2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ORRIOKO KONTZEJUA
Enkante publikoa, herri-ondareko abeltzaintzako nabea
Orrioko Kontzejuak 2023ko martxoaren 23ko ohiko bilkuran erabakitakoa bete beharrez, herritarren arteko zuzeneko aprobetxamendurako eskabiderik aurkeztu ez denez, eta 111. lurzatian dagoen herri-ondareko abeltzaintzako nabearen adjudikazioa sobera geratu denez, enkante publikoa eginen da lurzati hori adjudikatzeko, 2023ko maiatzaren 5ean, 10:00etan, Orrioko Kontzejuaren egoitzan (San Juan kalea z.g.).
Adjudikaziodunak baldintzak bete eta beharrezko dokumentazioa aurkeztu beharko du, Orrioko Kontzejuko herri-lurretako aprobetxamenduak arautzen dituen ordenantzan oinarrituz.
Enkante publikoaren kasuan, baldintza-agiria Orrioko Kontzejuko Idazkaritzan dago, herritarren eskura, kontsulta dezaten. Enkantea irekia da, eta edozein interesdunek har dezake parte.
Hasierako prezioa: 400 euro + BEZa.
Orrion, 2023ko martxoaren 23an.–Kontzejuko burua, Judith Zalba Oteiza.
Iragarkiaren kodea: L2304928