipatutako ebazpena deuseztatzea eskatzen da.
Epatzen dira interesdun diren pertsonak edo entitateak, hamar egun balioduneko epean, iragarki hau argitaratzen denetik zenbatzen hasita, Nafarroako Administrazio Auzitegira ager daitezen interesdun gisa (Iruñeko Iturrama kalea, 10). Hori guztia, bat etorriz urriaren 18ko 279/1990 Foru Dekretuaren 12.2 artikuluan ezarritakoarekin (foru dekretu horren bidez onetsi zen Nafarroako Toki Administrazioari buruzko uztailaren 2ko 6/1990 Foru Legea toki erakundeen egintza eta erabakiak aurkaratzeari dagokionez garatzen duen Erregelamendua), artikulu horri maiatzaren 24ko 173/1999 Foru Dekretuak eman zion idazketan.
Aditzera ematen da, orok jakin dezan.
Lodosan, 2023ko martxoaren 16an.–Alkatea, Lourdes San Miguel Rojo.
Iragarkiaren kodea: L2304524
