3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
2022-S-571. Corellan saneamendu obrak egiteko baimen-eskaera
Moncayoko Ur Mankomunitateak honako datu eta ezaugarri hauek dituen baimena eskatu du:
Ezaugarriak:
Eskatzailea: Moncayoko Ur Mankomunitatea.
Xedea: Corellako saneamendu lanetarako eta HUA birmoldatzeko lanetarako baimena ematea eta hondakin uren isurketarako baimena berrikustea.
Ur-ibilgua: Alhama ibaia.
Isurketa eginen den udal-mugartea: Corella (Nafarroa).
Obra horien bidez, bakterio-ohantzearen bidezko egungo araztegia IFAS sistema bihurtuko da. Horretarako, egungo bakterio-ohantzea instalazio berrian erabiliko da IFAS sistema indartzeko, eta zeregin nagusia nitrifikatzea izanen da, "Corellako HUA birmoldatzea" izeneko dokumentuaren arabera (2022ko ekainean erredaktatua). Biztanleriaren isuriak, urtean 800.000 m³ gehienez, ur gordinen putzuaren bidez (ponpaketa), bahe bidezko arbastatzearen bidez, lehen mailako dekantazioaren bidez, hormigoi armatuzko erreaktore biologiko berriaren bidez eta bigarren mailako dekantazioaren bidez tratatuko dira. Fintzeko eta isurketa kontrolatzeko hiru azken aintzira eraikiko dira.
Aditzera ematen da orok jakin dezan eta aipatu eskaerak kalte egiten diela uste dutenek erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, eskaera eta espedientearen dokumentazio teknikoa ikusgai egonen dira arro-erakunde honen web-orrian, esteka honetan: https://iber.chebro.es/webche/ipCriterios.aspx. Halaber, epe horren barruan eskuragarri egonen dira, kontsultatzeko, Konfederazioaren egoitzan (Sagasta pasealekua 26-28, Zaragoza), bulego orduetan, 976711000 telefonoan aldez aurretik hitzordua eskatuz gero.
Zaragozan, 2023ko otsailaren 22an.–Komisario albokoa, Javier San Román Saldaña.
Iragarkiaren kodea: E2304120
